^^••^^تجمع لجميـع حوامل سنـــه 2013** ^^••^^

[ريـ’ـآنـهـ‘]

رد: ^^^تجمع مواليييييييد شهر ديسمبر12//2013... إن شااااااءالله^^^

واااي كيميائيه عوار الرحم مو صج خصوصا اذا كنت منسدحه حيييل يعورني ماادري هالشي طبيعي ولا ﻵ


واحس بعوار مثل المغص

اليوم المفروض موعدي بس مارحت عندي امتحان باجر والي عقبه




وذابحتني الغازات بشكل موطبيعي

 

[كيميائيه]

رد: ^^^تجمع مواليييييييد شهر ديسمبر12//2013... إن شااااااءالله^^^

اغراض المستشفى اللي ناويه اخذهم

قميص لوقت الزياره
نفنوفين دافيين للنوم
بجامه داخليه
2ستيان رضاعه
6سروال داخلي
2سروال طويل
2دلاغ عايله
2خف ثقيبل
مداس +نعال حمام
عبايه وملفع للطلعه
2ملفع قطن والامطه للمستشفى
فوطه
اغراض البيبي
6اكياس اللي تتصكر من فوق تلقونهم بالجمعيه حطيت فيهم

مهاد+خيط +اوفرول+تبان +دسوس+دلاغ اذا كان الاوفرول مفتوح+كبوس
2لفه ثقيله
بطانيه
فوط رضاعه صغار
فوطه للبيبي
كيس بيبي

اغراض الجمعيه
مشط
ربطات للشعر
كوتكس النفاس
كريم مرطب للوجه
كريم للجسم
حفاضات للطفل
كريمات للطفل من سيباميد يكون سيت كامل
مقراضه ومقص صغار
صابونه

 

[كيميائيه]

رد: ^^^تجمع مواليييييييد شهر ديسمبر12//2013... إن شااااااءالله^^^

ريانه
العوار اذا يروح ويرد بفترات متقاربه موزين
بس اذا شوي ويروح عادي الرخم يتمدد او برد
وللغازات شربي نعناع
انا حيل يريحني النعناع

 

[كيميائيه]

رد: ^^^تجمع مواليييييييد شهر ديسمبر12//2013... إن شااااااءالله^^^

اي صج بنات
انا ماراح اسوي استقبال بالمستشفى
فمادري الي بتسوي استقبال اكيد تحتاج اغراض زياده

واذا في شي ناقص ذكروني

 

[كيميائيه]

رد: ^^^تجمع مواليييييييد شهر ديسمبر12//2013... إن شااااااءالله^^^

ونسيت كفر للمستشفى بعد
وقطن اذن

 

[music_teacher88]

رد: ^^^تجمع مواليييييييد شهر ديسمبر12//2013... إن شااااااءالله^^^

حباااااايبي كلكم الله يسلمكم ومحد بعيش هلوضع الي عشتة
ابي انحاااش بشوف الشارع ناااطرة يصير الصبح عشان اطلع موقادره انام


الدكتورة مصريه تفولي لازم راحه تامة وتنامين على ظهرج وبعطيج طبيه أسبوعين خق دوامج وهدتني ومشت


ويت ويت بستوعب
راحه وانسدح وماتحرك وطبيه اسبوعين من ضمنها الايام الي نمتها هني 9 ليالي بالصباح
؟؟؟؟؟؟؟

شهلتناقض وماعطتني مجال اكلمها طلعت


دقييت على ريلي يه شخط فيها ههههههههه كسرت خاطري
ولا تقول لاااااا انا اقصد اسبوعين وبعدين امدد لها
وان شاء الله مجلس طبي للولاده
انا مدرسه ومحد معاي بلقسم منتقلين شايله حصصي واحتياطات
تعب موطبيعي ولله ماكان ودي اخذ مجلس عبط
بس يلا الحمدلله هانت

 

[أبكاني ذنبي]

رد: ^^••^^تجمع حوامل مواليد شهر **نوووفمبـ11ـر2013** ^^••^^

بناااات


حركه البيبي تعووور وتحسينها شد بااخر البطن؟؟؟؟



لي يومين احس بهالاعراض بس مو منتظمه مادري هو حركه البيبي او شد طلق

 

[حياة ريلي]

رد: ^^••^^تجمع حوامل مواليد شهر **نوووفمبـ11ـر2013** ^^••^^

ابكاني ذنبي شد الطلق مشابه حق حركة البيبي لما تحسينه يفتر و يشد بطنج بس الفرق ان الطلق يكون معاه الم و الحركه شد بدون الم

 

[*Crafty-girl*]

رد: ^^^تجمع مواليييييييد شهر ديسمبر12//2013... إن شااااااءالله^^^

شلونكم بنات

الحمدالله عالسلامه ميوزك تيجر ودربالج على نفسج

انا حاشتني صخونه هالايام ومريحه عند اهلي

واذا عالضيقه استغفر الله نفسيه زفت وثقل زاايد خلاص تعبت ومليت ابي شهر 11 يعدي بسرعه

 

[أبكاني ذنبي]

رد: ^^••^^تجمع حوامل مواليد شهر **نوووفمبـ11ـر2013** ^^••^^

حيااه ريلي


تسلمييين حبيبتي الحين استوووعبت وعرررفت


مرات معاه الم ومرات لااا يعني آلام ترووح وتيي ماكوو شي مستمر ومنتظم

 

