♥♡♥ تجمع لجميـع مواليـــد 2014 حيــــــاكمـ ♥♡♥

[munani]

رد: مواليد شهر سبتمبر 9 لعام 2014..حياكم الله اللي حللوا☆★☆

صباح الخير اشلونكم بنات
شخباركم

مناني
انا قيصريه والحين مكان الجرح احس بحكه وساعات عوار ويروح بدقايق

انا وضعي تعومس هالاسبوع كنت ماشيه تمام
بس مادري شاللي جرا علي قمت اطيح غشيانه باي مكان بالمطعم بالسوق واخر مره ايكيا
طلعتي صار تخرع وقمت اخاف اسوق مع اني اطلع قليل بسيارتي بس بلاها

وامس مسنكي عوار العرج اللي بالورج نفسه حاشني في بجري يمه يوقف القلب امشي خطوه ويشد علي اصرخ من قمه راسي
وامس شايله بنتي وفجاه شد علي زين ما طاحت من ايدي

استغفرالله وضعي يلوع الجبد ابي ارد طبيعيه ياربي

بعد قلبي طمنتيني وانا بعد امس موعدي وقالي الدكتور طبيعي… وانا يومين وادش السادس والحمدالله ل شي طبيعي عندي ماعدا شي واحد يصير فيني هبوط وايد هاليومين نفسج ادوخ واطيح ولما اشرب لبن وملح ارتاح واصحصح… بعد قلبي لا تسوقين انا اليوم رحت الجمعيه ودخت هناك وقلت يعد توبه اروح بروحي

 

[munani]

رد: مواليد شهر سبتمبر 9 لعام 2014..حياكم الله اللي حللوا☆★☆

بنااات اشلووووونكم… .انا للحين ماجهزت شييي كلش

 

[مــتــنــحــة]

رد: ❤❤❤موااليد اغسطس ❤❤❤2014بأذن الله حيااااااكم

بنات توني ادقق بفاتورة ايكيا

الكبت اللي ابيه ب58

والفاتوره ب66

وطبعا الفاتوره من 3 صفحات ! مادري حسيت قصه مو فاتوره ؟

انا اول مره اشتري منهم اثاث !!!

دقيت عليهم اسال قالوا اي يختلف السعر ومادري شنو وقامت ترطن علي الفلبينيه ومافهمت شي

لازم امرهم

بس منو فيكم صارت له نفس السالفه ؟

 

[Ga6waah83]

رد: مواليد شهر سبتمبر 9 لعام 2014..حياكم الله اللي حللوا☆★☆

وييي حبيبتي مناني ماتشوفين شر ان شاءالله

انا مافكر اسوق كلش امس رحت الجمعيه يمي حاطه ايدي على قلبي خايفه اطيح

انا ماجهزت بعد عندي اشويه تنانيف من تجهيز بنتي امي حبيبتي كانت مجهزه حق بنت وولد لان ماكانت تدري شنو فيني يوم سافرت
عاد بشوف شاللي ناقص وبيبه ان شاءالله
اتوقع سنتر بوينت تنزيلاته اخر الشهر هذا الله يعينا عالزحمه

انا احب شغل نكست الصراحه كد ومد

 

[mi corazon]

رد: مواليد شهر سبتمبر 9 لعام 2014..حياكم الله اللي حللوا☆★☆

قوه بنات شلونكم

صارلي مده عن اهني وعن اللاين

اللاين ريلي شاله من تلفوني مادري ليش مع انه مافيه الا بس التجمع بس ماعليه اتواصل اهني

نوت بوك ولولو رحت بيتي يومين حيييييل تعبت لدرجة انه قدم على خدامه واهو اللي ما يدانيهم

بس رديت بيت امي لأن العوار ذبحني يروح ويرد ومن يومين رحت للمستشفى اجيك عالعوار طلع معاي قولون

عقب رحت للاسنان قالوا بنشلع الضرس اليمين وتشيل عصب الضرس اليسار .. تهرقلت بهالحمال الله كريم


انتو شلونكم نفر نفر

 

[ككوته]

