░▒▓☺ سمعتو عن الاندرويد .. راح تكرهون الايفون و ستيف جوبز اللي خلفه ☺▓▒░

[رموشه]

رد : ░▒▓☺ سمعتو عن الاندرويد .. راح تكرهون الايفون و ستيف جوبز اللي خلفه ☺▓▒░

مشكوره حبيبتي على الموضوع وبصراحه
ما اقدر اجوف غير الايفون ~> ساحريني هالشركه ههههههههه

 

[com.ايات]

رد : ░▒▓☺ سمعتو عن الاندرويد .. راح تكرهون الايفون و ستيف جوبز اللي خلفه ☺▓▒░

بسم الله الرحمن الرحيم

انا من العاشقين لابل من سنه 2007 يعني من اول موبايلي لها هوا الاي فون 2g

صحيح فيه عيوب كثيره لاكن هوا كان الافضل في السوق اول حاجه متجر البرامج للان فيه اكثر من 100000 برنامج,
وبعده نزل الاي فون 3g في سنه 2008و اختلف الشكل و و دعمه لل3g لسرعه التصفح
و بعده نزل الاي فون 3gs سنه 2009 ميزته قوت البطاريه اقوى من قبل و سرعته الرهيبه في التصفح و تحميل و كاميرا 3.5 ميجا بكسل يقارب 5 مجيا بكل او اكثر لاني تحديت مع جهاز نوكيا N95 في النهار و اتضح الايفون كاميرا اقوى
و الان وصلنا للاي فون الاسطوره هوا اي فون 4






تم اصدار الآيفون المنتظر بالشكل الجديد وهو iPhone 4 وتم الإعلان عنة في مؤتمو آبل للمطورين. الآيفون الجديد يحمل مزايا جديدة ورائعة دعونا نستعرضها معاً
تصميم جديد بالكامل


الآيفون 4 يحصل على تصميم جديد كلياً ومختلف عن الموديلات السابقة، هذه المرة يأتي بتصميم جريء ومربع الشكل وايضاً بحدود حادة وخطوط حادة. من النرة الأولى قد يتبين للمشاهد بأن هذه تصاميم غير تقليدية لآبل، لكن حينما تركز فيه، ستلاحظ بأن فعلاً هي من تصاميم آبل.


استطيع ان اقول الكل اعجبه الشكل الساحر من ابل
ميزاته التي لم يوصل لها اي جهاز اخر
في السووق الموبايلات الذكيه
هي الشاشه دقتها عاليه جدآآآآآآ ألى الان مافيه جهاز يتحدى دقه الاي فون 4
ولي توضيح كلامي انظرو للصور

الايفون 4 يحتوي على جهاز عرض جديد بالكامل. حيث بتبلغ دقة الشاشة 960x640 وأطلقت عليها أبل تسمسمة ريتنا(شبكية العين) نظرنا لدقتها العالية
حجم الشاشة لم يتغيير 3.5 أنش ولكن دقة البكسل للشاشة تطورت لتصبح 326ppi و معدل أنعكاس يبلغ 800:1

مقارنة لدقة الشاشة
الايفون4 على اليمين والايفون 3GS على اليسار
ا

النكسس ون بالأعلى
الايفون4 بالاسفل






هذا لكي تعرفي دقت شاشه الاي فون 4
التي للان لم يصل اليها اي جهاز اخر
و هذا رابط اخر في التصفح الفرق بين الاي فون 4 و الاي فون 3gs الذي شاشته مثل اي شاشه عاديه و مثل شاشه اي جهاز ذكي اخر
هذا هوا الرابط
http://www.apple.com/iphone/features/retina-display.html
وهذا رابط الصور
http://www.apple.com/iphone/features/retina-display.html
اتوقع كفايه عن مزايا الشاشه الرهيبه
وننطلق الى ميزه اخرى وهي
الكاميرا الاماميه اذا قلنا الكاميرا الامامه الكل ياتي في ذهنه مكالمه الفيديو نعم مكالمه الفيديو لاكن ابل لماذا لم تاتي بالكاميرا من اوقات اي فون 2g الجواب ابل تريد كاميرا اماميه و ميزه تاتي بها منحصره بها فقط وليست موجوده في الاجهزه الاخرى وهيا



