♥♡♥ تجمع لجميـع مواليـــد 2014 حيــــــاكمـ ♥♡♥

[لوولوو_88]

رد: تجمع مواليد أكتوبر 2014 بإذن الله

أم الحلا الف مبروك الله يثبت حملج .. انا صار معاي .. على حسبه الدوره كنت المفروض 6 أسابيع و رحت سويت سونار اسمع النبض ولا جيس و ماكو جنين مو مبين انجلطت و طلع حملي عمره 4 اسابيع بس .. و انطر اسبوعين و اسمع نبضه حبيبي و كنت بالأسبوع السابع .. عسى ربي يرزقكم هاللحظه حبيباتي .. طلع تبويضي متأخر .. و يوم حللت هرموني بعد تأخرها بيومين كان هرموني 25 بس و قالي مال المختبر انتي حامل اول أسبوع بس انا كنت متعشمه أكثر ما صدقته .. و كنت احاتي عبالي حملي ضعيف ابجي و احاتي ههههه فلم و ربي بجريه ما علي شرها

عمر الحمل يبين بالسونار اما الدوره نادر الي تضبط معاهم .. لا تنصدمون لا سويتو سونار انه أقل بأسبوع أو اسبوعين أو أكثر عادي

 

[camilia]

رد: ❤❤❤موااليد اغسطس ❤❤❤2014بأذن الله حيااااااكم

أمس حاشني عوار مثل الطلق يبّس جسمي كل ٤ دقايق لمدة ساعتين
رحت سويت سونار طمنتني بس لازم ابر مثبتة وخذيت وحدة اليوم بريمولوت انشلت ريولي و ألم فضيع بس كله يهون عشان البيبي
التقلصات مازالت موجودة بس شوي تحتمل عكس أمس جني بولد
جني أبي الحمام حق ورا وماكو شي كلش

خايفة يتكرر اللي صار و أجهض .. دعواتكم

 

[قرة عيونه]

رد: تجمع مواليد مارس 2014 الله يتمم ويسهل يارب

هلا والله لما نورتي التجمع

امبيه بنات امس رحت الممشى مشي اكثر من نص ساعه متواصله حسيت عظامي تفجفجت

وجاني احساس اني بولد ماقدرت انام بنص الليل قمت حفيت كل جسمي بموس لوووول لاني مسويه ليزر مايصير احف

وقلت شكلي باجر بولد بس قمت اختفا كل شي

يااارب اولد بسرعه

 

[مــتــنــحــة]

رد: ❤❤❤موااليد اغسطس ❤❤❤2014بأذن الله حيااااااكم

كاميليا

اسم الله عليج ماتشوفين شر يارب

والله يتمم عليج للتاسع وتولدين بسهاله وصحه وعافيه يارب

ارتاحي وارفعي رجولج فوق

ووقفي المشي والجهد والجماع

واستمري عالمثبتات

ومالج شر يارب

 

[أمورته]

رد: تجمع مواليد أكتوبر 2014 بإذن الله

السلام عليكم شلونكم بنوتاات
قبل شوي تغديت والغدا واقف ع صدري لاهو طالع ولاهو داش والحمدالله ع كل شي
وامس بالليل صداع عجيب ربطت راسي والحمدالله صرت احسن الصبح

 

[عاشقة هواك]

رد: تجمع مواليد مارس 2014 الله يتمم ويسهل يارب

قرة نفس حالتي والله هههههه الي بدرجة اضحك على نفسي الله كريم والله تعب الثقل مو صج انا للحين ساعات اختنق وانا نايمة انا شكلي بوقف كل شي يومين جذي لان تعبت نفسيتي صفر الحين الي بدرجة قاموا يضحكون علي جربت كل شي وماكو نتيجة هههههههع

 

[أمورته]

رد: تجمع مواليد أكتوبر 2014 بإذن الله

ام الحلا الف مبرووك الحماااال

 

[قلب زوجي وولدي]

رد: تجمع مواليد أكتوبر 2014 بإذن الله

خلود توكلي علي الله وما فيه الا العافيه بس لا تروحين الحين ممكن ما يبين

لولو حسبة الدوره تضبط اللي صار حملها بوقت التبويض اما متأخر ما تضبط

يعني انا حسبة الدوره ضبطت مع السونار لانه الحمل صار يوم ١٣ او ١٤ ما اذكر بالضبط

وهذا كان وقت تبويضي

 

