♥♡♥ تجمع لجميـع مواليـــد 2014 حيــــــاكمـ ♥♡♥

[حبيبة عز]

رد: تجمع مواليد ( إبريل - 2014 ) حياااااكم

فوفو

انا بعد جذي لما يتيبس يعورني

حتى الهدوم احسهم يحرقوني

وصاير اييني طلق خفيف يروح ويرد

بس ماكو شي منتظم ولا قوي

 

[Lady85]

رد: تجمع مواليد أكتوبر 2014 بإذن الله

لولو ألف مبرررررررررروك الولد ان شاءالله تشوفينه معرس الله يتمم لج على خير

 

[Lady85]

رد: مواليد شهر سبتمبر 9 لعام 2014..حياكم الله اللي حللوا☆★☆

غنوجه تسلم يدج على هالتوقيع الحلوووووو ماقصرتي حبيبتي

 

[Lady85]

رد: تجمع مواليد أكتوبر 2014 بإذن الله

انا في الخامس والدكتوره قالتلي الجنس ولين الحين شاكه مدري ليش:eh_s(10):

 

[MOOON&M]

رد: تجمع مواليد ( إبريل - 2014 ) حياااااكم

سوس اهم شي سلامتج انتي والبيبي


وااي السيف كنت افكر اولد فيه بس كل الي يولدون فيه قيصريه



حبيبه

شصار على خدامتج

من فتره كنتي تقولين بتجيلج هنديه شصار عليها

 

[مــتــنــحــة]

رد: تجمع مواليد ( إبريل - 2014 ) حياااااكم

حبيبتي حمرة الورد تسلمين يارب والله يهون عليج وتبشرينا بقصة ولادتج يارب:eh_s(17):

سوس الف الحمدالله على سلامتج انتي والبيبي هذا اهم شي

والفال لباقي البنات كلهم يارب

 

[Lady85]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

زوجي تاج راسي الله يتمم لج على خير وتشوفينه في حضنج وتفرحين فيه ان شاءالله

 

[مناوووي]

رد: تجمع مواليد ( إبريل - 2014 ) حياااااكم

واي قصصكم عورت بطونا ههههه
حمدلله ربي سهل وشفو بيبياتكم
وعسى ربي يقومهم ويقومكم بالسلامه
والله يسهل علينا
فوفو نفسج اناا التيبس ذبحني والملابس لاحاشته يضايقني

 

[lawyara]

رد: تجمع مواليد ( إبريل - 2014 ) حياااااكم

الحمدالله على سلامتج سووس ومبروك ما ياج

صايره اتغصب ازور والا والله تعب يالله جسمي شايلني والويكند كله زواره

 

[the note book]

رد: مواليد شهر سبتمبر 9 لعام 2014..حياكم الله اللي حللوا☆★☆

ام صقوري و كارازون

كل حامل يطلع لها حبوب في ويهها تستمر لي اخر الخامس

لان تكوين الجنين سبحان الله يحتاج يفرز جسمنا دهون عشان جذي يطلع لنا حبوب الحمددلله

Kh89

مااا ودي اخرعج حبيبتي بس الالتهابات البكتيريه جدا خطره عالحامل حاولي تعالجين باسرع وقت ممكن

الله لايقوله ممكن تسبب في نزول السائل الامنيوسي صايره مع ثنتين اعرفهم بسبب الالتهاب البكتيري

لا تنطرين روحي باقرب وقت اخذي علاج

والله يستر و يتمم لج حملج على خير

 

[the note book]

رد: مواليد شهر سبتمبر 9 لعام 2014..حياكم الله اللي حللوا☆★☆

مبروك لولو الولد

اي والله كله صبيان ياحلاتهم

 

[the note book]

رد: مواليد شهر سبتمبر 9 لعام 2014..حياكم الله اللي حللوا☆★☆

ساره شفتي شلون

نحيس ما يبيني استانس واقول انا سميت

 

[so0os]

رد: تجمع مواليد ( إبريل - 2014 ) حياااااكم

كنت خايفه لان شعور يخرع وانا صاحيه ما حسيت بشي بس حسيت انهم قاعدين يشتغلون مافي عوار بس في حركه كل شي كان تمام جان تسمع الدكتوره تقول احد يساعدني بسرعه كان دكتور التخدير قاعد وراي جان يقولها انا انا شنو تبيني اسوي طبعا هني انا مو بس مت من الخرعه الا ودي اقوم من مكاني اشوف شنو في .. جان تقوله بوش قصدها يدز بطني لي تحت جان تقولي ولدج متعب حتى بالقيصريه سسترتين والدكتور يدزون لين طلع الياهل بطلعته حسيت فيه حييل مو عوار لا بضغط جنه احد قاعد على بطنج سبحان الله وطلع عاد علاوي حبيبي بالسلامه كملت الدكتوره شغلها بس طولت انا قاعده اشوف الساعه بولدي الاول نص ساعه خالصه ولاده وخياط هالمره قعدت ساعه وشي واهيا تخيط مادري ليش
طلعو ريلي قالوله خلاص انا هني نمت من التعب نايمه بس قاعده اسمع الدكتوره شتقول وشنو تطلب واسمع كل شي بس مغمضه عيني يه دكتور التخدير اخترع قال اي دي نايمه ولا ايه ههه ودي اقوم ارد عليه بس مالي خلق جان اقوله السستر نايمه

