♥♡♥ تجمع لجميـع مواليـــد 2014 حيــــــاكمـ ♥♡♥

[لوولوو_88]

رد: تجمع مواليد ( إبريل - 2014 ) حياااااكم

الحمدلله انه استقبالي مو بالمستشفى مهون علي هالموضوع .. عشان لا صغرت الغرفه ما احاتي

 

[fofowa_q8]

رد: تجمع مواليد ( إبريل - 2014 ) حياااااكم

لولو لاتحاتين رويال وفي اي بي في اكثر من

جناح مو بس واحد انتي روحي شوفيهم

وكتبي ارقام اللي يعجبونج وخلي ابالج اكثر

من وحده..

 

[لوولوو_88]

رد: تجمع مواليد ( إبريل - 2014 ) حياااااكم

انشالله فوفو حبي هذا الي بيصير بس يرتفع حملي انشالله بأول المشوار توني

 

[Q8_QT]

رد: تجمع مواليد ( إبريل - 2014 ) حياااااكم

الله يسلمج مايكبرني تقريبا بآخر سونار كانت 2 و600 يعني زادت شوي

 

[لوولوو_88]

رد: تجمع مواليد أكتوبر 2014 بإذن الله

لا والله رويال لو ما في عنايه ماكو وحده حامل تقط نفسها بالتهلكه و انا أغلب اهلي بجريات ولدو في و آخر وحده من اسبوع .. حيل مرتاحين منه و يمدحونه حتى سونارهم غير و واضح و يختلف عن كل المستشفيات بالدقة

و سبحان الله كل وحده و الي ترتاح له و متعوده عليه ..

بس أغلب البجريات و انا منهم أخاف اجازف بأي مستشفى اول اسمع الناس شقولون

 

[مناوووي]

رد: تجمع مواليد ( إبريل - 2014 ) حياااااكم

حمدلله يارب كيوت انج فرحتي بشوفة من من
هذي الغاليه اكيد سمية جدتها
الله يحفظها ويعينج على غيرج خوانها

 

[لوولوو_88]

رد: مواليد شهر سبتمبر 9 لعام 2014..حياكم الله اللي حللوا☆★☆

حبيبتي همبا الله اتمم عليج يا رب و تقر عيونج بشوفته بحضنج ياااااا رب ♡

 

[لوولوو_88]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

مبرووووك تكانه ربي اتمم عليج حملج يا رب ♡

 

[المشتاقة لجنة]

رد: تجمع مواليد أكتوبر 2014 بإذن الله

الله ييسر لنا جميعا حملنا وولادتنا ويسهلهم علينا

 

[fofowa_q8]

رد: تجمع مواليد ( إبريل - 2014 ) حياااااكم

بنات عوار الطلق والتجاديم كلها اختفت

مو المفروض الحين تزيد؟!

بس يومين اكمل ٣٨ اسبوع ان شاالله

شكله عبادي طق فوق تحت وهون مايبي ينزل

حتى ريلي يقولي وين اللي تقولي عوار كل يوم اشوف مافيج شي

 

[fofowa_q8]

رد: تجمع مواليد ( إبريل - 2014 ) حياااااكم

الله يسهل عليج لولو توني انتبه حق توقيعج

عبالي على وشك الولادة تو الناس عليج وراج مشوار

 

[لوولوو_88]

رد: تجمع مواليد ( إبريل - 2014 ) حياااااكم

حبيبتي فوفو امين .. و يهون عليج و يسهل ولادتج يا رب ♡

جدامي درب طويييل ههههه

 

[dewy twilight]

رد: تجمع مواليد مارس 2014 الله يتمم ويسهل يارب

قصة ولادتي




طبعا من قبل ولادتي ب8 ايام قالتلي الدكتوره عنق الرحم مفتوح 1 سانتي
بس ماكنت احس بعوار اللهم مغص خفيييييف بودقيقه ويروح وخلاص ماكو اي اعراض

وقالتلي دكتورتي عنق الرحم سميك عندج حدج مطوله وشكلج بتخلصين التاسع كله

المهم بعدها لما افحصتني بالليل نزل دم وعواااار وياني طلق بس بااارد قالو الشفا ماندخل على جذي طلق لازم يكون حامي وكل 3 دقايق