[قلب زوجي وولدي]

رد: تجمع مواليد أكتوبر 2014 بإذن الله

خلود توكلي علي الله وما فيه الا العافيه بس لا تروحين الحين ممكن ما يبين

لولو حسبة الدوره تضبط اللي صار حملها بوقت التبويض اما متأخر ما تضبط

يعني انا حسبة الدوره ضبطت مع السونار لانه الحمل صار يوم 13 او 14 ما اذكر بالضبط

وهذا كان وقت تبويضي

 

[قلب زوجي وولدي]

رد: تجمع مواليد أكتوبر 2014 بإذن الله

أنا ما تغديت وخايفه اتغدا اقعد بدون غداً احسن

 

[غالية زمانها]

رد: تجمع مواليد ( إبريل - 2014 ) حياااااكم

فوفو

اللهم لا اعتراض بس تخيلي والله لدرجه ماقدر اقووووم
واحس جنا عظام بينكسر كل مره يصير فيني جذي بس هالمره اقوى
معنا ماخليت حبة الكالسيوم كل اكله بس مادري احس احتاج جرعه زياده
عالعموم باجر موعدي والله يسهل

 

[نـور الكويت]

رد: ❤❤❤موااليد اغسطس ❤❤❤2014بأذن الله حيااااااكم

كاميليا ربي يتمم عليج ي قلبي ..

اخذي حبوووب مثبته وربي يتمم ي قلبي وتفرحين فيه ..

 

[قلب زوجي وولدي]

رد: تجمع مواليد أكتوبر 2014 بإذن الله

احلي شي روب وقصصوا عليه قطع فراوله لذيذ

وما يجيب الحارج لين الله يسهلها

 

[^^ام الزين^^]

رد: تجمع مواليد أكتوبر 2014 بإذن الله

مساءالخير
انا حالتي حاله ادعولي بنات ان يخف وحامي وصلت لمرحله كرهت كل شي استغفرالله الاحد غايبه وامس داومت واليوم غايبه محتاره شراح اسوي بعمري شلون بقدر ادرس هالبنات اللي برقبتي يا ربي تقويني وتشد حيلي يارب ��
بنات في احد جرب التحاميل مال الوحام خايفه منهم
انا سمعت ان الحبوب مالات الترجيع كلهم يسوون فتحه بالقلب للبيبي ديرو بالكم

 

[^^ام الزين^^]

رد: تجمع مواليد أكتوبر 2014 بإذن الله

قلب زوجي وولدي انتي طلبتي مني اشيل اسمج من الرزنامه عدل ؟ عشان ما اكون مخربطه

 

[نـور الكويت]

رد: ❤❤❤موااليد اغسطس ❤❤❤2014بأذن الله حيااااااكم

بنات فاقده جنى ..

عسى المانع خيررر ..

 

[قرة عيونه]

رد: تجمع مواليد مارس 2014 الله يتمم ويسهل يارب

سبحان الله مهما نسوي الولاده ماراح تجي الا بالوقت اللي الله كاتبه

عشان جذي خلولنا نكثف الدعاء بهالفتره والله كريم

 

[مــتــنــحــة]

رد: ❤❤❤موااليد اغسطس ❤❤❤2014بأذن الله حيااااااكم

نور الكويت

قبل فتره قالت ان الدكتوره تقول وقف النبض عند الجنين

وبيتاكدون ويشوفون

وننطرها تطمنا الله يكتب لها اللي فيه الخير يارب

مختفيه لها فتره عسى المانع خير ان شاءالله

 

[نـور الكويت]

رد: ❤❤❤موااليد اغسطس ❤❤❤2014بأذن الله حيااااااكم

هلا متنحه ..

الله يكتب لها الخير يارب .. ويسر امررها

ياليت طمنا عليهاا

 

[قلب زوجي وولدي]

رد: تجمع مواليد أكتوبر 2014 بإذن الله

اي حبيبتي مابي اسمي بالرزنامه

انا بحملي الاول خذيت حبوب تخفيف اللوعه والحمد الله ولدي ما فيه شي

والحين هم قاعده أخذ نسيت اسمهم بس للي بـ ٢٥ دينار حلوين يخففون اشوي