♥♡♥ تجمع لجميـع مواليـــد 2014 حيــــــاكمـ ♥♡♥

[munani]

رد: مواليد شهر سبتمبر 9 لعام 2014..حياكم الله اللي حللوا☆★☆

بنات اليوم رحت موعدي وقالي الياهل حجمه كبير وبما اني قيصيريه من قبل فقالي جرحج راح يفتح اذا ماولدتي هالثلاث ايام وعطاني موعد الاربعا اذا ماولدت اولد قيصريه… فانتو اشرايكم وطبعا رحت دكتور ثاني وتأكدت ان حجم الطفل كبير وماينفع طبيعي لان عندي الرحم للحين 2سم مو فاتح اكثر من قبل اسبوع وانا جذيه وقالي عنق الرحم طويل ويابس والياهل بعده مانزل بعنق الرحم

اشرايكم شورووو علي اروح له الاربعا والا اطنش
اخاف اطنش صج يفتح الجرح لان رفيجتي صار فيها نفس الشي

 

[حكآية قلب]

رد: تجمع مواليد أكتوبر 2014 بإذن الله

ماصبغوووو اصلاااا اغراضنا حاطينهم بالنص !!


قلنا مايمدي الظاهر كنسلووو

لان صج مايمدي ..


بس شنو يشيل القش و الاغراض

 

[انتيكا]

رد: تجمع مواليد أكتوبر 2014 بإذن الله

شلونكم بنات اعذروني مادش التجمع وايد مسافره ان شاء الله برد الاسبوع الياي
شلونكم شخباركم

مبروووك للبنات اللي دشوا التاسع هانت مابقى شي الله يهون عليكم

انا ناطره التاسع على نار ابي اولد

صج بنات اقروا عن خلطه الحليب لتسهيل الولاده انا اول طول التاسع جربت كل شي مافاد اخر شهري عقب ماتميته شربتها لما قمت من النوم نزلت سداد الرحم ورحت لدكتورتي وقالت بدخلج ولاده باجر رديت شربتها مره ثانيه ونمت ماقمت الا عالطلق ياني احب هالخلطه حيييل اهيا فيها مسمار ودارسين و زيت سمسم مع الحليب مافيها مضره اتوقع وبنص التاسع باذن الله برد اشربها شوفوها بقوقل

 

[لوولوو_88]

رد: مواليد شهر سبتمبر 9 لعام 2014..حياكم الله اللي حللوا☆★☆

لا تتهاونين مناني استخيري و توكلي على الله على حجي الدكاتره ..

The note bookولدت الحمدلله .. ألف مبرووووك و الحمدلله على سلامتها و سلامه بيبيها ♡

 

[لوولوو_88]

رد: مواليد شهر سبتمبر 9 لعام 2014..حياكم الله اللي حللوا☆★☆

ولادات تجمع سبتمبر ..

حسايف .. ( توأم )

Beealh .. ( ولد )

طموحه بزيادة .. ( بنت )

Ga6waah83 .. ( ولد )

روان_الكويت .. ( بنت )

The note book .. ( ولد )


يالله همتكم الله يسهل عليكم يا رب ♡

 

[قلب زوجي وولدي]

رد: تجمع مواليد أكتوبر 2014 بإذن الله

توصلين بالسلامه ان شاءالله

قصدج خلطة الحليب للي نكررها كل 4 ايام

يمدحونها صح جربتها بس مادري اذا ولدت منها او لا

ولازم الوحده ما تجرب شي الا اذا الدكتور قال لها

رحمج مفتوح غير جذي يضر البيبي

 

[قلب زوجي وولدي]

رد: تجمع مواليد أكتوبر 2014 بإذن الله

خلطة الحليب لتسهيل الولاده


الخلطة هي :



كوب حليب سائل
5-أعواد قرفة كبيرة ( دارسين )
5- أعواد قرنفل (مسمار)
ملعقتين عسل للتحلية*
نصف فنجان شاي زيت سمسم


تخلط هذه المقادير وتغلى على النار لمدة دقائق
وتترك قليلاً ثم تشرب دافية.





