♥♡♥ تجمع لجميـع مواليـــد 2014 حيــــــاكمـ ♥♡♥

[حكآية قلب]

رد: تجمع مواليد أكتوبر 2014 بإذن الله

اهذريبك صفي معااااي لووووول


انا خلاااص ممممممليت انا ملييييييييت

توني جايه من البحر

 

[بدون بس مغتربه]

رد: تجمع مواليد أكتوبر 2014 بإذن الله

الف مبرووك بنت الوفا ومهابه والحمدلله على سلامتكم وسلامت بيبياتكمم. عاد ناطرين قصصكم... احنا معوشرين ماكوو شغل بس نقرا....

اهذريبك وحكايه وباقي البنات ، هانت ترى كلها ايام وبتعدي

 

[سمراء كالخمري]

رد: تجمع مواليد أكتوبر 2014 بإذن الله

الف مبروووووك مهاااابه و بنت الوفا يتربون بعزكم يارب حبي مهابه ليش قيصري مو طبيعي انا قلبي معورني من قالت لي ممكن قيصري احس صكت فيني الدنيا

ابي طبيعي يارب ياكريم يرزقني على قد نيتي يالله والفال حق باجي البنات بروح اجرب يانسووون وعسل الحين بما اني ماعندي شي وقاطه بنتي عند اهلي تغير جوو وتزعجهم شوي الله يعينهم وانا ماخذه فتره نقاهه بنام نوووم اليوم ��

 

[حكآية قلب]

رد: تجمع مواليد أكتوبر 2014 بإذن الله

ان شاءالله الكل يولد طبيعي


سمراء عاد اللي مجربه الطبيعي راح تحسين بفرررررق


الله يعدل وضعيت ولدج ماتدرين يمكن ينزل الماي و ينزل راسه


انا الحين مادري شنووووو وضعي بالضبط

بس مخليتها علی الله


مادري شنو بيصير مع ان راس البنوتا تحت و حووضي زين

بس هم احاتي


الله يسهل علينا يارب

 

[مـهـــابــــه]

رد: تجمع مواليد أكتوبر 2014 بإذن الله

قصة ولادتي


الحمدلله يارب ع عطاياه و فضله كانت ولادتي ثاني اسبوع من التاسع و ماكان فيني اي شي ، دكتورتي من نهاية الثامن قررت ان انا قيصري لان راس الجنين كان فوق و وضعيته طولت ع هالحال شهرين تقريبا فقالت ما اتوقع انه بيفر خلاص و تعالي نحدد القيصري ما انصح انج تطولين لان البيبي حجمه صغير و ممكن يتعب باي لحظة و كلامها فعلا كان واقعي لكن انا قلت ببذل الاسباب اني اولد طبيعي و الباقي ع الله ، قررت اراجع عند دكتور محسن طلبه و اخليه يفر لي البيبي و فعلا فرها لي ع مرحلتين و صار الراس تحت مثل ماتمنيت بس قال لي نفس كلام دكتورتي ضروري تولدين مبجر لان البيبي صغير موقاعد يستفيد و وزنه ما يصعد و خلاني ع التخطيط يوم و ترك حتى يتطمن ع اوضاع الجنين ، يوم الولادة كان عندي تخطيط مثل ما طلب مني و رايحه ما اعاني من اي شي حطوا الجهاز الاول النبض ضعيف قالوا نغير الجهاز حطوا الجهاز الثاني نفس الشي جابوا جهاز صغير نفس الشي النبض ضعيف قالوا لي لازم نسجل لج دخول الحين و نسوي اجراءات الولادة انا خفت هني وقلت للدكتور مابي اولد عندكم ابي خاص قال اوك اكتب لج تقرير تعرضينه عالمستشفى اللي بتولدين فيه و انصحج تروحين الحين لاتأخرين رديت البيت خذيت اغراضي رتبت اموري كانت الساعه 9 ونص بالليل و رحت لطورائ الامومه سوولي سونار و تخطيط وكانت الحاله للاسف كل مالها تزيد سوء والنبض يصعد و ينزل فجأه دقوا ع دكتوري محسن طلبه كان اجازة بيومها و استشاروه قال لهم جهزوها للعملية اذا الجنين تعبان انا ماقدر احط لها طلق صناعي وبهالحالة مافي الا قيصري .
اتكلت ع الله جهزوني و صعدوني غرفة العمليات الساعه 1 الا ربع بالليل تخدير كامل ماحسيت بشي ساعه 1 ونص بطلت عيني ع صوت البنت و صراخها رديت نمت مره ثانيه وقعدت ارجف من البرد جنه فيني كهربا رجف مو طبيعي اول مره يمر علي جذي يحطون البطاطين فوقي ماكو فايدة ليما جابو جيس نايلون و عبوه هوا حار حسيت اني ارتحت بس عوار العملية للحين طلبت مسكن طقوني ابرتين وحده ع فخذي اليسار و وحده فخذي اليمين ماكو فايدة ليما حطوا لي مسكن بالدرب ارتحت ونمت ساعتين تقريبا بعدها صعدت للجناح ثاني يوم بدلوا لي وغسلوني وبديت اكل و اتحرك اغصب نفسي عالمشي عشان يطيب الجرح بسرعه
البنت الحمدلله صحتها ممتازة وما احتاجت شيشه ولا شي وزنها 2300 تقريبا ، مستشفى الامومه رعايتهم حيل ممتازة و الدكتور ممتاز الحمدلله .

