♥♡♥ تجمع لجميـع مواليـــد 2014 حيــــــاكمـ ♥♡♥

[مناوووي]

رد: تجمع مواليد ( إبريل - 2014 ) حياااااكم

مرحبا
اخيرا فتح المنتدى
الله يسهل عليكم يارب

 

[المشتاقة لجنة]

رد: تجمع مواليد أكتوبر 2014 بإذن الله

شخباركم ياكروشات امس رحت الدكتورة كان عندي الم ببطني وقالت ان فيني تقلصات وزادت لي جرعة المثبت وقالت البيبي جالس مو باين شنو بنت ولا ولد ياحياتي
مرة مسكر رجوله ومره جالس ودي اعضه ههههه ربي يحفظه ويحميه لعين ترجيه
وانتم شخباركم طمنوني عنكم
احس اني مو مثل قبل ويا الاكل اول حمالي كنت اكل حيييل ووزني حيل زاد الحين احس هالشعور برغبتي بالاكل خف الحمدلله

 

[حبي وحياتي]

رد: تجمع مواليد ( إبريل - 2014 ) حياااااكم

ربي يهون عليكم ويسهل ولادتكم ويقر عيونكم

​

بشوفة بيبياتكم بصحه وسلامه

 

[حبي وحياتي]

رد: ❤❤❤موااليد اغسطس ❤❤❤2014بأذن الله حيااااااكم

​

السلام عليكم وصبحكم الله بالخير
مابغى المنتدى يبطل بصراااحه صاير يضيق الخلق
نور الكويت
مشكوره حبيبتي على الرد الوافي ماقصرتي ربي يبلغج بولدج ويسهل لج ولادتج وتولدين طبيعي باذن الله
بما ان ولاتج بولدج قيصريه متى خذيتي ادوية النفاس باي يوم بالضبط
انا محتاره ناس تقول 5 يوم وناس تقول بعد اسبوعين وناس تقول عقب 20 يوم

 

[كلي هداوه]

رد: تجمع مواليد أكتوبر 2014 بإذن الله

الله يسهل عليكم
انا بدا معاي حارج خطير احس وصل لي بلعومي واحس بحراره مع الحارج شربت حليب وشربت عصير ليمون مافاد شسوي

 

[لذه السكر]

رد: ❤❤❤موااليد اغسطس ❤❤❤2014بأذن الله حيااااااكم

صباح الخيير

 

[لذه السكر]

رد: ❤❤❤موااليد اغسطس ❤❤❤2014بأذن الله حيااااااكم

السلام عليكن ياحلواااات
بغيت اسألكم متى الوحده تربط بطنها بعد الوﻻده
واذا الوﻻده قيصريه شلون تقدر تربط بطنها ومتى تبدأ تربطه بعد العمليه
وهل الكورسيهات الموجوده بالسوق واللي عند انور مكتوب عليهم لبعد الوﻻده هل هم احسن من ربط البطن
خايفه حدي من العمليه لان دكتورتي تقول مازالت مشيمتي تحت وﻻ ارتفعت بس عندها امل بالسابع راح تبدي ترتفع عند اغلب الحوامل ان شاءالله اكون منهم وترتفع عن عنق الرحم

بالنسبه للكورسيه دكتورتي قالت بعد 10 ايام من القيصري وشريت طبي من الصيدليه اذكر اختي يوم قالت للصيدلي قيصري ما رضه يعطيها بعدين قالت ابي حزام عمليات وكان ممتاز عالاقل يلم البطن ما يتهردل


الادويه على قولت يدتي القيصري ما تحتاج واايد ادويه لان اوريدي تحت ما انجاس و منظفين الرحم اهم شي ادويه العظام والظهر مثل الحلبه

ركزي عالحلبه حييييييل صج ريحتها مو حلوه وحته بالحليب تطلع بس والله كنت حسيت بفرق شدت ظهري واخذتها تقريبا 15 او 20 يوم وطبعا تدر الحليب وتعطي عافيه للياهل

الكركم ممتاز للجرح عشان يلتام كانو يحطونه بالطباخ و مرات بودر ارشه عالبيض المفيوح والاكل

اخذت اعشاب غوري اللي اهي الطبيخه موجوده بالحواي تسوينها مطاره وتحطينها يمكن
كنت اظيف عليها زنجبيل فرش و قشر قهوه وكان يطني تكرمين يمشيييي واعرق طلع الماي اللي بجسمي كله (كان اعتمادي عليها)

