♥♡♥ تجمع لجميـع مواليـــد 2014 حيــــــاكمـ ♥♡♥

[أم عزوزي الغالي]

رد: تجمع مواليد أكتوبر 2014 بإذن الله

الطربوش الله يسهل عليج


عند منو تراجعين

 

[سمراء كالخمري]

رد: تجمع مواليد أكتوبر 2014 بإذن الله

حمووشه واهذريبك نفس حالتي بس ثقل ماكو لا مغص ولا شي ولا طلق في بنتي قبل عوشرت خذيت يومين من العاشر هالمره الله يستر ههههه شكلي بعد معوشره هانت مابقى شي كلها ثلاث اسابيع :ggdw:

 

[لوولوو_88]

رد: تجمع مواليد أكتوبر 2014 بإذن الله

انا نفسيتي تعبانة وااايد واااايد .. بس ابجي و امس ياني عوار بالظهر جنا أحد يطقني بمطرقه ليلحين ياني هالعوار 3 مرات و غير الم البطن .. مادري طلوق ولا من الثقل بس .. ااااخ يا بنات ناطره موعدي نطره تعباااااااااااانه .. ادعولي بنات ربي يسهل علي والله اني أتحمل شي فوق طاقتي ..

 

[اهذريبك~]

رد: تجمع مواليد أكتوبر 2014 بإذن الله

لولو روحي للطوارئ شوفي يمكن طلق

و على النفسية التعبانة الله ياجرنا يارب على الثقل و العوار يارب و يغفر لنا

 

[ككوته]

رد: تجمع مواليد أكتوبر 2014 بإذن الله

اشلونكم بنات عساكم بخير لولو حبيبتي روحي راجعي او يمكن من التعب
انا هالفتره حيييل تعبانه لان ماعندي خدامه وشغل دنيا على قلبي الله يسهل واخلص

 

[حمووشه المطيري]

رد: تجمع مواليد أكتوبر 2014 بإذن الله

لولووو اختي ماا بقا الا القليل تحملي

والله كلنا نفس الشي الحمدلله كل حال ثقل وتعب هم انا الم اسنان وكل ماروح لدكتور يقول ما نسوي الا بعد الولاده الله يصبرني وبنسبه عوار الظهر والله تو كنت اصلي حسيت جاني الم تحت ظهري لدرجه فزيت وانا اصلي وماعرف شنو اهو

 

[حمووشه المطيري]

رد: تجمع مواليد أكتوبر 2014 بإذن الله

امورته عطيها سكر نبات وماي حطيهم برضاعتها حلوو للصفار

 

[mi corazon]

رد: تجمع مواليد أكتوبر 2014 بإذن الله

ياعمري لولو الف لاباس

حبيبتي هانت ان شالله بس روحي الطبيبه وتطمني اذا كان طلق ولا لا


ونصيحه من والده قبلكم.. نااااامووووووو كثر ماتقدرون :/

عقب الولاده ماكو نوم

 

[بدون بس مغتربه]

رد: تجمع مواليد أكتوبر 2014 بإذن الله

ورده ان شالله تطلع بنوتج...امورته ان شالله بنوتج تشفى من بوضفار كل اليهال تقريبا يصير فيهم؟ بس مافهمت انتي ماتبين ترضعين طبيعي..؟ يقولون الام لازم تتحمل في البدايه وتجاهد عشان ترضع لصالح البيبي ولصالحها لان الرضاعه ترفع الرحم وتسحب دهون الجسم..

لوولوو هانت ان شالله تولدين قريب بولاده سهله ميسره..

وان شالله بالتوفيق لجميع البنات.

 

[أم عزوزي الغالي]

رد: تجمع مواليد أكتوبر 2014 بإذن الله

الله يسسسسهل علينااااا

 

[أم عزوزي الغالي]

رد: تجمع مواليد أكتوبر 2014 بإذن الله

حكاية والطربوش مالهم حس ان شاءالله تبشرونا

 

[munani]

رد: مواليد شهر سبتمبر 9 لعام 2014..حياكم الله اللي حللوا☆★☆

اشلونكم بنات مع السهر

فيلسوووفه ما اعتقد المشكله من الصباح لان ينطرون عليج لي اخر شي… .
فالله كاتب لنا

وانا عن نفسي حملت بعد 5سنين بس هم الحمل اثر شوي ع الجرح
ورفيجتي حملت بعد 6شهور وعادي ما اثر على حسب المره نفسها
بس اهي جازفت وحملت بعد ولادتها الثانيه بعد وهم كانت قيصريه فتعبت بالولاده الثالثه

 

[لوولوو_88]

رد: تجمع مواليد أكتوبر 2014 بإذن الله

الحمدلله اللذي بنعمته تتم الصالحات ♡

انا اليوم الصبح ولدت و يبت أغلى ولد ربي يحفظه لي .. و قريب بنزل قصتي ♡

الفال لكم حبيباتي ربي يهون عليكم

 

[لوولوو_88]

رد: تجمع مواليد أكتوبر 2014 بإذن الله

♡♡♡ لستة تجمع كروشات أكتوبر ♡♡♡


1- TINA .. 5/10 .. ( بنت )
2- fg60 فوفو .. 5/10 ..


