♥♡♥ تجمع لجميـع مواليـــد 2014 حيــــــاكمـ ♥♡♥

[نـور الكويت]

رد: ❤❤❤موااليد اغسطس ❤❤❤2014بأذن الله حيااااااكم

مسااااء النور متنحه ..

تمام ي قلبي ..

شلونج انتي ؟!

 

[مــتــنــحــة]

رد: ❤❤❤موااليد اغسطس ❤❤❤2014بأذن الله حيااااااكم

نور الكويت

بخير الله يسلمج من كل شر

حلوين الصور

بس الحمدالله اني ماسوي استقبال وشايله هالشغلات من جدولي

 

[نـور الكويت]

رد: ❤❤❤موااليد اغسطس ❤❤❤2014بأذن الله حيااااااكم

عسى دوووم يارب

عيونج الحلوووه حبيبتي ..

بالعكس والله الاستقبال حلو ومريح ..

يومين وخلاااااص ترتاحين ..

ها ما ستقريتي على دكتوره معينه .. ولا للحين ?!

 

[نـور الكويت]

رد: ❤❤❤موااليد اغسطس ❤❤❤2014بأذن الله حيااااااكم

تصدقين اشوف القروبات البنات الي ولدوو

اغلبهم قيصريات .. والله خفت يارب تيسرها يارب

وترزقني والجميع بالولاده الطبيعه السهله والميسره يارب

 

[مــتــنــحــة]

رد: ❤❤❤موااليد اغسطس ❤❤❤2014بأذن الله حيااااااكم

لاوالله يانور للحين

وشكلي بكمل مع دكتوري لي حزة الولاده

واشوف اللي ربي كاتبه

يمكن اولد عنده صراحه حيل مرتاحة له

 

[نـور الكويت]

رد: ❤❤❤موااليد اغسطس ❤❤❤2014بأذن الله حيااااااكم

استخيررري وربي يسرها ..

والسهالات من رب العباد ..

 

[مــتــنــحــة]

رد: ❤❤❤موااليد اغسطس ❤❤❤2014بأذن الله حيااااااكم

لا ماعليج نور

السهالات من الله ان شاءالله

وربي بيختار لج اللي فيه خير

انتي بس استخيري

والقيصريه الحين سهالات ان شاءالله

وعوارها مثل عوار الخياط الطبيعي

10 ايام وانتي باذن الله مافيج الا العافيه

الله يكتبً لنا الولاده السهله يارب

 

[مــتــنــحــة]

رد: ❤❤❤موااليد اغسطس ❤❤❤2014بأذن الله حيااااااكم

قبل القيصريه شق من الورك للورك

ياربي تآجر امهاتنا يارب

الحين الشق مايتعدا الاربع اصابع

والخياط كبس مايبين اذا اعتنيتي فيه عدل والتئم

انا حمالي هذا مخوفني والله بس اقنع نفسي ان كل شي من ربي حلو والخيره باللي يختاره لي ربي

 

[نـور الكويت]

رد: ❤❤❤موااليد اغسطس ❤❤❤2014بأذن الله حيااااااكم

الله كريم يارب ..

المشكله اني مجربتها بولدي .. واحاتي والله ..

يارب تسهلها يارب .. حددي خايفه والله
الحمدالله لك يارب ..

يارب يسر ولا تعسر يارب العباد ..

ولعد شعندج من سوالف ..
شنو بقاالح من تجهيزات ان شاءالله ..

 

[مــتــنــحــة]

رد: ❤❤❤موااليد اغسطس ❤❤❤2014بأذن الله حيااااااكم

امممم

باجر عندي موعد عند دكتور حيان

ابي يشوف لي شنو سالفة الضغط الغريب اللي من تحت

وانا مو بجر عشان استغرب هالسوالف

بس مستغربه انها بدت معاي مبجر

والله العظيم يانور ذاك اليوم بالمجمع مامشيت ذاك المشي

شوووويه بس

ولما بغيت اطلع والله لو بحلف فيه شي بينبط من تحت

عرفتي البلونه المتروسه ماي لما تمسكينها من فوق وتحسين تنزل تنزل لين تنشق

جذي

من الخوف امشي ومبققه عيوني ومستغربه

 

[Amonito]

