♥♡♥ تجمع لجميـع مواليـــد 2014 حيــــــاكمـ ♥♡♥

[لوولوو_88]

رد: تجمع مواليد أكتوبر 2014 بإذن الله

♡♡♡ لستة تجمع كروشات أكتوبر ♡♡♡


1- كلي هداوه .. 3/10 .. ( بنت )


2- TINA .. 5/10 .. ( بنت )
3- fg60 فوفو .. 5/10 ..


4- لوولوو_88 .. 7/10 .. ( ولد )
5- امورته .. 7/10 .. ( بنت )
6- حكاية قلب .. 7/10 .. ( بنت )


7- ككوته.. 9/10 .. ( بنت )
8- دلال الكويت .. 9/10 .. ( ولد )


9- HOPE91 .. 10/10 .. ( ولد )
10- سارونه .. 10/10 .. ( بنت )


11- اهذريبك .. 14/10 .. ( ولد )


12- باربي شمر 87 .. 20/10 .. ( ولد )
13- الطربوش .. 20/10 .. ( ولد )


14- مهابه .. 21/10 .. ( بنت )
15- bulbul3001 .. 21/10 .. ( بنت )


16- أم نجلاء .. 22/10 .. ( بنت )


17- ^^ أم الزين ^^ .. 25/10 .. ( ولد )
18- ورده سورية .. 25/10 .. ( بنت )
19- سمراء كالخمري .. 25/10 .. ( ولد )
20- حمووشه المطيري .. 25/10 .. ( ولد )


21- بدون بس مغتربه .. 26/10 .. ( ولد )


22- الفوز حلو .. 28/10 .. ( ولد )
23- أم ناصر 2009 .. 28/10 .. ( بنت )


24- تولة مسك 030 .. 29/10 .. ( ولد )
25- BarBya .. 29/10 .. ( ولد )
26- انتيكا .. 29/10 ..


27- بطبعي رقيقة .. 30/10 .. ( ولد )


28- QA6RYA .. 31/10 .. ( ولد )



♡♡♡♡♡♡♡♡♡♡♡♡♡♡♡



و الي تولد تبلغنا ..
ربي يسهل علينا انشالله و يرزقنا الولاده السهلة و الميسرة يا رب و تقر عيونا ابيبياتنا و اهما بصحة وعافية اللهم آمين ♡

 

[لوولوو_88]

رد: تجمع مواليد أكتوبر 2014 بإذن الله

انشالله حبيبتي بطبعي رقيقة بسوي لستة ولادات بإذن الله .. لاني مسكت لستتة ولادات سبتمبر و بجريات ..

و اللقنزات عندج فاشن مل و ماكس و النصار ..

 

[سمراء كالخمري]

رد: تجمع مواليد أكتوبر 2014 بإذن الله

لليقنزات من فاشن مل شكثررر وسنتر بوينت وعندج المعلم حق نفاس رخاااص وسايزااات كرفيههم كرف بنفاسج



انا صايره اتعب وايد ظهري مقصوووص قص وتحت العضمه تعورني حيييل حتن خياطي مال ولادتي قبل ياربي جد تعبت يعووور بس متحمله مااشكي حق احد الا امي مسكينه لوعت جبدها بالشكاوي يارب هووون عليهااا الام الولاده ويسررها فوق هالثقل تعب ولاده ونفاس اخ ياقلبي :eh_s(11): انهلكت

 

[ككوته]

رد: تجمع مواليد أكتوبر 2014 بإذن الله

بنات اشلونكم ان شاءالله بخير
انا الثقل هد حيلي ماقدر امشي بالغصب
ذاك اليوم مسكني عوااااااار بخاصرتي ورحت دار الشفا قالولي يمكن من التعب والبيبي متكوود صوب الكلى والضغط كله صاير صوب الخاصره مت من عوار والحمدالله على كل حال

 

[حمووشه المطيري]

رد: تجمع مواليد أكتوبر 2014 بإذن الله

بنات الحكوومه تتوقعون يعطوون ابره ظهرر

ﻻني صج خايفه وجسمي ضعيف ما يتحمل الالم طمووحه حمستني بالابره

مابي شي بس ان ابي شي يخف العوار لاني متوقعه ان يكون الم الطلق قووي

باقي لي اسبوع باذن الله وادخل التاسع متحمسه وخايفه بنفس الوقت وتبون الصراحه مو مستوعبه اني راح اكون ام وعندي بيبي سبحان الله شعور غريب ان شاء الله اجربه انا وكل بنت


وعن اللقنزات ماانصحكم فيها لانه راح تعرقين منهم وتحسين انهم يغمتون ماحبهم لما البسهم بالدوره انا افضل البجامه العاديه من داخل قطن وتكون مريحه اشتريها وقت الشتاء صراحه مريحات

 

[طموحه بزياده]

رد: تجمع مواليد أكتوبر 2014 بإذن الله

اي الحكومة يعطون ابرة ظهر وابلاااااااش بعد


الحكومة ماتقصر كل شي متوفر بس مشكلتهم نظافة الحمامات طبعا اتكلم عن العدان

 

[قلب زوجي وولدي]

رد: تجمع مواليد أكتوبر 2014 بإذن الله

السلام عليكم


الحمدالله بنات انا ولدت امس الثلاثاء المغرب

وربي لك الحمد الولاده كانت سهله وما حسيت بشي

الحمدالله

 

[الطربوش]