 

[بدون بس مغتربه]

رد: تجمع مواليد أكتوبر 2014 بإذن الله

الحمدلله على سلامتج مهابه...وكل شي مقسوم... المهم انتي وهي بخير وهذا نعمه من الله

 

[^^ام الزين^^]

رد: تجمع مواليد أكتوبر 2014 بإذن الله

شلون نسوي اليانسون والعسل في احد مجربه وفاد معاه

 

[بطبعي رقيقه]

رد: تجمع مواليد أكتوبر 2014 بإذن الله

بنات انا خلصت اول اسبوع بالتاسع وامس سووا لي تخطيط وعطوني ورقة قراءات حركة البيبي وقالوا لي اذا اقل من 10 حركات باليوم تعالي، انا كلش ماراقبت حركة البيبي بس كل شوي انسدح على ظهري عشان يتحرك الصراحه خايفه يلف الحبل السري عليه :eh_s(2):

 

[اهذريبك~]

رد: تجمع مواليد أكتوبر 2014 بإذن الله

ام الزين طريقته اغلي كوب ماي حار و قفشة ينسون و اذا غلى صفيه و حطي معاه قفشة عسل

انا عندي لبتون ينسون فااسهل علي من الغلي






وهذي من النت :


التي تساعد في تسهيل وتحسين أوضع عملية الولادة

١ ـ مستحلب الينسون :*يستخدم في تقوية الطلق أثناء الولادة ، ويعمل علي تسهيلها ، کما يفيد أيضاً في تهدئة أعصابها وإبعاد القلق عنها إي حد بعيد. ويحضر المستحلب بمجرد بدء حدوث الطلق ( آلام الولادة ) وذلک بوضع ملعقتين کبيرتين من مسحوق الينسون في کوب زجاجي ، ثم يصب عليه الماء المغلي فوراً ، ويقلب جيداً ، ويغطي بعد تحليته بملعقتي سکر

١٨٣

صغيرتين لمدة عشر دقائق ، ثم تحاول أن تشربه جميعه مع ترک العشبة متبقية في قاع الکوب الزجاجي.