ميزه (face Time) نعم facetime هيا ميزه تقدر تتحدث مع الشخص الاخر بمكالمه فيديو اذا كان لديكم كلاكما اي فون 4
مجانا عن طريق الواير لس بدون اي نقصان في الرصيد و هنالك طريقه تستطيع ان تجعل المحادثه من طريق ال 3g

و الان ننتقل الى ميزات اخرى
وهي التصوير
- تصوير HD 720p مع امكانية تعديل الفيديو واخراج من الجهاز نفسه



وميزه الالعاب
- Game Center شبكة ابل للعب الجماعي
و المعالج الذي من نفس الشركه
- A4 بروسسر بسرعة 1 جيجا هيرتز

و الان ننتقل الى الميزه الجديده
هي تقنيه GyroScope.
وهذا رابط للمؤتمر اول ما عرضت
http://www.youtube.com/v/ORcu-c-qnjg?fs=1&hl=en_US&rel=0

وهذي لعبه اخرى جميله في نفس الخاصيه

http://www.youtube.com/v/GkO_pGSNH-E?fs=1&hl=en_US&rel=0

و الخاصيه الاخرى هيا برنامج الخاص للاي فون 4 فقط هوا
iMovie
وهذا فيديو للخاصيه
http://www.youtube.com/v/CotWYEsNOII?fs=1&hl=en_US&rel=0​

 

[com.ايات]

رد : ░▒▓☺ سمعتو عن الاندرويد .. راح تكرهون الايفون و ستيف جوبز اللي خلفه ☺▓▒░

الميزات
# تصميم جديد بالكامل.
# انحف من الآيفون ثري جي اس بنسبة24% وتحديداً 9.3 ملم
# كاميرا امامية
# كميرا خلفية مع فلاش LED
# 5 ميقا بكسل للصور والفيديو بدقة 720p بوضع ثلاثين فريم للثانية
# 5x ديجتل زوم
# اوتو فوكس بالضغط على المكان المُراد
# دعم الاتصال المرئي بالشاشة الأمامية فقط، ويتم العمل مع مزودي الخدمة لدعمها عبر الثري جي
# استخدام شرائح Micro SIM الموجودة نفسها بالآيباد
# شاشة الجهاز من نوعية Retina
# دقة الشاشة 326 بكسل لكل انش
# رزلوشن الشاشة 960×640
# نسبة التباين 800:1
# تقنية IPS للشاشة نفس التقنية الموجودة للآيباد
# 3.5 انش للشاشة
# معالج A4 الخاص بآبل
# البطارية أفضل بنسبة 40%
# رباعي الموجة HSDPA/HSUPA
# دعم لـ Gyroscope الخاصة بالتوازن
# آي موفي خاص للآيفون بسعر 4.99$
# متوفر بلونين: اسود وابيض
# 16 قيقا بـ 199$
# 32 قيقا بـ 299$

واحلى حاجه نظام الفيرموير الي تقدرين ترقين جهازك كل مرا ينزل فيرموير جديد مو مثل الاجهزه الثانيه تشترينه نفس النظام و الشركه تهملك ولا تلفت لك

 

[com.ايات]

رد : ░▒▓☺ سمعتو عن الاندرويد .. راح تكرهون الايفون و ستيف جوبز اللي خلفه ☺▓▒░

وهذا اثبات على قوه الايفووون

http://www.youtube.com/v/JEl92MHNwBc?fs=1&hl=en_US&rel=0

اي فون وبس و الباقي خس ^_^

 

[Kawaii GiяL]

رد: رد : ░▒▓☺ سمعتو عن الاندرويد .. راح تكرهون الايفون و ستيف جوبز اللي خلفه ☺▓▒░

مشكوره حبيبتي على الموضوع وبصراحه
ما اقدر اجوف غير الايفون ~> ساحريني هالشركه ههههههههه

حياج عسوولة .. على قولتهم كل واحد ينام عالجنب اللي يريحه هههههه و اثنينهم حلوين :eh_s(15)::eh_s(15):​

 

[Kawaii GiяL]

