^^••^^تجمع لجميـع حوامل سنـــه 2013** ^^••^^

[احساس السعوديه]

رد: ^^••^^تجمع حوامل مواليد شهر **نوووفمبـ11ـر2013** ^^••^^

10/10 مس كويتيه / بنت/

10/11 ام الكيك /ولد/


/10 / ريري/ولد/احمد




الدور الجاي على مينننن ^~^
ربي يسهل عليكم جميعا

 

[OmAlkoko]

رد: ^^^تجمع مواليييييييد شهر ديسمبر12//2013... إن شااااااءالله^^^

ميوزك سلامات و ماتشوفين شر يارب
والله يتمم عليج بالسلامة و تولدين بصحة و عافيه انتي و البيبي

حنينو و كيميائية سلامات و ماتشوفون شر يارب

كل من جهز و شري أغراض مبروك يا بنات والله يتمم علينا

وكل من استمرض سلامات و ماتشوفون شر يارب مأجورين ان شاء الله

أنا غبت عنكم من العيد لأني سويت حادث و السياره راحت
بس الحمدلله ماحاشني شي غير بطني تيبس من الخرعة
و باجر عندي مراجعة الله يكتب. اللي فيه الخير
والحمدلله ربي يحبني الحادث كان قوي و ربي حفظني أنا و الياهل

و العيد ماسويت ولا شي بس قاعده في البيت من الخرعة مابي اطلع ههههههه

مرت الغلا أنا خذيت ماركة ايڤيت حق الصدر الشفاط من مذركير و في بسنتربوينت منها

بنات يمكن اغير مستشفي الولاده من المواساة الي رويال حياه اشرايكم
ومنو يعرف اسعار الغرف ؟

و بالنسبة للاستقبال و التوزيعات في لازورد عنهم خدمة كامله بس غاليه بنات

ادري هذرت وايد بس ولهانه عليكم :*

 

[بشـاير]

رد: ^^^تجمع مواليييييييد شهر ديسمبر12//2013... إن شااااااءالله^^^

خطاج السو ام الكوكو والحمد لله ع سلامتج بلحديد ولا فيج يا قلبي

انا مفكره اولد بلمواساه ان شاء الله بس مارحت شفت الغرف ولا الاسعار
اختي ولدت بلمواساه وثاني مرا بلدار الشفاء بس ما تمدح دار الشفا مقارنه بلمواساه

رويال رحت اخذت من عندهم الاسعار بس ما دخلت الغرف تلقين اسعارهم بلنت نفس اللي عطوني اياهم
اذا حصلتهم نزلتهم

 

[Lifalif]

رد: ^^^تجمع مواليييييييد شهر ديسمبر12//2013... إن شااااااءالله^^^

السلام بنات اشلونكم
الحمد الله العطلة مثل ما يت مثل ماراحت ما سويت ولا شي غير القعده و الثقل مو طبيعي ،، ميوزك ما اتشوفين شر سلامتج .. و ان شاءالله على الأسبوع الياي اخلص تجهيز البيبي و تجهيزي إذا قدرت أكمل من الثقل
أم الكوكو خطاج السو بالحديد ولا فيج

 

[haninoooo]

رد: ^^^تجمع مواليييييييد شهر ديسمبر12//2013... إن شااااااءالله^^^

الشر مااييكم حبايبي

ام الكوكو خطاج السووو حبيبتي وحمدالله ع سلامتج وسلامة البيبي في الحديد ولا فيكم الله يحفظكم​

 

[amonitta]

رد: ^^^تجمع مواليييييييد شهر ديسمبر12//2013... إن شااااااءالله^^^

ميوزك تيشر حبيبتي طمنينا عليج وان شالله خير

هوت جوكلت لج وحشه احنا بخير انتي شخبارج حبيبتي

 

[مزآجيه!]

رد: ^^••^^تجمع حوامل مواليد شهر **نوووفمبـ11ـر2013** ^^••^^

السلام عليكم

اخباركم ؟؟

بنتي كله ناطه فوق وشاد بطني حييل

شلون اخليها تنزل تحت او تكون بالنص ع الاقل

مرات استغفر الله احسها بتطلع مع صدري

 

[أبكاني ذنبي]

رد: ^^••^^تجمع حوامل مواليد شهر **نوووفمبـ11ـر2013** ^^••^^

انوووون

انا ماخذه كمام مايوخر الالم بس اهم شي انا ماحس فيه او ان حسيت

يكون اخف من لما اكون واعيه تمامااا والله يهووون علينت جميعاا



اليوم رحت موعدي بس موعند دكتورتي دكتوره ثانيه لانها موموجوده

وسووا لي تحليل دم الهيموجلوبين وخذوا مسحه بعد 3 ايام تطلع نتيجتها

وعطتني ورقه دخول المستشفئ

بس الدكتوره هذي ماعجبتني تسالني تبين تضييق بسم الله توني ثاني بيبي

مايحتاج تجميلي وبس ماعجبتني ابي دكتورتي انهايه الاسبوع الياي موعدي



بنات بلشتووا تمشووون؟؟؟؟!!!

