رد: مواليد شهر سبتمبر 9 لعام 2014..حياكم الله اللي حللوا☆★☆
الحمدلله ولدت تاريخ ٣١/٨
بالاسبوع ٣٨ و يوم
كان السبت تاريخ ٣٠ كنت حيل متضايقه و تعبانه من الثقل بس ابجي لي درجة قمت من الصبح وكنت مونايمه غير ساعه ونص خليت ريلي وعيالي نايمين لبست و طلعت اسوق وابجي مثل الخبله رحت رويال حياة طفاااقه قلت بدش طوارىء بفحص موعدي عند دكتورتي كان بالليل بس شوفو لي اي درجه مافيني صبر المهم فحصوني و قالوا مفتوحه ١ سانتي يعني يبيلج بعد هالاسبوع و اطلع اركب السياره و ارد ابجي مثل الياهل لان الياهل حيييل نازل تعبت تعبت من الثقل هاذي ٣ حمله لي اول مره ينزل البيبي بالحوض قبل لا اولد كل مره ينزل بحزة الولاده كان ارحم الثقل من هالمره
المهم و اروح ٣٦٠ بروووحي مشيت مشي الي يهددددد الحيل اول شي مشيت فوق بعدين قلت لا يبيله جيان و انزل جيان امشي و امشي افر على قسم قسم و خطواتي سريعه قاعده امشي مثل زقزاق قريت على كل الاقسام ٣ مرات و ظليت امشي ساعتين! تحرولت و زاد علي الثقل غصب اقعد و اقوم
رديت بيتي العصر تسبحت و قعدت شوي مع عيالي لما صارت ٧ رحت موعدي عند دكتورتي فحصتني قالتلي البيبي حييييل تحت و عنق الرحم لين و مفتوح ٢ سانتي و نص اهي قالت جذي بغيت المها و ابوسها ربي لك الحمد الصبح كان ١ و زين المشي ياب نتيجه اول مره تضبط معاي بعيالي امشي من نص الثامن و اكل شهري
جان تقولي تبين ادخلج باجر الصبح؟ انا سيده اي اي دكتوره بس تعبت قالت اوكي كلشي مهيء لج و فاتحه ماكو خوف
و رديت اسولف مع بنات اللاين و يجزاها خير روان الكويت نصحتني اشرب كف مريم و امشي بعده تقول يوسعج زياده
وفعلا مشيت على نصيحتها الساعه ١١ شربته و رديت ٣٦٠ بس هذا صار مكان المحبه بالنسبه لي هههههه بس هالمره معاي ريلي و عيالي و مشيت معاهم ساعه لي ١٢ بالليل عيالي طبعا بالعربانات ولا جان ماتحملوا و كنت مع كل خطوه احس بنقزه قويه تحت صوب عنق الرحم و مشيتي صارت ثقيله تعبت من النقزات لي درجه بين الخطوات اوقف اتعصر ماقدر اكمل ولا اتحجى و رديت البيت عالوحده بالليل نمت عشان الصبح وراي دخول
يتبع اكتب لكم تفاصيل الولاده بالطبيب