هذه الخلطة تشرب بعد دخول الشهر التاسع بعشرة أيام وتشرب كل أربع أيام


وإذا ظهرت أعراض الولادة تشرب منها كوب قبل الذهاب للمستشفى مباشرة


والتساهيل أولاً وأخيراً بيد الله سبحانه .

 

[اهذريبك~]

رد: تجمع مواليد أكتوبر 2014 بإذن الله

يصير اسويها من غير دارسين ؟؟

لان الدارسين يقسي عنق الرحم

 

[لوولوو_88]

رد: تجمع مواليد أكتوبر 2014 بإذن الله

مستحيل اجازف إلا إذا تبطل الرحم 1 سانتي أو 2 .. ممكن أشرب ينسون أو كف مريم .. بس غيره لا اخاااف ولا الدارسين و الخروع ماراح أقرب منهم أبد ..

 

[قلب زوجي وولدي]

رد: تجمع مواليد أكتوبر 2014 بإذن الله

اهذربيك اتوقع عادي من غير دارسين

ولولو عدل كلامج لو الوحده مفتوحه 1 سانتي عادي
تجرب لانه الخلطه تساعد انه الرحم يفتح اكثر اما اذا مصكر

يسبب الالام طلق والرحم مو مبطل بعدين لا سمح الله تصير الولاده قيصريه

والبيبي مكتوب متي ينزل باذن الله

وربي يسهلها علينا بدون عمليات انتحاريه


حتي المشي مو قاعده امشي وايد ثقيله واتعب

الله يعين

 

[اهذريبك~]

رد: تجمع مواليد أكتوبر 2014 بإذن الله

كف مريم توني قريت عنه يقولون اذا ياج الطلق تشربينه و تكونين مفتوحه هو يزيد التوسع و يحمي الطلق

ومايصير ينشرب وانتي مافيج طلق مو زين

 

[بدون بس مغتربه]

رد: تجمع مواليد أكتوبر 2014 بإذن الله

مساء الخير بنات وصلت عند اهلي بالسلامه الحمدلله..

لكم وحشه شلونكم وشخباركم في وحده منكم ولدت او على وشك ولاده.. انا بالثامن بعدني وودي اخصه مليت منه

 

[بدون بس مغتربه]

رد: تجمع مواليد أكتوبر 2014 بإذن الله

انا الحين بسوي لي برنامج مشي كثر مااقدر عشان تسهل علي الولاده لي قرب الموعد بشرب اعشاب اي شي

 

[أمورته]

رد: تجمع مواليد أكتوبر 2014 بإذن الله

السلام عليكم



شلووونكم


لكم وحشه
ان شاءالله اسبوع وادخل التاسع دعواتكم بناااات
الله يسهلها علينا كلنا يارب


منو بدت تمشي?

 

[أميرة-]

رد: ❤❤❤موااليد اغسطس ❤❤❤2014بأذن الله حيااااااكم

الله يبارك فيج لولو

قصة ولادتي بحمووودي

من اول التاسع وانا ثقلانه واروح افحص واحد سانتي والطلق صفر .. بنص التاسع قالت لي دكتورتي تبين اولدج بطلق صناعي ؟ لانه انا بجر وسملله عليه البيبي وزنه كبير وقالت لي كمل خلاص ليش تنطرين ترددت واجلتها وزوجي يحن علي روحي خلاص الدكتوره ابخص بعدين استخرت ورحت للدكتوره وحددت موعد للدخول طبعا قبلها بيومين رعب مو طبيعي وبجي وقبلها بيوم شربت خروع قلت ان شالله ربي يسهلها ويجيني طلق طبيعي بس سبحان الله ماكان الله كاتب بس الخروع نظف بطني قمت الصبح صليت واكلت رطب جم حبة ورحت للمستشفى ووكلت امري لله الساعة ٨ انا مسويه دخول اول شي دلع اكل واشرب والسسترات يخدموني وانا قاعده على نار ركبوا جهاز التخطيط ولا الطلق حامي وانا اقعد ابجي من الفرحة طلع هذا تأثير الخروع .. الساعة ١٠ جت دكتورتي فحصتني واحد سانتي وعطتني اول تحميله وقالت لي امشي عشان يحمى الطلق مشيت ومشيت وصعدت الدرج ونزلت ورجعت الغرفة ركبوا التخطيط ولا ماكو طلق كلش