 

[فاقده حنان ابوه]

رد: ^^^تجمع مواليييييييد شهر ديسمبر12//2013... إن شااااااءالله^^^

ميوزك شصار معاج

 

[كيميائيه]

رد: ^^^تجمع مواليييييييد شهر ديسمبر12//2013... إن شااااااءالله^^^

ام الكوكو
خطاج السو حبيبتي
في الحديد ولا فيج

 

[حياة ريلي]

رد: ^^••^^تجمع حوامل مواليد شهر **نوووفمبـ11ـر2013** ^^••^^

روعه انا نفس كلام ان نون
الكمام هو عبارة عن غاز الضحك مجرد مهديء اعصاب و انا ما احب هالاشياء و ابي احس بالتجربة العظيمه اللي مذكورة بالقران
و ما ظنتي اني ابي اعيشها وانا جني سكرانه اسب هذا و اطق ذاك و اضحك و ابجي
و بالنسبه لابرة الظهر ايضا ماني شايفة لها داعي اخذتها على بجري كنت قيصريه ما عندي خيار بس الحين لا ابي احس بكل شي و اقلل من المخاطر كثر ما اقدر
بعدين الموضوع بالنسبه لي مشوق مثل لما تركبين قطار الموت تدرين انه امن بس يخوف و اذا خلصتي اللعبه تستانسين انج ركبتيها وانج تحملتي
يعني التجربه تقوي الشخصيه و التحمل
واللي تتحمل الم الولاده بدون تخدير راح تتحمل اي الم ثاني بالدنيا

 

[مزآجيه!]

رد: ^^••^^تجمع حوامل مواليد شهر **نوووفمبـ11ـر2013** ^^••^^

ابكاني

انا عن نفسي ما مشيت مع ان قايله ازوجي ابمشي بالثامن ٣ مرات بالاسبوع

بس هو كله يأجل :/

،

حياة ريلي

اختي تقول احلى شي الولاده الطبيعيه بدون اي مساعده


لا كمام ولا ابرة ظهر ، تقول تحسين وقت الولاده ان الالم والوجع اللي كان غاثج فترة الحمل

قاعد يطلع مع البيبي

حتى تقول تقعدين بس اسبوع بالكثير تعبانه عقب تصيرين نشيطه چنج مو نفاس

حتى نصحتني ما أصرّخ لان الصراخ يهد الحيل وما يجيب اي نتيجه هَْہِِْهَْہْهَہهَہْْهَْہْْهہْهَْہْْهَہْْْهہْهَْه َہِِْْ

وان ألزم الادعيه والاستغفار واذكر الله وان شاءالله ربي يهوّن علينا وعلى كل حامل

 

[OmAlkoko]

رد: ^^^تجمع مواليييييييد شهر ديسمبر12//2013... إن شااااااءالله^^^

خطاكم الاش بنات مشكورين :***

شفيه المنتدي وايد يعلق ؟

بنات لكم قروب في الواتس اب ؟

 

[أبكاني ذنبي]

رد: ^^••^^تجمع حوامل مواليد شهر **نوووفمبـ11ـر2013** ^^••^^

حياه ريلي


انا ماقدر اتحمل الم الولاده من غير كمام ولاشي اخاااف

ولا عندي الجرأه اطلب كل شي ابرع الفخذ والكمام ويالله اقاوم

اخااف من الالم

ماشاء الله عليج اذا بتولدين من غير شي بتكونين شجااااعه



مزاحيه

انا بعد ماالي خلق امشي مع ان ريلي يقولي واهو قاعد بالبيت

صايره مالي خلق لشي والدوام غثييييث باجر بغيب وبعدين بزاوم والله يعين

 

[OmAlkoko]

رد: ^^^تجمع مواليييييييد شهر ديسمبر12//2013... إن شااااااءالله^^^

خطاكم الاش بنات مشكورين :***

شفيه المنتدي وايد يعلق ؟

بنات لكم قروب في الواتس اب ؟

 

[مرت الغلا]

رد: ^^^تجمع مواليييييييد شهر ديسمبر12//2013... إن شااااااءالله^^^

ام الكوكو وحنينو ماتشوفون شر


ام الكوكو اي عندنا قروب واتس

 

[unknown1988]

رد: ^^••^^تجمع حوامل مواليد شهر **نوووفمبـ11ـر2013** ^^••^^

الحمدالله انا اليوم رحت موعدي خذا مسحه و بيفحص بعد اسبوعين وبعدها بيقرر الولاده قيصري او طبيعي ..

وزن البيبي كيلوين و 600 و سوالي تحليل حديد وعطاني امبولات حديد احط وحده كل يوم مع عصير واشرب عشان يرتفع زياده ..


مزاجيه الدري و القرفصاء ينزلون البيبي شدي حيلج فيهم ..

ابكاني انا امشي من الثامن بس مو ضاغطه ع نفسي حيل حيل .. امشي واسوي قرفصاء

و حياة ريلي ماقصرت كملت اللي بخاطري ؛$


الله يقدرنا ويسهل علينا ونتحمل عوار الولاده اللي تحس انها بتصرخ خل تتذكر تدعي بدال الصرااااخ

 

[شيهانه الهيلا]

رد: ^^^تجمع مواليييييييد شهر ديسمبر12//2013... إن شااااااءالله^^^

ماتشوفين شر ميوزك الله يسهل عليج من شنو ينزل الماي كله موزين لللبيبي الله يقومكم بالسلامة

 

[music_teacher88]

رد: ^^^تجمع مواليييييييد شهر ديسمبر12//2013... إن شااااااءالله^^^

حبايبي تسلمون ولله

وللي سال جماع ولا اولله حشى قاعده بمكاني ومشي عااااادي من البيت للسيارة

ونوموني بلصباح وبيحددون موعد ولادتي باجر الدكاترة الصبح
الله يسهل ياربي
اخذت ابرتين رئه يذبحووووووون بس كلشي عشان سلامة اابنووته يهون

ادعووولي بنات

 

[مجنونه الكويت]

رد: ^^^تجمع مواليييييييد شهر ديسمبر12//2013... إن شااااااءالله^^^

الله يهووون عليج حبيبتي...


والله يعينا جميعا عالتعب والثقل
احتسبو الاجر ي بنات