رد: تجمع مواليد مارس 2014 الله يتمم ويسهل يارب
ابي أبدى معاكم تجهيز الأدوية. اهم شي عندي التمر و اسويه بنفسي اييب تمر عجوة منزوع النواة خمسة كيلو ب3.5. تحصلونه في الجمعيات و مرات سعره يكون اقل. و أخلط معاه ربع كوب كركم و ربع كوب كمون مطحون و ربع كوب حبة حلوة مطحونة و ربع كوب فلفل اسود مطحون و ربع كوب حبة البركة مطحونة و أخيرا ربع كوب حب رشاد من غير طحن. و اخلطهم عدل مع بعض و اخذ منه صباحا و مساءا مع كوب حليب دافىء. طبعا الحليب يكون مع الحلبة و الدارسين و الفلفل الأسود و القرنفل اخلطهم كلهم في علبة و تضييفه ملعقة للحليب أثناء تحضيره و سلامتكم بعدين اقولكم باجي الشغلات. نسيت اقولكم اني أجهز التمر عادة من الشهر السابع او الثامن و أخذه بحافظة. لان التمر ما يخرب بالتخزين
حبيبتي لما ضاقت ماقصرتي ياقلبي
طريقتج حيل واضحه بسأل امي عنهاا
لما ضاقت حلوة طريقتج في تجهيز التمر باسويها ان شاء الله انا بعد باجهز ادوية النفاس بس ودي بمكان اجيب منه قشر قهوة زين انا احب قهوة القشر بالنفاس احط وياها جنزبيل وقرنفل وقرفة روعة تنزل كل الماي الزيادة بالجسم
ام مريم ورحمه مشكوره وايد
بس شلون على طريقتج مافهمت عليهاا
شلون اخلطهم ولا افوحها ولا ??
الله يجزاكم خيرر
وانا ان شاءالله بسأل امي شمو شغلات لنفاس
وان شاءالله افيدكمم