رد: ░▒▓☺ سمعتو عن الاندرويد .. راح تكرهون الايفون و ستيف جوبز اللي خلفه ☺▓▒░

com.ايات ... عزيزتي انا تعمدت و كتبت كوني اني مدحت الاندرويد لا اقصد نهائيا التقليل من نجاح الايفون و حطيت تحتها خط عشان لحد يعور راسي بمميزات الايفون اللي انا على علم فيها مسبقا .. و لا انكر نجاحه .. وانا اقارن بين الاندرويد و الايفون كنت حاطه مميزات الايفون بعين الاعتبار و ايضا مميزات الاندرويد

يعني لو مسويتلج موضوع بروحج مو احسن

ثاني شغله حبيبتي انتي تقولين انج من عشاق ابل .. و انا لمن بقرى عن موبايلات تحديدا في المواضيع اللي يصير فيها مقارنه
احرص ان اللي كاتب التقرير يكون كامل الانحيادية ما ينحاز و لا من عشاق شركه معينه
ملاحظة اغلب اذا مو كل عشاق شركه ابل متعصبين لها بشكل فظيع صج صج جنه مسويتلكم سحر هههههههه حتا لو في افضل ماراح تشوفون غير هالشركه الله يعينكم على روحكم لووول
عالعموم اللي يحب و يتعلق بمنتج معين ماراح يتخلى عنه و بيشوفه الافضل دائما و يتقبله بالعيوب اللي فيه
من ناحيتي ماعندي توجه لشركة معينه .. لو شفت شي ناجح بكتب عنه .. انا جربت الايفون ما انكر انه ممتع لكن فيه بعض النواقص الاساسيه كملها الاندرويد

ولو نزل ايفون 5 مثلا و مميزاته تعدت الاندرويد و كملت جميع النواقص في الاندرويد و الايفون 4 مثلا هم بسوي موضوع عن الايفون 5 و امدح فيه و اقارن بينه و بين اللي اقل منه عشان ابين نجاحه بالسوق
فهمتي قصدي .. يعني انحياديه ما عندي اي ولاء لشركة معينه ..

التقرير مسويته كوبي بيست
و حطيتي مميزات الايفون و اكتفيتي ما قارنتيها مع الاندرويد .. يعني ما اثرتي موضوعي
لاتفهميني غلط حبيبتي حياج الله بأي وقت و احب اتناقش

مو بالضرورة الكل يتفق معاي و لولا الاذواق لبارت السلع .. على فكره احب اتناقش مع اللي يخالفني اكثر من اللي يوافقني
بس تمنيت تكتبين رايج انتي مو كوبي بيست و تمنيت لو تكلمتي عن المميزات مع المقارنه عشان نفيد الكل

لان اثنينهم ناجحين .. في امور يمتلكها الايفون موموجوده بالاندرويد و في امور موجوده بالاندرويد مو موجوده بالايفون
هدفي اوضح هالاشياء .. و الباجي علي يقرى اهو يحدد شنو الافضل و الانسب له .. انا من ناحيتي ذكرت رايي مع الاسباب
و اعيد للمرة المليون ما انكر نجاح الايفون الايفون واااو
بس نواقصه من بلوتوث و و اللي ذكرتها خلتني افضل الاندرويد

من ناحية الايفون4 انا ما تعبت نفسي قارنته مع قوقل نكسس ون .. قارنت 3gs
لان هالجهاز حاطه عليه اكس X و لا يستاهل المقارنه مع اي جهاز على رغم المميزات الروعة اللي فيه
بس في مشكله صعبه صراحه و لا تغتفر و هي مشكله الارسال شفايدة التلفون اذا ما اقدر اتصل منه !!!
ما تم اصلاح المشكله بشكل رسمي لي الان
و اعرف ناس شخصيا شرو الايفون 4 بكل امانه في اللي ضبط معاه و الارسال تمام و في اللي لاا ما ضبط و اغلب اللي شروه الارسال كان تعبان عندهم و رجعوه و تحسفو انهم شروه بس اصحاب الحظوظ اللي ماشافو هالمشكله و هم قله
و سعر الايفون 4 مو هين يعني اقطلي 300 مادري 400 و انا و حظي يعني !!!! سعره مو هين صراحه

الشي الوحيد اللي فادني بردج مقارنه النكسس بالايفون في رسلوشن الشاشه .. هالجزئية تتعلق بموضوعي و فيها مقارنه بين الادرويد و الايفون
هذا اللي ابيه من النقاش

الايفون يتفوق على قوقل نكسس ون برسلوشن الشاشه .. بس مو معناته ان النكسس شاشته مو حلوة .. بالعكس شاشته حلوة و عالية الوضوح
بالدرجه اللي يحتاجها صاحب الجهاز و اكثر بعد .. منو يحتاج زوووم هالكثر !!