اللهوم اكلت 3 مرات او 4 استغفرالله وهديته بعدين يدتي قالت دام نفس مكونات الطبيخه خلج عليها

الحسو حار ما كليته

الخبيصه وتكون فيها ادويه مثل ا لحلبه والحبه السودا واشياء ثانيه كنت احبها لانها بتمر وكل يوم اكلها العصر واتقهوى بالطبيخه

العصيده ما احبها استغفرالله ولا كليتها

القبوط لاني احبه لو يحصلي كل يوم اكله ههههههه وكنت اغلي الحلبه واكت مايها عليه واكله

المرقوق نفس القبوط اكت عليها ماي الحلبه

طبعا المشروبات الحاره (زعتر زنجبيل دارسين بابونج ...) لازم على طووول

(الرهش والتمر والهرده والكيك ..) عشان تدر الحليب

العصاير الفرش (قالو ممنوع ومايصير ومادري شنو )انا كنت اشرب كللل يوم برتقال او تفاح او جرز ومرات كوكتيل فرش


امممم هذا الحين ببالي انشالله مانسيت شي

طبعا الخبيصه والعصيده والقبوط والمرقوق كلها عجين وطحين ما منه فايده الا المتن بس اتوقع يعطونا اياها اول الايام عشان تثقل الرحم ماينترس هوا وهم بنفس الوقت يخلطون معاها الادويه عشان ماتحسين بطعمها <<< تحليلي

هالسوالف اكلتها 25 يوم بس تالي مشاوي وسلطات بس الايدام راهي يعني تاكلين نص ديايه عالغدا وسلطه عوده ماتيوعين نفسج
ومرتين او 3 بالاسبوع اكل عجين واكل ثقيل


----------------------------------


بزيد شغله جربتها ايام الدوره وحييييييييييل اعجبتني اخر 3 ايام اقطع الادويه واشرب بابونج او لافندر (خزامى) مع شويه مره اغليها معاه من العطار عشان يعطر الجسم

وسويت هالحركه شوفو الموضوع تطلع الهواااااا كلللللللله كنت احس فيه واهو يطلع ويصك صك جزاها الله خير هالبنت على هالمعلومه

http://www.q8yat.com/t281505-2.html

بنات اللي عندها تجارب ومعلومات تقول لنا

 

[لذه السكر]

رد: ❤❤❤موااليد اغسطس ❤❤❤2014بأذن الله حيااااااكم

بنات على طاري الحلبه

كنت احط بمطاره الماي المغلي مال ولدي مو وايد جم حبه بس و من اهو صغير تقريبا عقب ال5 اشهر
ماشالله تتفخ الياهل وتقوي مناعته
بسسسسس ريحته تصير مو حلوه هههههه عشان جذي قطعتها مو لايق ياهل ريحته حلبه
جربوها ممتازه

 

[لذه السكر]

رد: ❤❤❤موااليد اغسطس ❤❤❤2014بأذن الله حيااااااكم

بنات
الحين لاولدتي لازم يصير فيج حليب ؟انا اسمع من حريم انه مافيهم حليب ؟؟ شقصدهم
انا ماكنت بشتري شفاط كهربائي لان يمكن مافيني حليب
وقريت وحده بنجمع يوليو تقول انة ارتفعت حرارتها لان فيها حليب متكود !!؟

ماكو شي اسمه مافيها حليب
اهو البجر يتاخر الحليب على ما يطلع يعني مو عقب الولاده على طول عقب يومين او 3 تلقين يبدي ينزل واهم شي الاصفر اللي اول شي ينزل هذا كل الفايده فييه ضروري تعطين الياهل

اوووو انها ما تاكل مثل اللي صار معاي فالحليب قلييييل ومن ارضع اتعب بسرعه والبيبي يتعب لان يمص حييل غير لما الحليب وايد يطلع بسهوله عرفتي

وسبحان الله كل ما رضع الياهل اكثر كل ما يدر الحليب اكثر يعني مو تقولين ما فيني وتوقفين لا حاولي مرتين 3 انشالله ويرد

واكلي رهش والاكلات اللي تدر تساعد وايد وايد او اخذي حبوب مكملات خاصه للحليب


مرات الحليب يتكود بالصدر يمكن لانها ما ترضع او عندها مشكله بالرضاعه فتيحجر الصدر ويعور واذا ما طلعته ممكن يتحجر لان الحليب ينشف داخل القنوات ويسكرها ماتقدرين تطلعينه يعووووووور وتحسينه جنه صخره

