امون الله بالخير
أنا ما أدافع عن مشعان ولو أني من اشد المعجبين بشعره لكن صدقيني أنا حياديه بأحكامي حيل .. لو كان أي شاعر غير خلف اللي قايل القصيدة موقفي واحد ما راح يتغير
انتي قلتي "
هالزلمه بوعرقه "
ياليت توضحين لي قصدج
إن كنتي تقصدين فيها خلف بشخصه تصحيحــًا لمعلوماتج هو سعودي لا هو عراقي ولا زلمه
وإن كنتي تقصدين فيها عنزه فهذا خطأ فادح محسوب عليج يا قلبي
عنزه لاهم كواوله ولا زلمات .. أنا على فكرة مو عنزيه ولا لي فيها لكن كلمة الحق تقال
ال الصباح و آل سعود شنهم ؟ ماهم عنزه ؟ ولا هم يندرجون تحت " الزلمات والكواوله "
عنزه قبيلة ونعم فيها ما عيبيهم أنهم أهل الشمال .. ماهي مسبه هذي
قبائل شبه الجزيرة تنقسم إلى قبائل الشمال وقبائل الجنوب هذا قبل ما تطلع الدول لأنه القبائل أقدم من قيام الدول الحديثة
فقبائل الشمال لأنه موقعهم بالشمال وقبائل الجنوب لأنهم بالجنوب .. لكن بالأصل فيه أصيلين بالشمال والجنوب وهم فيه صلبه بالشمال والجنوب . مو كل شمالي أصيل ولا كل جنوبي أصيل
في ذلك أذكر قصيدة جميلة لعنزه للأسف مو حافظتها كلها لكن أولها
قالوا شمالي قلت جدي شمالي ...... من وين ما رحنا لنا العز مركوز
حنا هل الطولات في كل عالي ....... حنا هل العز والمجد والفوز
حنا سلاطين العرب ياحلالي ........ شوف الجزيرة كل حكامها عنوز
ونعم بعنزه ونعم بخلف بعد
أرجع وأقول مالي مصلوح من هل الكلام .. خلف مهو من باقي أهلي ولاني من قبيلته عشان أدافع عنه بس هذا رايي وأنا وحده أقول رايي بكل شفافية
حنا " ككويتين " والكويت أكبر من قصيدة .. محنا بحاجة أحدن يمدحنا ولا يسبنا .. مادحنا الله
يقول الله تعالى " والشعراء يتبعهم الغاوون ألم تر أنهم في كل واد يهيمون
وأنهم يقولون مالا يفعلون إلا الذين أمنوا وعملوا الصالحات ... "
المدح والهجاء بالشعر كلام لاهو زايد بالممدوح أو المذموم شي ولا منقص منه .. وياما ناس انمدحوا وهم مهم كفوا والعكس صحيح
أنا اقول خلف شاعر جزل وإن خذى البرق بياخذه بيمينه وبشعره مهو بحاجة فزعه وتصويت
على قولته
"
أنا أكتب لجل من يسمع ولا أرجي من يقول إبداع "
ويقول بعد "
البيرق اللي مع بن فطيس ... ماني خلف كان ما أجيبه "
كفو أنا أشهد أنه شاعر جزل ..
الله يشهد أقول هالكلام خالي من اي فزعه فهو رايي الحقيقي مالي أي مصلوح منه