رد: تجمع مواليد أكتوبر 2014 بإذن الله

قلب زوجي وولدي
الف الف حمدالله على سلامتج وسلامة البيبي
ومبرووووووگ ماجاگ

 

[R o o s h]

رد: مواليد شهر سبتمبر 9 لعام 2014..حياكم الله اللي حللوا☆★☆

ابشركم ولدت تاريخ ١٥/٩
الحمد لله يا رب
يبت ولد و طبيعي اللهم لك الحمد والشكر

 

[فيلسوفة تتفلسف]

رد: مواليد شهر سبتمبر 9 لعام 2014..حياكم الله اللي حللوا☆★☆

الحمدلله ولدت بتاريخ ٩/١٥ مع روشا الساعه ١٠ الصبح

كنت تعبانه مادري عن اي شي اليوم ارتحت شوي وقلت ابشركم

الحمدلله كانت ولادتي صعبه ومتعبه الله لايوريها حق احد ولدت بعمليه من بعد طلق يومين ومفتوحه ٩ سانتي بس نبض البيبي تعب وولدوني عمليه
مابي اذكر قصتي لاني قاعد احاول انسى والله امس بليل حلمت بالولاده وقعدت اقول حق امي انا خايفه من الولاده قالتلي حبيبتي شفيج انتي ولدتي الحمدلله

الحمدلله كل باجره

 

[سمراء كالخمري]

رد: تجمع مواليد أكتوبر 2014 بإذن الله

الف الف مبروك قلب زووجي وولدي

جنه بلش الصج و الفال للباجي

 

[قلب زوجي وولدي]

رد: تجمع مواليد أكتوبر 2014 بإذن الله

الله يسلمكم حبايبي


الفال لكم يارب


عسي ربي يعطيكم ولاده سهله وما تحسون بشي

 

[وردة سورية]

رد: تجمع مواليد أكتوبر 2014 بإذن الله

ماشاء الله الحمدلله على السلامة قلب زوجي
الف مبروك مبارك ماجاج يتربى بعزكم ودلالكم عقبالنا يارررب

 

[أم عزوزي الغالي]

رد: تجمع مواليد أكتوبر 2014 بإذن الله

الف الف مبرووووك قلب زوجي والحمدالله على سلامتج

 

[أم عزوزي الغالي]

رد: تجمع مواليد أكتوبر 2014 بإذن الله

بنات ابي اشتري كفر للاستقبالي ابي شي ناعم لفيت كذا محل ماعجبني شي


فيدوني

 

[souhaila]

رد: مواليد شهر سبتمبر 9 لعام 2014..حياكم الله اللي حللوا☆★☆

البارحة كنت عند دكتوري وسعني 2سم وكتبلي دخول
بس انا وقعت و اخرجت لانه بنتي كانت مريضة محمومة فوق الاربعين وجاها استفراغ اعزكم الله وانا بغربة و ما عندي احد يمسكها وهي مريضة و زوجي ماحصل عطلة من شغله
اسالكم بنات اذا عادي اني مفتوحة 2سم واظل بالبيت اراعي بنتي وبعدين ادخل المستشفى في الويكاند لاولد
ولا فيه خطر علي وعلى البيبي
مع العلم اخر يوم لي 20 سبتمبر يوم السبت الجاي
سبحان الله استعجلت الولادة
ولما اجت
بطلت ما ودي اولد عشان بنتي مريضة

 

[لوولوو_88]

رد: مواليد شهر سبتمبر 9 لعام 2014..حياكم الله اللي حللوا☆★☆

مبروووك روووش الحمدلله على سلامتج و ربي يجعل وليدج من الذرية الصالحه يا رب ♡

يا عمري يا فيلسوفه كله بأجره انشالله الحمدلله على سلامتج و سلامة بيبيج ربي يجعله من الذريه الصالحه ♡

سهيلة اتوقع عادي 2 سانتي وايد بنات كانو 2 و طلعو بس أهم شي ما في عوار ولا ينزل شي منج خلج متابعه و سلامه بنوتج ..

 

[لوولوو_88]

رد: مواليد شهر سبتمبر 9 لعام 2014..حياكم الله اللي حللوا☆★☆

ولادات تجمع سبتمبر ..

حسايف .. ( توأم )

Beealh .. ( ولد )

طموحه بزيادة .. ( بنت )

Ga6waah83 .. ( ولد )

روان_الكويت .. ( بنت )

The note book .. ( ولد )

Hamba .. ( ولد )

New_bride .. ( ولد )

أشواق .. ( بنت )

SARA .. ( ولد )

mi corazon .. ( ولد )

munani .. ( ولد )

Lady85 .. ( ولد )

الاوركيد .. ( ولد )

شيخه كويتية .. ( ولد )

غروبك .. ( بنت )

همس اشواقي ..

Roosh .. ( ولد )

فيلسوفه تتفلسف ..



الحمدلله على سلامتكم و ربي يجعلهم من الذريه الصالحه و يرزقكم برهم اللهم آمين ♡


الفال للبقيه يالله همتكم الله يسهل عليكم يا رب ♡

 

[اهذريبك~]

رد: تجمع مواليد أكتوبر 2014 بإذن الله

الحمد لله عالسلامة قلب و مبرووووووك البيبي

يالله بدا الجد الله يستر و يعين

اكتبي لنا القصه بالتفصيل

 

[لوولوو_88]

رد: تجمع مواليد أكتوبر 2014 بإذن الله

الف مبرووووووووك قلب زوجي الحمدلله على سلامتج حبيبتي و سلامة وليدج ربي يجعله من الذريه الصالحه ♡