رد: تجمع مواليد مارس 2014 الله يتمم ويسهل يارب
يوني ضيوف فما كملت. المهم وصلنا لحد ما لما امشي يحد الألم و لما اقعد او انسدح يخف و يروح ضليت جذي لحد الساعة 11و نص بالليل فمليت قلت اروح انام احسن علشان أريح و اذا قربت الألم بس قعدني بروحه مع ملاحظة ان ريلي اللي قلبه معاي ضل بره و مارد البيت يفتر من ديوانية لديوانية كانه يسوي إحصاء المهم نمت و قعدت الصبح الساعة 6 ونص على صوت الباب لان ريلي اللي قلبه معاي تو راد البيت قلتله وين كنت انت توك راجع البيت يقولي كله منك خليتيني أسهر علشان متى ما بغيتي تروحين الطبيب اكون جاهز. طبعا طلعت فوقه سحابة وردية مكتوب فيها كذاب و خلاني و راح نام. عموما لما قعدت من النوم ماكان فيني شي بس لما تحركت رجع علي الطلق مرة ثانية و قعدوا عيالي سويت لهم ريوق و بدلت ملابسهم و نشطائهم و نظفت البيت و سويت عصيان مدني و ما طبخت غدا
