♥♡♥ تجمع لجميـع مواليـــد 2014 حيــــــاكمـ ♥♡♥

[ككوته]

رد: تجمع مواليد أكتوبر 2014 بإذن الله

الله يهون ويتمم علينا يارب انا على بحري ماكنت احس بحركه الجنين الا بالرابع بس هالمره حسيت بحركه من الثالث حسيتها رفسه وحتى كنت حسراانه واللحين احس في من فتره لي فتره بنات سويت التحليل مال التاجرات وطلع لي لون بنفسجي على ازرق يعني يمكن ولد اهي كاتبه ان نسبه دقه التحليل ٩٨٪ وحماتي سوته على بنتها وطلع صح في وحده معانا بالتجمع سوت التحليل وضبط معاها؟؟؟؟ ياريت لوتشاروكني بارائكم اذا وحد جربت او احد من قرايبها =)

 

[MOOON&M]

رد: تجمع مواليد ( إبريل - 2014 ) حياااااكم

الله يسلمكم حبايبي


ورد ديريبالج من الكحه عالجيها بسرعه مو زين تولدين وفيج كحه تعور الكحه مع الخياط


والله يسهل عليكم ان شاءالله وتولدون ولاده سهله وسريعه


عليكم بالدعاء والاستغفار

 

[ككوته]

رد: تجمع مواليد أكتوبر 2014 بإذن الله

الله يهون ويتمم علينا يارب انا على بحري ماكنت احس بحركه الجنين الا بالرابع بس هالمره حسيت بحركه من الثالث حسيتها رفسه وحتى كنت حسراانه واللحين احس في من فتره لي فتره بنات سويت التحليل مال التاجرات وطلع لي لون بنفسجي على ازرق يعني يمكن ولد اهي كاتبه ان نسبه دقه التحليل 98٪ وحماتي سوته على بنتها وطلع صح في وحده معانا بالتجمع سوت التحليل وضبط معاها؟؟؟؟ ياريت لوتشاروكني بارائكم اذا وحد جربت او احد من قرايبها =)

 

[نور الضي]

رد: تجمع مواليد أكتوبر 2014 بإذن الله

انا سويته
طلع لي بنفسجي غامج مايل للازرق واحترت بالنتيجه وريته التاجره قالت يمكن ولد وفيني بنت
الوردي او البنفسجي بنت
الازرق علي الرمادي ولد

 

[ككوته]

رد: تجمع مواليد أكتوبر 2014 بإذن الله

تينا حبي لا تضيقين خلقج على قولتج تخلف انا الكل الي حولي يبون اييب بنوته واهل زوجي يحبون البنات واهلي بعد والي من الله حيالله هذي رقه ربي في ناس مومحصلين ضفر ياهل

 

[غالية زمانها]

رد: تجمع مواليد ( إبريل - 2014 ) حياااااكم

الحمدلله مون والتساهيل من ربح

 

[ككوته]

رد: تجمع مواليد أكتوبر 2014 بإذن الله

اممم والله مادري نور الضي احنا اول ماشفنا بنفسجي بس الي مايل عالازرق من درجات الازرق نور الضي اذا التحليل ليلحين عندج شوفيه يبين اللون عدل اذا وردي او ازرق لان بالبدايه يكون مركز وبعد فتره يبين اللون يفتح

 

[بدون بس مغتربه]

رد: تجمع مواليد أكتوبر 2014 بإذن الله

مادري ليش مو قادره اقتنع بالتحليل اللي تسولفون عنه احسه ففتي ففتي انتي حظج

 

[نور الضي]

رد: تجمع مواليد أكتوبر 2014 بإذن الله

ككوته
من زمان مسويته
واتوقع علي كلام بدون فيفتي فيفتي
يمكن انا وياج نفس النتيجه
يصير فيج ولد وفيني بنت
بس نتيجتي حيرتني كانت غامجه

 

[حبيبة عز]

رد: تجمع مواليد ( إبريل - 2014 ) حياااااكم

مون

ماشاءالله مبروك الولادة

وماياج والحمدلله على سلامتج انتي والبيبي

ماشاءالله ولادتج سهله نفس ولادتي الثانيه

وطمنتيني انها بنت وكانت سريعه

لان انا دايما ادعي تكون ولادتي سهله نفس ولدي الثاني

بس يقولولي لا البنت غير

راح تطولين شوي

شنو سميتي المزيونه

 

[MOOON&M]

رد: تجمع مواليد ( إبريل - 2014 ) حياااااكم

الله يبارك فيج حبيبه

والله حتى انا علبالي بطول لان ببنتي قعدت بالولاده 9 ساعات والطلوق بارده


بس هالولاده الطلوق ورا بعض والله ما توقعت جذي الطلوق


بس الحمدلله الالم منسي


سميتها ديمه

 

[Lady85]

رد: مواليد شهر سبتمبر 9 لعام 2014..حياكم الله اللي حللوا☆★☆

بنات اكتب لكم بس شكله مايوصل كلامي

 