وبعدها بثلاث ايام هم ياني طلق ومنتظم بس بااااااااارد حتى مايعور ونفس الكلام قالو مطوله

المهم سالت دكتورتي عن الخروع قالت اذا فيج طلق شربيه لان يحمي


المهم يوم اليمعه كنت بالسينما حاشني هم طلق مثل مغص دوره مايعور ومنتظم كل ربع ساعه ليما باللييييل جان يختفي 

ياني احساس انا وريلي ان ولادتي قربت

اليوم اللي ورا يوم السبت ياني طلق الساعه 9 بالليل صرت اعرفله بارد
جان امي تعطيني نص قرشة خروع مع العصير وشربته وصرنا نحسب الطلقه كل شكثر تيي
فصار كل 6 دقايق مره لمدة ساعه
بعدين كل اربع دقايق لمده ساعه
امي قالت شكله فيج ولاده
روحي امشي
سميت وشربت ماي زمزم ودعيت ربي اولد لان نفسيتي اتعبت من الحمل وقلت يارب اولد اليوم وقمت ابجي وقريت هالايه ((أمن يجيب المضطر اذا دعاه ويكشف السوء )) اكثر من مره

طبعا من بداية الطلق كل 6 دقايق قمت امشي على جهاز الجري عندي لمدة ساعه وكلماله احس ينتظم
عقب شربت كوب دارسين وخذيت شور حار
وعل نفس الوضع الم يروح ويرد

رحت مع ريلي البيت ماقدرت انام احس بنغزات قمت ضبطت شعري
وقلت ماني رايحه مستشفى لان تفشلت كلما اروح قالو طلق بارد جنه بلاغ كاذب لووووول

ريلي عصب يبيني اولد هالكلام الساعه2 بالليل
قال امشي اوديج مستشفى وانا خايفه ينقص ويهي واقوله بالسياره ترا مالي شغل اذا ردونا 

المهم رحنا دار الشفا الطوارئ وقام عليي يزيد وحسيت هالمره غير ياني شعور ولاده
سوولي تخطيط قمت ابجي من الطلقه عقب ربع ساعه اثاري كان يحما الطلق ويعووور كان الم بالكله يصخر بطني فوووق بجهه وحده بس مع ان بجيت بس ترا الالم يحتمل مو لدرجة ان اصيح لا اتشنج نوعا ما
هالحجي قبل لا تشوفني دكتورة الطوارئ بس السستر قالت فيج طلق قوي ودخول ولاده قبل لاتسوي تخطيط من شكل بطني وشلون تصخر

المهم صعدت الولاده فوق وفحصتني الدكتوره وقالت 1 سانتي بس الطلق قوي
تبين تدشين ولاده ولاتتحملين الالم في البيت الخيار لج
وقالت انا رايي اذا تبين ابرة ظهر ليش تتالمين دخلي من الحين وريحي عمرج بس ولادتج بتكون عالمغرب لانج بجر
توكلت عالله وقلت بدخل خل اوووولد بس

جهزوني وعطوني حقنه شرجيه وجذي هالكلام الساعه 4 الفير وعقب توظيت وصليت الفير ودعيت بالتيسير

يت دكتورة ابرة الظهر وثبتوها وبدا فلم الولاده
خذيت غرفة ولاده خاصه دخلت امي معاي

انا موووووو صج قمت اخربط بالكلام واقول حق امي لعبو فيني خربو ذاكرتي ههههههه
ودمووووع دمووووع الكل توترو معااااي شكو بروحهم
واقول حق امي نادو ريلي يوم يا اقوله انت شسمك لوووول صرت مسخره جني ياهل
والسسترات يمسحون دموعي ويقولون لاتبجين وانا ارررررجف طبعا من الخوف واهمه عبالهم بردانه

طبعا كل شوي يفحصوني ويوسعوني والرحم قاعد يتوسع ودقو على دكتورتي وقالولها الرحم مفتوح 7 سانتي

طبعا طول الوكت امي تقرا سورة يس وانا حاطه سورة مريم اسمع والتلفزيون شغال على الحرم والكعبه هالشي ريحني

