♥♡♥ تجمع لجميـع مواليـــد 2014 حيــــــاكمـ ♥♡♥

[^^ام الزين^^]

رد: تجمع مواليد أكتوبر 2014 بإذن الله

الله كريم

 

[نـور الكويت]

رد: ❤❤❤موااليد اغسطس ❤❤❤2014بأذن الله حيااااااكم

واخيراً تبطل المنتدى ياربي اشفيه كله معلق

اظاهر خرررف ���� عاد يضيق خلقي لا شفته معلق

يونسني بالليل والصبح .. اتسلى واسولف ..

 

[نـور الكويت]

رد: ❤❤❤موااليد اغسطس ❤❤❤2014بأذن الله حيااااااكم

ان شاءالله بحاول اكل الفيتامينات ..

متنحه حبيبتي عسى دووووم بخييير يارب ..

والله قاعده اكل تمر بس خفيف بس الحليب ما اشتهيه الصراحه بس بحاول اشربه ..

وربي يسرها

 

[نـور الكويت]

رد: ❤❤❤موااليد اغسطس ❤❤❤2014بأذن الله حيااااااكم

نوحا ما يشووف شر ولدج وربي يخليه لج ويشافيه ويعافيه ..

ومن ناحية الاشعه سمعت عنها وقريت..

وسالت عنها دكتور بالعدان ودكتوره هبه ..

قالولي اصلاً الحوض ما ينقاس بالاشعه .. ينقاس بوقت الولاده ويعرفوون اذا طبيعي ولا لا .. من الراس سبحان الله

تقول شكثر الي حوضهم صغير ويولدون طبيعب يكون راس البيبي صغير ..

تقولي على قياس الراس ماله شغل الاشعه

وحده قريت عنها تقول سويت الاشعه وطلع الحوض صغير وقالولي عمليه

تقول ولدت طبيعي لان راس البيبي صغير وطلع ..

وان شاءالله يارب نولد كلنا طبيعي وتكون ولادتنا سهله وطبيعيه يارب العالمين ..

وربي يسرها ولا يعسرها علينا ..قووولي آمين����

 

[غالية زمانها]

رد: تجمع مواليد ( إبريل - 2014 ) حياااااكم

لان المشيمه كانت نازله ليالمثانه فانجرحت المثانه
وعندي موعد الاسبوع الجاي للسونار ادعولي
حدي زهقت من الطبيب بنتي كاسره خاطري ماني قادره اغير لها الحفاظه ولا ارضعها من كثر مانفسيتي زفت
حتى اعيالي يحنون على طلعتي لاعت جبدهم
اماااانه ادعووووو لي لاني من قلب نفسيتي تعبانه

 

[نـور الكويت]

رد: ❤❤❤موااليد اغسطس ❤❤❤2014بأذن الله حيااااااكم

بنات الي تبي سرير للبيبي ..

انا عندي مال ولدي من سنتر بوينت يهببببل و جديد ونوعيته ممتازه ..

جايبته لي خالة ريلي الصراحه حلوو حتى لونه وشكله ما تغييير ..

اذا تبوون اخذوو من سنتر بوينت جودتهم حلووووه وخشبهم نظيف ويكفي لي عمر سنتين ولا يمكن اكثر على حجم البيبي ..

ويمدحون سراير وشغل محل جنه اسمه أنار ناسيه اسمه ..

 

[نـور الكويت]

رد: ❤❤❤موااليد اغسطس ❤❤❤2014بأذن الله حيااااااكم

قطعة حلا ..العفوو حبيبتي ..

تعرفين تسجيلات حطين الي عند مواقف الشاهبندر..قبال المواقف لاكشيت

تدشين المحل في درج تنزلين لسرداب مالهم شغلهم حلووو يهبل ..

 

[حكآية قلب]

رد: تجمع مواليد أكتوبر 2014 بإذن الله

هههههههههه انا بنتي كله مره جذي


ام الزين البيبي الحين صغير و الماي متروس ان شاءالله مافيه شي


امي تقول الله يستر عليج ان طلع البطن و كبر الياهل اي طقه خطر عليه لانه يكون محشور



الله يعين الله يكتب لي و اسافر
بشتري جنط ماركة و اخاف هني الكويت خرابيط بوتيكاتهم

 

[نور الضي]

رد: ❤❤❤موااليد اغسطس ❤❤❤2014بأذن الله حيااااااكم

يبط الجبد هالمنتدي اذا علق
ما كان جذي
انهبل
الله يرحم ايام قبل
قبل 4سنين كان زحمه حيل والمواضيع جديده
غير الهوشات كان صج صج يسلي

 

[نـور الكويت]

رد: ❤❤❤موااليد اغسطس ❤❤❤2014بأذن الله حيااااااكم

اي والله الضي ..

ي حلاته قبل وي الله تلحقين على سوالف البنات ومواضيعهم

بس من طلع الانستغرام خلالاص احس الناس نسوووه ..

معنى ذكرياته حلوووه خخخخ من قبل لا اتزووج وانا فيه وتجمعات العرايس والتجهيز واول حمل لي

صج صج كان يونس وله نكهه ..