رد: تجمع مواليد أكتوبر 2014 بإذن الله

الله يبارك فييج باربيه حبيبتي واذا بخاطرج تشترين شي حق مرت اخوج اذا ميزانيتج تسمح اشتري جيسه مع الجنطه في محلات يبيعون سوالف وايد حلوه مثل العندليب الي بالنقره او في بيبي ككون الي بمجمع اولمبيا او اذا حبيتي قطعه ذهب ترجيه واذا ماعندج في سوالف وايد حلوه من ملابس باتش اند ام

 

[باربي شمر 87]

رد: تجمع مواليد أكتوبر 2014 بإذن الله

اشتريلها سلة فيها طقم افرول للبيبي معا الصدريه والتسوس والملابس الداخليه والكبوس وادوات الحمام الشامبو والزيوت تحصلينه كامل بمذركير حيل حلووو وراقي واخذي معاه بروش ذهب على اسم البنت او تراجي ..

 

[نور الضي]

رد: ❤❤❤موااليد اغسطس ❤❤❤2014بأذن الله حيااااااكم

يمكن السعر علي الالوان يفرق
روحي اسالي

 

[مــتــنــحــة]

رد: ❤❤❤موااليد اغسطس ❤❤❤2014بأذن الله حيااااااكم

نور الضي

والله يمكن لاني كنت ابي مثل المعروض قال البيبان خالصه اختاري شي ثاني

واخترت لونها خشبي فاتح قال توصل بعد اسبوع

وزدت علاقه

يعني الكبت فيه علاق فوق وتحت

يمكن عشان جذي زاد 8 دنانير

 

[مــتــنــحــة]

رد: ❤❤❤موااليد اغسطس ❤❤❤2014بأذن الله حيااااااكم

المهم

خلصت شغل المطبخ وقبل يومين نظفت المخزن وجردت اغراض غرفة عيالي وغيرت نظامها صارت اشرح واوسع

باقي لي الصاله الصغيره ابي اسويها لعيالي

وبسوي لي صالة صغيره جدام المطبخ اللي بالحوش واسكره واحط لي فيه طاولة طعام

للحين والله باقي لي شغل شكثر

 

[مــتــنــحــة]

رد: ❤❤❤موااليد اغسطس ❤❤❤2014بأذن الله حيااااااكم

بنات بحط لكم وصفه حق نقص فيتامين دال

وتصلح للحامل وللكبير والصغير

وسهله حيل

والتين سبحان الله مذكور بالقران

بحطها لكم برد بروح عشان تقدرون تنسخونها عندكم بالملاحظات

 

[مــتــنــحــة]

رد: ❤❤❤موااليد اغسطس ❤❤❤2014بأذن الله حيااااااكم

علاج بسيط لنقص فيتامين ( د ) .

إمرأه تحكي سبب شفاءها
من نقص فيتامين ( د ) .

السلام عليكم ورحمة الله وبركاته

اخواني / اخواتي مع نقص فيتامين دال الذي تعبني مره وسبب لي الوهن والضعف .!
ترددت على المستشفيات لاشهر طويله باحثه عن العلاج الفعال
مابقي عياده مارحت لها ولاعلاج ماجربته ، حبوب ، نقط ، حتى وصلت لدرجة آخذ الابر كعلاج
غير جلسات الشمس اللي قلبت لون جسمي .
المهم .. في يوم كنت رايحه اخذ ابره وانا بالاسعاف شافتني إمرأه كبيره ، قالت لي : سلامتك اش فيك ؟ وقعدت احكي لها سبب اخذ الابره ، فقالت لي : يابنتي هذا ماله فايده يرفعه شهر شهرين بعدين تتركي العلاج يرجع ثاني واكثر ، قلت لها: ايوه ياخاله نفس حالتي مابقيت وماخليت شي ماسويته ، مافيه فايده وانا توي بنت صغيره ، بس مره تعبني النقص الفيتامين ، حاسه عمري فوق الخمسين ..!
قالت لي : راح اعطيك وصفه جربيها ، ان فادتك ماضرتك -وهذا من خير الله - قالت : جيبي ( تين ) سواء مجفف او طازج ، بس مستوي شوي ، بعدين قطعي التينه اربع اقسام او ثنتين وحطيهم في الكاسه ، بعدين صبي عليهم ماء فاتر ، لاتكون حاره ولا بارده ، وخليها بالليل حتى الصبح ، اذا قمتي تصلي الفجر مع الدعاء بنية الشفاء ، اشربي الكاسه ، واذا خلصتي كولي حبتي التين اللي فيها ، ان شاءالله بتدعي لي يابنتي .!
رحت البيت يوم يومين قلت اجرب الوصفه وطبقتها بنفس ماقالت لي الحرمه بالضبط .
شفت فرق كبير ماتتخيلوه من اول يوم .! والان لي اكثر من شهر ماشيه على هذه الحال مره مرتاحه ، وراح الخمول والتعب اللي فيني ، وخف تساقط الشعر اللي كان بشكل فظيع مره ، وكانت اظافري تتكسر واسناني تتفتت وعظامي مره ضعيفه ماتحمل شي .! سبحان الله الوصفه ممتازه ، بس لازم الاستمرار عليها لفتره حتى تشوفي الفرق ، وبطلي العلاجات معها ، و التين .. ماهو شي غريب ومذكور في القرآن الكريم ، احنا بعيدين عن ماذكر بكتاب الله
وللتذكير ترا عادي تحطي طازج او مجفف نفس الشي بس غسليهم كويس قبل التنقيع
وبالعافيه للكل اللي يعانوا من نقص هذا الفيتامين ( د ) .

