♥♡♥ تجمع لجميـع مواليـــد 2014 حيــــــاكمـ ♥♡♥

[fofowa_q8]

رد: تجمع مواليد ( إبريل - 2014 ) حياااااكم

اتوقع عالشهر الياي تبدا التنزيلات على الهدوم الصيفية احسن لكم تلقطون

اغراض حق البيبي كل فترة عشان لايتكود عليكم وبعدين ينزلون شتوي

 

[Fo0oshy]

رد: تجمع مواليد ( إبريل - 2014 ) حياااااكم

ايي ان شاء الله هذا اللي مخططه عليه فوفوا :eh_s(17):
عشان اتفرغ بعدين اغسلهم واصفطهم واتفرغ حق التوزيعات
وحق الديباج ولوية الااستقبال

 

[fofowa_q8]

رد: تجمع مواليد ( إبريل - 2014 ) حياااااكم

نصيحة فوشي بما انج بجر لاتشترين هالشغلات من البداية الكرسي والعربانة والدراي

هالاشياء الكبار يمكن ايونج هدايا انا شكثر يوني كراسي توهقت فيهم

 

[Fo0oshy]

رد: تجمع مواليد ( إبريل - 2014 ) حياااااكم

اي راحت عن بالي والله زين ذكرتيني فديتج

 

[*ملامح يوسفيه*]

رد: وينكم يامواليد شهر فبراير * 2014 اللي حللوا حياكم الله بتجمعنا الله يهون علينا

السلام عليكم ورحمة الله وبركاته
شلووونكم مع الحمال
انا معاكم بفبراير
الجنس شفته بالثالث وقالولي مايبين ياريت تجين بنص الرابع علشان يكون مكتمل النمو للعضو
رحت لدكتوري ورفض يقولي قالي موباين كلش وبعده رحت لدكتوره امي ماخذتني غصب (تبيلي الولد لأني ام لاحلى بنتين)
وقالتلي موواضح بس امي اصرت وبعدين قالتلي بنت امي كذبتها وقالت انا حاسه بولد مو بنت وبتشوفين الحمدالله راضين ببنت ولا ولد (بس كنت اتمناه ولد لأني راح اسميه على ابوي اللي توفى من قبل كم شهر الله يرحمه فتعلقت بالولد)
ولما وصلت ل16 اسبوع يوم اكتمال نموالاعضاء رحت لدكتوري وشاف السونار وقالي واضح الجنس شنو وأخيرا شفناه
انا كنت ساكته وقال العضو واضح جدا عضو ذكري واخيرا شفناه انا ماصدقت قلت سويت سونار من قبل عند دكتوره وقالتلي بنت وعصب علي خخخخخخخخخ
وقالي اهو قدامي شايفه بعيوني واضح جدا انا طرت من الفرحه وقلت روني العضو وحدده وصوره وقعد يباركلي (دكتوري هذا اتابع معاه حمايلي كلها وعارف ان عندي بنتين علشان جذي قال واخيرا شفنا العضو الذكري
بس انا ماراح اشتري شي لين اتأكد بعد ماسوي الرباعي بالسادس
بنات دعواتكم انه ولد وربي يتمه هذا سمي ابوي الغالي الله يرحمه ويرحم اموات المسلمين.​

 

[طعم الشهد]

رد: تجمع مواليد مارس 2014 الله يتمم ويسهل يارب

السلام عليكم
شلونكم
حبيت اسألكم شهرفبراير الجاي انشالله راح يكون كله عطله
والامتحانات شهرمارس ولاشنوالوضع بالضبط

والجو بنص فبراير وورا شلون راح يكون بارد ولامعتدل

يعني المواليد افضل لهم بمارس ونص فبراير شنوو
احس شتوي الافرول احسن واللفه صيفي ولاشرايكم
؟؟
لان مواليديبردون بسرعه وهواصلا البس شتوي شامواه

الجوو بيكون حلوو انشالله بارد بس موحيل انا ولاده بجري اخر واحد بنسبه لي احسن نولد بنص فبراير اول مارس عشان لايدش فيهم برد اليهال

 

[طعم الشهد]

رد: تجمع مواليد مارس 2014 الله يتمم ويسهل يارب

سلام شلونكم بنات

انا لي الحين النساة معاي ماراحت
بنات بسالكم متى تروح النساة كلش؟


ومنو جرب دكتوره فرجينيا اللي بالمواساة حق السونار ؟ لاني متشوقه اعرف جنس البيبي ومحتاره وين اروح غير دكتور اشرف مابي دكتور ريال ابي مره

انا بست دشيت الرابع راحت النسات بس تيي بين فترات لاكن خفيفه الحمدالله



الصراحه اكره المواساة مستشفى نايمين على نفسهم ومايدرون عن شي
وجهاز السونار اخواره
انا رحتلهم وسويت سونار تفصيلي جان يقولون البيبي مشهوه وهذي حالة اجهاض رحت شربت دارسين وحط مطاره ماي حار عشان ينزل
لمن رحت الصباح اسوي تنظيفات ولا الياهل عايش
حسبي الله عليهم وعلى تشخيصاتهم كنت بذبح الياهل وانا مادري بسبتهم
موبس انا صار معاي جذي حتى وحده اعرفها

