₪₪₪ تغطية شاعر المليون - صوت وصوره ₪₪₪

[^وجد قلبي^]

^_^

 

[شوق2007]

الله يوفق عيال الكويت ويارب البيرق كويتي والحمدلله تأهل جابر والفال لمشعل النون وسعد براك ومنها لأعلى يا شباب ديرتي وتكفون صوتولهم والله يرفع راية ديرتنا بالدين ويجملهم بحفظ القران الكريم والفوز بالجنان والا هالمسابقات مفروغ منها بس مافينا حيله البيرق كويتي بحيل الله

 

[REEM Q8]

مشكووورة أختي حبنا الله عليه

على التغطيه الممتازه

وكل الشعراااء مبدعين ونعم فيهم

عجبني ناصر الفراعنه وبدر السبيعي

وجابر المطيري

ما شاء الله

وإن شاء الله البيرق سبيعي

وتحياتي لكم ^_^

 

[رياان]

أنآ اتوقع يتأهل


جابر المطيري أو الفراعنه أو بدر السبيعي

 

[تسوااهن]

اضوى//العفو حياتي والله اني احتريت لما طلع بس بيضها بهالقصيدة
حبنا الله عليه// انا افتر ادور القصيدة اثرها هني

 

[مـذهلـهـ]

لاتحتس يازايد ترى ماني ماني بزعـلان/ولايزعلك ماصار فـي شاطـي الراحـه
مدام الروابع طيّبه والحصـان احصـان/ليا من تعثر شال عمـره مـن الطاحـه
نسفنا العلوم اخلاف ماكـن شـيٍ كـان/وقدنا الركايب واخلـت العـد وامراحـه
تقدمت والموقـف يبـي مثلـي بليهـان/ليا كبـرت القالـه مايومـي بمسباحـه
لو ان الفشق توّي وخلفي وانا النيشـان/نطحت الجموع وغلقة الصـدر منساحـه
شموخي وانا فالح ولد مكـرم الضيفـان/علي والله انه اغلى من البنك وارباحـه
ماضريت نفسي للمهونـه ولا الحقـران/اعزومي عصاميّه ولي نفـس جمّاحـه
ماجينا نمسّح جوخ وانراضي الشيخـان/مطاليـق واعـزوم المطاليـق شوّاحـه
ولايشغـل العقّـال ماقالـو الخـبـلان/تسيـر القوافـل والنوابـيـح نبّـاحـه
يكفيني ان عقلي من الثقل شانـه شـان/ماني بهلوانٍ يـوذي الخلـق بصياحـه
مدام ان ماء وجهي حميته ونجمي بـان/فلاهمنـي قفـلٍ مـايـدري بمفتـاحـه
تشوم الحرار وتكسر الحـوم فالجنحـان/ولا عـاد يغريهـا الملـوّح بملـواحـه
عزيزين لو مانملـك اللـول والمرجـان/الانظـار عليـا والطواريـق صـدّاحـه
اغوص البحر واجيب من غالية الأثمـان/الأفكـار غبّـه والهواجيـس سبّـاحـه
اصب المثل صب الذهب واحكـم الاوزان/واداري عليها من قلـم ناقـد الساحـه
ولاهو بحـقٍ تحجـب النـور ياغسّـان/عشـان العلاقـه بيننـا شبـه فوّاحـه
نقدت القصيده نقد ماهـو علـى برهـان/ومديت لي كفٍ مـن البغـض مجتاحـه
على شانني غنيت فـي قبلـة الأوطـان/وكشفت الحقايق بيـن مزحـه ورزاحـه
صحيح ان عين البغض ماتعرف الصفطان/وعين الرضا تغني من الاش واشفاحـه
يانفدا القروم اللي لهـم موقـفٍ بطـران/مساء ليلـةٍ فيهـا الموازيـن رجّاحـه
اهل وقفةٍ يطلق بها الخاطـر العمسـان/تزاحـم عزاويهـم والافعـال سفّـاحـه
تقول ان فيهم من سريع الحمايـا جـان/على الشات يدوي فعلهـم دوي قدّاحـه
مواريث قـومٍ فاللقـا تنطـح الفرسـان/مقابيس حـربٍ تلطـم الشـره برماحـه
بني هاجرٍ لاضاق صدر الحليـم وشـان/لاعاجـت علـى دق المقاهيـر طيّاحـه
يروون حدٍ يفصل الروس مـن الامتـان/لين العدو يبطي وهـو ينقـل اجراحـه
رواسي عبيده والنسب روس من قحطان/ماحن لحقةٍ تكتـب وتمسـح بمسّاحـه
وعسى الله يبيض وجه من مدوّ الايمـان/ولاقصـرو وابـروق الاجـواد لوّاحـه
من احلافنا واصحابنـا والكريـم امعـان/لهم ترفع البيضا علـى هضبـة الباحـه
لكن جعلها خيره فما اختـاره الرحمـن/تطيب الجروح وعرضة ابليـس منزاحـه
معا خالص التقدير والشكـر والعرفـان/ياهل فزعةٍ يشهد لهـا شاطـي الراحـه


//

ارق سنــوؤؤؤؤؤود يـــالهاجـــررري ..
صـــح لســانه ولــد العــم ..
اللـــــه يحفظـــهـ يـــاآآارب .. !!


