►► تـجـمـع خــآص لـمـوظـفـآت وزآرة الـصـحـه الـعـآمـه ◄◄

[FdeeT.BnaTy]

بنات امانه نبيكم تنورونا

انا صيدلانيه و ابي انتقل من مستوصف لي اداره الرقابه شلووون؟ عفيه اللي تعرف شي لا تبخل علينا يزاكم الله خي وشلون المكان هناك ابي مكان بس دوام صبح اهلي مسويلي دندره على دوام الليل عفيه نورنا

ماتفكرين تروحين مستشفى ؟ احنا دوامنا بس الصبح بالمستشفى وخفارة مرة وتكميلي مرة بالشهر ،،

 

[أبراركو]

مرحبا بنااااااااات أنا خريجة سكرتارية و توني بتعين قالوا بيحطوني بالراشد رحت قابلة الدقباسي قال بيحطني عند البصمة وحدة اسمها منى
تكفون العيون الناعسة و حرم الاسلمي قولولي شلون مسئولة البصمة يقولون عصبية و شايفة نفسها ومغرورة

 

[يويوو]

السلام عليكم ...

بنات بليززز جاوبوني جم معاش فني سجلات طبيه ...

 

[ﺂلعيوטּ ﺂلناعسـﮧ]

مرحبا بنااااااااات أنا خريجة سكرتارية و توني بتعين قالوا بيحطوني بالراشد رحت قابلة الدقباسي قال بيحطني عند البصمة وحدة اسمها منى
تكفون العيون الناعسة و حرم الاسلمي قولولي شلون مسئولة البصمة يقولون عصبية و شايفة نفسها ومغرورة

هلا حياتي والله البنات اللي فيه يهبلون بس البلا من الاداره ومن ناحية اللي ذكرتيه اي صح
ونصيحه من اختج انحاشي عنه لا تغلطين غلطتي والله فالبدايه يفرشون ورد وبعدين راح تندمين والله الراشد نقطه سودة بحياتي عسى الله لا يعودها

 

[ﺂلعيوטּ ﺂلناعسـﮧ]

بنات منو فيكم بقسم الرواتب اللي بالمنطقه

 

[سلمى83]

ماتفكرين تروحين مستشفى ؟ احنا دوامنا بس الصبح بالمستشفى وخفارة مرة وتكميلي مرة بالشهر ،،

لا اختي مافكر كلش المستشفي اللي يمي مبارك والصراحه مايمدحونه كلش يقولون شلعه قلب الكل وده يطلع

 

[FdeeT.BnaTy]

لا اختي مافكر كلش المستشفي اللي يمي مبارك والصراحه مايمدحونه كلش يقولون شلعه قلب الكل وده يطلع

ماشالله عالسمعه الطيبة اللي واصلة كل مكان ، انا وحده من اللي انحاشوا من مبارك :dddds:

بس للأمانة في بعض الصيدليات هناك يهبلون وماودج تطلعين منهم وبعضهم اللهم ياكافي :s141:

بسإلج سؤال عالخاص بليز

وان شاء الله بسأل لج عن الرقابة اخوي يعرف مسؤول هناك ، وانا بغيت اروح هناك بس اللي ردني زحمة الطريج ودوامهم ينتهي الساعه 3

 

[أبراركو]

مرحبا العيون الناعسة أنا أسأل عن مسئولة البصمة مالي شغل بالباجي لأنها هي بتكون مسئولتي و بما إنج كنتي تشتغلين بالراشد هي صج عصبية ومغرورة

 

[رحيل المرافيء]

رد : ►► تـجـمـع خــآص لـمـوظـفـآت وزآرة الـصـحـه الـعـآمـه ◄◄

بنات ابي الوظايف لخريجين التكنلوجيا كيمياء تطبيقية
شنووو؟؟؟؟؟؟؟؟؟؟
وهل فيه توظيف لغير الكويتيين؟؟؟؟؟؟
ودي برقابة الادوية يصير

 

[أبراركو]

انزين بنات متى بينزلون كادر الاداريين نبي خبر أكيد تكفون

 

[بتوتة توتة]

رد : ►► تـجـمـع خــآص لـمـوظـفـآت وزآرة الـصـحـه الـعـآمـه ◄◄

صحه مرض مافيها شي يريح من بصمه من مراجعين من خفارات مرتاحين الكباريه واحنه موظفات نكرف مثل حمير واهما مرتاحين اله لايبارك باليوم الي دشيت في صحه

