رد: تجمع مواليد ( إبريل - 2014 ) حياااااكم
قصه ولادتي
كان يوم عادي مو حاسه بولا شي صليت الفير وانسدحت بنام توني ييت بغفي ولا احس بعوار قلت عادي نفس كل مره ايلي عوار واروح يقولون مافي طبق واحاول ارد انام كل ما اغفى ايلي عوار قلت ماشوف الا ريلي قام قالي شفيج قتله عوار قالي حسيت عليج تونين عاد انا مو حاسه على نفسي ههه قالي تبين اوديج الطبيب قتله لا اذا زاد اروح وايلي عوار ثاني مره يخليني اون بس مادري ليش كنت مقاومه يمكن لان بولدي الاول ما يالي عوار رحت الماي كان نازل علي فا مو عارفه عوار الطلق بالبدايه
المهم قلت خل احسب العوار اذا منتظم اروح بس ماكان منتظم مره كل عشر دقايق مره كل ٨ دقايق العوار بدا ساغه ٦ صارت ١٠ جان اسويلي ريوق قلت حق ريلي خلاص روح شغلك اذا زاد حيل ادق عليك
جان ادش على بنت خالتي واتساب اسولف وياها قتلها عاد اهيا اشتطت قالت امشي مو خسرانه وقعدت تحن ان نروح قتلها مافيني شي جان افكر اقول خل اطلع شوراي طاع التفكير هههه قلت امر اشتري عصير المهم قلت حق ريلي بروح وياها اذا في شي ادق عليك قالي انا اوديج قتله لا عادي طبعا ادري ان ماله خلق ههههه
وصلت المستشفى ١١ الصبح فحصتني الدكتوره مالت الطوارى قالت اثنين وفي طلق طبعا اذا تذكرون انا بمراجعتي كنت نص سانتي وبعدها بسابوع يالي عوار كان بطني يتيبس قالت ماكو طلق ووسعتني خلته واحد ومر اسبوع جان اولد
قالتلي منو دكتورتج قتلها راجني قالت مسافره منو تحبين بدالها قتلها روبينا طبعا هذا مستشفى السيف لاني ابي اولد فيه عاد رايحه مو يايبه اغراضي لاني ما توقعت ولاده قلت اذا كلش كلش بترجعني بتقولي تعالي بعد جم ساعه لاني كنت مستحمله العوار
المهم دقت عالدكتوره يت بعدها بنص ساعه فحصتني لقتني ٣ سانتي قالت خلاص دخول لان الطلق قاعد يزييد و شوي شوي قام يفتح الرحم وراس البيبي نلزل زين وانا طالبه ابرة الظهر كل ساعه اذكرهم فيها خذو التحاليل وهني ريلي وصل شوي ولا اشوف اخوي داش علي حبيبي ولا طلعت بنت خالتي قالتله بالواتساب
استانست لما شفتهم كلهم مع ان احراج من اخوج لوول بس وايد استانست عطوني ابرة الظهر ووايد ارتحت لان الطلق كان يزيد حيل
دكتور التخدير سبحان الله بس شفته ارتحت حسيته فاهم قالي عطيني ظهرج وويهج جدام وحطولي مخده اتسند عليها كنت مستحيه لان اول مره اكشف على دكتور جدام ريلي مع ان سويت سونار عند دكتور قبل بس مادري ليش استحيت طبعا بس ظهري الي مبين
يت السستر وسندتني من جتفي عشان ما اتحرك عطاني اياها وما عورتني كلش كنت خايفه بس حمدالله اقل من خمس دقايق راح العوار سبحان الله قعدت اسولف مع اخوي وريلي وبنت خالتي شوي الا امي ولخوي الصغير داشين جان اضحك قتلهن شيايبكم كلكم ماله داعي مافيني شي قالو لا
والسستر كل شوي تتناجر مع اخواني تقولهم طلع. يقولولها اخوي انا زوج مال هيا تقول لا وتعصب انا في بطاقه زوج هذا زوج وتاشر على ريلي ههههه
المهم انا بولادتي الاولى كنت قيصريه والسبب نبض البيبي كان يخف حيل مع اني كنت فاتحه ٨ وشوي
وهالمره حسيت ان نزل لان نفس الشعور اول مره جان افز فجاه قتلهم نبض البيبي قالو شفيه قتلهم نزل قامو كلهم طلو بالجهاز قالو مافي شي قتلهم لا امبلا والله نزل حسيت سبحان الله تحسين ان انتي اليروحج بتطلع وما رتنفسين وقلبج بيوقف
جان اعصب قتلهم امبلا والله قالو لا كاهو زين ١٣٠ هني جان اشوف السستر يايه ركض ولا تجيك قالت لفي يسار لفيت وهني تاكدت ان نبض البيبي قتلها شنو في جان تبتسم تقول مافي شي وراحت بس عه نادت الدكتوره يت ولا نبض البيبي وايد نزل قتلها شنو في قالت مافي شي عادي ارتاحي راحت وردت
