رد: ❤❤❤موااليد اغسطس ❤❤❤2014بأذن الله حيااااااكم
صباح الخيير حلوات
لذه الله يهوون عليج حبيبتي ..
ليش قيصري بجرج ..
انا هم قيصررري وان شاءالله اولد طبيعي هالمره وتولدين انتي طبيعي..؟
القيصرري تعووووور اللهم لك الحمد اهم شي العافيه ..
انتي وين والده بجرج لذه اي مستشفى..؟
لان انبط الماي ونشف ومافتح الرحم حته مع الطلق الصناعي وصل سانتي واحد بس والبيبي تعب فطلبت قيصري
وبصراحه قلت دام شقو بطني واخترب ماله داعي فوق وتحت خياط وما اضمن يلعبون فيني وبتوكل على الله وبختار قيصري باذن الله
بالنسبه للصباح
حظوووظ مثل ما قتلكم بنت عمي حالتها خاص والخاص كله رفض يولدها انحدت عالصباح وبقولكم تجربتها لان انا ما شفت بعيني
طبعا من ناحيه طبيه ماعليهم خلاف الدكاتره استشاريين وخبره ودكتور اطفال تخدير ومعاج
ومن ناحيه النظافة السسترات والغرفه
عطوها غرفه خاصه زييينه مو واااو وكشخه مثل الخاص بس نظيفه
البيبي عند السسترات لانها قيصري وايبونه وقت الرضعه بس لان الصباح ما يعطون حليب صناعي
السسترات تقول متعاونين وحنونين بس وحده مصريه اسلوبها كان بايخ
يعني اتوقع للقيصري الوضع اهون من الطبيعي خصوصا انها تدش العمليات على طول وتالي الجناح ماتشوف اللويه
بالنسبه لي مادري قلبي مو مطاوعني اروح اخاف حظي يقطني بنات ماتخاف الله ويبهدلوني وهم خايفه من الخاص فانشالله باستخير والله كريم
