~●• ][ سجلي حضورج بنصيحة مفيدة لكل متزوجه أو مقبله على الزواج ❤

[ميمي المزيونة]

​

* سجلي حضورج بنصيحة مفيدة لكل متزوجه أو مقبله على الزواج مهما كانت قصيرة ~
​

فهي تسعدنا / و لتعم الفائد على الجميع *
​

فأنت إن كنت متزوجة فقد مررت بكثير من المواقف التي ندمتي عليها و الكثير من المواقف التي توفقتِ بها / و إن كنتِ غير متزوجة فلديك صديقات و أخوات تعرفتي على تجاربهن / و إن كنت مقبلة على الزواج فلاشك بأنه قد أتتك الكثير من النصائح من أقربائك . .​

~● أتمنى من الجميع المشاركة و إفادتنا بنصيحة :eh_s(17): ●~​

​

​

 

[حناينq8]

اشكرج على موضوعج حبيبتي

نصيحتي

الصبر ثم الصبر
انتي داخله حياة يديده وبتشوفين اختلافات من كل النواحي
على ما عشتي عليه وعلى اللي بتشوفينه - هالشي يحتاج منج التأني

شي ثاني التجهيز للحياه الزوجيه مو بس ملابس وميك اب
لازم تتعلمين الطبخ وتدبير امورج والسنع في بيتج حتى في وجود الخادمه

لا تسمعين من صديقاتج الا اللي يفيدج ولا تطلعين مشاكلج بره بيتج طال ما انج قادره تحلينها بنفسج

 

[البتـولـ :$]

الثقل ثم الثقل ثم الثقل :eh_s(4):

و اقصد بالثقل انج ما تسلمين مشاعرج للرجال حبيه بعقل مو بخبال و حتى لو عاشقته بيني انج متزنه عاطفيه و عطيه حب بالقطاره << اتمنى يكون قصدي مفهوم :sfg:​

 

[ميمي المزيونة]

حناين + البتول


مشكورين على النصايح الحلوة ؛)


متابعين باقي النصايح اتمنى مايوقف الموضوع &​

 

[ميمي المزيونة]

كوني له أربع حتى لايتزوج عليك​

​

^ عبارة عجبتني ❤​

 

[مس استي لودر]

اب اب اب

 

[mo0o0n22]

اي والله محتاجين نصاايح حييل
الله يوفقنا ويوفقكم ياارب​

 

[ما يهزك ريح]

يعطيج العافيه على الموضوع

وبانتظار باقي النصايح​

 

[لمسه كويتيه]

لا بد بداية كل زواج بيكون في اختلافات و خلافات لان الزواج علاقة جديده وحياه ثانية فكوني متفهمه و احسني الظن بالطرف الثاني وتنازلي مرات بس بعقل عشان ما تخلين للشيطان منفذ

 

[ضنـآني الشوق]

خوش موضوع يعطيكم العافيه
وآآآب

 

[Mjnont '3lay]

نصيحتي للمتزوجه بس ببداية زواجها
كوني حكيمه وصبوره وامسكي لساااانج وخلي عندج طووولة بال و اتزان ببعض الامور
واحسني الظن فيه بكل شي وتعودي تغضييين البصر عن بعض الامور وتطنشين



نصيحتي للي مقبله عالزواج
لاتصيييرين مطيووووووووووووووره وتروحين تشوفين قسم الزوجيه والحركات والاغراءات وعلى بالج اسكت على عماج تطبقين من اول الايام خليج ثقيله وهالله هالله بالحيا
واهمممم شي لا تكونين كتاب مفتوووح ترى حنا ننسى بس الرجل عمره ماينسى اي شي تقولينه و اي هوشه تصير بينكم يقعد يعايرج بأي شي قلتيه من قبل
ماتحبين اخوج سدي حلجج لا تصرحين بهالشي للزوج متضايقه من فلانه ولا علانه ماله داعي تقولين خليها بقلبج واسكتي



ونصيحتي الحين للمتزوجه واللي مقبله عالزواج
اسرااااااااااااااار البيت لاااا تطلع بره
وللاسف قاعده اشوف اكثر الحريم اي شي يصير ببيتها على اولها الو يمه شفتي فلان شسوى الو يمه شفتي حماتي شسوت الو يمه شفتي علانه شقالت لي
سدوووووووووووووو هالحلج والله والله هالحلج يسبب خرااااب بيوووت
خلاص انتو حريم كبار ومسؤؤلين عن بيت وزوج مو مثل ماكنتو بنات كبرو هالعقل شوي ماله داعي كل شي يصير بالبيت العالم كلها تدري ترى واجد بنات ازواجهم طاحو عليهم وهم يتشكون حق فلانه وعلانه وصارت مشاكل كبيره وصلت لي الطلاق


