▐▐حملة ضد زيادة الاسعار - المحلات بدت تزيد اسعارها ▐▐ (( دمج المواضيع ))

[أم فـرح الحلوه]

رد : ▐▐حملة ضد زيادة الاسعار - المحلات بدت تزيد اسعارها ▐▐

حسبي الله ونعم الوكيل فيهم ...

 

[ام متلق]

ايد وحده ماتصفق لازم ثنتين ولا شرايكم

السلام عليكم شلونكم بنات امس رديت من السوق حدي حدي مقهوره حسبي الله ونعم الوكيل اختي توها والده ورحت السوق اشتريلها شويه اغراض ناقصتها وامر سوق شعبي اسمه المسروره بالفحيحيل قلت خل اخذلها الجيس الي فيه اللفه وخيط مال البيبي وبلسوت وهذا معروف سعره دينار ونص وفي نوع ثاني نفسه بس صناعته غير دينار وسبعمية فلس قلت خل اخذهم زياده على الي عندها عشان يصير عندها غيارات للبيبي اكثر ولا اتفاجأ السعر صار 2 واربعمية فلس والله اني انصدمت والله العظيم من اسبوعين كان 1 ونص الحين صار 2 واربعميه ياربي ليش جذي وادري ان الدينارين والاربعميه مبلغ تافه بس ليش السعر صار جذي واذا بنسكت عن الشي التافه بيجينا اكثر منه واقعد اصارخ وصوتي عالي واكلم السوري ليش جذي هذا ماكان سعره قبل اسبوعين ولانهم يعرفوني من زمان ويدرون اني اشتغل بالشؤون صارت ضجه ونادوا مديرهم يكلني ويقعد يشرحلي ان الشلركه اهي الي رفعت الاسعار من ثلاثه ايام ويراويني الفواتير وختم الشركه والتواريخ وقلت انا ماراح اسكت بشتكي عليكم عند حماية المستهلك وغرفه التجاره خافوا ربكم نهبتونا نهب مستكثرين علينا جم فلس ماسكت والله كل الناس يسمعون انقهررررت واطلع واروح الشاهبندر والقاهم زايدين الاسعار حتى الملافع القطن الي بدينارين صارت 3 ونص ياربي ليش جذي واسولف حق البنات بالدوام ويضحكون يقولون عيل انتي مارحتي زارا وستاربكس ومانجو والي تقول شوفي السمج جم صار انا بعرف مو يقولون في عقوبات للي يرفع اسعاره يالله وينهم ماشوف احد قاعد يتعاقب يابنات نبي نسوي حمله ضد الغلاء هاليومين واي وحده تشوف احد رفع سعره لاتسكت ونشتكي يعني انتي تشتكين انا اشتكي هذي تشتكي هذاك يشتكي بيخافون يبنات وايد وحده ماتصفق خلونا نتعاون ونحارب هالتجار الي نهبوا البلد نهب وحاسدينا حسبي الله ونعم الوكيل بس يعني قصدي من الموضوع نتكاتف نتعاون مانستسلم ونشتري لا نتكلم نجادل اناقش نعترض نشتكي لين يخافون والله يعطيكم العافيه وماقصرتوا واتقبل كل الاراء المؤيده والمعارضه

 

[عذبني السهر]

رد : ▐▐حملة ضد زيادة الاسعار - المحلات بدت تزيد اسعارها ▐▐

اي بنااااااااات عفية قاطعووووووووهم مو أول ما تنزل المنحة تهجمووووووون على الأسواق والآي فون لا لا لا ماحد يسوي جذي عشان ما تقوى عينهم ويزيدون علينا علطوووووووول ويعتمدون هالزيادة وترى المنحة مو دايمه يعني مو كل شهر

هاااااااا اتفقنا؟؟؟؟؟

 

[جمارة قلبي]

رد : !!شكلهم ماراح يخلونا انتهنى؟!بنــات ضروري ادشون!!

