♥♡♥ تجمع لجميـع مواليـــد 2014 حيــــــاكمـ ♥♡♥

[مــتــنــحــة]

رد: ❤❤❤موااليد اغسطس ❤❤❤2014بأذن الله حيااااااكم

صباح الخير

شلونكم بنات ؟؟

مثل ماقلت لكم اذا علق نطروا شوي بو 3 او 4 دقايق وردوا سووا ريفريش للصفحه وتفتح ان شاءالله

ويقولون من اللايتوب المنتدى شغال عادي

بس يعلق بالايفون

مشتاقلك اللي يسخر لج الدكتوره اللي فيها الخير يارب

انا بعطيكم نبذة عن اللي صارلي الفتره اللي طافت

حايشتني طلوق مبجر والبيبي حيل نازل

عملية بنتي الصغيره كانت قبل اسبوعين وشفت بهالاسبوعين النون ومايعلمون الحمدالله على كل حال

نسيت فيتاميناتي واكلي والنوم لان حرارتها كانت توصل 40 ونص

وطول اليوم حرارتها ماتنزل عن ال38

تعبت حبيبتي حيل وضعفت قطعت قلبي

وكنت اوديها العيادات والمستشفيات الخاصه بروحي

واخلي خدامتي عند عيالي الاثنين

فلما تتعب اضطر اشيلها وكم مره اشيلها

هذا اللي خلا البيبي ينزل قبل وقته وتحوشني الطلوق

ورحت المواساه وعطوني ابرة توقف الطلق وابرتين لرئه البيبي بينهم 12 ساعه

وعطوني دوا بس صراحه تعبني وماستمريت عليه

الحين بنتي اسم الله عليها قامت بالسلامه الله يتمم عليها الصحه والعافيه يارب

وانا احاول اهتم بنفسي والزم الراحه لما ادش التاسع عالاقل

وهذا للمختصر المفيد للي صارلي وقت مالمنتدى كان معلق

انتوا شخباركم ؟؟

 

[لذه السكر]

رد: ❤❤❤موااليد اغسطس ❤❤❤2014بأذن الله حيااااااكم

هلا بنات شلونكم عساكم بخير

متنحه

ماتشوفين شر انشالله والحمدلله على سلامة بنتج

 

[مــتــنــحــة]

رد: ❤❤❤موااليد اغسطس ❤❤❤2014بأذن الله حيااااااكم

الشر مايجيك لذة تسلمين يارب

 

[نـور الكويت]

رد: ❤❤❤موااليد اغسطس ❤❤❤2014بأذن الله حيااااااكم

حبيبتي متنحه ما تشوف شر بنيتج

اجر وعافيه يارب

وربي يتمم عليج لي التاسع وتولدين بالسلامه يارب.
الله يسهلها علينا يارب ..

الصراحه تضايقت على المتتدى توقعت ماكو منتدى كويتيات خلاص اهو الي يسليني
بس الحمدالله انه رد معى يعلق بس ي الله الحمدالله .

 

[مــتــنــحــة]

رد: ❤❤❤موااليد اغسطس ❤❤❤2014بأذن الله حيااااااكم

حياتي نور الكويت

الله يسلمج من كل شر يارب

اي والله تعلقنا في بعض وودنا نعرف اخبار بعض الله يسامحهم صراحه فرقونا

بس مثل ماقلت لكم

اذا علقت الصفحه نطري عليها دقيقتين ثلاث وردي سوي ريفرش تفتح معاج

 

[نور الضي]

رد: ❤❤❤موااليد اغسطس ❤❤❤2014بأذن الله حيااااااكم

اليوم موعدي عند دكتورتي
مالي خلق
بس بروح لاني قاطعه الفيتامينات
البرقنا يجيب لي لوعه
بخليها تغيره لي
ومره وحده اتطمن علي البيبي
وان التهاب البول راح
ماتوقعت اني راح ازهق من المراجعات
قبل كنت استانس
الحين ودي اولد بس

بنات منو جربت الصيام وهي حامل
احاتي الصيام ؟

 

[مــتــنــحــة]

