♥♡♥ تجمع لجميـع مواليـــد 2014 حيــــــاكمـ ♥♡♥

[حبيبة عز]

رد: تجمع مواليد ( إبريل - 2014 ) حياااااكم

اليوم دقيت على صالون خدمة منازل

وحفيت وسويت بديكير منيكير

وخلصت شغلي

كان خاطري انقش حنه بس ممنوع اطلع

وانتوا ؟؟

 

[miss-s]

رد: وينكم يامواليد شهر فبراير * 2014 اللي حللوا حياكم الله بتجمعنا الله يهون علينا

لا الحمدلله مانزل مني دم وان شاء الله موعدي الياي يكون وضعها طبيعي

 

[ريم^الفلا]

رد: تجمع مواليد مارس 2014 الله يتمم ويسهل يارب

بناااااات ابي نفس عداد الحمل اللي انتو حاطينه سوولي واحد لوسمحتوووو
٦/٦ حملي
وولادتي ٣/١٣

 

[بنت الثانوية]

رد: تجمع مواليد ( إبريل - 2014 ) حياااااكم

غدير الله يعينج ,,

اللهم اني استودعتك قلب زوجي وسمعه بصره ولسانه وفرجه في ودائعك فاحفظها لي يا من لا تضيع ودائعه


خلي هالدعاء دايم على لسانج من تسمعين الاذان بعد الصلاة اول ما ريلج يقعد يمج وهو طالع وبكل وقت ,,

والله يحفظه لج

بصراحه ما اقدر انحصج اكثر من جذي,,

انا متزوجة من 5 ونصولي حين المفروض اكون عاقله ,, بس بنفس هالمواقف ما انصحج كلش تكونين نفسي ..

الله يكون بعونج ويحفظ ريلج وقلبه لج .. ويحفظ ريايلنا وقلوبهم كلنا لنا يا رب

 

[بنت الثانوية]

رد: تجمع مواليد ( إبريل - 2014 ) حياااااكم

في شعور بمعدتي ما اعرف شلون اوصفه احس معدتي ريحتها خايسه .. مو هوا خايس لأ ,, بس احس ان معدتي مختربه شوي

حتى ريحة نفسي مادري احس متضايقه من روحي احس على طول اني خايسه ,, تتوقعون اتنسى من روحي ههههه


___________

ابي طريقة اعدل نومتي شلووون

 

[بنت الثانوية]

رد: تجمع مواليد ( إبريل - 2014 ) حياااااكم

غدير اقري هالموضوع

اهميه دعاء اهم اني استودعتك زوجي اذا تحبين ريلج دشي

يعطيها العافيه صاحبة الومضوع

 

[Fo0oshy]

رد: تجمع مواليد ( إبريل - 2014 ) حياااااكم

غدير ياقلبي عليج بالدعاء لان الحين نفسيتج ماتساعد ان تتناقشين معاه
الهرمونات ضاربه عندنا وعسى ربي يبعد بنات ابليس عن ريلج ويسخره لج يارب

بنات في وحده حست بحركه للبيبي ؟ انا قريت ان حركت البيبي نفس رفة الفراشه
بس انا اللي حسيت فيه وشفته غير ان شي تمدد بالرحم وفجأ انتفخ صوب الرحم وتصلب وكلش
ماقدر اتحرك شعور غريب مادري شلون اوصفه ويظل ٣ دقاايق وتالي يرد الوضع طبيعي طبعا هالهشي
ماحس فيه الا وانا منسدحه على ظهري

 

[Fo0oshy]

رد: تجمع مواليد ( إبريل - 2014 ) حياااااكم

صج بنات عن نفسي ماعرف احسب بالاشهر بس بحثت وعرفت كل جم اسبوع ندخل شهر يديد
وخلوها عندكم للي ماتعرف نفسي

الشهر الثالث : ٩ اسابيع كامله تدخلين الشهر الثالث
الشهر الرابع : ١٣ اسبوع و٣ ايام تدخلين الشهر الرابع
الشهر الخامس : ١٦ اسبوع و ٦ ايام تدخلين الشهر الخامس
الشهر السادس : ٢٢ اسبوع و٢ يوم تدخلين الشهر السادس
الشهر السابع : ٢٦ اسبوع و ٥ ايام تدخلين الشهر السابع
الشهر الثامن : ٣١ اسبوع و ١ يوم تدخلين الشهر الثامن
الشهر التاسع : ٣٥ اسبوع و ٤ ايام تدخلين الشهر التاسع

 

[bison.girl]

رد: تجمع مواليد ( إبريل - 2014 ) حياااااكم

يسعد صباحكم ي حلوين

من زمان عنكم اختفيت والسبه الوحام الله يعين
تخيلوا وزني صار 48 تخيلو خلاص اختفيت

معدتي ع طول تقلب والنفسيه اكس خصوصا مع زوجي بسرعه اعصب ويضيق خلقي
انا من الاساس فيني قالون عصبي وحيل متعبني مادري شسوي
وقبل يومين رحت موعدي وعطاني حبوب حديد وكالسيوم واحس اني يالله ابلعهم تشب علي معدتي

