▐▐حملة ضد زيادة الاسعار - المحلات بدت تزيد اسعارها ▐▐ (( دمج المواضيع ))

[MyLittleBerry]

رد : ▐▐حملة ضد زيادة الاسعار - المحلات بدت تزيد اسعارها ▐▐

مشكورين علمرور

وانتو مسكو نفسكم اول ماتزل المنحه لان السوق بتلقونه شلب نار وبعد فتره يطخخ

 

[حجيه هيونه]

رد : ▐▐حملة ضد زيادة الاسعار - المحلات بدت تزيد اسعارها ▐▐

من يومين بالجرايد


شركات التلفونات والطيران كلهم يخططون شلون يشفطون لهم كم دينار بالفتره الجايه وييبون يستغلون هالفتره لانه بيصير في سيولة

كانو حاطين دراسة بالراي


فديروا بالكم والي يبي يشتري شي خل يأجله لين تهدأ الامور شوي

 

[بساطه]

حملة ضد الغلاء قول وفعل

السلام عليكم خواتى
انا استكمالا لموضوع الاخت بترفلاى حبيت اولا ابارك بالمنحه الله يطول بعمر اميرنا يارب وحبيت بعد اتكلم من قلب مقهور عن زيادة الاسعار للى قاعدة تزيد كل يوم عن يوم وهالشى لازم يصير ضده حمله حقيقة مو بلكلام بس يا خواتى بس نبيها فعلا يعنى احنا لازم نسوى شى مثل الشعب الكورى لما غلوا عليهم اسعار البنزين ركبوا غوارى وسياكل يعنى الناس تصرفوا وبالتالى التجار نزلوا الاسعار علشان يلقون احد يشترى منهم احنا لازم نسوى نفس الشى نبى اى محل نلاحظ زادت اسعاره نبطل نشترى منه ونكون شاطرين ونبى نكاسر بالاسعار والحريم التاجرات نقاطعم بالذات للى بالمعارض لان اسعارهم خبال والله استغلال مو طبيعى واحنا كله متنتفين ما يصير يا خوات
احنا مع حملة ضد غلاء الاسعار بس هلمرة قول وفعل
ما راح نشترى منهم ليما تنزل الاسعار
منو معاى؟

 

[بساطه]

رد: ▐▐حملة ضد زيادة الاسعار - المحلات بدت تزيد اسعارها ▐▐

انا معاكم قلبا وقالبا
بسكم يا تجار ذبحتونا بسكم جشع وطمع
لا للغلاء قول وفعل

 

[تكييف]

رد : ▐▐حملة ضد زيادة الاسعار - المحلات بدت تزيد اسعارها ▐▐

يهب ياوجيهم هالتجار ؟؟؟مقاااااطعه

 

[MyLittleBerry]

رد : ▐▐حملة ضد زيادة الاسعار - المحلات بدت تزيد اسعارها ▐▐

فديروا بالكم والي يبي يشتري شي خل يأجله لين تهدأ الامور شوي

معاج

 

[حقوقيه زوغه]

رد: ▐▐حملة ضد زيادة الاسعار - المحلات بدت تزيد اسعارها ▐▐

وانا ويااااااااااااااكم مقااااااااااااااااااطعه وبقوووووووووووووووه خل تخيس بضاعتهم يهبوون اشتري شي منهم صججج بواقين ومستغلينه حيييييييل مو شويه حسبي الله عليهم

 

[بنت شرق]

رد: ▐▐حملة ضد زيادة الاسعار - المحلات بدت تزيد اسعارها ▐▐

والله زين تسووووون خل تخيس بضاعتهم لان ما راح يخسررون لان حاطين دبل الاسعار

 

[aṕriliå]

رد : ▐▐حملة ضد زيادة الاسعار - المحلات بدت تزيد اسعارها ▐▐

اتصلوا على حماية المستهلك 135

 

[Ms. luxury]