على مايت الساعه كانت الساعه 1 الظهر وكنت خلاص ولاده جان يصير اللي يصير وبوش بوش واحراج وطلعو البيبي وحطوه عليي يراووني انصدمت جنه حلم على خوف على خرعه مادري شعور غريب

والله سبحانه وتعالى من عليي بفضله وولدت الحمدالله بالسلامه يوم الاحد 23/3 ويبت البنوته وسميتها *آيه*

ولدت بمستشفى دار الشفا عند دكتورتي اللي كنت اراجع عندها طول فترة حمالي د.مي ادريس اردنيه
تكلفة الولاده (الجناح الملكي) + ابرة الظهر + غرفة الولاده الخاصه + الادويه والمراهم + رسوم طلب الدكتوره بالاسم = 1040 دينار

تقييمي للمستشفى والرعايه والدكتوره والجناح والسيرفيس روووعه ماشاءلله نفسياتهم حلوه ويريحون .


الفال حق كل اللي ماولدو وبنات تجمع ابريل.الله يقومكم بالسلامه ويمن عليكم بالسهاله والتيسير 

 

[مناوووي]

رد: تجمع مواليد ( إبريل - 2014 ) حياااااكم

فوفو عادي تجي وتنحاش
وبشوفة الاحباب ماتنشاف هالتجاديم ههههههه
امشي كل يوم منها تغيرين جو ومنها عشان تتسهل عليج الولاده

 

[الفوز حلو]

رد: تجمع مواليد أكتوبر 2014 بإذن الله

عن نفسي راح اولد بإذن الله ب السلام
ودكتورتي امل الراشد خوش وحده وفاهمه

 

[حلوه وبس]

رد: تجمع مواليد ( إبريل - 2014 ) حياااااكم

عندج الفي اي بي والرويال سويت حلوين

حجم وسط .. بس يختلفون بالديكور وبالاطلاله

روحي شوفيهم احسن وخلي جم وحدة ابالج

لان يمكن ماتحصلين حزتها فخلي عندج بديل

مشكوره حبيبتي بروح هاليومين اشوفهم

 

[ward-ward]

رد: تجمع مواليد مارس 2014 الله يتمم ويسهل يارب

الحمد لله كما ينبغي لجلال وجهه وعظيم قدرته اللهم لك الحمد حمدا كثيرا طيبا مباركا فيه انا ولدت يا بنات وجبت علي الله يحفظه ويقر عيني بيه ولدت قيصري بعد معاناه مع الطلق الصناعي8ساعات والرحم مو راضي يتوسع عن خمسة سانتي وبالاخر دخلت قيصرية لان ماي البيبي خلص ومافي طلق اخذت بنج كلي وكان رحمة من الله ارحم من اب رة الظهر

مشاءالله تبارك الرحمن الف الف الف مبروك ويتربي بعزكم والحمدالله علي سلامتج ومبروك ماجبتي الحمدالله عسالله يسهل علي البنات الباقي ويسهل علي يارب

 

[حمرة الورد]

رد: تجمع مواليد ( إبريل - 2014 ) حياااااكم

ام مريوم ولدت بنات قيصري الف مبروك حبيبتي

 

[حمرة الورد]

رد: تجمع مواليد مارس 2014 الله يتمم ويسهل يارب

الحمد لله كما ينبغي لجلال وجهه وعظيم قدرته اللهم لك الحمد حمدا كثيرا طيبا مباركا فيه انا ولدت يا بنات وجبت علي الله يحفظه ويقر عيني بيه ولدت قيصري بعد معاناه مع الطلق الصناعي8ساعات والرحم مو راضي يتوسع عن خمسة سانتي وبالاخر دخلت قيصرية لان ماي البيبي خلص ومافي طلق اخذت بنج كلي وكان رحمة من الله ارحم من اب رة الظهر

الحمدلله على السلامه ومبروك علاوي

 

[لما ضاقت]

رد: تجمع مواليد مارس 2014 الله يتمم ويسهل يارب

الف الف مبروك ام مريم و الحمد الله على سلامتك و لو انه كان ودي تولدين طبيعي بس الحمد الله على كل حال اهم شي سلامتك. ديوي قصتك حلوة و مأجورة على التعب انشالله و الله يخليلك العروسة