[Miss305]

رد: ^^••^^تجمع حوامل مواليد شهر **نوووفمبـ11ـر2013** ^^••^^

بنااات الله يعينكم ويسهل ولاداتكم قررربت وان شاء الله سهالالالات

 

[زبــــــــدة]

رد: ^^••^^تجمع حوامل مواليد شهر **نوووفمبـ11ـر2013** ^^••^^

شلووونكم بنااات


مزاجية قريت قصتج وناااسه احس لووول سهالات الفال لنا يااارب
والحمدالله على سلامتج :***


انا متشوووقه حق الولاده وعقب موعدي الدكتورة ريحتني وااااايد ونصحتني بابرة الظهر

تقول بنتها خذتها ويوم طلع الياهل قاعده تضحك ههههههه ونااسه


وسويت تحاليل حق الابرة عشان اول مادخل الولاده يعطوني ياها واولد بسلام

يااااارب الله يسهل علينا

أي وصج نسيت اقولكم ماسوتلي فحص ولا يابت الطاري خخخخخخ اشوة

بس اتوقع الاسبوع الياي تفحص بس ما سألتها يمكن ماتبي

 

[سنيار البحر]

رد: ^^^تجمع مواليييييييد شهر ديسمبر12//2013... إن شااااااءالله^^^

مشالله الليل طويل
طلعت وخلصت مشاويري وتعشيت بمطعم وقعدت في بيتنا
نمت وقعدت وشبعت نوم
واشوف الساعه توها ٢ ونص
والحين قاعده كليت واطالع مسلسل
وببدا اسوي برزنتيشن للجامعه

وناسسسسه كل ما اتذكر باقيلنا شهر ونولد بالسلامة

 

[Aloe Vera]

رد: ^^••^^تجمع حوامل مواليد شهر **نوووفمبـ11ـر2013** ^^••^^

زبدة


انا ولدت بدون اي نوع من المسكنات ولا كمام و لا ابرة ظهر او ادوية و حسيت بكل الام الولادة و لمن طلع ولدي حطوه على صدري قمت اضحك و حدي مستانسة و كان احلى ولادة مو شرط ابرة ظهر عشان الوحدة تستمتع بولادتها بس كل وحدة حرة في طريقة اختيارها للولادة و الوحدة ماتدري شنو احساس الولادة لين تجرب بنفسها
فا لاتعتمدين على كلام الناس

 

[Aloe Vera]

رد: ^^••^^تجمع حوامل مواليد شهر **نوووفمبـ11ـر2013** ^^••^^

الله يسهل عليكم

و استمتعو بكل لحظة
انا عندي الشهر التاسع احلئ شهر من اشهر الحمل فيه وايد اثارة و ترقب حدا وناسة و الولادة بعد تونننننس

 

[ريـ’ـآنـهـ‘]

رد: ^^^تجمع مواليييييييد شهر ديسمبر12//2013... إن شااااااءالله^^^

صباح الخير شلونكم



ميوزك تطلعيين بسلامه يارب

كرافتي ماتشوفين شر



واي انا قاعده باستراحه الكلية يما ريحة لقهوه تهبل حتى اشتهيت صوت طقطقه الفناجيل مع اني مو حيل مع القهوه




بنات مانزلتو البيبي نزلوووه ؛ $

 

[Bio_reem]

رد: ^^••^^تجمع حوامل مواليد شهر **نوووفمبـ11ـر2013** ^^••^^

زبده شنو تحاليل ابره الظهر؟
ثاني مره اطلبها وماسووا لي اي تحاليل مسبقة

 

[حياة ريلي]

رد: ^^••^^تجمع حوامل مواليد شهر **نوووفمبـ11ـر2013** ^^••^^

عاشت الوفيرا

بس قدرتي انج ما تصرخين لاني ما احب اصارخ احس فشله

 

[Aloe Vera]

رد: ^^••^^تجمع حوامل مواليد شهر **نوووفمبـ11ـر2013** ^^••^^

حياة ريلي

كنت اون بصوت عالي وقت الطلق الحامي
و كنت اقول اااااااي بس مو صراخ اللي تتخيلينه

عموماً اهو الصراخ غلط بس في طريقة صراخ معينة معاها دفع يساعد ان البيبي ينزل
ماعرف طريقتها بس اختي جربتها بولادتها مع الدولا و كانت الدولا تعلمها الطريقة

 

[Bio_reem]

رد: ^^••^^تجمع حوامل مواليد شهر **نوووفمبـ11ـر2013** ^^••^^

اليوم راجعت والحمدلله هالمره لقيت دكتوره امل
بس نوعا ما ضيقت خلقي ، اول شي البيبي مو نازل الحوض
و بعد الفحص قالت الرحم مسكر وسميك بس بتعطيني فرصه لولاده طبعيه لي اخر شهري يعني شكلي مطوله
والمشكله البيبي قاعد يزيد وزنه تقوب سوي كنترول على اكلج! الحين انا دكتورتين قالوا لي اكلي ماله علاقه وحده منهم اللي بعيادتها
لو ادري من زمان موقفه السكريات لان انا مو من كثر اكلي بس نوعيه الاكل .... لان اجمالا مازاد وزني وايد، ٨ كيلو وجم غرام، وقالت احتمال وراثه لان امي يابتنا كلنا متان