???????
اللهم أني نويت بإرسالها علم ينتفع به فاكتب لي الأجر ياكريم لي ولمن اعده وساهم بنشره .

 

[munani]

رد: مواليد شهر سبتمبر 9 لعام 2014..حياكم الله اللي حللوا☆★☆

قطوه ايي لاتسوقين وانا بعد ماجهزت امي يابت لي جم افرول وجم تبان بس باقيلي وايد اشياء مفكره بعد السابع اجهز…

مس كرزون حبيبتي اهم شي ريلج حتى انا شاله من عندي… .
انتي اشلونج ويا الثقل… وماتشوفين شر ياعمري والله يعينج ع القولون انا ذابحني

 

[BaЯBya]

رد: تجمع مواليد أكتوبر 2014 بإذن الله

يعطيكم العافيه بنات

عجبتني فكره البروش على اسمها باربي .. احتمال اسوي لها

 

[احلاانسانه]

رد: ❤❤❤موااليد اغسطس ❤❤❤2014بأذن الله حيااااااكم

شلونكم بنات ان شاءالله بخير سلامتج متنحه وعلي سالفة ايكيا نفس اللي صار معاي شريت كبت لغرفة الاكل منظر ورا طاولة الطعام ونفس الادرج بحطه للاستقبال اللي عند المدخل المهم خذيتهم ورديت البيت وجا النجار وركبهم قال شغلج ناقص مافي باب للكبت ?? قلت شلون قال ماعطوج الباب
ردت للايكيا قلت الكبت سعره 23 وبالفاتوره 30 دينار قال هذا حساب الباب القزاز قلت طيب وابي باب خشب تحت قال تدفعين بعد 8دنانير طلع كله 38
بس اول مره ادري ان الكبت يتفكك وكل شي له سعر منو بياخذ كبت بدون بيبان ?

 

[Om.Frs]

رد: ❤❤❤موااليد اغسطس ❤❤❤2014بأذن الله حيااااااكم

بالتوفيق ان شاء الله

 

[نور الضي]

رد: ❤❤❤موااليد اغسطس ❤❤❤2014بأذن الله حيااااااكم

متنحه
زين سويتي
حاولي تخلصين لان الرمضان قرب
واذا تقدرين اشتري ملابس العيد لعيالج وافتكي
دام انج مجلس طبي استغلي قعدتج
بس اثاث صاله عيالج
دوري لون مايبين فيه الوسخ

احلا انسانه
توني ادري والله سالفه هذي
سعر الكبت غير الباب

 

[Om.Frs]

رد: تجمع مواليد أكتوبر 2014 بإذن الله

الله يوفقكم

 

[نور الضي]

رد: تجمع مواليد أكتوبر 2014 بإذن الله

باربيه
انا عن نفسي اهدي فلوس
احسن
اخاف اجيب شي ما تحتاجه او ما يعجبها
عروس ولا والده
اهديهم فلوس

 

[Om.Frs]

رد: مواليد شهر سبتمبر 9 لعام 2014..حياكم الله اللي حللوا☆★☆

موفقين ان شاء الله