رد: ▐▐حملة ضد زيادة الاسعار - المحلات بدت تزيد اسعارها ▐▐

اي والله خواتي أنا داشة المنتدى اليوم بنزل موضوع بنصحكم فيه ان إذا ودكم تستانسون بالألف ان شاء الله لاتصرفون منها ولافلس بالكويت سافروا واستانسوا وبنفس الوقت اشتروا اللي تبون..ترا السفرة ماتكلف ألف حق عايلة ب3 أطفال أو طفلين لمدة 4 أيام يمكن إن كثرت ألف ..وباجي ألف عيالكم خشوها ...حق سفرات ثانية ..يستانسون فيها ..ولاتقطون على التجار اللي بالكويت شي
ليش؟؟؟
لأن العصر قبل شوي وصل مسج حق اخوي ان الغانم شال أجهزة التلفونات بيعدل على أسعارهم ويزيد فوق كل تلفون 20 دينار .......عاد مايندرى عن صحة الخبر ..
وهو اخوي بنفسه رايح بيشتري دي في دي الواحد بدينار ونص قاله الهندي بابا احمد ربك الحين بدينار ونص بعد جم يوم الواحد بدينارين ..أمر من مدير المحل...
حسبي الله ونعم الوكيل على كل طامع وجشع
أما عن تاجرات المنتدى (التاجرة الكويتية )حالها حالكم خواتي ماراح تزيد عليكم شي ..وإن بغيتوا هدايا بعد نعطيكم ...انتوا خواتنا
وبس سامحوني إذا ضايقتكم بشي

 

[$ بنت علمي $]

رد: ▐▐حملة ضد زيادة الاسعار - المحلات بدت تزيد اسعارها ▐▐

بناات اذا شفتوا زياادة بالاسعار دقواا على 135 !!

وبلغوهم !!

شدعوة عليهم !!

بيطلعوون المنحة من عيونااا!!!

الله يعينااا بس !!!

 

[ام سعود ديكسون]

رد: ▐▐حملة ضد زيادة الاسعار - المحلات بدت تزيد اسعارها ▐▐

قاطعوهم

اكو سالفة شهيرة بسوريا او مصر الجزارين اتفقوا يزيدون اسعار كيلو اللحم وربات البيوت قاطعوهم لين خاست لحمتهم واضطروا يبيعون بالسعر القديم

شنو بيصير لي قاطعتوهم محد بيموت من اليوع وبيسوون تنزيلات>>> يترجونكم بليييييييز اشتروا منا

ترا من طمع طبع

 

[MyLittleBerry]

رد : ▐▐حملة ضد زيادة الاسعار - المحلات بدت تزيد اسعارها ▐▐

شوفو بعض ردود المواطنين

حتى التكاسي ارفعوا اسعارهم. ولدي قال لي إن مشوار بو دينارين صار بدينارين ونص من أول أمس.

أمس كنت بالمهلب وأخذت جولة بجميع محلات الملابس النسائية والأسعار موووووووووو طبيعية ارتفعت بشكل فظيع وكل شي صاردبل والله شاهد على كلامي إن المحلات والملابس رغم إني اتكلم على القطع الوحده بشكل عام مو الأطقم الكاملة والأسعار صدمتني ولولا إنتي مضطره ما شريت بهالفترة وطار نص الراتب حسبي الله ونعم الوكيل

 

[نور بوبيان]

رد: ▐▐حملة ضد زيادة الاسعار - المحلات بدت تزيد اسعارها ▐▐

يقولون إن المنحه بتنزل ب23/2إن شالله ....

الأفضل لنا إنا مانصرف ولا فلس منها ونخشها للصيف ....ونتصرف فيها ...

لازم نكون على قلب واحد وإلا من صجج بردون عليج 135...

مايدرون عن الأسعار ارتفعت والكل حاط عينه على الألف ...

حتى الفقاره يقولون لاتنسونا من الألف ,,,,

محد قام يستحي ...

المفروض ينزلون بالأسعار علشان تمشي بضاعتهم المتكدسه ...

 

[][ sarah ][]

رد: ▐▐حملة ضد زيادة الاسعار - المحلات بدت تزيد اسعارها ▐▐

اي شيييي !!!!!

هونت شكلي ماراح اشتري شي

مع ان هاليومين بودي شوب ومذركير مسويين تنزيلات وعروضات حلوه عاد انا استانست قلت هالشي يبشر بالخير بس كلامج حبطنيييي


بناااات مالنا الا حل واحد نقاطعهم ونتصل على 135 ونبلغ عن اي مكان رافع سعرررره

تصدقيييييييييييين تذكرت كوماااارووووووووووو مال المكياج مدوبل السعر بس واحد ثاني غير كومار المشهور

 

[][ sarah ][]

رد: ▐▐حملة ضد زيادة الاسعار - المحلات بدت تزيد اسعارها ▐▐

قاطعوهم

اكو سالفة شهيرة بسوريا او مصر الجزارين اتفقوا يزيدون اسعار كيلو اللحم وربات البيوت قاطعوهم لين خاست لحمتهم واضطروا يبيعون بالسعر القديم

شنو بيصير لي قاطعتوهم محد بيموت من اليوع وبيسوون تنزيلات>>> يترجونكم بليييييييز اشتروا منا

ترا من طمع طبع

يااختي مو بس بهالدووووووول , حتى بالسعوديه عالصالونات والمكياج الماركه سووا حملات بالمنتديات حمله مقاطعه وفعلا نجحت , تخيلي الصالونات واسعار المكياج نزززل

بس احنا يالكويتيات ماادري اشحايشنا ماادري ليش مانتحد ونصير ايد وحده ونكسر عيون هالتجااار نخليهم يبيعون بخساره بعدد

ترا مو ناقصنا شي , يعني توني راده بموضوع شنو بسوي بالمنحه , مع اني طالبه بس الحمدلله احس كل شي عندي , يعني صج قلت باخذ تلفون يديد بس هم عندي ماني محتاجه بس فسق استغفرالله

يعني زبده كلامي ان احنا كل شي عندنا وقادرين نمسك نفسنااااا , فخلونا نتحد ومانشتري منهمممممممم ونطيح سووووقهم حسبي الله عليهممم

 

[راعية الطويلة]

رد : ▐▐حملة ضد زيادة الاسعار - المحلات بدت تزيد اسعارها ▐▐

لا تشترون منهم
حتى اللي ربي مرهي عليه
عشان يتأدبون
و لا يستغلون الناس
الفرحانه بالمكرمة
و ياليت نفتح موضوع
نوعي بعض عن المحلات
اللي زادت أسعارها
عشان اللي مثلي ما يطلع وايد
يعرف .....

تسلميـــــــــن حبيبتي

 

[بانانا]

رد : ▐▐حملة ضد زيادة الاسعار - المحلات بدت تزيد اسعارها ▐▐

بالنسبة لسعر الآيفون فالحل هوو ::


تحجزين تذكرة لدبي ب50 دينار
تروحين تشترين الآيفون من هناك ب190 دينار ..


وخلو آيفوناتهم تصدي قاطعوهم ..

 

[بانانا]

رد : ▐▐حملة ضد زيادة الاسعار - المحلات بدت تزيد اسعارها ▐▐

وبنات بالنسبة للماجلة هم اذا زادو اسعارهم لو فلس واحد هم بنقاطعهم ...

الحل البديل >>>

الخفجي أو نعيرية ..

الماجلة هناك أساسا أرررخص من الكويت بالايام العادية من غير زيادة الاسعار ..


خلو بضاعتهم تخيييس وتعفن وتفطس



وياريت اللي عندها حلول بديلة تقووولنا :icon30:

 

[احساس قباني]

رد : ▐▐حملة ضد زيادة الاسعار - المحلات بدت تزيد اسعارها ▐▐

اي اتصلو بنات .~~~

والله كريم ان شاء الله .~~~