انشــــاللـه يتأهــل اليوم الكويتــي الرشيـــدي .. و العـــازمـي أو الظفيـــري ..
أمــــا العتــيبيــي اللــه يستــر علـــيـه .. فــاآآآآآآصـــل ..


وانتظـــروا سعـــد البــراك و محمــد الحويمـــاني .. شـــاعريــن متميزيــن ماشاء الله علـــيهم ..!!

 

[مـذهلـهـ]

قصيدة محمد الحويمانــي في التصفيـــات كــاملـة ..
بــس اللي حاطينها بالتلفزيون جم بيت منـــهـا ..
تذوقــوا الشعــرر الأصــلي.. !!



يافهد من شفت زولك بينهم روح خيالي


.........................يقطع بحور الزمان الاولي عرضه وطوله


قمت اهوجس واتذكر طيشنا ذيك الليالي
........................يوم كنا صغـــــــار تحكمنا برأات الطفوله


يوم كان اقصى طموح لنا ...نروح لبيت خالي


........................وكيف كنا ننتهي من واجب (الخط وأصوله )


اذكرك ...يومك تجيني ...كنت انا جالس لحالي


.......................واتفقد جيب ثوبي وألعــــــن الفقر وفضوله


يوم شفتك ...هل دمعي (يافهد دور ريالي ؟)


.......................وانت تمسح دمعتي بايديك ...وأحساس الرجوله


تقطع ريالك ..تقول (أمسك ولاتبكي قبالي )


......................وكننا من بعد هذا كل مانبغى ....ننـــــــــوله


وأذكرك يوم انت تلبس غترتي ...ولا عقالي


.......................ثم تجلس في مكان ابوي ...وعيوني ذهـــوله


والله انك يافهد في وقتـــــــها شكلك خيالي


........................والله انك كل مالديت ..اقول الزول زوله


يافهد والخمسه وعشرين مرت ياظلالي


......................قدر الله والسنين بطبعها دائم عجوله


يافهد وانت الوحيد اللي يعرف ان ضاق بالي


.......................قبل ماشكي قبل مادمعي يبادر في هطوله


يافهد وان شفت دمعي يوم عرسك لا تبالي


....................كل مافي الامر فرح ماقدرت انطق واقوله !!

 

[غَـنْـجَـى و دَلـوعْ]

.

أكثر واحد يعجبني من لجنة التحكيم لأنه ناقد و بإسلوب منطقي جداً و حقااااااني و صريح..

مو مثل غسان الحسن اللي موعاجبه شي و لا بو مشاري اللي ما يدري شيقول !!

و حمد السعيد الله يهديه صج نموووت فيه و على قولة أبوي ( حبيب الشعب ) ههههـ،

بس حيل يجامل و ما يحب يكسر بأحد ، أما سلطان العميمي ناقد و فاهم

بس في شي قاعد يخرب عليه ما أدري شنو !!

حبيبتي ماهي فرنسيه هيا سعوديه ميه بالميه <<احلف

هههههههههههه عاد هالشاعر إبدااااع أنا أتوقع متحدي ربعه بمشاركتة بالبرنامج و لا ما أتوقع مع هالقصيدة الخطيرة يبي يتأهل و يفوز ..

عايض القحطاني

هذا الشاعر مبدع ويستحق كلمة شاعر قصيدة روعه

لدرجة انه حمد السعيد شك انه هو كاتبها

لانه القصيده روعه واهو سنه صغير على هالابداع عمره 23 <<<كبري

وطلب منه حمد السعيد قصيده ثاانيه

وتعمد المتسابق يجيب قصيده على نفس القافيه والبحر

عشان ياكد انه هو شاعرها

عاد هذااااا احلى شي بمسابقة هالسنة و الحمد لله مستواه حيل قوي يعني إن شاء الله يوصل للمراحل الأخيره و يرفع راس خـــووااالي لأنه العام الأحبابي صراحة وصل آخر المراحل بس ما كان يستحق التأهل كلللش ملللش لأن قصايده تغث بصراحة ،

و أنا أتوقع عايض ينافس ع اللقب .. الله يوفقه أنا أشجعه من قلللب..


