يسسسعد صبآحكم ,,
أنـت ياللـي ماخـذٍ قلبـي معـك حجـة وداعـه
تدري إنك ماكسبت الأجـر فـي النفـس الحزينـه
شفني مـن العـام خليتـه معـك سمـعٍ وطاعـه
وأنـت لارديـت لـي قلبـي وأنـا ماقلـت وينـه
شف بعينك وأعطنـي قلبـي لعـل أرتـاح ساعـه
ساعةٍ تـروي ضمـا العطشـان وتخفـف حنينـه
ساعةٍ يفرح بهـا المحـروم يـوم الوقـت لاعـه
لحظةٍ تسـوى علـى المشتـاق مثـل أول سنينـه
أفتح أبـواب الوصـل واحـذف مفاتيـح القطاعـه
واقض ديانـك بـدون أربـاح لوهـو ربـع دينـه
مرحباً في ذمتـي لاجيـت مـن عقـب انقطاعـه
تذرف ادموع الفرح وتقـول شيـن البعـد شينـه
قلت لك هـذي طبـوع الوقـت تفريـق الجماعـه
لكن الجمعـى بعـد طـول العمـر فرصـه ثمينـه
قلت لي كنت أحسب إن عندي على الصبر استطاعه
وأثرني ضايـع ولاكبـدي علـى الفرقـا فتينـه
قلت لك طبـع الصبـر يعتـاش والفرقـا متاعـه
عادته يخلـف اضنـون الرجـل كـون الله يعينـه
الصبر مـن غيـر مانرضـاه يااااصعـب ابتلاعـه
يقهـر الـرجـال ولا يظـهـر الدمـعـه بعيـنـه
من يقول الصبـر مفتـاح الفـرج ماقلـت إشاعـه
غير أنـا قدلـي سنـه ماشفـت منـه إلا غبينـه
المهـم بـاب الحـزن صكـه بمفتـاح القنـاعـه
خـل ذكـراه الحزينـه فـي ساعدتـنـا رهيـنـه
أنتهـى وقـت الحـزن والبعـد قضبنـا شـراعـه
وأبتـدا وقـت السعـاده تنشـر اشراعـه يمينـه
تدري إن بعدك حريـق القلـب وأخـاف إندلاعـه
خايـفٍ نـار الحـزن تشتـب وتشيـع المديـنـه
وتدري إن فرقـاك ليـلٍ مظلـم وقربـك شعاعـه
وتدري إن قربك يعيـن القلـب وإن بعـدك يهينـه
وتـدري إن قولـة فمـان الله مافيهـا شفـاعـه
وتدري إن قوله صبـاح الخيـر تغشاهـا السكينـه
ياصبـاح الخيـر ياوجـه السعـد عبـر الإذاعـه
نور وجهك طولـةٍ فـي العمـر لاشعشـع جبينـه
شوفتـك تجلـي همـوم القلـب وتزيـد اندفاعـه
للغلا وتـداوي جــروح المعالـيـق الدفيـنـه
أدري إن بعـدك ماهـو بيـدك ولاقصـدك لكاعـه
وإن طلع مافـي يـدك حيلـه فخلـك وش بدينـه
أنــــــــــــــــــت بــــتــــســـــافـــــر ؟
أنــــــــــــــــــت بــــتــــســـــافـــــر ؟
أنــــــــــــــــــت بــــتــــســـــافـــــر ؟
أنت بتسافر ؟ فماااان الله خذ قلبي وداعه غير لاتبطي ترا الأنوار طفيت في المدينه
\
"
/
"
