شوف .. انت تسمع وايد ناس يقولون ادرس اول باول وجذي , ودايما مانطبقها او نقول عادي نمشي
لكن بـ 11 صج هالمقووووووووووووووولة تطبق 100000% , 11علمي على كلام الكل وانا اكد عليها
اصعب مرحله بتمر عليك بالثانوي لان فيها ضغط وااااايـد , فـ انت لازم تدرس اول بـ اول ! ماتدرس صدقني
بـ تضيييع ,
الكيمياء
الكورس الاول 4 فصول , اول 3 فصـول مــااااااااااااي سهـل !! والله تشوفهم تقول لعب يهــااااااال قانون
وتعوض سخيف حيل حيل بس الضرب كل الضرب على الفصل الاخير الرابع مثل مدرسنا يقول اغلبية الطلاب
يجون الاختبار دارسين اول 3 فصول والرابع مايدرسونه لانه صعب ويكون اخر فصل فـ انت تكون مالك خلق
ومعلومات واايـد لذلك انا انصحـك فيها .. لا تاجل الفصل الاخير لين لما تقرب الاختبارات ! لا ادرس من بعد
الفتره الاولى من بعد الاختبارات .. ادرس الفصل الرابع وبلش فيه لان فيه معادلات وافكار وماكو عليه ولا
مساااااااله بس اللهم مثل اكمل ومعادلات وجدول وهالسوالف ومهمه حيل انا كنت ادرسه من الكتاب اقرى و
افهم واذكر وقتها حفظت كل المعادلات بالفصل الي معانا والي مو معانا لان المعادلات كانت فهم لا اكثر
وعلى فكرة انا يبت بالفتره الثانيه فل مارك 50 من 50 , لان درست الفصل الرابع قبل الفصل الثالث والفصل
الثالث كان اغلبه ملغي وماعليه الا جم فكرة حق مسالة معينة وجم تعريف بس فـ خليتهم قبل يومين من الاختبار
الكورس الثاني دسسسسسسسسم بـ معنى الكلمة , واتبع نفس الطريقة الي قلت لك عليها وان شاء الله سهالات
الفيزياء
الكورس الاول دراستها سهله , لكن الاختبار مستواه شوي لك عليه ! مادري يمكن على حظنا هالسنة بس
لكن صدقني الدراسة حلوه وسهله لو تدرسها اول باول - والفيزياء الكتاب لا تاخذ منه الا الامثلة بس صدقني
امثلة كتاب الفيزياء مهمه حيل حيل حيل اذا ماتجيك نفسها بالارقام تجيك نفس فكرتها , والكورس الثاني الفيزياء
سهل مــاااااي ,
جيولوجيا
محد نقصني بالشهاده غيرهـاااا !! المواد الثانيه ممتازة الحمدالله , بس هالماده نقصتني فوق ال 5 درجات و
متحسف عليهم للحين , ادرسها اول بـ اول صج صج يعني احفظظظظ صدقني بترتاح وقت الاختبار.
الاحياء
سهله ماكو شي ,
رياضيات .. الي بيواجهك شوي صعب اللوغاريتمات بس اذا حليت كل التمارين عليها بالكتاب ماراح يطلع منها
ادري قرقت وايد بس نصيحه اخيره , اذا كنت تدرس بـ 10 بمجهود معين ويبت فيه 95 مثلا !
ودرست بـ 11 بنفس المجهود , بتحصل 92 او 90 .. 11 يبيلها مجهود اكبر , عاشر لعب يهال ومتحسف
كثر عدد شعري اني ضيعت هالسنة باللعب , وموفق خير ..
