رد: اكتبي بيت شعر يعبر عن حالتج النفسيه
:
:
مشتـاق والله كثيـر لراحـة إزعـاجـك
مشتاق أحسّك مثل ماكنـت تفـرح لـي
ماتذكر الحلـم يـوم ينـام بـادراجـك
تعال فسّر غيابـه ليـه !؟ واشـرح لـي !
مشتاق أداعب بحـرك وألمـس امواجـك
مشتاق ألامس عميقك وانت تسبـح لـي
تعال واشعـل بصمتـي كلمـة سراجـك
تعال لكن إذا ماجيت لـك ... رح لـي !!
ماجيت أجمّع جروحـي قاصـد احراجـك
جيتك أببكي وابيك الحين تسمـح لـي !!
بـبكي على الناس والإحسـاس لاماجـك
بـبكي على الموت يوم إنه يلمّـح لـي !!
بـبكي على الجوع والموجـوع لاداجـك
بـبكي على الكون والمدفون في وحلـي !!
بـبكي على الروح والمجـروح لا هاجـك
بـبكي على الحب يوم الحب لـوّح لـي !!
ياخطوة الحلم نامـي وسـط ديباجـك !
وإلا اتركيني .. وخليّ الدرب .. وارتحلي !!
الموت لامن بكيت وجيـت .. محتاجـك !
وطرقت بابك .. ولابه ناس .. تفتح لـي !!
:
:
