♥♡♥ تجمع لجميـع مواليـــد 2014 حيــــــاكمـ ♥♡♥

[لوولوو_88]

رد: تجمع مواليد أكتوبر 2014 بإذن الله

ما اعرف سارونه انشالله البنات يفيدونج

الله اتمم عليج ورده و على كل البنات يا رب ♡

 

[وردة سورية]

رد: تجمع مواليد أكتوبر 2014 بإذن الله

لولو انا فيني بنوتة مو كاتبة باللسته

 

[سا رو نة]

رد: تجمع مواليد أكتوبر 2014 بإذن الله

حبيبتي لولو وكل البنات م تقصروون

 

[معجزات]

رد: ❤❤❤موااليد اغسطس ❤❤❤2014بأذن الله حيااااااكم

الله يتمم عليكم بالولاده السهله والميسره يارب

اختكم من تجمع مواليد/ يناير ٢٠١٥
انشالله

 

[arnoba15]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

بنات شسم البرنامج واشلون الطريقه انا بعد وياكم

 

[munani]

رد: مواليد شهر سبتمبر 9 لعام 2014..حياكم الله اللي حللوا☆★☆

الحمدالله علئ سلامتها والله يشفي ولدها… بس دام موعدها 13-9 ليش ولدها بالحضانه يعني اهي بشهرها

 

[قلب زوجي وولدي]

رد: تجمع مواليد أكتوبر 2014 بإذن الله

صباح الخير


أنا مو ناويه أسوي استقبال

ولأنه بتنفس بشقتي بحدد لي يومين بس

وسرير ماني حاطه ماله داعي

وان شاءالله الاحد أخلص شغلي وبعدها أرتب جنطة المستشفي

والله يسهل علينا يارب

 

[اهذريبك~]

رد: تجمع مواليد أكتوبر 2014 بإذن الله

مساء الخير

سارونة روحي لدومو بالضجيج حيل راقي

ام الزين بسوي مثلج بس انا شاريه الصابون الوردي بعد

 

[سـٌگر معـقـود]

رد: ❤❤❤موااليد اغسطس ❤❤❤2014بأذن الله حيااااااكم

قصصه ولادتي ببنوتي ♡


--------

بدأت القصه بمراجعه روتينيه حق دكتورتي تاريخ ١٢/٨ يوم الثلاثاء
وبعد الفحص قالت بس ١ سم ، وعنق الرحم الحمدلله مهيء للولاده ( ليين جدآ )
بس انتي عديتي موعدج ( طايفه موعدي ب٤ ايام ) ومارااح انطر عليج لا يشرب البيبي وسخ او يوسخ بالماي

صرفتلي خروع اخذه بالليل ، ع اساس يسرع بالولاده وعطتني ظرف 2 لدخول المستشفى اذا مافاد الخرووع
ارووح لهم يحطون لي طلق صناعي ، وكنت مقرره ماروح اصلا ههههه الحمدلله جت طبيعيه

بعد ماشربت الخروع الاربعاء الصبح قعدني مغص بططني واصواات الا حال بطني ككله
وبعدها اختفى كل شي ! تحبطت وفقدت الامل بالخروع ... الخميس الفجر س٢ حسيت المممم بظهري
وبرووده نفس الدوره بالضبط حتى كنت ابي احط الكمادات الحاره .. ويروح ويجي الالم واذا جا ماقدر اصلب طولي

قلت بس صارت الصجيه هههههه رحت تسبحت وبخرت شعري واستشورت و طلعتلي رطب و جاي زعفران بعدهأ
قعدت ريلي بروح المستشفى بس قلتله على رووواء لاتخترع اخذ راحتك < وبالسياره ندمت عالجمله هذي هههههه

ركبت ومشيناا ودررب يالله وصلنااا وانا بجي عالصامت وصلنا بسرعه ويل جير عالطوارىء .. شافوني للحين صاحيه
فيني حيل عطتني علبه تحليل اسويهااً!! وانا خبله سويت انزين انا جايه اولد شكوو تحليل بول !! هههههه

خلصت ركبت التخطيط في طلووووق وفحصت الا ٢ ونص سم وكان على اذان الفجر !! تبين دخول ولاكيفج انتي مطوله احتمال عالمغرب تولدين < عاد ماكنت حابه ادخل ويلعبون فيني
قلت بطلع ماوصلت لباب الغرفه الا ذيج الطلقه لفيت عليها قلت دخلووني هههههه