شااااشة السامسونج جالاكسي Super AMOLED خيااااااااااال جنه تلفزيون !! مقاربة لشاشة اايفون حتن تحت الشمس .. الفرق بسيط بينهم
البيكسل لصالح الايفون و الالوان لصالح السامسونج ..

ما يهمني رسلوشن الشاشه كثر البلوتوث خاصة ان رسلوشن شاشة قوقل ممتاز و ان تفوق عليه الايفون في الرسلوشن و جالاكسي فوق الممتاز شاشته تختلف عن الايفون 4 بشي بسيييييييط

و مشكورة حبيبتي على جهدج و اعتذر اذا ضايقتج مو القصد فديتج .. تقبلي مني تحياتي






​

 

[بيبي بدر]

رد: ░▒▓☺ سمعتو عن الاندرويد .. راح تكرهون الايفون و ستيف جوبز اللي خلفه ☺▓▒░

مشكورة ويعطيك العافيه

 

[.:!:. ونس .:!:.]

رد: ░▒▓☺ سمعتو عن الاندرويد .. راح تكرهون الايفون و ستيف جوبز اللي خلفه ☺▓▒░

السلام

شلونج كاواوي

انا لي الحين محتاره بين الآيفون وقوقل نكسس

شرايج شنو آخذ

 

[الـخـشـفـ الـنـداويـ]

رد: ░▒▓☺ سمعتو عن الاندرويد .. راح تكرهون الايفون و ستيف جوبز اللي خلفه ☺▓▒░

مشكوووووووووووووووووووره

 

[Kawaii GiяL]

رد: ░▒▓☺ سمعتو عن الاندرويد .. راح تكرهون الايفون و ستيف جوبز اللي خلفه ☺▓▒░

مشكورة ويعطيك العافيه

العفو و الله يعافيج حبيبتي​

 

[Kawaii GiяL]

رد: ░▒▓☺ سمعتو عن الاندرويد .. راح تكرهون الايفون و ستيف جوبز اللي خلفه ☺▓▒░

السلام

شلونج كاواوي

انا لي الحين محتاره بين الآيفون وقوقل نكسس

شرايج شنو آخذ

هلا والله .. هلا قلبي .. هههههه ما الومج ادري شي يحير ..
الاندرويد ناجح ينقصه الدعاية و الاعلانات بس اللي يخوف انه توه بادي و بنفس الوقت معوض نواقص الايفون
الايفون روعة و سمعته سابقته بس انتي بتقطين 399 - 379 و انتي و حظج على مشكله الارسال
اذا بخاطرج الايفون و خايفة من مشكله الارسال و ما همتج عيوبة شوفي المنطقه اللي انتي فيها اذا ارسالها قوي ؟؟ و جربي تسألين بالنت عن احد استخدم ايفون 4 في نفس منطقتج اذا اوكي توكلي

شوفي حبيبتي .. اثنينهم لهم عيوب و مميزات .. ماقدر انصحج بشنو تاخذين .. انتي لمن بتقتنعين بشي راح ترضين بعيوبه بس لو قلتلج شتشرين على حسب استخدامي احتمال تتحسفين .. اخذي شي عن اقتناع
و عشان توصلين لي هالاقتناع عليج بالبحث اقري مواضيع و منتديات و تقارير و مقارنات و فيديوات اليوتيوب و التعليقات اللي تحت .. و اراء مستخدمين هالنظام خاصة اللي جربو الافون بعد

حبيبتي كتبي الكمبيوتر الكفي بقوقل و دشي قسم الاندرويد راح يفيدج واااايد معلومات و اشياء
بتلقين اللي يذم و بتلقين اللي يمدح خلج على علم بكل المميزات و العيوب عشان تعرفين انتي متقبله كلشي
راضية بهالعيوب اهم شئ تكون على علم بكلشي و راضيه عنه​

