رد: ◦•● نادي قراءة الكتب العربيه ( نادي الضاد ) تفضلي بالمشاركه معنا ●•◦ .. # متجدد
صباح الخير .. مهم
عدنا حبيباتي من بعد الانتهاء من الكتاب الأول اللي اخترتوه - رأيت رام الله - شاكرين اختنا نبض على الموضوع الثاني
اللي تابعت فيه قواها الله وحاليآ بنتم بهالموضوع للنقاش والتصويت وكل الامور عشان ماتضيعون وتتخربطون .. وكل شي تكتبونه راح
يأخذ بعين الاعتبار .. واي استفسار تلقون الاجوبه بالصفحه الأولى او تسألوني بالموضوع وان شالله معاكم اول بأول ..
حاليآ للتذكير .. نبي كل وحده قرت الكتاب السابق - رأيت رام الله - تكتب رايها فيه - وكل اللي بخاطرها مانبي
نقيدكم بأسئله معينه نبيكم تناقشون الكتاب مثل مايريحكم ..
النقطه الثانيه من هاللحظه راح يبتدي التصويت رسمي .. كل وحده فيكم تختار لها 3 كتب .. بأي مجال
وعشان لا نحتاس وايد من الاخير الكتاب اللي راح يحصل على اكثر تصويت راح نختار قرائته سواء كان من اي مجال ..
واتمنى يالغاليات مانركز على الاقتراحات بالموضوع قدر النقاش والتصويت عشان لا تضيع الصفحات علينا والوقت ..
التصويت سيبدأ من هاللحظه حتى سبع ايام قادمه .. ومن بعدها راح نحدد يوم بداية القراءه ان شالله ..
ملاحظه : كل شخص اشترك بالنادي راح يكون عضو بالنادي من هاللحظه سواء قرى معانا او لم يقرأ