الله يعينكم عليهم ..

قطع ..

أكره ما أشوف هالتضحوك .

 

[دلولي]

رد: ▐▐حملة ضد زيادة الاسعار - المحلات بدت تزيد اسعارها ▐▐

حسبي الله عليهم علهم مايربحون ماشبعو لا وهالسوره بعد رافعين سعرهم اهم ووجيهم

 

[كيكه توفي]

رد: ▐▐حملة ضد زيادة الاسعار - المحلات بدت تزيد اسعارها ▐▐

اي وصلي برودكاست الغانم وغيره زايدين الاسعار شنسوي بعد

 

[ShaGRa NoiSya]

رد: ▐▐حملة ضد زيادة الاسعار - المحلات بدت تزيد اسعارها ▐▐

عمااا من الحين بلشووا بوووق قطع

انا شكلي بصرفها بعد سنه

 

[PO PO22]

رد: !!شكلهم ماراح يخلونا انتهنى؟!بنــات ضروري ادشون!!

يعطيكم العافيه بنات ع ردودكمـ صج يقهرون هالناااس


ولاسالفه اللبنانيه تببببببببط الجبد يبيلها كفففففف ألزق ويها بالطوفه


نورتوووووووووو

 

[سنووايت__]

رد : !!شكلهم ماراح يخلونا انتهنى؟!بنــات ضروري ادشون!!

عاااد انااا مااواطن ستار بكس اكلهم موووحلوو وحتى قهوتهم مايضبطونهاا عدل
ولااااا بعد شركه يهوديه
ترى فيهاا وايد كافيهات احلى

 

[so_what]

رد : !!شكلهم ماراح يخلونا انتهنى؟!بنــات ضروري ادشون!!

والله حرااام عليهم قهوه ب 4 ونص شدددعووه واهيا يمكن مو طالعه عليهم حتى بدينار

 

[أإلع ـشق دلع ـهـأإ]

رد: !!شكلهم ماراح يخلونا انتهنى؟!بنــات ضروري ادشون!!

.













يكفينآ شرهم ..






























.

 

[د.شريفة]

رد : !!شكلهم ماراح يخلونا انتهنى؟!بنــات ضروري ادشون!!

كوب قهوة ب4 دنانير والله حرام
كيلو القهوه ب4
حقروهم وعطوهم طاف ولا احد يشتري منهم
الحمدلله اني ماحب القهوه
حراميه

 

[ام سعود ديكسون]

رد: !!شكلهم ماراح يخلونا انتهنى؟!بنــات ضروري ادشون!!

قاطعوهم اصلا من انتشر ستاربكس بانحاء المعمورة لوووووول

وانا كارهته

بس باقي يفتح له كشك صغير داخل بيتنا

مو صج ما جنه الكافيهات السنعة منتشرة بالكويت

قاطعوه خسروه عسي الله يخسرهم

واذا ما عجبكم السعر خشوا الفاتورة و روحوا حماية المستهلك

 

[ام سعود ديكسون]

رد: رد : !!شكلهم ماراح يخلونا انتهنى؟!بنــات ضروري ادشون!!

منو اللي حاط عينه على حلال غيره ومنو اللي عايش بالكويت معزز مكرم :dddds:
اللي يسمعج يقول الفلوس بياخذونها الفلبن اللي يشتغلون بستاربكس

يبا ستاربكس للشايع .. سمعتي فيه محمد الشايع .. ترى كويتي

خوش وطنية

اذكر ولدهم اللي ماسك بالشركة نزل بالفيحا بالانتخابات وما فاز
والحين بعد احسن له لا ينزل بالانتخابات الياية و يقول انه وطني

 

[eastfem]

رد: !!شكلهم ماراح يخلونا انتهنى؟!بنــات ضروري ادشون!!