3- حكاية قلب .. 7/10 .. ( بنت )


4- ككوته.. 9/10 .. ( بنت )


5- HOPE91 .. 10/10 .. ( ولد )
6- سارونه .. 10/10 .. ( بنت )


7- اهذريبك .. 14/10 .. ( ولد )


8- باربي شمر 87 .. 20/10 .. ( ولد )
9- الطربوش .. 20/10 .. ( ولد )


10- مهابه .. 21/10 .. ( بنت )
11- bulbul3001 .. 21/10 .. ( بنت )


12- أم نجلاء .. 22/10 .. ( بنت )


13- ^^ أم الزين ^^ .. 25/10 .. ( ولد )
14- سمراء كالخمري .. 25/10 .. ( ولد )
15- حمووشه المطيري .. 25/10 .. ( ولد )


16- بدون بس مغتربه .. 26/10 .. ( ولد )


17- طهر .. 27/10 ..


18- الفوز حلو .. 28/10 .. ( ولد )
19- أم ناصر 2009 .. 28/10 .. ( بنت )


20- تولة مسك 030 .. 29/10 .. ( ولد )
21- BarBya .. 29/10 .. ( ولد )
22- انتيكا .. 29/10 ..


23- بطبعي رقيقة .. 30/10 .. ( ولد )
24- أم عزوزي الغالي .. 30/10 .. ( ولد )


25- QA6RYA .. 31/10 .. ( ولد )


♡♡♡♡♡♡♡♡♡♡♡♡♡♡♡




♡♡♡ ولادات تجمع أكتوبر ♡♡♡

قلب زوجي و ولدي .. ( ولد )

دلال الكويت .. ( ولد )

كلي هداوه .. ( بنت )

ورده سوريه .. ( بنت )

امورته .. ( بنت )

لوولوو_88 .. ( ولد )


الف مبروك لي أنا لوولوو_88 ههههه الحمدلله على سلامتي و سلامه وليدي ربي يجعله من الذريه الصالحه ♡


ربي يسهل على الباقي انشالله و يرزقنا الولاده السهلة و الميسرة يا رب و تقر عيونا ابيبياتنا و اهما بصحة وعافية اللهم آمين ♡

 

[حمووشه المطيري]

رد: تجمع مواليد أكتوبر 2014 بإذن الله

مبروووووك الف مبروووك المولووود يتربئ بعزكم وحمدلله ع سلامتج


عقبالنا يارب

 

[أم عزوزي الغالي]

رد: تجمع مواليد أكتوبر 2014 بإذن الله

الحمدالله على سلامتج لولو مبروك ماجبتي

 

[بدون بس مغتربه]

رد: تجمع مواليد أكتوبر 2014 بإذن الله

الف الف مبروووك لووولوو ماجاكم.. والله الصبح جاني احساس قلت لولوو معقوله للحين ماولدت لا شكلها والده وعلق المنتدى ونسيت ومن شبكت بالمنتدى شفتج ماصدقت الحمدلله على سلامتكم وربي يسهل عل الجميع.

 

[المشتاقة لجنة]

رد: تجمع مواليد أكتوبر 2014 بإذن الله

ماشاء الله تبارك الرحمن الف الف مبروك لولو يتربى بعزكم يارب جعله ربي من مواليد السعاده ومن الذرية الصالحة ربي يقر عينك فيه

 

[سمراء كالخمري]

رد: تجمع مواليد أكتوبر 2014 بإذن الله

حبيبتي لوووولووووو قرررررت عينج بشووووفه الغالي عقبالنا يارب بالولاده السهله الميسره صج وين ولدتي ؟؟ جنه قلتي بتغيرين مستشفاااج والله يسهل عليج امورج ياربي ويعينج عالسهر

 

[لوولوو_88]

رد: تجمع مواليد أكتوبر 2014 بإذن الله

قصه ولادتي بوليدي حبيبي ربي يحفظه ..
تاريخ 30/9 .. مستشفى السلام .. دكتورة بادمسري ..