كنت اسمع قبل يسولفون عن عسل عند العويد للحوامل حيل مفيد ويخفف عوار المعده وفيه فيتامينات ومعادن تفيد الحامل عاد دقيت عليهم وطلبته
وان شالله ي رب ينفع معاي ادعولي اتحسن

انا ماخذه مجلس طبي شهر والشهر الجاي بداوم

 

[Fo0oshy]

رد: تجمع مواليد ( إبريل - 2014 ) حياااااكم

اهلين بايسن
الله يعين اي الفتره الاولى كلنا ينزل وزنا والسبه قلت الاكل
واللوعه والترجيع فطبيعي النقص بالوزن
وبالنسبه للعسل انا سمعت ان موزين للحامل يسبب اجهاض بس مادري شنو صحة المعلومه
بس بالنسبه لي انصحج لاتكثرين وايد من العسل لان الدكاتره وايد يخافون من سالفة سكر الحمل
انا امي ياها سكر الحمل واهيا بالثامن بسبة عصير المانغا بس الحمدلله انه ماثبت مجرد ماولدت رد كل شي طبيعي
وعسى ربي يحفظنا وبيبياتنا وامهاتنا يارب

 

[bison.girl]

رد: تجمع مواليد ( إبريل - 2014 ) حياااااكم

Fo0oshy اهلين

امين وياج ي ررب

اي انا سألتهم وقالوا هذا خاص للحامل ياخذون بس بالاربع اشهر الاولى وبعدها نقدر ناخذ العسل الصافي الطبيعي لي الولاده
وانا طبعي ترا ماكل سكريات كلش لا كاكاو ولا شي حالي

عشان جذي قلت اخذه ع الاقل يعوضني وجهي صار عووود من الضعف يخرع

 

[Fo0oshy]

رد: تجمع مواليد ( إبريل - 2014 ) حياااااكم

اي زين عيل ان شاء الله ان مافي ضرر
ويارب يفيدج ياقلبي وحاولي تاكلين فواكه وخضرا

 

[لما ضاقت]

رد: تجمع مواليد مارس 2014 الله يتمم ويسهل يارب

انشالله لي يومين ذابحتني النشلة و الكحة الله كريم تغير الجو متعب صحيح بغيت اسالكم انا كنت احس بحركة الطفل مثل النبض يكون قوي وواضح بس لي اكثر من اسبوع ما احس باي شي لا نبض و لا غيرهأنا موعذي 18-3

 

[Amonito]

رد: تجمع مواليد ( إبريل - 2014 ) حياااااكم

فوووشي

مشكوووره عالحسبه انا كنت ضايعه

مثلج والحين حفظته عندي بالنوت

غدير

لاتحرين عمرج وخليه طنشيه

لاتحسسينه انج ماتقدرين تعيشين

من غيره .. اهتمي لنفسج اول وانا ماقول

تهملينه مره وحده لا عطيه حقوقه بس بحدود

راحتج يعني لاتضغطين على عمرج وادعي ان الله يهديه

 

[Fo0oshy]

رد: تجمع مواليد ( إبريل - 2014 ) حياااااكم

على طاري السكر والطعم الحالي مشتهيه حلوى عمانيه
والبا من طاسه سويت جان اتعرفونها :eh_s(2):

 

[Fo0oshy]

رد: تجمع مواليد ( إبريل - 2014 ) حياااااكم

امونيتو العفو حبيبتي

 

[cute808]

رد: تجمع مواليد مارس 2014 الله يتمم ويسهل يارب

لماضاقت
ماتشوفين شر قلبي كلنا جذي تغير الجو
وسوي سونار للبيبي و طمنينى ان شاء الله بخير

 

[Fo0oshy]

رد: تجمع مواليد مارس 2014 الله يتمم ويسهل يارب

ريم الفلا تفضلي هذا شريط حملج نسخيه وحطيه بتوقيعج



جارتج من تجمع ابريل

 

[Fo0oshy]

رد: تجمع مواليد مارس 2014 الله يتمم ويسهل يارب

ريم الفلا مايصير انسخ لج الرابط واحطه لان راح يبين التوقيع
فانتي سوي التوقيع ترا وايد سهل وهاذي الطريقه
دخلي هالموقع. http://www.babygaga.com/tickers/pregnancy
تلاقين فوق due date تحطين موعد ولادتج

بعدين تضغطين على get my ticker! تلاقينه على اليمين

بعدين تطلع لج صفحه ثانيه تضغطين على yes,IKNOW ABOUT CORD ..

بعدين تفتحلج صفحه غيرها انسخي الرابط الثاني ودخلي عند توقيعج بالمنتدى

وانسخيه عند تعديل التوقيع

 

[bison.girl]

رد: تجمع مواليد ( إبريل - 2014 ) حياااااكم

فوووشي امين ي ررب

شكلج فصلتي ع الحلوووى من جبت طاري العسل ههههههه