 

[اهذريبك~]

رد: تجمع مواليد أكتوبر 2014 بإذن الله

بطبعي ترى النومة عالظهر مو زينه نامي عالجنب اليسار وان شاء اللله ماكو الا كل خير

انا اسوي تخطيط يوم وترك لازم و الحمد لله اهم شي يتحرك 10 مرات باليوم و اذا حسيتي انها خفت اكلي برتقال و الا كاكاو و راقبي الحركة

 

[بطبعي رقيقه]

رد: تجمع مواليد أكتوبر 2014 بإذن الله

اهذربيك اي انا كله على اليسار انام بس اجرب ع الظهر عشان يتحرك
تصدقين الحين بآكل ككاو بس انصدمت وزن البيبي من اسبوع كيلوين و200
امس قالي كيلوين و700 ! وولادتي اللي طافت بنتي كان وزنها كليوين و200

 

[بطبعي رقيقه]

رد: تجمع مواليد أكتوبر 2014 بإذن الله

بنات شرايكم ب ليزر التضييق ؟؟ خل نغيير موضووعنا:eh_s(16):

 

[بطبعي رقيقه]

رد: تجمع مواليد أكتوبر 2014 بإذن الله

الللي ولدوووا الف مبروووك والحمدلله على سلامتكم :eh_s(7):

 

[اهذريبك~]

رد: تجمع مواليد أكتوبر 2014 بإذن الله

السلام عليكــم ورحمـة الله وبركاتــة ،،


أولاً:أمور تسهل الولادة بإذن الله:

1) المشي في الشهر الأخير مهم لأنة يساعد على ثبات رأس الجنين داخل الحوض ويساعد على*

نزولة.*

2)تمارين كيجل تستخدم لتضييق الرحم وكذلك تستخدم في الشهر الأخير لتقوية العضلات السفلية.

3)الاكثار من أكل التمر من بداية الشهر التاسع بإذن الله يسهل الولادة.

ثانياً:لتسهيل الولادة عند ظهور علامات الولادة:
ملاحظة:

*يفضل استشارة طبيبة النساء والولادة حسب وضعك الصحي .

*تستخدم هذة الوصفات بعد ظهور علامات الولادة ولا تستخدم قبلة .

1) اليانسون....يستخدم لتقوية الطلق ويعمل على تسهيل الولادة كما يفيد في تهدئة أعصاب المرأة و*

إزالة القلق عنها (ملعقتان كبيرتان من اليانسون في كأس ماء مغلي لمدة 10 دقائق ثم يصفى*

ويشرب ) تشرب بجرد حدوث الطلق .

2) أوراق المرامية....لتقوية الرحم و تخفيف آلام الوضع ( ملعقة كبيرة من المرامية في كأس ماء ثم*

تغلى على النار وتترك 10 دقائق ) تشرب بمجرد حدوث الطلق.

3) العسل والحلبة....لو شربت المرأة عند بدء الطلق فنجان عسل فإنها ستلد بإذن الله بيسر وسهولة*

فالحلبة تقضي على الآلام حيث تستخدم لتخفيف ألم الولادة لما لها من مفعول منشط للرحم لذا ينصح*

بالإعتماد عليها خلال الفترة الأخيرة من الحمل حيث يؤخذ كوب من الحلبة المغلية جيداً وتحلى بالعسل*

وتشرب صباحاً ومساءً .

4) الدارسين (القرفة)....يستخدم لتعسر الولادة ولا يستخدم قبلة .

5) خليط الحليب لتسهيل الولادة....كوب حليب + 15 عود من أعواد القرفة + 15 عود من أعواد*

القرنفل(مسمار) + ملعقتان من العسل + نصف فنجان زيت سمسم ( تخلط المقادير وتغلى على النار*

لمدة دقائق تشرب بعد دخول الشهر التاسع بـ 10 أيام كل أربعة أيام مرة واحدة .

6) منقوع الزعتر....يساعد على فتح الرحم .

7) مغلي البابونج....يحمي الطلق ويفتح الرحم .

8) كف مريم....يخلط مع قليل من القرفة و المسمار والكمون الحب ثم يغلى على النار .

9) زيت الخروع....(متوفر في الصيدليات) ويوجد كبسولات زيت الخروع .

10) التمر....حيث يمد الجسم بالطاقة وقت الولادة ويخفض ضغط الدم وينظف القولون وبذلك يسهل*

الولادة .

11) التبخر....إذا أحسستِ بألم الطلق تبخري بالبخور المكون من (رشاد - حبة سوداء - قشر بصل -*

كمون ).

