رد: ▁▂▃▅▆▇★☀【« خـيـمـة كـويـتـيـات الـرمـضـانـيـة »】☀★▇▆▅▃▂▁
حزينـه ليه يالجهـرا علامك يا بعد عمري ؟؟
علامه جوك الليله كئيب ومظلم بعيني ..؟
أنا جيتك وأنا مثلك حزين وضايق صدري
أبشكي عن همومي وأبي صدرك يواسيني ..
إلا مني زعلت وضقت أنا والله من عذري
ترى ما جيت لك ألا و انا ادري ما تخذليني ..
" غليتك من غلا منهو سكن بك " و الغلا يسري
مثل ما جيت لك ساري غلاهم ساري فيني ..
ألا يالجهـرا قولي وينه اللي شاغل فكري ؟؟
هذاك اللي على شانه غديتي كل عناويني ..
هذاك الحـب من قبله على بالي ولايطري
ومن عقبه ملكني بالغرام ودمر سنيني ..
تركـنــي و ماعرف من عقبه شاللي غدا يجري !!
أحس اني فقدته أو عطيته شخص بإيديني ..
ترك لي يوم فرقـاه رساله قبل لايسري
قبل هاليوم بأسبوعين ويمنه يلاقيني ..
وضحك لي يا فديت الضحكه اللي نورت عمري
و وعدني ما يخليني وقال إنه يب يجيني ..
وراح وتتبعه عيني ألا مقواك يا صبري
عسـى ما هي بدايات النهاية بينه وبيني ..
ألا يا يوم هالجمعه أبد ما انت على خبري
كئيب " و شوفـة الجهرا أبد ما عاد تغرينـي" ..
أحس بعبرة تملا عيوني ودها تجري
على خدي وأحس الكون ضايقما يكفيني ..
تصافق بي هواجيسي أبيع بحسرتي وأشري
غديت أدور بالجهرا ولا أدري أنا ويني ..
سرحت وراحت أفكاري تشتتني وأنا مدري
صحيت ولا وعيت إلا وصوت به يعزيني ..
ترى بدري على علوم السعادة والفرح بدري
مدامه غايب عنيأبد ماشي يغنيني ..
أمانة ليه الجهرا حزينة يا بعد عمري
و أذا حزنك على الغالـي طلبتـك لا تخلينـي ..