رحت غرفه الولاده بدلت وقعدت سوولي فحص ابره الظهر وقلتلهم مابيها الحين خفت تبرد الطلوق < غشيمه
س٦ خذيتهاا ومنهاا وانااا ماحس ان فيني ولاده قاعده عالانستقرام هههههه وريلي راح دوامه على اساس بقعد للمغرب
قال اردلج الظهررر وماعندي احد كلش بس قايله لاختي
س٨ فحصوني ٣ سم
دقو على دكتورتي قالت بطوو المااي وعطوها طلق بالدرب // طبعا ماستوعبت شنو بطو الماي حسبالي بتفحص
عقب اقولهاا لااا لاتنشف بنتي تقولون ولادتي مطوله بطته جان ينقلب وجههاً المااي اخضر موسخه فيه // كله من الخروع حل بطنها وياي ههههههه

قلتلهااا ماابي طلق دكتوره طوارى فلبينيه نفيييسه قالت اوكي الحين اقول لدكتورتج // راحت وردت جان تقول لا لازم موبكيفج دكتوره تبي !!
٨ ونص بالضبط حطته عقب ضعفت نبضات البيبي اضطروا يعطوني اكسجين ويراقبون النبض صح خوفوني دقيت على اختي س٩ ونص واسولف وياها
واحس بضغط جنه فيني بواسييير قالت اذا يقولون مطوله اصلي الظهر واجيج سديته الا دكتوره مصريه تفحص وسكتت !! انا علامه تعجب جمم وصل

اهيا >> ٨ سم !! جان اخمط التلفون وابجي هههههه < اخترعت ماكنت متوقعه كلش لان قالولي بالليل
دقيت على اختي تعالي الحيين ولااااده < عاد مادري شكنت ابي فيها لان كنت مو يمها كلش
١٠ ونص دخلت دكتورتي وانا ماعندي احد كلش ملش !! اختي مامداها توصل
وتعلمني عللبوش كلهم هدووء فجأه يطالعون بالجهاز ويصارخوون يلااا يلاااا وانا متحمسه اقوى شي اخر شي اضغط غلط ههههههه
اتفخ خدوودي واعصر ولا تقول لا مووو فوق تحت تحت هههههههههه

بعدهاا طلعت بنووتي وحسيت فيهاا زلقت حاااره حطتها على بطني ماذكر شفتها عدل من الصدمه والخرعه ماشفت ملامح بس جسم
وابجججي واهيا تضغط وتخيط حسيت بغزه الابره قلتلها قالت تبين تنامين قلتلهاً اييييي قالت يلا مع السلامه

وقعدت على صوت اختي الساعه ١٢ ونص والغرفه فاضييه اقولهاا وين الناس ههههههه

والحمدلله يارب كانت سهالات وربي يسرها يالله لك للحمد اللي للحين مومستوعبه اللي صار
والفال لكم يارب بالولادات السهله

 

[لوولوو_88]

رد: تجمع مواليد أكتوبر 2014 بإذن الله

♡♡♡ لستة تجمع كروشات أكتوبر ♡♡♡


1- كلي هداوه .. 3/10 .. ( بنت )


2- katrina90 .. 4/10 ..

3- TINA .. 5/10 .. ( بنت )
4- fg60 فوفو .. 5/10 ..


5- لوولوو_88 .. 7/10 .. ( ولد )
6- امورته .. 7/10 .. ( بنت )
7- حكاية قلب .. 7/10 .. ( ولد )


8- ككوته.. 9/10 .. ( بنت )
9- دلال الكويت .. 9/10 .. ( ولد )


10- HOPE91 .. 10/10 .. ( ولد )
11- سارونه .. 10/10 .. ( بنت )


12- اهذريبك .. 14/10 .. ( ولد )


13- باربي شمر 87 .. 20/10 .. ( ولد )


14- مهابه .. 21/10 .. ( بنت )
15- bulbul3001 .. 21/10 .. ( بنت )


16- أم نجلاء .. 22/10 .. ( بنت )


17- ^^ أم الزين ^^ .. 25/10 .. ( ولد )
18- ورده سورية .. 25/10 .. ( بنت )
19- سمراء كالخمري .. 25/10 .. ( ولد )


20- بدون بس مغتربه .. 26/10 .. ( ولد )


21- الفوز حلو .. 28/10 .. ( ولد )
22- أم ناصر 2009 .. 28/10 .. ( بنت )


23- تولة مسك 030 .. 29/10 .. ( ولد )
24- BarBya .. 29/10 .. ( ولد )
25- انتيكا .. 29/10 ..


