♥♡♥ تجمع لجميـع مواليـــد 2014 حيــــــاكمـ ♥♡♥

[أمورته]

رد: تجمع مواليد أكتوبر 2014 بإذن الله

الله يسهل علينا وعليج يارب قلب زوجي وتبشرينا بولادتج قريباً



بنات منو تعرف طريقه تنزل راس البيبي للحوض غير المشي اقدر اسويه ?

 

[أمورته]

رد: مواليد شهر سبتمبر 9 لعام 2014..حياكم الله اللي حللوا☆★☆

الله يسهلها علي وعليكم يارب

 

[لوولوو_88]

رد: تجمع مواليد أكتوبر 2014 بإذن الله

ما ينزله إلا المشي و القرفصاء الي اهي قعدت حمام العربي و انتي بكرامة و أسفه على التشبيه

 

[قلب زوجي وولدي]

رد: تجمع مواليد أكتوبر 2014 بإذن الله

طهر علي حسب من ايد لي ايد تفرق

بس بشكل عام مو العوار للي خلاص الوحده بتموت

أما للي تطلب تحريض والدكتور يوسعها يعور

لولو اي بتحسين بطلعة راس البيبي بس ما يعور لانج متخدره

أمورته كثري مشي وينزل الحوض وفي بنات ما ينزل الا وقت الطلق او الولاده

 

[اهذريبك~]

رد: تجمع مواليد أكتوبر 2014 بإذن الله

بنات ترا القرفصاء تختلف عن قعده الحمام العربي شفتها باليوتيوب

اخاف من الحمام العربي يقفص الجاهل و يختنق

 

[أمورته]

رد: تجمع مواليد أكتوبر 2014 بإذن الله

يزاكم الله خير ع الرد لولو وقلب زوجي واهذريبك

المشكله انا بعد احس لا قعدت بقرفصاء البيبي يختنق

والمشي حيل متعب صار الحين بس عسى ربي يسهل علينا يارب ويرزقنا ولادة طبيعيه سهله ميسرة

 

[لوولوو_88]

رد: تجمع مواليد أكتوبر 2014 بإذن الله

اي أهي لازم فارده ظهرج ما تقطين ثقل ظهرج على بطنج بس تشبيه مقارب .. انا بلشت اسويها بس احس بينبط الماي فجأة هههههه مع المشي .. و الله يسهل علينا

 

[أمورته]

رد: تجمع مواليد أكتوبر 2014 بإذن الله

حلو

زين تسووين لولو

انا اسويها بس قليل مادري صح او غلط يعني حدي خمس مرات ههههه >ذابحه عمري

متى موعدج الياي لولو ?
انا تنزل علي افرازات وايد بدون ريحه بس قلت لدكتورتي عطتني تحاميل لمده ثلاث. ايام من غير ماتاخذ مسحه استغربت بس لان انا بكثرة صراحه

 

[لوولوو_88]

رد: تجمع مواليد أكتوبر 2014 بإذن الله

موعدي الاربعا مع فحص و مسحة و تقيس حوضي باذن الله .. الافرازات نفسها من حملت بس مع المشي تصير كانها ماي بس نتفه .. ف عادي تعودت

 

[وردة سورية]

رد: تجمع مواليد أكتوبر 2014 بإذن الله

صباحكم سعادة

ربي يسهل ولادتك قلب زوجي ويقر عينك بجنينك سالم معافى كامل الخلق والخلقة

انا رحت سويت السونار التفصيلي بس احسها ماقاست اعضاء البيبي عدل ياربي اقل من عشر دقايق مدة السونار وانا سمعت من البنات انه تقريبا يسونه مدته من ربع لي ثلث ساعة

وماشفت وجه البيبي بس قاست الراس وماقدرت اتقيس الرجول عدل عشان الرجول بالحوض نازله

احسها مستعجله عشان كنت اخر وحدة حتى عطتني التقرير وللحين دكتورتي ماشافته

على اساس اليوم تطلع نتيجة المسحة وتحليل البول اعزكم الله يارب مايكون فيني التهاب

ودي اجرب القرفصاء بس احس مااقدر رجولي ماتحملني هههههه احس ركبي تصير ترجف مادري ليه مع اني مو لهدرجة زايدة بس انا من قبل الحمل وركبي جذي لو قرفصت مادري شلون رجولي ترجف مااتحمل والمشي مااقدر امشي كثيير لان البيبي الراس فوق شكلي بولد قيصري الله يستر

 

[لوولوو_88]

رد: مواليد شهر سبتمبر 9 لعام 2014..حياكم الله اللي حللوا☆★☆

ابشركم شيخه كويتية ولدت الف مبروووووووك حبيبتي و الحمدلله على سلامتج و سلامه بيبيج ربي يجعله من الذرية الصالحة يا رب ♡

 

[لوولوو_88]

رد: مواليد شهر سبتمبر 9 لعام 2014..حياكم الله اللي حللوا☆★☆

ولادات تجمع سبتمبر ..