 

[سمراء كالخمري]

رد: تجمع مواليد أكتوبر 2014 بإذن الله

بنات عادي الي حملها سليم مافيه تعب تساافر بس احس تركيا تعب علينا وايد شوارعها صاعد نازل متعبه بس دبي راحه كله مجمعات ومطاعم راااحه انا من ناحيتي ودي اسافر بعد الاربعين بس هم احاتي البيبي ودي ارضعه عدل محتاره والله كريم


بلشت اشيل 200 من معاشي حق السفر وحق الولاده

والاستقبال ماراح اسوي بالمستشفى بسوي بالبيت شكلي
لاني ثاني ياهل بسسسس خلاص :eh_s(22):

 

[خوخه89]

رد: تجمع مواليد ( إبريل - 2014 ) حياااااكم

وي بنات وين انسى انا كل مايجيبون طاري غرفه الولاده عيوني تبيض من الخوف ههههاااي

الحمدلله اللي الله فكنا منها وقر عينا بشوفه عيالنا

 

[ward-ward]

رد: تجمع مواليد ( إبريل - 2014 ) حياااااكم

وي بنات وين انسى انا كل مايجيبون طاري غرفه الولاده عيوني تبيض من الخوف ههههاااي

الحمدلله اللي الله فكنا منها وقر عينا بشوفه عيالنا

خووووووخة ماصارت كتبي لنا قصت ولادتج خل تجيني الولادة هذا الولادة الله الله يرحمنا كتبي قبل لا يسكر المنتدي للصيانة ههههه

 

[مــتــنــحــة]

رد: تجمع مواليد ( إبريل - 2014 ) حياااااكم

ماتشوفين شر غاليه الله يقومج بالسلامه ويردج لبيتج سالمه يارب

وكله اجر ان شاءالله

شي اهون من شي الحمدالله

قمتي بالسلامه وبنتج بصحه وسلامه الله يبلغج فيها وبعيالج

حطي فبالج انها فتره وبتعدي باذن الله

وان كل شي يصير ان شاءالله اجر وتخفيف ذنوب الحمدالله

حتى غزة الشوكه فيها اجر .. هذي رحمة ربي فينا ..

والله اذا احب عبد ابتلاه

حبيبتي كثري استغفار وتصدقي بنية الشفاء وشغلي قرآن وقت نومتج يريح نفسيتج باذن الله

 

[قطعة حلا2]

رد: ❤❤❤موااليد اغسطس ❤❤❤2014بأذن الله حيااااااكم

اي عرفته نور لكويت فديتج ماتقصرين


الانستجرام اخذ عقول العالم صار بتاع كلوا

انا مايرفع ضغطي الا الناس الي تراقب يكرهونج بكل شي هههههههههههه

 

[مــتــنــحــة]

رد: ❤❤❤موااليد اغسطس ❤❤❤2014بأذن الله حيااااااكم

نور

تدرين انا كنت اشرب الحليب عشان الحارق ذبحني

وصج مااطلع الا معاي قبل و24 ساعه اشرب فيه

اخر شي زفتني الدكتوره قالت انتي تاكلين كاكاويات قلت لا ؟؟

وسالتني بتعرف شنو اللي بديت اخذه الفتره اللي طافت

قلت لها عن الحليب

قالت بس وقفيه البيبي كبير واذا كملتي راح يكبر اكثر !!

والله وانا اوقفه على طول واكل خيار وطبعا قاعده واقرم بهالثلج ودوا الحارق اللي قبل مثل الكوركتر مادري شسمه !

 

[مـهـــابــــه]

رد: تجمع مواليد أكتوبر 2014 بإذن الله

مرحبا صبايا شلونكم؟

سمراء انتي مثلي بديت اشيل من معاشي بس انا ماحب استقبال المستشفى احس تعب علي بس باذن الله بسوي عقب ولادتي باسبوعين جذي استقبال ببيتنا
و حق سفرتي بعد ودي ادلع عمري عقب التعب هههههههه

 

[كلي هداوه]

رد: تجمع مواليد أكتوبر 2014 بإذن الله

شلونكم

 

[خوخه89]

رد: تجمع مواليد ( إبريل - 2014 ) حياااااكم

قصه ولادتي ببنتي زوزي

بدايه القصه اني كنت رايحه موعد عادي يوم الاثنين اول ماشافتني الدكتوره قالت لي انتي لسه ماولدتي قلت لها لا والله للحين كل الناس ولدو الا انا قالت لا عادي في ناس تطول لين ٤٢ اسبوع انا هني صادني احباط بس قلت الحمدلله ماراح يطلع الا بوقته سوت لي سونار وقالت كل شي اوكي بس البيبي حجمه اصغر من عمره والحين بنسوي لج تخطيط. قلت لها اوكي

رحت غرفه التخطيط وانا مافيني الا العافيه ركبو علي الجهاز وخلوه ١٠ دقايق بعدين تيمعو علي النرسات وفجاه دخلت الدكتوره وحطت كرسيها عند السرير وقعدت قلت لها خير دكتوره شفيه شسالفه ؟