و العام كنت أشجع بن فطيس و الميزاني و واحد خذا اللقب و الثاني خذا المركز الثاني *_^

\

عجبنتي قوة صفوق لما طرد اليامي و الله يعجبني هالحكم *_^

\

بدر عبد الله الخالدي – السعودية صدقوا لما سموه الذيب شييي شيي هالشاعر ما شاء الله عليه و شكله صغير بالعمر طقة ابن غيده أتوقع ..

\


بدر السبيعي شكله عمره 16 مو 18 بس ما شاء الله عليه فلللللته و ثقته بنفسه تعجبني الله لا يضره ..

\

ناصر الفراعنة قصايده مركبة و صعبة و ما تمر إلا على الفاهم صج بالشعر و اللغة

و فصاحته عجيبة بس الله يهديه طريقة إلقاءه تخرررع :S

و كله يتكلم عن الجن و جمهوره أتوقع يوصلونه لأخر المراحل لأنه معروف من قبل ..

و يسمونه فرعون الشعر .. شاعر لاااا غباااار علييييه تبارك الرحمن ..

\

بالنسبة لي أتمنى البيرق كويتي ،

بس القطريين مستنفذين يبون يحافظون عليه و ما ألومهم عندهم شعار جزلين و لا هانوا شعار ديرتي ،

أما السعودية ما شاء الله صج بلاد الشعر يعني الموسم اللي طاف المركز الثاني و الثالث و الرابع سعوديين !!

أنتوا مو ملاحظين شعراء البحرين ما لهم حس ؟!

بس وحده و طلعت من أول حلقة !


و سلطنة عمان شعراؤهم ما لهم حظ مع إنهم مبدعين في شعر الحداثة و فصاحتهم عجيييبة تبارك الرحمن ..


من وجهة نظري الشخصيه لأنه ما عندهم قبلية فالتصويت ما يسعفهم أما قطر و السعودية و الكويت لا إله إلا الله من الشاعر يقول قبيلتي نطوا يصوتون صج شي إيجابي بس سلبياته تــطــغــــــى ..
\

بالنسبة للمذيعين عندي مذيعين هالسنة أفضل بكثيييير من السنة اللي طافت خاصة حسين العامري فرق عن الهاشمي السماااا عن الأرض ما شاء الله عليه ..

\

الشاعر خالد العتيبي نموذج يرفع الراس من شعراء المملكة الله يوفقه صج صج مبدع و مختلف عن البقية ..

\

خلف المشعان راح يترك بصمة قوية في البرنامج .. الله يوفقه .. يعجبني شِعْرَهْ .. يستحق التأهل من قِبل اللجنة.

\
فالح بن قشعم و الله كنت أدعي له إنه يتأهل و كسر خاطري لما طلع بس صج بياض وجه يا ولد الخال > على وزن ولد العم

و قهرني غسان الحسن لما قال أين أنت من قول الشاعر ... و صفقوا له الجمهور يا مال الصلااااح !! ..

ماجينا نمسّح جوخ وانراضي الشيخـان/مطاليـق واعـزوم المطاليـق شوّاحـه
-
يكفيني ان عقلي من الثقل شانـه شـان/ماني بهلوانٍ يـوذي الخلـق بصياحـه
-
مواريث قـومٍ فاللقـا تنطـح الفرسـان/مقابيس حـربٍ تلطـم الشـره برماحـه
بني هاجرٍ لاضاق صدر الحليـم وشـان/لاعاجـت علـى دق المقاهيـر طيّاحـه
يروون حدٍ يفصل الروس مـن الامتـان/لين العدو يبطي وهـو ينقـل اجراحـه
رواسي عبيده والنسب روس من قحطان/ماحن لحقةٍ تكتـب وتمسـح بمسّاحـه
-
أيوااااااااا أيواااااااا و ربي بيضت الوجهـ ،

البيرق مايزيدهم شان ... هم يزيدونه قدر

صاجه يا أضوى صااااجهـ ،، لا فُضَّ فاكِ 
\
مهدي الوايلي مااا شاااء الله عليه و على إلقاءه و قصايده و هدوءه و ثقته بنفسه عيني عليه باردة ..

أخوي الصغير يخاف منه ما أدري لييييش ؟! هههههههههههـ،،

\

سعود العتيبي بددددع لما قحص على المسرح وقت ما استبعدوه ههههههههههـ،، دمه خفيف !

\

عايض القحطاني شييي شييي أحسن واحد بنظري الله يوفقه و إن شاء الله ياخذ اللقب ..