فاحسن حل انج ترضعين على طول و اذا البيبي شبع وفي زايد شفطيه وحطيه بالثلاجه بجياس مخصصه تحفظه من سنتربويت او مذركير ماراح يخترب

اوووو تحت الشور الدافي خليه على صدرج وحاولي تطلعينه باديج لما ترتاحين

لان الله لايقوله اذا زاد صج تصير صخونه

 

[حبيبة عز]

رد: تجمع مواليد ( إبريل - 2014 ) حياااااكم

صباحكم عسل بنات

شلونكم وحشتوني

اي والله المنتدى غثيث

كله ما ادش الاقيه مسكر

----

انا اوافق مايكبرني

لازم ندش مكان ثاني

ملبي ننقطع عن بعض والله احبكم

 

[حبيبة عز]

رد: تجمع مواليد ( إبريل - 2014 ) حياااااكم

بنات وضعي النفسي تحت الصفر

وريلي نفس الشي

وخدامتي ماتوصل لي شهر 6

ماقدر حتى ارد بيتي

والبواسير عزكم الله بلشت استخدم لها كريم يحررق

 

[q8helwa]

رد: تجمع مواليد ( إبريل - 2014 ) حياااااكم

واخيرا فتح المنتدى ماصارت كله معلق

شخباركم مع النفاس

 

[كلي هداوه]

رد: تجمع مواليد أكتوبر 2014 بإذن الله

الله يسهل عليكم
انا بدا معاي حارج خطير احس وصل لي بلعومي واحس بحراره مع الحارج شربت حليب وشربت عصير ليمون مافاد شسوي

 

[тεķάηαн]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

السللام عليكم
شلونكم ي حلوات
رحت لدكتورتي قبل كم يوم قالت لي انتي بالثاني لي اللحين :/
وبحسبتي اخر يوم دوره ان انا دخلت الثالث
احد يفهمني آمشي على منو

 

[ام مريم ورحمة]

رد: تجمع مواليد ( إبريل - 2014 ) حياااااكم

صبااااح الخير ها منو تم ما ولد للحين
صباح العسل كويت
الحمد لله باقي لي اسبوع بالنفاس اشلونج انتي ان شاء الله بخير

 

[ward-ward]

رد: تجمع مواليد ( إبريل - 2014 ) حياااااكم

مرررحبا بنات شخباركم واخير فتح لوع جبدنا المنتدي مادري عن خوخة ولورا عسالله يسهل عليهم امس رحت للمستشفي وقالو مفتوحة ثلاثة سانتي والراس مانزل حيل بالحوض كثري مشي اذا نزل ماي او دم تعالي والله مادري امس بليل كنت بمشي بس غبار
والطلق اللي فيني بارد عوار يجي ساعة ويروح
ابي شي يحمي الطلق غير الخروع ماحبة وابي شلون ينزل الراس بالحوض تقول الراس تحت بس مانزل حيل ومانبي نظطر نسويلج قيصرية وعيالج كلهم طبيعي والله يستر ويسهل

 

[Q6RYA]

رد: تجمع مواليد أكتوبر 2014 بإذن الله

بنات شخباركم وشمسوين انا هالايام كله تعبانه وابي انام وقومة الصبح للدوام صايره وااااااااااايد صعبه الله يعين

 

[Q6RYA]

رد: تجمع مواليد أكتوبر 2014 بإذن الله

بنات ترا توه الناس عالتجهيز وترا تجهيز البيبي كلها طلعتين ثلاث الا انتو مخلصين كل شي مايبيله شي انشالله

 

[Q6RYA]

رد: تجمع مواليد أكتوبر 2014 بإذن الله

كلي هداوه الحارج ماينفع معاه الا الخيار البارد وحده بوحده

 

[مــتــنــحــة]

رد: تجمع مواليد ( إبريل - 2014 ) حياااااكم

شلونكم بنات شخباركم ؟؟

مابغى يفتح المنتدى استغفرالله

شهالصيانه اللي ماتخلص ؟

بشروا من ولد فيكم ؟؟

خوخه وينها اخر خبري فيها كانت تحس بطلق الله يهون عليها وعليكم وعلينا كلنا يارب