قالت لا والله مافي شي بس اتطمن عليج <<< عيارتها
قلت لها لا والله في شي انا توني كنت عندج ولاقلتي لي شي

قالت خوخه انتي لاتحاتين بس ابي اسولف معاج
قلت لها اوكي بس انا مب مصدقتج

خلتني ٢٠ دقيقه عقب شالو التخطيط وقالت لي الحين بكلمج جد << انا هني ريجي نشف
قالت الحين الحين تروحين المستشفى البيبي وضعه مب اوكي

انا هني شوي وبصيح قلت لها شفيه
قالت نبضاته مب ثابته وانتي فالاسبوع ٣٩ وخلاص لازم يولدونج
قلت لها خلاص بروح البيت وبكره بروح المستشفى
جان تقولي مب عبط والله البيبي وضعه مب اوكي وحرام تضيعين تعب تسع شهور وتفتر على زوجي وتوصيه انه مايرجعني البيت وهو ماصدق على الله وقال لها تم

المهم ركبنا السياره وقلت له ودني البيت ابي اتسبح
قالي لا مافي ويشخطها الطواري وانا ميته من الخوف

وصلنا الطواري ورويناهم ورقه الدكتوره جان يدخلوني على طول ويركبون علي اكسجين ومغذي وتخطيط وخلوني على هالحاله ٣ ساعات ونص عقب البيبي صار اوكي وراحت مرحله الخطر ولله الحمد والمنه

هني طلعوني غرفه عاديه وكل ٤ ساعات تخطيط ومغذي واكسجين هالكلام يوم ٢٨ و٢٩ / ٤

ياتني دكتورتي الصبح وقالت الحين كل شي اوكي بس ماراح نقدر نطلعج قلت لها شفايده قعدتني هني ابي اروح البيت

قالت لي انتي شعندج فالبيت ؟؟؟ هني احسن واظمن وكل شوي نشوف وضع البيبي وعلى حالتج امس انا المفروض ادخلج قيصري بس قلت بصبر عليج لانج بجر والحين بنخليج وبنرجع لج العصر قلت لها خلاص اللي تشوفينه

ومشت حياتي اكسجين ومغذي وتخطيط لين الساعه ٣ العصر يات وشافتني الرحم مب فاتح الا ١ وسوت لي تحريض ومافي طلق والبيبي حالته مستقره لكنهم خايفين عليه

قالت لي الدكتوره بنعطيج مجال لين بكره الصبح واذا ماياج طلق بنعطيج صناعي واذا مافتح الرحم بنضطر للقيصري انا هني خلاص عيوني تدوحت @@ من الخرعه وسلمت امري لله

الساعه ٥ الا ربع تاريخ ٢٩/٤ حسيت بمغص والم فالظهر قلت حق امي انا احس بالم بس مادري صج لو جذب
وتم الالم يروح ويرد يروح ويرد وانا مب مصدقه ومب مستوعبه لين ماحسبت الا الالم كل خمس دقايق وقالوا لي تمشي فالمستشفى وكان ريلي يمشيني وكل ماياتني الطلقه وقفت ومسكت الطوفه من الالم يارب رحمتك
جان تشوفنا وحده كانت زايره ناس وتقول حق رفيجتها وي عشتو يمشيها بعد ويصحكون وانا في قمه الالم والمحاتاه على وضع البيبي قلت حسبي الله ونعم الوكيل صج مافي احساس ووكلت امري لله ياخذ حقي منهم

تميت على هالحال لين الساعه ٢ الفجر تاريخ ٣٠/٤ كنت اشوف امي نايمه ومابي اقعدها واتحمل الالم وعيوني احسها بتطلع من مكانها كان الطلق يوصل ١٠٠ ويوصل ٩٥ اشوفه فالتخطيط للين خلاص قمت ادمع جان اقوم امي واقول لها ماقدر استحمل

قالت لي بنادي الدكتوره اذا الرحم فاتح ٥ او ٦ خلاص استحملي واذا للحين مافتح اخذي ابره ظهر قلت لها اوكي وتجي دكتوره تفحصني وهني الصدمه

الرحم فاتح بس ٢ سم واي شنو انهرت من الساعه ٥ المغرب لين ٢ الفجر وطلق حامي والرحم مافتح الا ٢ عيل شنو الالم اللي بشوفه بعدين تميت اتشاور مع امي على ابره الظهر وفكرت فيها يمكن يبيلي بعد ١٢ ساعه شلون بتحمل وجان اقرر اخذها وهني نزلوني غرفه الولاده وبدا الجد

التكمله بعدين اذا شفت تفاعل

خخخخخ ابي احس اني كاتبه روايات

 

[نور الضي]

رد: ❤❤❤موااليد اغسطس ❤❤❤2014بأذن الله حيااااااكم

انا لي في المنتدي ذكريات قبل الوظيفه
وقروب العزابيه
ويه ايام
قطعه حلا
لاتعلمين احد بنكج
هذي خصوصيه
متنحه
انا طايحتله ككاو وحب مع الشاي او القهوه
وامي تحن علي تقول اشربي لج حليب مراعي طازج كل يوم