12) الاستحمام في الماء الدافئ....يعبأ المغطس بماء فاتر ويجلس بة فهو يعمل على ارتخاء العضلات*

ويزيد من سرعة الطلق ويجعل عنق الرحم يفتح بسرعة عجيبة .

* تقول احدى الأخوات هذة الطريقة جربتها زوجة أخي جاءها الطلق وخلال ساعتين كانت قد وضعت .

غاليتي : لا تنسي استشارة الطبيبة حسب وضعك الصحي .

13) الحليب الدافئ مع الزعفران....يسهل الولادة وهي نصيحة من طبيبة نساء و ولادة وذلك بالإكثار*

من الزعفران .

14) البقدونس....يفيد في تحضير الحامل لعملية الولادة لتخفيف آلامها وفي روسيا يباع دواء لمساعدة*

الطلق عند الحوامل يحتوي على حوالي 85 % من خلاصة البقدونس ويعرف بإسم (سوبتين).*



منقول للفائده باذن الله ولا اريد الا الدعا ء لي بالفرج ان شاء الله

*

 

[اهذريبك~]

رد: تجمع مواليد أكتوبر 2014 بإذن الله

بنات انتبهوا لازم الرحم يكون مفتوح لو نص سانتي بعدها اشربو من هالاعشاب و خصوصا البابونج .

وحده من النت تنبه منه :


لبابونج لا يفتح الرحم ولكنه يساعد على سرعة انزال الجنين ولا انصح به الا اذا كان رحمك مفتوح

فانا رحمي كان مغلق وشربت البابونج وتعبت جدااااااااااااااااا لاني ابني كان يدفع بشدة لينزل والرحم مغلق

 

[اهذريبك~]

رد: تجمع مواليد أكتوبر 2014 بإذن الله

بطبعي رقيقه

اي سبحان الله وزن الجنين يزيد بسرعه بالتاسع

و ليزر التضييق ماعرفه اول مرة اسمع عنه

 

[اهذريبك~]

رد: تجمع مواليد أكتوبر 2014 بإذن الله

حكاية شخبارج بشرينا عنج

وحده تقول كثر الفحص يفتح الرحم و بكل مرة اطلبي توسعه من الدكتورة مادري هالكلام صج والا
وتقولي لو تروحين بشكل شبه يومي عشان تفحصين بسرعه يتبطل الرحم
بس عفيه قلب صراحه الفحص يعور

تقول الفحص يحرض عالطلق و الولاده ؟!!

 

[سمراء كالخمري]

رد: تجمع مواليد أكتوبر 2014 بإذن الله

ام الزيييين


انا امس كليت قفشه عسل قبل لا انام وشربت ينسووون حطيييت الحبوووب الصغار واليانسووون النجمي نفس شكل النجمه قلت خل اجرب مااااكو فايده ماياني لا طلق ولا بلق ولا حتن ربع طلقه :bbbiu:

فا وضعي معووووشر :eh_s(9): صامدوووون لحد الطلق الصناعي :eh_s(10):

 

[بدون بس مغتربه]

رد: تجمع مواليد أكتوبر 2014 بإذن الله

انا للحين مااخذ اعشاب ولا شي قلت باخذها لما اشوف الوقت مناسب..بس بسوي رياضه للحامل بس عيزانه حدي كله نعسانه..
بس ليزر التضييق ممكن زين شخصيا ماجربته لكن ان حسيت اني توسعت بجرب ...والله اعلم جربي وعطينا من خبرتج..

 

[حكآية قلب]

رد: تجمع مواليد أكتوبر 2014 بإذن الله

رجعت لكم وكلي شوووووووق خخخخخخخخخ



قالي ماتغير شي و رحمج نفسه وسعلي شوي

وووقال الاربعا الجاي موعد لج وان شاءالله تكونين والدة ماتجين للموعد

وقال لاسمح الله لو متولديش راح نشوف الجنين ووضعه و نقررر الاربعا


يارب يارب يارب يااااارب اوووووولد هالكم يوم

ادددددعولي