مشكوووووووووووووووووووره

العفوووووووووووووووووووووووووووووو ​

 

[shmooo5]

رد: ░▒▓☺ سمعتو عن الاندرويد .. راح تكرهون الايفون و ستيف جوبز اللي خلفه ☺▓▒░

حبوبة شوي شوي ..
بصراحه اسلوبج هجومي ع الايفون .. جنه ماكو تلفون غيره
ع قولتهم الشجرة المثمرة ترميها الناس بالحجر

الايفون مافي مجال تقارنينه بتلفون ..
يكفي نظام التوج فيه ما تحصلينه بأي تلفون

ونظام التوج يعتمد ع الاربع اصابع
اما الباجي يعتمد ع صبع واحد بس ..

صج الايفون فيه عيوب .. بس عيوبه ولاشي بالنسبة لمميزاته ..
وكل تلفون له عيوب ..

بس مالقيتي تلفون غير الايفون تقارنينه فيه
احنا متعصبين لشركة ابل وما نرضى عليهم

 

[Kawaii GiяL]

رد: ░▒▓☺ سمعتو عن الاندرويد .. راح تكرهون الايفون و ستيف جوبز اللي خلفه ☺▓▒░

حبوبة شوي شوي ..
بصراحه اسلوبج هجومي ع الايفون .. جنه ماكو تلفون غيره
ع قولتهم الشجرة المثمرة ترميها الناس بالحجر

محد رمى احد :eh_s(1):​

الايفون مافي مجال تقارنينه بتلفون ..
يكفي نظام التوج فيه ما تحصلينه بأي تلفون

حبيبتي انا كنت اقول جذي قبل .. بس ده كان زماااان :dddds:

ونظام التوج يعتمد ع الاربع اصابع
اما الباجي يعتمد ع صبع واحد بس ..

شفتي فيديوات للاندرويد ؟​

صج الايفون فيه عيوب .. بس عيوبه ولاشي بالنسبة لمميزاته ..
وكل تلفون له عيوب ..

ما قلتي شي يديد .. قلت هالحجي قبلج ​

بس مالقيتي تلفون غير الايفون تقارنينه فيه
احنا متعصبين لشركة ابل وما نرضى عليهم

لان اساسا قوقل سوته منافسه للايفون لانه الايفون ناجح و كثرو منافسيه بس اقوى منافس للايفون الاندرويد​

حبيبتي .. قريتي الموضوع عدل ؟؟ و الردود ؟؟ ما قللت من نجاح الايفون بكل بساطه عرضت الفروقات بينهم و اللي يقرا يختار شلي يناسبة​

 

[حـوريـه]

رد: ░▒▓☺ سمعتو عن الاندرويد .. راح تكرهون الايفون و ستيف جوبز اللي خلفه ☺▓▒░

تسلمين

خوش نظام

صح الايفون يبط الجبد !!


بس ماحس ان عندي جهاز الا اذا كان جهازي نوكيا ^_^

مشكورة جهد وتعب واضح

 

[Be colorful]

رد: ░▒▓☺ سمعتو عن الاندرويد .. راح تكرهون الايفون و ستيف جوبز اللي خلفه ☺▓▒░

نااااااااااااااااااااااااااااااااااااااااااااااااااااااايس
الصراحه بدعتي يعطيج العافيه اينن الموضوع
انا النظام هذا عاجبني من زمان وقريت عنه وايد
والايفون كلش ما احبه وووووووووووووووووووووووووووووووووع ما احب الشي اللي يتعبني ماكو بلوتوث مميزات بس من ايفون لي ايفون
وع مو حلووووووووو كلش

هذا النظام قوي وسامسونج جالكسي اقووووووووووووووووووووووووى بعد بس مانزل الكويت بعد بس راح ينزل وسعره غالي اظن فوق
ال 200
وفي بعد تلفونات وايد قويه بهالنظام حييييييييل غير الجالكسي

 

[Be colorful]