اتا ولدت ساعه ٧ ونص طلعو البيبي ساعه ٩ الا ودوني الانعاش هم مادري ليش قعدوني ساعه الا وطلعوني الجناح وبالنسبه للابره انا كملتها لي الصبح عشان العوار بدال لا اخذ مسكنات يعني من ساعه ١ الظهر لي ٧ الصبح بعدها بديت بمسكنات الابر

ثاني يوم لما يتلي الدكتوره قالت لي ولدج عنيد حاى بالعمليه صعد وايد فرق غصب طلعنله واليوم الي وراه يت بعد واهيا تغير حق الخياط جان تقولي ان في مكان كان بنزف شوي وغصب وقف هني عرفت ليش دخلوني انعاش عاد واهيا تغير نفس المكان الي اشرت عليه طلع شوي جنه ملتهب فحصت وفحصت جان تقولي لا حمدالله زين بس اذا حسيتي باي شي تعالي بسرعه لا تنطرين موعدج


بالنسبه للبيبي اول يوم قالولي حمدالله كل شي زين فيه بس ثاني يوم يتلي دكتوره للاطفال قالتلي لا تخافين اول يوم ما كنا سامعين شي بس اليوم سمعنا صوت بقلبه لازم نسويله سونار خفت طبعا بس قلت حمدالله الي الله كاتبه انا راضيه فيه
قالت م وافقه نسويه هني ترددت بس خفت مو شطار ويقولولي شي غلط قتلها كتبياي تقرير وانا بسويه عند دكتور اعرفه
هالدكتور انا اشتغلت وياه قدل لا استقيل وايد وايد شاطر دكتور بالجامعه عندي موعد الاحد باذن الله وياه وان شاءالله ماكو شي
ادعوله بنات لو سمحتو

وسلامتكم ان شاءالله تولدون كلكم بالسلامه يا رب

 

[أم صقـورى]

رد: مواليد شهر سبتمبر 9 لعام 2014..حياكم الله اللي حللوا☆★☆

صباح الخير

غنووجه تسلمين حبيبتي ع التوقيع تسلم ايدج

Kh_89 حبيبتي لازم تتعالجين من هالبكتريا والفطريات عشان ماتسبب لج بعدين بضرر لج او للبيبي وماتشوفين شر ان شاء الله

نيو برايد يفضل التهاب تعالجينه من البدايه وموعدج بعيد وماتشوفين شر حبيبتي

لولو مبرووك ي قلبي الولد عسى ربي يقر عيونج بشوفته ويبلغج فيه معرس يارب

 

[so0os]

رد: تجمع مواليد ( إبريل - 2014 ) حياااااكم

الله يسلمكم كلكم يا رب سوري بنات قاعده اكتب مقطع كنت ارضع ولدي ههه يالله يايكم الدوووور ان شاءالله بالسلامه وماراح تنامون

 

[أم صقـورى]

رد: مواليد شهر سبتمبر 9 لعام 2014..حياكم الله اللي حللوا☆★☆

ذا نوت مشكوره على المعلومه لأن بهالحمال بس طلعت معاي وكثرت والحمدلله ان شاء الله تخف على قولتج آخر الخامس

 

[حبيبة عز]

رد: تجمع مواليد ( إبريل - 2014 ) حياااااكم

مون

مو شرط .. توني قارية وحدة والدة عند روبينا

تقول ماتحب القيصريه وصبرت عليها

وعلى الخدامه

ماحسينا في مصداقية عند المكتب

الريال كل اسبوع يقول الاسبوع اللي وراه

اخر شي سحبنا فلوسنا وقلناله خلاص مانبي

عاد انا قلت خيرة

عشان اطلبها الحين وتوصل بعد النفاس

بس ليما الحين مارحت افتريت

وريلي يقول الهنديه على 680 د.ك

وقلتله عليج انج طالبتها ب730 صح؟

 

[زوجي تاج راسي]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

زوجي تاج راسي الله يتمم لج على خير وتشوفينه في حضنج وتفرحين فيه ان شاءالله

حبيبتي والله مشكوره احلي دعوه
والله يقر عينج بشوفه ضناح بصحه وعافيه ويسهل عليج يارب

 

[زوجي تاج راسي]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

للهم أعيذ ما في رحمي بكلماتك التامة ومن كل شيطان وهامة ومن كل عين لامه اللهم أسألك أن تحفظه وتجعله معافى كامل الخلقة دون زيادة أو نقصان اللهم حسن خَلقه وخُلقه وسهل حمله ومخرجه واجعله قرة عين لي ولوالده واجعله من عبادك الصالحين

 

[زوجي تاج راسي]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

اللهم ثبته واحسن خلقه وخلقه واجعله قرة عين لي ولوالده آميييين
الله يتمم علينا ويرزق خواتنا آمييييين