 

[baa6aa]

رد: تجمع مواليد مارس 2014 الله يتمم ويسهل يارب

بطه انتي نفسي بظظظظظظظظبط

نفس توقيع عرسي ونفس توقيع حمالي:eh_s(8):

انا صارلي متزوجه خمس شهور
كان شهر اربعه عرسي
وحملي نفسج بظظظظظبط لي الحين 11 اسبوع
لايك يوو:eh_s(9):


اتوقع ياخذونا غينس موووو:eh_s(22):

اهلا اهلا باللي نفسي هههههه
انا متزوجه من شهر 3 و الحين معاج الاسبوع 11 عجييييب

:eh_s(9)::eh_s(9):

 

[خلود ناصر]

رد: تجمع مواليد مارس 2014 الله يتمم ويسهل يارب

تدلل فرجينا تعلم اول الرابع إذا ولد

 

[خلود ناصر]

رد: تجمع مواليد مارس 2014 الله يتمم ويسهل يارب

يمدحون وحده اسمها دكتوراه سكينه بالمنطقة العاشرة يقولون سونارها مضبوط

 

[fofowa_q8]

رد: تجمع مواليد ( إبريل - 2014 ) حياااااكم

السلام شلونكم بنات؟ وينكم صخه التجمع

 

[Fo0oshy]

رد: تجمع مواليد ( إبريل - 2014 ) حياااااكم

وعليكم السلام والرحمه فوفوا .. الحمدلله
<< توني قاعده باكل واستجمع قوااي

 

[dewy twilight]

رد: تجمع مواليد مارس 2014 الله يتمم ويسهل يارب

خلود قصدج سكينه فرمن اللي بالمنقف مو ؟

 

[fofowa_q8]

رد: تجمع مواليد ( إبريل - 2014 ) حياااااكم

بالعافية فوشي

انا بالعيادة انطر دوري ادعولي اسمع النبض

 

[همي رضى خالقي]

رد: تجمع مواليد ( إبريل - 2014 ) حياااااكم

التجهيز شي حاو بس نصيحة اخذو وياكم احد خبره وتكون صغيره بالعمر لانه امهاتنا الله يحفظهم مالهم بسوالف الفناتك بس مهاد وخلاص ههههه

تفنتكو بسوالف الياهل وكثروا من ملابسه

والتحهيز اول ماتعرفون جنس البيبي و وقت التنزيلات حتى لو ماعرفتو اخذو اشياء محايده

وسوالف الكراسي وجذي تيي هدايا اكثر شي

 

[همي رضى خالقي]

رد: تجمع مواليد ( إبريل - 2014 ) حياااااكم

وابتعدو عن الاسواق الشعبيه لانه غسلة ويخترب

 

[همي رضى خالقي]

رد: تجمع مواليد ( إبريل - 2014 ) حياااااكم

اي نفس خالتي كانت دورتها 26 وولدت 31 مارس بس اهيا مو بجر يعني
واحنا بجر اول بيبي لنا وسمعت البجر تاخذ شهرها التاسع كله بس سبحان الله
كل ششي مكتوب .. واي نصيحه جهزي مبجر انا امي ذكرتني بسالفة الشتا
وترا على فكره فيونكيتا بالتزيلات همن يسوي خصم على السرير او الكرسي المحمول
ماعرف شنو اسمه بس ان يصير ترفعين ظهره ويصير تنزلين ظهره ويصير سرير
مادري فهمتي اللي اقصده او لا

صح اغلب البجريات ياخذون شهرهم كله وزيادة

بس انا خذيت اول اسبوعين بالضبط و ولدت ههههه ولدت قبل التاريخ باسبوعين

 

[al.3nood]

رد: تجمع مواليد ( إبريل - 2014 ) حياااااكم

مرحبا جميعا
ي ناس ذبحتني اللوعه شي مو طبيعي
بحملي الاول ماكنت جذي
للحين مارحت موعدي وماسمعت النبض
و الله يعين اللي تحمل وعندها جاهل صغير
انا ولدي عمره 8 شهور ي حرام احس مالي خلقه ومتعبني متعلق فيني بس ناقدر عليه عسر و متغلق عشان التسنين ذبحتنا هالاسنان
وبالنسبه للتجهيز سبحان الله مو متشوقه مو نفس البجر

 

[fofowa_q8]

رد: تجمع مواليد ( إبريل - 2014 ) حياااااكم

الحمدلله سمعت النبض يمه حلاته وحلات قلبه

احلى احساس والله والفال حق البنات اللي ماسمعوه

وربي لاتحرم اي بنيه من هالاحساس

 

[fofowa_q8]

رد: تجمع مواليد ( إبريل - 2014 ) حياااااكم

العنود

الله يعينج عاللوعه والنساة وكل حمال عن حمال غيييير نساته

وعندج بيبي عنون الله يعينج بس حاولي لاتحسسينه ان مالج خلقه لان حرام يعرفون

والله يسهل عليج وعلينا ويرزقنا الذرية الصالحة