الساعة ١ جتني دكتوره الطوارئ فحصت واحد سانتي وعطتني التحميلة الثانية انا انهرت حزتها والسسترات يهدوني ياحلوهم هنديات حنونات مسيحيات بس يقولون لي ليش تبجين الله موجود وانا دموعي اربع اربع ليش ليما الحين واحد سانتي خفت ماتوسع ويسوون لي عملية المهم عقب التحميلة الثانية بعد مشيت شوي وعقب ركبوا لي التخطيط ولا الطلق بسيط بعدين جتني السستر قالت دكتورتج تقول الساعة ٣ عزكم الله تعطيني حقنة شرجية وعلى الساعة اربع ادخل الوضع قلت بس انا ماخذه خروع واليوم ما أكلت شي بس رطب الصبح وزوجي غصبني اشرب عصير الظهر قالت لي السستر لازم حقنة شرجية واستغربت هم سألت شلون تدخلني الوضع وليما الحين واحد سانتي قالوا هذا كلام الدكتوره

المهم توكلت على الله وصليت العصر وقريت شوي قرآن بعدين دخلت الوضع وانا امشي على رجولي يوم دخلت غرفة الولادة جاني احساس صعب اوصفه مثل اللي مودينه غرفة الاعدام �� والافكار تجيب وتودي ورفعت ايدي لربي وقلت يارب جان دكتورتي ناويه تغشني وتعسر علي عشان تحولني عملية ياربي لاتوفقها وسهلها علي ووكلت امري لله

دخلت الحمام عزكم الله وتوضيت وعقب حطت السستر لي الدرب سألتها هذا طلق صناعي قالت لا ماما بس درب عادي طلعت جذابه طلق صناعي .. دقايق جتني دكتورة الحوادث قالت بتبط الماي وانا خايفه قلت صبر ابي مخدر طبعا انا كنت رافضه ابرة الظهر .. قلت للدكتوره لاتسوين شي لما اتخدر واشم اشم اشم ماحسيت بشي بس اسحبوا مني الكمام ولا انا دايخه وابي ارجع سبحان الله بطت الماي كنت احس فيهم واسمع صوتهم واحس بالعوار بس مو قادره اسوي شي راسي يعورني مثل السكرانه احساس غريب جنه حلم احس بكل شي بس ماقدر اصارخ ولا اتحرك المهم حمى الطلق معاي والرحم كان مفتوح واحد سانتي بس عوار الطلق موطبيعي احس بطني بيتقطع واشم اشم بالكمام ليما يسحبونه مني كنت مستانسه علي اتذكر خذوه مني ولما اشتد الطلق علي قعدت اصارخ وارفس السسترات واعض زوجي ههههههههههه عقب جت سستر اتوقع هي مسئوولتهم قالت شمي وضغطت الكمام على وجهي واقعد اشم فيه ليما غيبت اتذكر بعدين سحبته مني جان اقولها حسبي الله عليج شنو سويتي فيني كنت مثل السكرانه .. هالسستر هذي نفسها هي بس اللي كانت تفحصني ووسعتني حيل عورتني يوم قعدت ابجي قالت ماما انا وسعتج الحين صرتي ٣ سانتي بعدين كل شوي يفحصون ويشتد الطلق اسمعهم يقولون ٥ سانتي بعدين ٩ سانتي اتذكر قلت لهم عقبها شنو هذا كل هالعوار و ٥ سانتي السستر قامت تضحك وتمسح على راسي تقولي ماما انتي الحين ٩ سانتي جت دكتورتي كنت مستويه جان اقولها دكتوره الله يخليج الله يخليج خلاص ابي ابرة ظهر قالت لا حبيبتي الحين ولادة مايصير اعطيج ابرة ظهر الراس يبي يطلع شدي ويجون سسترات ثنتين وحده على يمين ووحده على يساري كل وحده تضغط على بطني بكوعها والدكتوره عند رجولي وتقولي شدي اقول ماقدر بطني بيتقطع والدكتوره تعصب علي انتي شلون بتولدين الحين تبين احولج عملية قلت ايييييه ايييه ابي بنج كامل وكل مابغيت اصارخ ولا ارفس دعسوا الكمام بحلجي ودخت بعدين ماتذكر شنو صار