عجبني لما قال حكمتي في الحياة قوله تعالى كل ما عليها فان يبقى وجه ربك ذو الجلال و الإكرام ..

\

جابر المطيري .. تحسونه من عالم آخر ما شاء الله عليه هدوووووووووءه عجيب و يعطي كل بيت حقه في الإلقاء و قيصده مثل ما تقولون السهل الممتنع .. الله يوفقه خير من يمثل شعراء الكويت كللللهم ..

\

مشعل النون الرشيدي حسافة ما تأهل.. السميري و الظفيري كلش ما أعجبوني حيييل حارييين بالإلقاء..

\

الشبرمي 10\10 *_^ بس كان تعبااان حيييل و شكله يكسر الخاطر مسكين الله يشافيه و يستاهل التأهل ..

\

قصيدة محمد الحويماني في المرحلة الأولى كانت في أخوه و تلامس القلب بشكل كبير الله يخليهم لبعض مره قرأت في مجلة من زمااااان حوار له شاعر راقي و مبدع لكن الساحة الشعبية ما وفته حقه و ظهوره الإعلامي نادر جدا ما أدري ليش يذركني إسلوبه بالشاعر فهد المساعد السبييعيي ..


\


مـــوولاتـــــي سميه تغظية روووعـــــه و موضع يستحق التثبيت بارك الله فيج ..

و جزيل الشكر لـ كل خواتي اللي ساهموا بإثراء الموضوع ربي يقويكم ..


\




​

 

[! بنت العاشره !]

ترى المذيع حسين العامري معروف من زمان كان في برنامج لمده اربع شهور مباشر 24 على 24


اسمه زواج وهو ديني نوع ماء


وعلى قناة بدايه


وانا كنت متابعته وشخصيته قويه ومثقف


بس حبيت اعطيكم فكره

 

[^وجد قلبي^]

بنت العاشره: واناا اقووووووووووول ويييييييييين شايفته ...صاااجه كااان وياااهم

 

[غَـنْـجَـى و دَلـوعْ]

صاجه بنت العاشره أنا لما شفته استااانست حددي لأنه صج ماشاء الله عليه شخصيته شيييي مو طبيعي يهبببل حبوووب

 

[! بنت العاشره !]

بنات انا سمعت هالخبر بس مدري صج او لا يقولون ان ام المذيعه دارين توفت


إن لله وإن اليه راجعون



وانهم راح يرشحون مذيعه كويتيه ؟؟؟؟؟؟؟


منو توقعون



عموما بكره يبين اذا صج او لا

 

[شذورالذهب]

بنات انا سمعت هالخبر بس مدري صج او لا يقولون ان ام المذيعه دارين توفت


إن لله وإن اليه راجعون



وانهم راح يرشحون مذيعه كويتيه ؟؟؟؟؟؟؟


منو توقعون



عموما بكره يبين اذا صج او لا

وانا قــريت من خـلال تصفحـي ان والـدة المذيـعة داريـن هي اللـي توفـت يوم الثـلاثـاء اثـنـاء عـرض البـرنـامج

الخـــبر مشكــوك ..بـاجـر العـلـم الاكــيد ..

اذا صــح الخـــبر اللـه يرحـمها ..

 

[امون حبيبة الكل]

بنت العااشره المذيع انا من شفته عرفته على طووول

كان حيل محترم في بيت عرسان ماشاءالله

 

[^وجد قلبي^]

بنات انا سمعت هالخبر بس مدري صج او لا يقولون ان ام المذيعه دارين توفت


إن لله وإن اليه راجعون



وانهم راح يرشحون مذيعه كويتيه ؟؟؟؟؟؟؟


منو توقعون



عموما بكره يبين اذا صج او لا

يمكن اشااعه

اذا صج الله يرحمه واذا اشاعه الله يطول بعمرها

 

[ريميــه]

فالك البيرق يا ناصر

 

[ام سارونة]

مشكورة اختي على التغطية

 

[امون حبيبة الكل]

صدمني البرنامج

هلاله تفوز؟؟ كلش موغش

اشكره غشش ولا هلاله المركز الاول

وهلال المركز الثاني والباجي برا !!!!!!!!!!!!!!!!

 

[^وجد قلبي^]

هذا تصويت الجمهور اموونه... عمان ماخلتها

 

[عالي مستواها]

انا ماصدق التصويت صراحة احسه بس جذي شكلي

هم يأهلون اللي يبون محسووومه من قبل

أنا وحده اتابع وأشجع بس مستحيل أصوت لانه بوووق أشكره



بالحلقة هذي أبدع المشعان بو موسى صج شاعر فحل ما غلط من لقبه " الداهية "