رد: ░▒▓☺ سمعتو عن الاندرويد .. راح تكرهون الايفون و ستيف جوبز اللي خلفه ☺▓▒░

وييييييييييييييييييييي ويييييييييييييييييييييي ويييييييييييييييييييييييييييييي
شدعوه هالهجوم حسستوني ان الايفون شي مقدس لايمكن بيوم شي ينزل يصك عليه

مثل مافي عبقري طلع سوااا هالتفاحه المقرومه اكيد في عبقري ثاني بيي ويصك عليه


انتوا ما سألتو نفسكم ليش شعار الشركه تفاحه مقرومه
لأن مايقدر يحط كامله يدري بشغله ناقص هههههههههههههههههههههههههههههههههههههههههه


انا اضم صوتي لصوتج ومعاج ويعطيج العافيه ماقصرتي صج ابداااااااااااااااااع

 

[يتيمه بقلبه]

رد: ░▒▓☺ سمعتو عن الاندرويد .. راح تكرهون الايفون و ستيف جوبز اللي خلفه ☺▓▒░

حيرتونا الحين ايهو احسن فيهم الي جرب الايفون4 يقولنا عن استخدامه بدون اي تعصب يابنات

 

[q8y-moon]

رد: ░▒▓☺ سمعتو عن الاندرويد .. راح تكرهون الايفون و ستيف جوبز اللي خلفه ☺▓▒░

انتو تناجروو ايهو الاحسن
وانا بعابل بهالاسم الي مو عارفه انطقه
شنو اندروير؟؟؟؟
ههههههههههههههههههههههههههههه
صارحه مالي بهالسوالف احب التلفونات المجكنمه الو باي وبس
تسلم ايدج عالموضوووع

 

[نجمه الحالمه]

رد: ░▒▓☺ سمعتو عن الاندرويد .. راح تكرهون الايفون و ستيف جوبز اللي خلفه ☺▓▒░

أنا مافهمت حيل لأني جد عليميه بهالشغلات يعني برنامج ولا تلفون
أنا عندي ايفون 3gs. والصراحه في شغلات غثيث فيهاوالله مااعرف شي بالايفون صارلي شهر بس استقبل مكالمات او أدق او أدز مسج بس ليما زفوني رفيجاتي وقالولي شحقه عيل شاريته ومخسره عمرج
ورحت محل حطلي برامج 10 صفحات ووالعاب وخدمات بس ليلحين مااعرف شي بس العب فيه
مع انه فيه خدمات شكثثثثثثثر

ادري عورت راسج بمشكلتي بالآخر اقولج قواااج الله ومشكووره والله يجزاج خير يارب

 

[Kawaii GiяL]

رد: ░▒▓☺ سمعتو عن الاندرويد .. راح تكرهون الايفون و ستيف جوبز اللي خلفه ☺▓▒░

تسلمين

خوش نظام

صح الايفون يبط الجبد !!


بس ماحس ان عندي جهاز الا اذا كان جهازي نوكيا ^_^

مشكورة جهد وتعب واضح

الايفون 98% نجااااحه في الاب ستوور ... و السيديا ... يتعوض بالايبود تج و انتهينا يتعوض بايبود :eh_s(4): ايبود = ايفون - مسجات و اتصالات !!
مع اني شريت ايفون 3gs اول ما نزل تقريبا 300 و تحسفت حسيت صج ما يستاهل شريت ايبود و خليت الايفون لانه كاتلفون مو شي ..
200 استانس فيهم بدنيتي و 200 اسوي شي فيه خير لأخرتي اتصدق اي شي .. شدعوه 400 على موبايل !! ارتفاع الاسعار صار شي مو طبيعي عندنا ..ال لي تبيه عليها بالعافيه بس تطلبه من بره ارخص بوايد و منطقتها تكون قريبه من الشبكات عندنا و بس

نوكيا ناطرينها تسوي شي قوي بس ملينا و احنا ننطر :eh_s(4): بس صج مهما تلفين و تدروين تحنين لها .. ذكرياتنا كلها معاها من كتكات و بشار ومستشار و الباندا و الحامل و بودمعة و البطيخ هذا كله صر احه ما ينسي ههههه​