[حبيبة عز]

رد: تجمع مواليد ( إبريل - 2014 ) حياااااكم

انا رحت اليوم ممشى الكوت

ومشيت شوي

وطبعا صارلي فترة أحس بعوار يوميا

بس مايزيد ويروح

وانا بعد فيني غازات وايد تنرفز عزكم الله

بس دكتورتي قبل تحذرني من الامساك قبل التاسع

لان التعصر اييب ولادة

بس ولا مره سمعت انها تمنع الولادة

ومافي إمساك قوي عزكم الله

ومادري متى اولد

بس ابي التاريخ الذهبي مع مايكبرني 14/4 خخخ

منو يبي معانا

----

متنحه

صح هالدكتورة ماعندها اسلوب

حتى رفيجتي تقول اختها ولدت عندها

تقول قامت تصارخ على امي وتقولها انتي ام

لو صج ام وتحسين ببنتج خلها تحط ابرة ظهر

الحين والله فيني عقدة .. بس امر يم رويال حياة اتييني غمته

 

[آنثــى مترفـهـہ]

رد: تجمع مواليد ( إبريل - 2014 ) حياااااكم

السلام عليكم شحالكم بنات


راح اقولكم قصة ولادتي انا من تقريبا سنتين كنت حامل بتوأم اولاد و صارتلي ولادة مبكره في نص الخامس و اولادي ماتوا بعدها بساعتين و سوولي عملية تنظيفات و الدكتورة بالغلط ثقبت الرحم و قالوا لا تحملين سنه والحمدالله ع كل حال رحت عند دكتور شاطر بعد التنظيفات بسنه قالي رحمج رقيق و مكان الثقب ضعيف و عطاني حبوب تسمك الرحم و قالي عادي تحملين و حملت نفس الشهر و قالي انتي المفروض تولدين بقيصريه اول يوم في التاسع عشان لا يصير انفجار في الرحم و راجعت عادي طول الحمل و يبت تقرير الدكتور للمستشفى عشان يولدوني قيصري اول التاسع بس الدكتوره ما رضت قالت رحمج في الالتراساوند تمام و مكان الثقب صغير و اللي تكون ولادتها قيصري نولدها في نص التاسع مو اوله المهم اول يوم دخلت فيه التاسع كان تاريخ 3 مارس و تاريخ 4 مارس عند صلاة الصبح حسيت بالم فضييع في بطني من فوق مو تحت نمت ع جنبي خف العوار كثييير قلت لنفسي اذا رد العوار بروح المستشفى و تميت ساعه و بعدين رد العوار بس بعده في بطني من فوق الصراحة ما عرفت هذا طلق ولا شو رحت للمستوصف ابا اعرف من شو هالعوار و قالولي ما نقدر نسويلج شي وما نعرف من شو هالعوار و قالوا روحي للمستشفى طلعت من المستوصف و دقيت ع امي قلتلها فيني عوار فضييع بس ما ادري من شو و مرتني امي بسرعه و رحنا المستشفى في الطريق تميت استغفر حسيت بالم فضيييع كنه شي في بطني من فوق يتقطع و حسيت بطني من فوق فيها مثل الكوره بارزه و اول ما وصلنا المستشفى دخلنا الولادة ولازم تفحصني الدكتوره لانها تحسبها ولاده ييت دكتوره عراقيه اسلوبها ابدا مو حلو الله يسامحها وانا اتلوى من العوار لما فحصتني حصلت الرحم مسكر ابدا مو فاتح ولا سانتي قالت مو ولاده وانا اقولها دخليني العمليات انا بموت و المفروض اولد بقيصرية رحمي ما يتحمل طلق قالت صبري و مسحت بطني تبي تشوف البنت نزلت في الحوض ولا لا ولما لمست بطني من فوق صحت عليها قلتلها هني يعورني شلي ايدج قالت انتي يايه تتدلعين فيج حرقان بالمعده ويايه تتدلعين علينا و انا ابججي وامي تزف الدكتوره تقولها كاهي قدامج بالله هذا عوار معده قالت مو ولاده وراحت و بعدها يات النيرس تركب التخطيط عشان قلب البيبي و تشوف الطلق لما حطت التخطيط ع بطني حصلت دقات قلب البيبي بس بسرعه اختفت الدقات و راحت بسرعه تنادي الدكتوره ترجع وانا ابجي اقول لامي ماتت بنتي ويات الدكتورة و دورت النبض ما حصلته طلبت غرفة العمليات و ودوني العمليات بسرعه و انا اقول للدكتوره بنتي ماتت تقولي لا نبضها ضعيف قلتلها راح تموت قالت هيه راح تموت و عطوني البنج وانا اقول انا لله وانا اليه راجعون طبعا تميت في العمليات خمس ساعات لانه انفجر الرحم عندي و بنتي طلعت من الرحم من فوق و طلعت في بطني و نقص عليها الاكسجين نص ساعه لما طلعها الدكتور انعشوا قلبها كان واقف و خذوها للعنايه و انا نزفت دم كثيير وكنت راح اموت لان البنت قربت حاجز القلب قال الدكتور لو تاخرنا ثواني كان البنت ضربت الحاجز واني راح اموت بس ربي لطف و لما صحيت من البنج اسألهم بنتي ماتت يقولون لا و احلفهم و يحلفون ما ماتت و اقولهم بخير يقولون هيه شوي تعبت بس صارت بخير و الصدق طلعوا مخبين علي انه البنت دخلت غيبوبه لي الحين ما قامت ابدا وانا فيني خياطه في الرحم من فوق ومن برا و تعبت حييل بعد الولاده وقالولي ما يصير احمل مره ثانيه لانهم يخافون يصير انفجار بالرحم و قالي اذا تبين تحاولين حاولي بعد سنه اول سنتين بس راح يكون حمل عالي الخطورة علي و البيبي وانا اليوم كملت 37 من ولدت و بنتي بعدها في غيبوبه و يقولون انه مخها تضرر بنسبة 80٪ بسبب نقص الاكسجين و ما تقدر تتنفس الا بانبوب في حلجها و انبوب التغذيه في خشمها و الحين يقولون يبون يسولها عمليه عشان يفتحولها فتحة في اول الرقبه عشان مضخة التنفس و فتحة في البطن للتغذيه والله كريم والحمدالله ع كل حال انا ادري ان الله اذا احب العبد ابتلاه بس نفسيتي تعبانه اشوف بنتي في غيبوبه ولا اقدر اسويلها شي غير الدعاء احس اني مقصره في حقها ولازم اسويلها شي بس ما ادري شو اسوي و الحين نرتب تقريرها عشان نسفرها امريكا و نشوف شو راح يصير و السموحه طولت عليكم و الف مبروك لكل اللي ولدوا و الله يسهل ع الصامدات و الله يقومكم بالسلامة انتوا و بيباتكم وعفيه بنات ادعوا لبنتي تصحى تكون بخير و ربي يشفيها لي