رد: تجمع مواليد ( إبريل - 2014 ) حياااااكم

قصه شاهه ~

في اخر زياره لي للدكتور يوم الاثنين قالي مفتوحه 3 سانتي والبيبي نازل بالحوض

وامورج الحمدلله تمام بس مافي طلق بدخلج المستشفى باجر ونولدج طلق صناعي

طبعا رفضت وقلت له عطني مجال لي يوم الخميس بليل ادخل المستشفى

وتميت ادعي ربي ييني طلق طبيعي عشان ما اتعذب

يوم الاربعا قام يحشوني عوار خفيف بظهري

والخميس من الصبح قعدت الساعه 8 وانا يحوشني

عوار مغص ببطني وظهري بس مو منتظم واحس فيه

احياناً كل دقيقه عشان جذي استغربت وقلت لا هذا مو طلق

نظفت شقتي وغسلت مواعيني وحطيت اغراض المستشفى

عند الباب غسلت ملابسي وخذيت لي شور واستشورت

الشعر حدي فراغه والالم مستمر طول اليوم سويت لي

ينسون الساعه 11 الصبح ورديت سويت مره الثانيه

الساعه 1 الظهر وكان وضعي عادي الساعه 5:30

زاد الالم عوووار بس بظهري وكل ماله ويزيد

وحاشني عزكم الله سهال قلت بس خلاص طلوق

وطبعاً كنت طول اليوم ادعي ربي تييني طلوق

طبيعيه وقريت سوره مريم والزلزله وادعيه تسهيل

الولاده

الساعه 8:30 رحت المستشفى فحصتني 3 سانتي

وفيني طلوق قالت ندخلج عالولاده قلت اي اتصلت

ع دكتوري من 9 لي 1 وانا بس 3 سانتي

يا الدكتور وبط لي ماي البيبي وطلع معاه دم

طلعت المشيمه منفصله قال بحاول اولدج طبيعي

واذا في خطوره عالبيبي راح اضطر قيصيريه

خفت وقمت ادعي حطولي طلق صناعي بالمغذي

وانا ماكنت ادري عبالي الطلق الصناعي تحميله

وبعدها قزوني اابره تنومني نمت لي 6 الصبح

واسمع صراخ البنات الي يولدون وادعي لهم

وخفت قلت ياحسرتي بصير نفسهم

انا كنت رافضه ابره الظهر واخاف منها

فحصوني 4 ونص بغيت ابجي قلت

باجي 7 سانتي يعني مطووله

الالم كله ماله ويزيد وقعدت ابجي من قوته

واقول لريلي ابي ابره ظهر يقولي لا

فحصوني الساعه 9 قالت 5 سانتي

المهم انا اهني انهرت وقمت اصارخ من

العووووووار عطوني كمام وماناسبني

صرت اختنق منه واحس بالعوار

قعدت ابجي واقوله ابي ابره ظهر

طبعاً ريلي من خرعته علي وشاف كل

شي بعينه واني صج اتألم ركض ينادي

الدكتوووور مال التخدير خدروني والحمدلله

بعدها مومصدقه قمت اضحك والسسترات

يضحكون علي يقولون الحين تضحكين

الساعه 10 يا دكتوري قال 10 سانتي

ولااااااااااااده

انا استانست مومصدقه وبعد 45 دقيقه

يبت بنتي شاهونه الله يحفظها طبيعي وقمت

ابجي مادري من الفرحه او الخرعه

واي صج بعز الطلوق. والبجي دعيتلكم

وهذي قصه ولادتي انا بچر واستمرت

13 ساعه وبنتي الحمدلله وزنها 2700

تشابهني وفيها غمازه تششوق

 

[Amonito]

رد: تجمع مواليد ( إبريل - 2014 ) حياااااكم

انصح كل وحده بتولد طبيعي

تاخذ ابره ظهر واهي مغمضضضضه

لان صج الطلووق لاااا تحتمل والله يرحم

حال يداتنا الي كانو يولدون بالبيوت

 

[مــتــنــحــة]

رد: تجمع مواليد ( إبريل - 2014 ) حياااااكم

مبروك امونيتو

نفس عيالي فيهم غمازات فديتهم طبعا على ابوهم انا مافيني للاسف

انا جربت ابرة الظهر بس ماناسبتني مادري ليش ؟

وخايفه اجربها مره ثانيه

نشوف الوضع وقتها والله يسهل يارب

بس ماقلتي لنا اي مستشفى؟ ومنو دكتورتج ؟

 

[همي رضى خالقي]

رد: تجمع مواليد ( إبريل - 2014 ) حياااااكم

مبرووووك امونيتو

لو مسويه نفسي جان ماتعذبتي هالكثر لانه طاف موعدنا ولازم نولد بطلق صناعي

فعشان جذي انا طلبت ابره ظهر وارتحت

 

[مآيكبرني نك]

رد: تجمع مواليد ( إبريل - 2014 ) حياااااكم

حبيبة عز


يآ حيآتي انتي الف مبرؤؤك والحمدلله ع سلآمتج وسلآمة آلبنوتة


ويآزين ماسميتي والله الحين انآ آحبج آكثر

فديت العوآشآت يآربي :$

مسجله دخؤلي بس عشآنج

الله يفرحج فيهآ يآربي ..

 

[ام مريم ورحمة]

رد: تجمع مواليد ( إبريل - 2014 ) حياااااكم

مبررووووووك حبيبة حبيبتي والحمد لله على سلامتج وسلامة عواشة القمر ومأجورة على التعب ياقلبي
امونيتو فديتها الغالية ام غمازة ههههههههههه

 

[همي رضى خالقي]

رد: تجمع مواليد ( إبريل - 2014 ) حياااااكم

مبروك امونيتو

نفس عيالي فيهم غمازات فديتهم طبعا على ابوهم انا مافيني للاسف

انا جربت ابرة الظهر بس ماناسبتني مادري ليش ؟

وخايفه اجربها مره ثانيه

نشوف الوضع وقتها والله يسهل يارب

بس ماقلتي لنا اي مستشفى؟ ومنو دكتورتج ؟

الظاهر حطولج اياه خفيف لانه يقدرون يزيدونه او يخففونه

 

[fofowa_q8]

رد: تجمع مواليد ( إبريل - 2014 ) حياااااكم

اي والله فرق الطلق الطبيعي عن الصناعي

الصناعي يذبح مايخليج ترتاحين حار وورا بعض


غاليه وينها مابينت مادري شصار عليها

 

[ام مريم ورحمة]

رد: تجمع مواليد ( إبريل - 2014 ) حياااااكم

صج غالية مو مبينة من يومين ان شاء الله تكون ولدت وقامت بالسلامة

 

[مآيكبرني نك]

رد: تجمع مواليد ( إبريل - 2014 ) حياااااكم

الحمدلله ع سلآمتج آمونيتؤ

وانا بعد نفسج للحين مب حآطه آبرة الظهر ف بآلي

والله ﻻيحوجني لهآ .. خاطري كل شي يكون طبيعي

اسم بنوتج يؤنيك الله يخليهآ لج ^.^


مابقى احين اﻻ انا ولؤيارا وخوخه ومناوي وورد