نااااااااااااااااااااااااااااااااااااااااااااااااااااااايس
الصراحه بدعتي يعطيج العافيه اينن الموضوع
انا النظام هذا عاجبني من زمان وقريت عنه وايد
والايفون كلش ما احبه وووووووووووووووووووووووووووووووووع ما احب الشي اللي يتعبني ماكو بلوتوث مميزات بس من ايفون لي ايفون
وع مو حلووووووووو كلش
هذا النظام قوي وسامسونج جالكسي اقووووووووووووووووووووووووى بعد بس مانزل الكويت بعد بس راح ينزل وسعره غالي اظن فوق
ال 200
وفي بعد تلفونات وايد قويه بهالنظام حييييييييل غير الجالكسي

وييييييييييييييييييييي ويييييييييييييييييييييي ويييييييييييييييييييييييييييييي
شدعوه هالهجوم حسستوني ان الايفون شي مقدس لايمكن بيوم شي ينزل يصك عليه
مثل مافي عبقري طلع سوااا هالتفاحه المقرومه اكيد في عبقري ثاني بيي ويصك عليه
انتوا ما سألتو نفسكم ليش شعار الشركه تفاحه مقرومه
لأن مايقدر يحط كامله يدري بشغله ناقص هههههههههههههههههههههههههههههههههههههههههه
انا اضم صوتي لصوتج ومعاج ويعطيج العافيه ماقصرتي صج ابداااااااااااااااااع

Be colorful بعد عووومري والله كل موضوع تدشينه يدش معاه الحماس ههههههه انتي لازم اسمج b postive >> فصيلة دمي :dddds: برة :tomato2:

من غير مجاملة صج من تدشين الموضوع معاي و لا ضدي عسل عسل عسل يصير و حبيتج من تجمع زوجج e72 ههههه والله ذكريات و احنا ننطر بعد كل هالنطرة لمن نزل شريته و مامر شهرين الا و غيرته

نورتي الموضوع حبيبتي .. صح كلامج بس ما اقول عنه وعع اهو حلو امانه بس متعب حييييل بالبلوتوث بلنغمات و مشاكل السيديا لوية لووووووويه مع ان الاندرويد فيه من جذي بس اقل بوااااااااااااااااااايد من الايفون و مو بالشغلات الاساسيه مثل البلوتوث ما استغنى عنه صراحة .. :0bee2e8d89:

و عدل كلامج 100 % درر درر .. الجالاكسي اقوى من قوقل نفسه الموبايل الرسمي ..
قوقل بالنسبة لي انا افضل بس كشكل و التراكبول و لانه جهاز رسمي للنظام عدا ذلك الجالاكسي اقوى بوااااااااايد

شاشته سوبر اموليد قريت من ناس استخدمو الاثنين قالو الشاشه تصك على الايفون جنها تلفزيون .. الصوت .. يشغل صيغ اكثر من قوقل من الاصوات wav و الفيديوات يعني تنزلين افلام و مسلسلات من غير تحويل للصيغ بس كوبي بيست عن طريق ال usb و من غير ايتونز المليغ البرنامج الوحيد عندي اللي يعلق و لا 16 مرة اوووف .. فيه tv out
الذاكرة الداخليه في 8 غيغا و 16 غيغا اشترو 16 ترى ما يفرق بينهم غير 10 - 20 دينار بس
فوق هذا فيه ذاكرة خارجية تصل لي 32 غيغا .. النغمات و البلوتوث فيه اسهل من قوقل .. الودجيت اكثر .. فيه tv-out و كامرته 5 بس حسافة من دون فلاش .. معرب بالكامل .. في ماركتين واحد للاندرويد واحد تبع السامسونج
و الروووت ماله اسهل من قوقل :ggdw:

اي والله مادري شفيهم جنه الايفون نازل من السما و انا مادري .. بس خليهم على راحتهم لهم حرية التعبير عن الراي كل واحد يحب شي بيدافع عنه حتا لو متروس عيوب

ماشالله عليج فطييينه حللتي و فسرتي الشعااار تفسير منطقي و سليم 100 % لووووووووووووووووووووول فطستيني ضحك عليها :krkrkr: عاد صج انا قبل كان عندي فضول على الشعار شمعنه مقرومة ليش مو كامله و انتي قطعتي الشك باليقين :ggdw::krkrkr:

يعافيج حبيبتي ما سويت شي كله لعيون بنات ديرتي :q8:​