26- QA6RYA .. 31/10 ..



♡♡♡♡♡♡♡♡♡♡♡♡♡♡♡


ربي اتمم على الجميع انشاءالله

 

[سا رو نة]

رد: تجمع مواليد أكتوبر 2014 بإذن الله

شككرا اهذرييك بفتر بالضجيج لما يعجبني شي

 

[SARA*]

رد: مواليد شهر سبتمبر 9 لعام 2014..حياكم الله اللي حللوا☆★☆

بنات اشلونكم وشخباركم أنا كل يوم امشي ومافي اي علامة للولاده بس ينزل على شوي ماده بيضاء تشبه الروب بدون ريحه لان أنا مافيني التهابات لكن اعتقد من ثقل والمشي تنزل واليوم عندي موعد ان شاء الله عنق الرحم مفتوح

 

[لوولوو_88]

رد: مواليد شهر سبتمبر 9 لعام 2014..حياكم الله اللي حللوا☆★☆

مناني لأنه فيها ضغط و كانت رايحة موعدها و طلع ضغطها عالي حييييييييييييل و سيده دخلوها ولاده و هذا الي تعب الولد ربي يشافيه .. و كان المفروض اتابع ضغطها يوميا ..

 

[وردة سورية]

رد: تجمع مواليد أكتوبر 2014 بإذن الله

شخباركم دشيت الثامن الحمدلله وللحين عندي اشياء ووااااجد ماسويتها مادري الحق ولا لا توني بمصر وبرد الكويت نص الثامن وللحين ماادري عند اي دكتورة تولدتي

حياج سارونة بينا قلبي ربي يتمم عليج يارب

 

[أمورته]

رد: تجمع مواليد أكتوبر 2014 بإذن الله

السلام عليكم


شلونكم بنوتات


قاعد يصير لي هالايام شد قوي وعوار بظهري ينزل على ريلي
ماقدر امشي ولا اجندس منها كلش لو بقعد تذبحني لو بوقف نفس الشي


مادري هالشي طبيعي او لا

قاعد اخذ حبوب الكالسيوم

 

[أمورته]

رد: مواليد شهر سبتمبر 9 لعام 2014..حياكم الله اللي حللوا☆★☆

الحمدالله على سلامه الي اولدو


سارونه ربي يرزقج الولاده السهله
انا بنص الثامن وتنزل علي افرازات صفرا كثرانه حيل مع انه اشرب ماي مادري ليش هالافرازات تكرمين
مافيني التهاب ولله الحمد

 

[دلوعه ناعمه]

رد: ❤❤❤موااليد اغسطس ❤❤❤2014بأذن الله حيااااااكم

سكر معقود الحمدلله على سلامتج وسلامت البيبي


وانا الحمدلله ولدت بعد بالسلامه
البيبي عطوني قطره لعيونه الظاهر حاشه التهاب وبوصفار عيونه صفرررر

سمعت انه اعطيه فيمتو حق الصفار ؟؟

 

[لوولوو_88]

رد: تجمع مواليد أكتوبر 2014 بإذن الله

طبيعي امورته نفسي .. عوار من حوضي و ينزل لي ريلي ..

 

[سـٌگر معـقـود]

رد: ❤❤❤موااليد اغسطس ❤❤❤2014بأذن الله حيااااااكم

فيمتوووو @@

منوو هذاا اللي ناصحج بفيمتووو !!

تعوذي من ابليس حبيبتي
عطيه عصفر + خلي الشمس تحوشه حطيه تحت الدريشه اذا في اشعه شمس بتبان داخلي
و رضعيه طبيعي


وماعليه شر ان شاء الله

والحمدلله على سلامتتج يتربى بعزج
ناطرين قصتج ♡

 

[munani]

رد: مواليد شهر سبتمبر 9 لعام 2014..حياكم الله اللي حللوا☆★☆

امورته حتى انا ينزل مني افرازات صفرا من اول الحمل لي الحين بس مادري من شنو كل ما اسوي تحاليل مافي شي


ساره امي قالت لي اذا نزل الافراز الابيض اللي نفس الروب معناته ان الولاده باذن الله قربت