حسايف .. ( توأم )

Beealh .. ( ولد )

طموحه بزيادة .. ( بنت )

Ga6waah83 .. ( ولد )

روان_الكويت .. ( بنت )

The note book .. ( ولد )

Hamba .. ( ولد )

New_bride .. ( ولد )

أشواق .. ( بنت )

SARA .. ( ولد )

mi corazon .. ( ولد )

munani .. ( ولد )

Lady85 .. ( ولد )

الاوركيد .. ( ولد )

شيخه كويتية .. ( ولد )

الحمدلله على سلامتكم و ربي يجعلهم من الذريه الصالحه و يرزقكم برهم اللهم آمين ♡


الفال للبقيه يالله همتكم الله يسهل عليكم يا رب ♡

 

[اهذريبك~]

رد: تجمع مواليد أكتوبر 2014 بإذن الله

الله يسهل علينا يارب

اليوم قمت على شد بمنطقة الساق من ورا الركبه يعووور حييييل

لولو انا بعد معاي افرازات بس ملاحظة لونها تغير ان شاء الله عالموعد الجاي اقولها تعطيني تحاميل
قلب زوجي عسى الله يسهل عليج انتي بوجه المدفع
ورده انتي للحين ماخلصتي الثامن قولي للدكتورة في مجال اذا بتلفين البيبي والا لا ؟؟

 

[souhaila]

رد: مواليد شهر سبتمبر 9 لعام 2014..حياكم الله اللي حللوا☆★☆

الف مبروك شيخة
الحمد الله على سلامتك و سلامة البيبي:eh_s(17):
ظليت انا و فيلسوفة نتفلسف
الظاهر راح نغلق التجمع
ادعولنا بنات تتسهل ولادتنا و يتنازل الرحم و يفتح
والله خايفة كانه اول مرة اولد:eh_s(2):
اللهم لا سهل الا ما جعلته سهلا وانت تجعل الحزن ان شئت سهلا

 

[فيلسوفة تتفلسف]

رد: مواليد شهر سبتمبر 9 لعام 2014..حياكم الله اللي حللوا☆★☆

الف مبروك شيخه والحمدلله ع سلامتج

الله يسهل عليج سهيله

انا امس رحت المستشفى قالت مفتوحه واحد سانتي تعالي باجر الصبح بس مارحت خايفه مابي يعذبوني بنطر لما احس بالم او ينزل شي شربت كف مويم ودارسين ومشيت بالممشى ساعه وسبحت بماي حار بس هدووء مااحس باي شي الحين اللي عندهم خبره بسألكم عادي انطر لما احس بشي يلا اروح ولا في ضرر وعادي مفتوحه واحد سانتي وتطول يعتي تظل جم يوم يلا تحس بالم احس بحركة الياهل طبيعيه الحمدلله بس امي تحن الا تروحين وانا خايفه اروح ويحطولي طلق صناعي ويعذبوني شوروا علي

 

[لوولوو_88]

رد: مواليد شهر سبتمبر 9 لعام 2014..حياكم الله اللي حللوا☆★☆

فيلسوفه حبيبتي استخيري و روحي .. في بجريات ما اييهم طلق .. و مو زين على البيبي مدة طويلة راح يوصخ و يشرب من ماي البطن .. ف استخيري و شوفي شتحسين و توكلي على الله ..

 

[مذهلة2013]

رد: مواليد شهر سبتمبر 9 لعام 2014..حياكم الله اللي حللوا☆★☆

ماشاءالله الف مبروك الولادة لاغلب بنات سبتمبر

عقبال الكل

فيلسوفه
انا ولدت بالاسبوع 40 فجاه نزل الماي
موشرط عوار انا رايحه المستشفى بدون عوار
وحاولي تمشين والجماع اهم شيء بعد
وبعدي عن الخروع حييييييييل مو زين
يهييج الرحم على الفاضي ويتعب البيبي اذا كان الرحم مسكر
ربي يسهل عليج

 

[مـهـــابــــه]

رد: تجمع مواليد أكتوبر 2014 بإذن الله

الدعاية اللي تطلع مالت الكباب مليييييييقه بشكل احد عنده فكرة شلون اشيلها ؟!

و انا بعد الافرازات زايده معاي لون ابيض و ثقيل

الاسبوع الجاي ادش التاسع الله يسهل علينا و عليكم يارب

موعدي الاثنين يارب يكون راسها قالب تحت .. قالوا لي عن اللفه اذا مو قالبه بس احس خايفه اغامر مع ان في دكاترة شطار و يسوونها بسهولة مادري مابي افكر بشي الله يسهل مني لي الموعد

 

[لوولوو_88]

رد: تجمع مواليد أكتوبر 2014 بإذن الله

ههههه مهابه ما تنشال ابشرج تنرفز الا تطلع بويهج .. عاد كباب حق القثى .. ربي يزيد النعمه شي محد يشتهيييه

 

[وردة سورية]

رد: تجمع مواليد أكتوبر 2014 بإذن الله

لا يمااا اخاف من قصة لف البيبي فيها مجازفة احس على البيبي الله يكتبلنا الي فيه الخير