رد: ❤❤❤موااليد اغسطس ❤❤❤2014بأذن الله حيااااااكم
صباح الخير يا حلوات
خل اقولكم شصار معاي امس
رحت مع رفيجتي عند الدكتوره ليلى اشكناني
و انا مغصوبه وااي ياربي احس فشله مو قادره اتقبل وضع اني بولد عند دكتوره كويتيه
فشله فشله لووووول <<< ادري بتضحكون علي بس والله مو متخيله الوضع
المهم رحت لها يحليلها ما تخيلتها جذي نتفه حيل احس وقت الولاده الوحده اذا مع العوار و الطلق
تحوشها ولا تشوتها بالغلط تعورها لووول
المهم حطت علي السونار جك جك جك خلصت لحظااااااااا ما تفاهمنا على جذي لووول ماشفت شي يمكن ثواني حتى ما وصلت دقيقه
متعوده على دكتورتي القديمه توريني كل شي و تشرح لي و اهي تاخذ القياسات و تخليني اختار لقطات للبيبي الحلوه لوول هذي ماعطتني ولا حتى صوره وحده
وقالت يلا امشي الغرفه
عاد سالتني عن وضعي و قلت لها عن افرازات الدم و البني الي ذبحتني لي الحين تنزل علي
قالت غريبه السونار مشالله كل شي زين عاد عطتني تحميله lomexin هذي تنظف عنق الرحم
و قالت اراجعها بعد اسبوعين عشان تشوف شصار معاي لان اذا كل شي سليم قالت احتمال تكون تقرحات بعنق الرحم و لازم نستخدم البطه عشان نجيك عليها وانشالله تروح يارب و تختفي
طبعا الضغط رجع لي و بلشت اخذ حبوب الضغط
بس كانت سريعه دودهتني ماعطتني مجال اكلمها استفسر عن وضعي و هل احتمال يصير فيني لاسمح الله مثل ولادتي بولدي ,, انشالله المره اليايه
نور الكويت
اي الحين محد يطلع البيبي بالاستقبال بالمستشفى
عطورات و تبوس مو زين له و اهو توه
وانشالله تنزيلات سنتر بوينت ما تبلش الا لمن اخلص نقل انا لووول
خل ينطروني بقالي اسبوعين انشالله و انقل
بالنسبه للمميات انا افضل الزجاج للبيبي الي توه مولود احسن انظف
بس اذا كبر الياهل و بلش يمسك المميه بيده اخذ البلاستيك اخاف تطيح على ويهه ولا يحذفها ولا شي ,, طبعا مع التغيير المستمر لها
و احب الحلمات الشفافه بس متنحه ذاك اليوم تمدح الصفر اكثر انا بصراحه مو مجربتهم
واييييييييييي اهم مافي الموضوع انها جدمت موعدي لي 6\8
احس ياربي استانست و بنفس الوقت خفت مابقى شي انشالله و نولد بالسلامه يارب