طبعا مثل ما تعرفون انا نزلت علي السدااده من تاريخ 19/9 و بآخر فحص لي كنت 2 سانتي .. و كنت فرحانة على أساس قربت الولاده بس مع الأسف ما كنت أحس بأي شي اللهم الثقل .. و طنشت الموضوع و مشت الأيام و كليت اناناس و كيوي و ببابايا و ماكو شي .. حاولت امشي هم ماكو شي .. لين يأست و قلت بخليها على الله .. في تاريخ 28 بديت اتعب ثقل على عوار بجسمي و ثقل براسي و بدت تنزل علي خيوط دم و إفرازات و هم طنشت .. لين تاريخ 29 انصحوني البنات اشرب كف مريم لاني فاتحة جزاهم الله خير و بعدها ياني عوار بظهري نفس المطرقة الي اون منه تقريبا 3 مرات أو 4 غير عوار الدوره بالبطن و نزل دم و يابلي طلوق و أنا صابره على نفسي على أساس لا يتعبثون فيني .. المهم رحت يومها أزور امي و شرحت لها العوار قالت طلوق قتلها ما عليه شي يحتمل قالت مو شرط و قامت تحن الوالده روحي المستشفى قلبي حاس انج فاتحة و تترجى فيني خل اطمن عليج ولا رديتها .. و فعلا رحت سبحت و تنظف و قبل لا اسبح و انتو بكرامه اشوف الدم مغرق الكير فري اول مره هالكثر اخترعت سبحان الله امي حاسة .. المهم و رحت المستشفى للطوارئ الساعه 12 و تسويلي سونار و تخطيط كل شي تمام و معاي طلق و فاتحة 3 سانتي .. و تقولي دخووول الله يا فرحتي شكبرها بفتك من الحمل و العذاب و الظيم .. و فعلا دخلوني الولاده و لبست لبس الميانين ههه و عطوني حقنة شرجيه المعفنا و بعدها ركببو البربيش الي اشوفه ارحم من الحقنة الشرجية الخايسه .. و بعدها ابتدى المشوار ..

و قعدت سوالف مع اختي العوده و ريلي يتناوبون علي و الطلوق دلع يهال و قلت للسستر ابي إبرة ظهر على الإتفاق و بعد الاستخارة .. طبعا مخلين الكمام يمي على ما يخلص التحليل كان وضعي تمام و شي اتحمله .. و تنطر لولو الفرج و تنطر وين الإبرة و فجأة ولا دكتور التخدير داق .. و تصيييييير الصاعقة

كلم اختي و قالها ما نقدر نعطيها إبرة ظهر لأنه لها سابقه جلطة و ممنوع عليها @@ .. و اختي تساحل فيه شالحل و الجلطة لها 8 سنين و اختي تشافت الي أهي انا و كان شي بسيط ما رضى ..

و ابلش انووووح و ابجي شلووووون بتحمل شلوووووووون .. و ينقطع قلبي من البجا .. و بلشنا جد و بدأ الطلق يزيد و بطو الماي و زاد العذاب و انا اشفط بهالكمام يدوخ بس أحس بكل شي .. و يروحون و يردون علي على الفحص زاد 4 بعدها 7 سانتي و ما قصرت الدكتوره يتني على 4 الفير تطمنت علي و تواسيني على الإبرة انه ليش ماراح أخذها و مشت .. و زاد الطلق يا بنات و بديت اهستر لأني حسيت بكل شي و اصرخ من قمة راسي و كل ما رد قلت يا رب يا مخلص النفس من النفس خلصني .. و اختي تبجي و امي بعدها تهديني و حطو الطلق الصناعي قمت افرفر يا بنات و أقولهم تكفون قيصري و الدكتوره المناوبه أتكلم ابرود ماله داعي يا حبيبتي دنتي 7 سانتي قتلها كيفي بفلوسي ابي قيصري هههههه فصلت عليها .. و اصرخ بمووووووت و يحطون الكمام و أقولهم مابيه يخنقني و ارد اون و أن زاد صرخت و قمت على حيلي ابي افز و اشيل الاكسجين والله بنات اااخ شي لا يوصف اببدددددد .. و اشيل الاكسجين و أحاول أقوم لا شد العوار و أقول لأمي يما حسي فيني ما اقدر أتحمل والله لو ريلي يشوفني بهالحال يرضى قيصري تهلوس هههه .. طبعا على 8 سانتي يت دكتورتي و صبرت علي صبر شديد لاني بدعت بالصراخ و غيره و لين يا وقت طلعت الرأس و شلون لازم اسوي بوش وقت الطلق ربي نزل علي قوه طبعا حسيت بالمقص و حسيت بتفقص البطن و اسوي بوش مرتين و 3 و 4 و طلع ولدي حبيبي .. قطوووه على صدري و نمت و ردو نظفوه و بسته حبيبي و متنحه فيه اقول حبيبي حبيبي .. و نممممممنتتتتتت و قعدت و أقول الحمدلله قبل و بعد .. و مادري شلون استحملت ..

وأخيرا المستشفى روعه و اهتمام ما خلتني السستر و دكتورتي يتني قبل الولادة و حزت الولاده شي حلو فيها .. و سلامتكم