رد: ❤❤❤موااليد اغسطس ❤❤❤2014بأذن الله حيااااااكم

حبيبتي نور الله يبشرج باللي يسر قلبج اللهم امين

لازم تروحين مراجعاتج بالذات الاشهر الاخيره مايصير تهملينها

وبالنسبه لحبوب بريقنابلان انا حيان واصف لي ماما فيتس

احسها زينه اخذها بعد الغدا لان مايصير اكلها مع كالسيوم

والصبح حليب ويعتبر كالسيوم

وانا جربت الصيام وانا حامل بس قبل فقر الدم

كان عادي والله ومقدور عليه لاني كله نايمه وماطلع من البيت

وتكييف وبراد الحمدالله بس اقوم اصلي وارد انام

هالمره معاي فقر دم ومادري بس باذن الله بصوم

 

[لذه السكر]

رد: ❤❤❤موااليد اغسطس ❤❤❤2014بأذن الله حيااااااكم

صباح الخير شلونكم بنات

نور الضي

انا جربت الصيام ..طبعا وحده عن وحده تفرق

اول يومين تعبت حيل ماكان فيني طاقه حته مالي خلق اتكلم او اسمع احد

وتالي الحمدلله تسهلت اهو مع الوقت تحسين خلاص مافيج طاقه ماحسيت بيوع او عطش مع ان دوام وحر

انشالله ناويه اصوم قدمت اجازتي وبقعد بالبيت ماراح اطلع الصبابيح اذا ما عندي شي

 

[لذه السكر]

رد: ❤❤❤موااليد اغسطس ❤❤❤2014بأذن الله حيااااااكم

امس رحت النقره الشمالي

وااايد اعجبوني محلات اليهال اللي يم العندليب

سوالف دانتيلات وشك وككككككككككل شي عندهم من الكفر لي قميص الام لي اغراض البيبي وقالي تقدرين تنقين من المسطره شنو تبين تفصال

انشالله هاليومين برد اروح لان امس ولدي بدع فيني الله يصلحه

وباخذ سرير ولدي يلبسونه دانتيل وكشكش << ذابحني الكشكش خخخخ


ومريت انور وليلى لانجري اخذت بجايم ...ليلى لانجري يهبببببببل اول مره اروجله وايد عجبني

 

[مــتــنــحــة]

رد: ❤❤❤موااليد اغسطس ❤❤❤2014بأذن الله حيااااااكم

اهلين لذه

عليج بالعافيه اللي شريتيه

واي والله خلصي

انا كنت متوقعه اني توني اول الثامن

ومخلصه شغلي

بس باقي الاستلامات يعني استلم اللي سويته

وانصدمت بسالفة الولادة المبكره والطلق

مع ان ماعندي من قبل ولادات مبكره بس سبحان الله صج ماتدرين عن الدنيا

وماتدرين شنو ممكن تصير الظروف

الحين والله ادق واناشب اللي للحين شغلهم عندي ابي يسلمونه قبل الوقت اللي كنا متفقين عليه

 

[لذه السكر]

رد: ❤❤❤موااليد اغسطس ❤❤❤2014بأذن الله حيااااااكم

هلا متنـــحه


لاتحاتين باذن الله ما تولدين الا بتمامه

بس لازم نخلص شغلنا سبحان الله لان يظل ببالج وتحاتين

 

[Joooodi]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

شششلووونكم بنااات المنتدى صاير غثيييييييث مابغا يبطل ومن امس احاول اشارك مايصير

 

[Joooodi]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

شخباركم شسويتو وشجهزتووو


انا ماسويت ولااااااا شي انطر بعد رمضان ببلش ان شاءالله


والدكتوره قالتلي فيج ووووووووووولد الله يجعله من الذريه الصالحه والباره

 

[Joooodi]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

شلونكم بنااات المنتدى كان معلق توه يبطل زهقت جم اسبوع كل يوم ادخل

شمسوين مع الحمال الحمدالله الاغلب دخل الخامس ولا نص الرابع وراحت النساه انا اليوم صايمه علي قضاء يومين اليوم وباجر بصوم

كتكوووته حبيبتي الله يتقبل منج ياارب


هااابشششري ماسويتي سووونار خابرتج مثلي مستعجله

ههههههههههههههههههههههههه

 