 

[الزيـــــ^^ـــــن]

رد: رد : ►► تـجـمـع خــآص لـمـوظـفـآت وزآرة الـصـحـه الـعـآمـه ◄◄

بنات ابي الوظايف لخريجين التكنلوجيا كيمياء تطبيقية
شنووو؟؟؟؟؟؟؟؟؟؟
وهل فيه توظيف لغير الكويتيين؟؟؟؟؟؟
ودي برقابة الادوية يصير

يقولون فيه توظيـــف اللحين بس روحي للوزارة وطلبي ورقه طلب توظيف وعبيها وحطي شهادتج وبطايق وخلي اي نائب يوقعها الصراحه وحده معانا جزاها الله خيـــر قالت لي هالحجي وانا بعد سامعه من بنات قالو لي
والله يوفقج:bye22:

 

[nadoy]

ياجمااااااااااااااااعه

انا خريجة علوم صحيه بالدرجه الخامسه

والفتره اللي طافت يمكن شهرين اخذت طبيات لانه حامل وتعبت بحمالي

بعرف انا عديت الـ 30 يوم من المستشفيات جم بيخصمون مني ..؟

وانا قاعده اسوي مجلس طبي تتوقعون بيخصمون مني ولا لا ؟

ياليت تفيدوني بنات والله حدي متوهقه

 

[nadoy]

اي اي وبقول لكم معانااااااااتي اهئ اهئ

والله اني من نقلت لي مكاني اللي الحين فيه شفت تفرقه موووووووووووووووطبيعيه

يعني حاطيني بمكان المسؤوله وكل رفيجاتها بنفس المكان تخيلو تريح رفيجاتها اللي لاحمل ولا مرضى وكارفتني كراف يعني تخيلو صرت ماقدر اداوم يوم كامل ولا اقدر اداوم اسبوع كامل

يعني اداوم يوم وعشره لاااااااا

فيدوني شسوي مع هالمسؤوله اللي بتييب لي الجلطه

 

[شاعرهـ]

السسلاآم عليكم


بنآت شلونكم ؟؟


بغيت اسآالكم يالغاآليات


عن احسن مستشفى تخصصي من ناحيه الشغل الاداري حلو او لا



ابي اسال عن مستشفى الطب الطبيعي والصدري والراشد والحساسيه والاسلامي او غسيل الكلى




اي احسن واحد فيهم








مافي احد يشتغل في واحد منهم:eh_s(3):


بليز ناطرهـ ردكم​

 

[nadoy]

وااااااااااااااااااااااااااي

مافي احد يبرد جبدنا @@

 

[ضاقت علي دنياي]

السلآم ،،

شلونكم صحيآت ؟؟


من زمآن عن التجمع اشوف بنآت جدد انضموآ لنآ حيآكم الله والبيت بيتكم ..

شكل الكل منغث من الصحه الله يعين ..


برب اشوف الاسئله اللي اقدر ادر عليهآ ..

 

[ضاقت علي دنياي]

سلام عليكم انا توه تم نقلي الى وزاره الصحه مستشفى البنك الوطني بنات عفيه يريت تفيدوني جم معاش الموظف الجامعي عندكم وشلون المستشفى في احد يشتغل فيه او سامع عنه يريت تفيدوني

وعليكم السلآم ،،

والله حبيبتي مادري كم معآش الجآمعي انآ دبلوم ومعآشي 575
والمستشفآت دآيمآ زحمه وشغل ..

ان شآء الله البنآت يفيدونج ..

بنات ديبوم قانون جم معاشهم عندكم ؟

هلآ حبيبتي ،،

انآ دبلوم ادآره ومعآشي 575 ..

عآد مآدري عن القآنون كم ..

مرحبــــــآ بنات اخبآركم
آنا من فئة غير محددي الجنسيه يصير اقدم بالصحة لان بخاطري اتوظف هناك علما بأن عندي شهاده ثانوية عامه ودبلوم سكرتاريه من الهيئه العامة للتعليم التطبيقي والتدريب اللي عندها اي شي يفيدني بليييييييز خل ترد:bye22:
​

هلآ حبوبه ،،

اي حبيبتي اللي اعرفه ان الحين قآعدين يوظفون اشكثر مآشآء الله ،،

روحي الوزآره وقدمي والله يوفقج ..