والشغله الثاني


اي شي تسمعونه من اخت او زميله او صديقه او ان شاءالله تكون امكم سمعو من صوووب طلعو من الصوب الثاني لانه مو كل شي يكون لصالحج يمكن امج تنصحج على نياتها بس ماتدري انها خربت بيتج يمكن صديقتج غيرانه منج وانتي مع الخيل ياشقرا وتهاوشتي مع الرجال والسبه هالصديقه
نصيحه لا تسمعوون لاحد ابددددددددن


والشغله الثالثه والاهم سواء للي مقبله عالزواج او المتزوجه
الرجل اخذي قلبه وعقله بالطاعه والاحترام
ومحبته لج من محبتج لاهله

واهم شي الصوت الهادي للاسف بعض الحريم على بالها واحد من الربع ؟؟ رجلها جنبها بالمجمعات وتصرخ كنها كاوليه بنص المجمع تنادي الورع ؟؟
او رجلها بالبيت وبدال لا تخلي الخدامه تنادي ورعانها اللي يلعبون بالشارع تقوم وتبطل الدريشه وتصرخ من قمة راسها تنادي الورعان حتى حنا اللي قاعدين بالصاله سمعناها

واخر نقطه الرجال كوني له كل شي تملكين قلبه وعقله وعيوونه



وبس هذا اللي ببالي الحين والضروووري

والله يوفق الجميع ياارب

 

[ميمي المزيونة]

يعطططيج العافية مجنونة غلاااي نورتي الموضوع بنصايحححج


بعد بعد وووينكم لووو كلمة والله اججر ويمكن هالكلمة تغير حياة ناس وااجد


ناااطرين :/

 

[كـراميل]

uuuuuuupp​

 

[دآهيــه بحـلاهآ]

مشكووووورة صاحبة الموضوووع والله خوووشش موضوووع


ممم نصيحتي خلي ربج معاج بكل مكان

اذكار الصباااح والمسااء كل يوووم قوليها لج ولزوج واستودعي الله بقلب وعيون وسمع وزوجج كلله

وكثرري من الاستغفاار يعني خصصي لهالاشياءوقت معييين بحيث ان كل يوم لزززم هالشي تسوووينه

والله يوفق الجميع :eh_s(22):

 

[&موناليزا&]

عزيزتي رفع لعيوووووووووونج

 

[المـــــها]

نصيحتي كوني مؤدبه مع زوجج و اهله ولا تعلين حسج عليه مهما كان لو غلط عليج
و دايم دايم تكشخي و تزيني حتى لو جبتي عيال خلج على طول عروس

 

[تبيني آرضى عليك]

نصيحتي اهم شي تكووووونين ثقيله بعد الزووواج​

وبعدين مو تجلسين مع صديقااتج و واقااربج وريلي جاب لي وسوى واشترليلى هالهديه ويحبني ويموووت فيني
ويسمعني كلام حلو لاتقولين شي والله عن تجربه النااااس ماتعطي خير سألوج كيف حياتج اهو رومانسي ماادري شنو
قولي الحمدلله على كل حال وضيعي المووووووضوع​

يعطيج العاااااااااااااااااافيه موووضوع حلو​

 

[خجوله..]

الله يوفقكم يارب ونصيحه العرس مو فخفخه وخرابيط وخماليج الزواج مسووليه والزوج يبي زوجه تشيل البيت شيل ويبي زوجه السانها يقطر عسل والصوت الصوت الصوت ي بنات ماااايحبوون الصوت الطويل كلللش ويموتوون بالي تهتم بنفسها وبنظافتها وتحب تككشخ حتي لو انها عاديه واللع يهنيكم

 

[رمق الروح]

موضوعك جدا رائع اشكرك يالغاليه ..
نصيحتي الاولى اللي اوجهها لكل مقبله وكل وحده متزوجه انها ماتترك بيتها وتطلع منه مهما كانت الظروف بينك وبين زوجك ..
والنصيحه الثانيه لاتسولفين لاي احد وش يصير بينك وبين زوجك او وش تسولفون فيه.. فيه ناس تبيتلك نيه شينه وانتي ماتدرين ..
انا وجهة النصيحتين من تجربتي الخاصه اللي ندمت مامشيت عليهن .. اتمنى تمشون على النصيحتين وتستفيدون منها ..

تحيااااااااااااتي .. ​

 

[ككوته]

نصيحتي..
اولا: استمتعي في هالحظات لانها احلى لحظات عمرج وماراح تنعاد
ثانيا: حبيبتي دينا الحنيف عطانا كل مقومات الزواج الناجح فخلى الطاعه واجبه على المراه والريال يحب المراه الي تتطيعه وثانيا الزينه للزوج احلى لبس اغلى عطر اكشخ اكسسوار زوجج اول واحد يشوفه عليج
ثالثا: احتسبي الاجر بكل شي تسوينه لزوجج او لبيتج حتى لو ماسمعتي مدح او حسيتي ان يبين بعينه لان راح يبين بعين الي عينه ماتنام

والبنات بعد ماقصرو اتمى حياه سعيده لكل المقبلات على الزوجا والمتزوجات