ياحلو الفارباتشينو شوقتيني

يمكن اهيا حاطه اضافات وايد خيتو لووول بس همن ماتوصل اربع ونص

اقولج ليش ماشتكت بادارة المجمع

 

[HeR HiGHNeSs 90]

رد: !!شكلهم ماراح يخلونا انتهنى؟!بنــات ضروري ادشون!!

اهو السعر الاصلي غالي وااااااااايد بعد


شنو يعني قهوه طعم حليب ككاو كي دي دي احلى منها ب دينارين وشي!!!!!!!!!!


اصلن حتى ستاربكس امريكا ارخص شدعوا عليهم

 

[عذبني السهر]

قهررررررر الصيدليات رفعت اسعارها



السلام عليكم



شلوووووونكم يا غااااااااااليات



بنات أنا حدي حدي حدي مقهورة تدرون شصار معاي اليوم ...


رحت الصبح الصيدلية لأنه في دوا أييبه حق أمي كل شهر وهو سعره 20 دينار وهذا سعره من زمان والشهر اللي طاف يبته بنفس السعر واليوم بس رحت وييت أحاسب قالتلي 25 دينار قتلها لييييييييش قالتلي اي هذا سعره من زمان وانا ما انقهرت عشان غلا سعره بالعكس امي وافديها بعيوني بس لأن أكيد كل الأدوية بزيدون سعرها مو بس هالدوا :eh_s(2):


وبعد مو بس الصيدليات غلت لاااااا تدرون منو بعد... محل أرمال أو الجي ان سي وهو محل مكملات غذائية وأخوي يتدرب بالنادي ودايما يروح يشتري من عندهم حبوب حق كمال الأجسام وتوه اليوم رايح ولا يلقاهم زايدين على سعر أدويته


ترى لا الحين ما خلصت في شي ثاني زاااااااد سعره أقولكم شنووووووووو


رحت انا وزوجي قبل جم يوم نتغدى وطبعا بالعادة نقعد بكبينة لأن ما ارتاح بمكان مكشوف ما اعرف اكل فيه المهم رحنا وطلب زوجي بالأول قهوة وانا عصير لأنه الوقت كان مبجر شوي على الغدى وبعدها يت حق زوجي مكالمة من امه تبي يرد ضروري .....اه يا فرحة ما تمت ... جان زوجي يقول لازم نقوم ونادى الجارسون وقاله خلاص ما نبي غدى عطني الحساب تدرون جم طلع 15 دينار ولا حد يقول هذي اسعارهم لاااااا بالعادة نروح نفس المكان وان شربنا عصير وبس يطلع الحساب 7 او 8 بنات انتو شرايكم ؟؟؟؟

وعلى فكرة بقول شي لأنه الحق حق ما احد يدعي او يتحسب عليهم او على اللي يبيعون لأنه هما ما لهم ذنب واشوفهم يعطونا الفاتورة والسعر اتغير مو من عندهم لاااااااا صاحب المحل او المطعم او الصيدلية اهو اللي آمرهم بهالشي يعني باختصار صار النهب منا وفينا والله حرام احنا عيال ديرة وحدة ما تسوى علينا هالمنحة يا ليتها ما نزلت :lkmnkl:

صححححححححح نسيت ما حد يقولي دقي على خدمة المستهلك تدرون ليش؟؟؟
لأنهم ما يردووووووون مو قاعدين يردون على احد الظاهر انهم زهقوا من الشكاوي

 

[Lv وهـ بث]

رد: قهررررررر الصيدليات رفعت اسعارها

ويييييه الله يعينكم ..)~

 

[منوة القلب]

رد: قهررررررر الصيدليات رفعت اسعارها

كلها عشان الاف .. دبلوووووو الاسعار

حسبي الله ونعم الوكيل

 

[> Miss M6ereiah <]

رد : قهررررررر الصيدليات رفعت اسعارها

والله وكملت
حسبي الله ونعم الوكيل