بنات امانه نبيكم تنورونا

انا صيدلانيه و ابي انتقل من مستوصف لي اداره الرقابه شلووون؟ عفيه اللي تعرف شي لا تبخل علينا يزاكم الله خي وشلون المكان هناك ابي مكان بس دوام صبح اهلي مسويلي دندره على دوام الليل عفيه نورنا

روحي اداره المنطقه عندكم انتي دوامج تبع اي منطقه صحيه ،،

وقدمي ورقه نقل ..

بس الصيآدلآنيآت اللي عندنآ يدآومون صبح مو عصر ومرتآحآت ..

عمومآ الله يوفقج ..

مرحبا بنااااااااات أنا خريجة سكرتارية و توني بتعين قالوا بيحطوني بالراشد رحت قابلة الدقباسي قال بيحطني عند البصمة وحدة اسمها منى
تكفون العيون الناعسة و حرم الاسلمي قولولي شلون مسئولة البصمة يقولون عصبية و شايفة نفسها ومغرورة

هلآ حبيبتي ،،

آلف مبروك الوظيفه ،،

وان شآء الله البنآت يفيدونج ..

 

[ضاقت علي دنياي]

انزين بنات متى بينزلون كادر الاداريين نبي خبر أكيد تكفون

والله شكله مآرآح ينزل

شوفي حبيبتي جآنآ يوم الثلآثآء اللي طآف بآلدوآم موظف بوزآره الصحه تبع قسم الآعلآم ،،

وقآل اننآ قآعدين نجمع اكبر عدد من التوآقيع حق كآدر الآدريين ..

وقعنآ وننطر والله كريم ..

صحه مرض مافيها شي يريح من بصمه من مراجعين من خفارات مرتاحين الكباريه واحنه موظفات نكرف مثل حمير واهما مرتاحين اله لايبارك باليوم الي دشيت في صحه

صآآآآآآآآجه ،،

الله يعين ..

ياجمااااااااااااااااعه

انا خريجة علوم صحيه بالدرجه الخامسه

والفتره اللي طافت يمكن شهرين اخذت طبيات لانه حامل وتعبت بحمالي

بعرف انا عديت الـ 30 يوم من المستشفيات جم بيخصمون مني ..؟

وانا قاعده اسوي مجلس طبي تتوقعون بيخصمون مني ولا لا ؟

ياليت تفيدوني بنات والله حدي متوهقه

30 يوم من مستشفى مسموح لج اذآ تعيديتي الـ 30 وفووق يخصمون ربع رآتب ..

اذآ مجلس طبي والله مآدري ..

ان شآء الله اللي تعرف مآ تقصر معآج ..

اي اي وبقول لكم معانااااااااتي اهئ اهئ

والله اني من نقلت لي مكاني اللي الحين فيه شفت تفرقه موووووووووووووووطبيعيه

يعني حاطيني بمكان المسؤوله وكل رفيجاتها بنفس المكان تخيلو تريح رفيجاتها اللي لاحمل ولا مرضى وكارفتني كراف يعني تخيلو صرت ماقدر اداوم يوم كامل ولا اقدر اداوم اسبوع كامل

يعني اداوم يوم وعشره لاااااااا

فيدوني شسوي مع هالمسؤوله اللي بتييب لي الجلطه

الله يعينج حبيبي ،،

وهذآ عيب الحريم لي صآروآ مسؤولآت ..

 

[دنيتي جوجو]

مرحبا بنات شخباركم ؟؟؟؟؟
ياطويلات العمر انا انقبلت بوزارة الكحه وخلصت كل الاوراق المطلوبه والفحوصات وكان هالكلام امس تاريخ 10|10 واليوم راجعتهم وقالولي الاسبوع الجاي ندق عليج عشان تستلمين قرار التعيين وتباشرين عمل ,,, سؤالي اهو من اي تاريخ ينحسب لي مباشرة عمل ؟؟من 10\10 ولا من يوم الاحد الجاي ؟؟ والسؤال الثاني والاهم راح ينزل لي معاش شهر 10 ولا لأ؟ وسوري طولتها معاكم بس مالي الا انتم اخبر بهالمواضيع