وقمت ولا سسترتين عند راسي ويوم شفتهم وابجي وامسك بطني ولا ماكو شي واتحسس بشوف فيه خياط شقوا بطني ولا الحمد لله بطني مافيه شي جان تضحك السستر مدام مبروك انتي خلاص ولادة وانا مو مصدقتها قالت امبلا شوفي بطنج ويدخل زوجي قلت شفت الولد قال ايه الحمد لله زين وشفطوه قلت صج ؟ انا ماتذكر قال ايه لعوزتيهم وزادوا البنج وشفطوا الجاهل

كل هذا مر مثل الحلم وبعدين جتني دكتوره الطوارئ قالت بشيل الشاش مادري ليش حاطين شاش قلت صبر ابي الكمام واشفط اشفط وادوخ وتسحب الشاش احس فيها بس دايخه . بعدها بساعة او اقل وانا ليما الحين بالوضع تدخل علي دكتوره ثانية مصريه قالت بشيل البربيش قلت صبر ابي الكمام قالت عادي بس اسحب البربيش قلت مابي احس بعوار جان اشم اشم ليما تخدرت وشالت البربيش ورفعت راسها وانا ليما الحين اشم جان تسحب الكمام مادري شنو قلت لها كنت دايخه جان تقعد تضحك وتلمني تقولي الله دنتي دايخه اوي هههههههههههه

وبس خلصت قصتي احسها مثل الحلم خربطت واجد من الكمام اتذكر قلت لزوجي وانا اتولد وتوني شامه من الكمام فلان قالي نعم قلت حللني جان يقول ليش شنو مسويه الظاهر شك بأخلاقي هههههههههه قلت حللني انا قاعده اموت قالي لا اله الا الله اذكري ربج قلت صج صج احس اني احتضر وخربطت شكثر بس الحمد لله تسهلت

 

[أمورته]

رد: تجمع مواليد أكتوبر 2014 بإذن الله

بنات منو تحس بنغزات تحت تكرمون?

 

[بدون بس مغتربه]

رد: تجمع مواليد أكتوبر 2014 بإذن الله

امورته حياج الله.. انا ان شالله من الاسبوع الجاي ابدا امشي.. واحس بنغزات تحت يس مادري اذا هيه اللي تقصدينها او غيرها..
انا الحمام عزكم الله مضايقني على طول احس اني بفرغ وماكو شي

 

[SARA*]

رد: مواليد شهر سبتمبر 9 لعام 2014..حياكم الله اللي حللوا☆★☆

حمد على سلامة نوت بوك ويتربى بعزكم

 

[قلب زوجي وولدي]

رد: تجمع مواليد أكتوبر 2014 بإذن الله

اي اهذربيك مو بس كف مريم اي شي ما يصير يتشرب الا بعد ما يفتح الرحم

انا المشي مو وايد معاه جم مره بس

بولدي الاول كنت امشي وايد وكل يوم وتعسرت ولادتي

ولدي الثاني ما مشيت وايد والحمد الله الولاده كانت سهله


فالحين مو مهمته بالمشي وايد

 

[قلب زوجي وولدي]

رد: تجمع مواليد أكتوبر 2014 بإذن الله

اهلًا بدون منوره حبيبتي



اخبارج