رد: ►♥◄ عروسه وتبين تجهزين على اخر موضه ؟ لراقياآت بس ...►♥◄
الصناديق فكرتها الحموله ماتفتش جهازج لان بتصير مسكره بكرستاله انتي تشيلينها لاجيتي =)
بس مو اودي تجهيزي كله صناديق !!! الجنطه مهمه ومو اي جنطه عرووووس جنطتج لها سعرها وللعمر
ماحس مرتب شكثر الصناديق الجناط اكشخ طبعا مو الفها بتور وورد لا جنطه منظرها راقي سعرها فيها ثلاث والباقي صناديق لونهم مناسب
انتي تنقلين عفشج لبيت ناس فيها موضه هاذي بعد الواحد ينقل قشه بجناط معروف والصناديق وحده للملابس الداخليه ووحده للقمصان ووحده للعطور والمكياج للسوالف الي تبينها خاصه
الباقي بالدوولاب مسفط العادي البجايم نفس طريقه تغليف بجايم الماركات خيط مسوي فيونكه وكرستاله عشان محد يفتش والملابس بالاكياس وبالسحابين اربطيهم بفيونكه او فكره التوقيع حيل حلوة
ومبخرج والسوالف الكشخه اي على تسريحتج رتبي
شنو اسحب صندوق شكبره بدخل كنز الشقه عاد بيجونج ملوت الفناتك وتلبس الخدامات ياسمينه وعلي بابا حته بتدخيلتهم على الناس اسحب الصندوق ولايقلب الصندوق ولاينحاس الصندوق البوكسات فكرتها محد يفتتتش وينحط فيها الي ماتبين ينشاف فقط
والجواتي الغالب موجود كبت جواتي اذا مافيه اشتري زي الكبت بس الي تنقلينه شفاف مو بلاستك عادي لا البلاستك زي طاولات زارا هوم يعني يعطيج منظر قزاز لامسكتيه بلاستككك حيل راقي ويكون فيه زي المسكه ه كمنظر وصفي جواتيج طبعا هذا بكرتونه وبالجنطه اهلج يركبونه خخ ولو يكون ترتيبج ابيض بابيض حلو ولايق
في بايكيا هالسوالف اذكر زي المعلاق كبير فيه سحبااات وكل سحاب لجوز جواتي بسس انا اقول اكيد في كبت وماتحتاجون هالبربسه
لاتقولين محد يفتش الحريم فضولين الرجال بكبره بيطلطل
اذا وحده تبي فناتك وتفلسف شفتو العربه الي تنقل العفش بالفنادق ؟ الي فوق زي المعلاق وتحن الشناط رفيجتي موديه جهازها فيه كانت عند حموله معلقه بدلها كله باكياسهم كانت ماركات الي مو ماركات بالجنطه
وتحت بوكسات ال في وجنطه ال في وحده
الصراحه انا اشوفها هياط على هلاقه شنو تدفدين عربتج وتورين ماركاتج حلات البس لا انلبس يتشوقون شنو شاريه مو دارين وعارفين وخالصين وقلدوج ولبسوه قبلج بعد !بتع
الي تبي فناتك لترتيب تشوف مواقع الفنادق والاجانب وترتييب للملابس وجذي بيجي منظر ارقاا
ومشكوره حبيبتي عجبتني فكره التوقيع بالكرستال ماشفت الي حولي سووها والله يرزقج قريبا وتوريينا كشختج ان شالله