[Joooodi]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

بالنسبه لتجهيز البيبي افضل تبلش فيه الام بعد ال20 اسبوع لان بهالفتره اكيد بتكون الام عارفه نوع البيبي وتزول مرحله الخطر عن البيبي العربانه وايد مهمه انا ما استخسر فيها لان البيبي راح يستعملها فتره مايقارب سنتين لي ثلاث سنين افضل الي تتغير اتجاهات المسكه مالتها ممكن تخلين البيبي مجابلج او مجابل الناس طبعا ببدايه الشهور احب يجابلني لان انا اطلع اجهز واخذ وياي البيبي اخذو العربانه الي تنسدح وتقدرين تعدلينها بزوايا وايد لان ممكن اذا كبر البيبي وعندج ولد صغير تقدرين تحطينهم اهم الاثنين فيها انشالله فهمتوا علي كرسي السياره وايد مهم وضروري حق البيبي اخذوا الي له قاعده تتثبت بالسياره والكرسي تشيلينه معاج عملي اكثر كرسي البيت في انواع وايد انا اذكر حبيت واحد من مذركير يهتز يسوي مساج حق البيبي �� عشتو الفراش بالبدايه بالنفاس افضل السله بالنسبه لي شريت فراش حق ولدي وما استعملته بالنفاس لان كانت مشيتي صعبه وقومتي خصوصا ان البيبي وايد يبجي بالبدايه بليل كنت احط السله معاي بالفراش ف الي عندها ولادات قيصريه السله افضل لها بالنسبه حق الغلايه والمميات افنت بدون منازع اول الشهور وغلايتهم تسوى جنطه البيبي حق الطلعه سامسونايت عندهم تشكيله حلوه حق الاطفال انا عيالي ليلحين استعملها لهم لان شكلها مناسب حق عمرهم وسهله بالتنظيف وخامتها قويه وفيها مقسمات وايد ومخابي وايد حتى فيها الطربال الي تحطينه تحت البيبي وتغيرينله وايد استفدت منها مو خساره فيها سعرها اذكر خذيتها بوقت تنزيلات تقريبا طلعت علي ب45 بس كلش مو متحسفه وليلحين جنها يديده بالنسبه حق اغراض تكرمون الحمام بيغون عطرهم وشامبواتهم واغراضهم حلوه ومميزه بطانيه البيبي في شي يصير فيهم شعر ما انصح سوو حق بنت بنت خالتي ربو اتذكر بعد واكتبلكم

كفيتي ووفيتي نبااطه حبيبتي ماقصرتيي

 

[Joooodi]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

ايييي بنات انا شابكه من الاب توووب المنتدى شغاال عليه ترا


الايباد والفون مو راضين يشبكون


الي مايدخل معاها تجرب بالاب توب

 

[لوولوو_88]

رد: تجمع مواليد أكتوبر 2014 بإذن الله

باربيا انا نفسج وحاليا قاعد أحس نفس وصفج ..

بنات وينكم طمنونا عنكم ما عليه المنتدى يعل بس حاولوا تدشون لا تقطعووون

وين امورته اشتقت لها و تينا و أم الزين و مشتاقة و توله و انتيكا و غير البنات المختفين من قبل لا يعلق المنتدى

واااي طشرنا ألمنتدى

 

[مــتــنــحــة]

رد: ❤❤❤موااليد اغسطس ❤❤❤2014بأذن الله حيااااااكم

اي لذة انا متفائله خير باذن الله

والسهالات من الله ان شاءالله

والحمدالله شغلي مخلصته بس عرفتي اللي مومرتبه غرفتي الاستقبال

ماعلقت التحف وجذي !

وان شاءالله هانت

 

[نور الضي]

رد: ❤❤❤موااليد اغسطس ❤❤❤2014بأذن الله حيااااااكم

الله يعين
الواحد ما يدري شنو ظروفه
انا مخلصه بس التناتيف
باقي اسوي جنطتي
امر رويال حياه واشوف غرفهم
اطلب الحلو والموالح
اشتري كلينكس ومكسرات
شغلات تافهه بس مهمه
وبالرمضان ببلش مشي من ادخل شهري باذن الله
ونبيج يا متنحه تذكرينا شنو ناكل وبندعيلج باذن الله

 

[نور الضي]

رد: ❤❤❤موااليد اغسطس ❤❤❤2014بأذن الله حيااااااكم

باذن الله
باجر مراجعتي بليل اشوه
دقوا علي وقالوا اجلناها وخليها بليل
استانست
وبقول للدكتوره عن ماما فيتس
والصيام انا بالبيت ماعندي دوام
الله يسهل علينا