 

[حمرة الورد]

رد: تجمع مواليد ( إبريل - 2014 ) حياااااكم

بعد عمري انثى يارب مثل ماجهزتي لها واهي بطنج تجهزينها متعافيه وعروس يارب وكلنا ندعيلج ولبنتج وعسى ربي يصبر قلبج هذي الولاده محد يدري شنو مخبا وراها بس نقول رحمه ربي فوق كل شي ويارب يلطف فيها وتبشرينا عنها لا تقاطعين

 

[حبيبة عز]

رد: تجمع مواليد ( إبريل - 2014 ) حياااااكم

انثى حبيبتي

ودي احضنج .. حبيبتي الله يصبر قلبج

ويشافيج ويعافيج انتي والبنوته

قلبي قصتج تعور القلب

والدكتورة اللي سوتلج ثقب ماشتكيتي عليها

وبعدين شالدكتورة العراقيه مال زناط

حقيرة ومو وقتها كلش

ولو ان الشكوى شتفيد

وقصتج نفس قصة جارتنا .. بس جارتنا قالولها ممنوع تحملين

وفي عملية ممكن تسوينها بس نجاحها 20%

وهي ماحبت تجازف بنفسها

والله ياجرج يا انثى

وان شاء الله الله يشافي بنتج


الحمدلله الله قومج بالسلامة

ماعرف شقولج

بس الله يمسح على قلبج ويصبرج

 

[نور الضي]

رد: تجمع مواليد ( إبريل - 2014 ) حياااااكم

الله يشافي بنتج يا مترفه
وتفرحين فيها
الله يقومج بالسلامه حبيبتي

 

[the note book]

رد: مواليد شهر سبتمبر 9 لعام 2014..حياكم الله اللي حللوا☆★☆

كرازون تطوري و نزليه هههههههه

 

[حبيبة عز]

رد: تجمع مواليد ( إبريل - 2014 ) حياااااكم

مون

عاشت الاسامي

ويخليلج ديمه ويحفظها

----

انثى اذا وقف الدم

وقدرتي تروحين يومين عمره

وتدعين حق البنوته

وتريحين نفسيتج يكون احسن

ولاتنسين تسمين البنوته

والله يشافيها

 

[Amonito]

رد: تجمع مواليد ( إبريل - 2014 ) حياااااكم

انثى ياحياتي الله يرحم بحالج

ويشافي لج بنتج ويعافيها لج

مافي شي بعيد عن رب العالمين

وحسبي الله ونعم الوكيل في كل

دكتوره عاملتج بقسوه وتسببتلج

بالي صار .. صج انه قضاء وقدر

ومكتوب بس هم حسبي الله عليهم

طمنينا عليج وعلى بنتج والله يقومها

بالسلامه معافيه يارب