^^••^^تجمع لجميـع حوامل سنـــه 2013** ^^••^^

[حياة ريلي]

رد: ^^••^^تجمع حوامل مواليد شهر **نوووفمبـ11ـر2013** ^^••^^

روعه اقصد اذا كلج ان تخفتي فجاه راجعي الطبيب

 

[حياة ريلي]

رد: ^^••^^تجمع حوامل مواليد شهر **نوووفمبـ11ـر2013** ^^••^^

بنت خالي حاليا قاعد تولد و بذلك فأنا اخر الصامدين ههههههه اربعه من الأهل ولدوا

 

[Model Look]

رد: ^^••^^تجمع حوامل مواليد شهر **نوووفمبـ11ـر2013** ^^••^^

ايي ابكاني امس كلع زحمه احنا رحنا للبوم ماكو زحمه اساانسنا

حياة الله يرزقنا بالولادع السهله

 

[tota77]

رد: ^^••^^تجمع حوامل مواليد شهر **نوووفمبـ11ـر2013** ^^••^^

الله يسهل عالجميع

مساء الخير بنات شخباركم طيبييين :**

مزووج شلونج ؟ بشري راجعتي ولا للحين ؟

قبل جم يوم كنت رايحه رويال قريت ان الدكتوره غاده اهي تولد بدل ماجده ؟ بس مادري لي متى !

ام الكيك وريري ومس كويتيه متلهفين على قصصكم

..

 

[Ririi]

رد: ^^••^^تجمع حوامل مواليد شهر **نوووفمبـ11ـر2013** ^^••^^

السلام عليكم خواتي الجميلات
عيدكم مبارك وعساكم من عواده والله يسهل عليكم يارب وتولدون بسلامه وصحه وعافيه وبيبياتكم بالف خير يارب ويكتبهم من الصالحين

مشكورين وايد وايد وايد خواتي وانا وايد اسفه لان خليتكم تحاتوني بس والله ظروفي كانت جداً صعبة الفترة اللي غبت فيها
طبعاً اخر يوم قتلكم اني صايره كلش ماانام عدل واسفل ظهري يعورني الوسواس اشتغل فيني رحت طوارئ الصباح الصبح ونطرت 4 ساعات على ماحاشني الدور دخلت على دكتوره هنديه قتلها ان يعورني ظهري وقتلها عن تاريخي الصحي قابت انتي حملج خطر خصوصا الحين لان سبق لج الاجهاض بهالفتره لازم افحصج رفضت قتلها ابي سونار حولتني عالسونار ولا الصاعقه رحمي مفتوح من الجهه الداخليه 2 سم خفت بجيت ودكتورة السونار اطمنيني تقولي عادي في وايد حوامل يصير معاهم جذي ويكمل الحمل على خير لا تحاتين رديت حق الدكتوره الهنديه جان تقولي انتي دخول مستشفى كلمت زوجي كان بالدوام ييب ملفي كنت ناسيته بالبيت وييب عقد الزواج وصور بطاقاتنا المدنية يبونهم قالي نطري لا ادشين خل ايي معاج او اييب امج عالاقل قتله ممنوع محد يدخل معاي عصب مو بكيفهم اقوله هذي سياسة المستشفى شسوي وانت لي ييب السيستر بتعطيك اغراضي وجنطتي وهدومي حتى موبايلي بياخذونه
ودوني غرفة الولاده الجناح اليديد الحمدلله كان نظيف وفي الغرفه تكرمون حمام ويمي تلفون حطولي جهاز التخطيط وخذو مني تحاليل دم وتكرمون بول ومسحه وتميت 4 ساعات تحت الملاحظه مافيني طلق يوني دكاتره استشاريين اثنين قالولي الحين لازم نحافظ على حملج كثر مانقدر علشان وزن البيبي يزيد لانج باول السادس والولاده بهالفتره خطره على جنين طبعاً انا ادموع ادموع خايفه عالبيبي قالو لا تحاتين ان شاء نحولج على استشاريه رئيسة الوحده واهي اتحدد خطة علاجج
حولوني جناح عمومي ابو 4 سراير يم بعض كان الجنااح ضيم ضيم بمعنى الكلمه اهو نظيف كسرير وشراشف تبدل كل يوم بس تكرمون الحمام مأساة والكل يستخدمه وكل شوي اطلب ويل جير واروح تكرمون الحمام لان انا وايد اروح وهذي بروحها قصه
ثاني يوم يت الاستشاريه اللي مسؤلة عن حالتي قالت انتي راح تقيمين معانا لي الولاده وعطتني ابرة رئة وابر سيولة كلكسان يوميه جسمي زرق من هالابر وابره تثبيت اسبوعيه وطلع فيني التهاب بالبول والمهبل وانا ماادري عن روحي اهو اللي سبب الرحم يفتح انا يوم دخولي المستشفى حسيت بالافراز اول مزه وكان خفيف مصوفر اثاري التهابي قوي وماكنت حاسه فيه معنه اشرب واااااايد ماي باليوم لترين سألت الدكتوره ليش يحوشني انا وايد اشرب ماي ومهتمه بنظافه المنطقه قالت عادي الحوامل تكون مناعتهم ضعيفه وعالميكروب عايش على جسمنا بس تقل المناعه يهجم وركبولي مثل ابره المغذي بايدي علشان كل 6 ساعات يعطوني ابرة المضاد الحيوي طبعاً كل الابر حاره وتعور وعروقي طقت من كثر سحب الدم والمضادات الحيويه
انتقل لي غرفه خاصه والحمدلله كانت يديده وزينه والسيسترات كانو يهبلون حنونين وايد
وكل يوم الصبح يمرون علي الدكاتره يجيكون علي يوميا 6 مرات يجيكون على نبض البيبي ومرتين على ضغطي وحرارتي وكل يوم الصبح يسولي تخطيط وعينة بول تكرمون علشان يجيكون مافيني زلال غير السونار الاسبوعي اللي اسوي وكل فتره مسحه وعينة بول حق الالتهابات اللي مافجت عني استغفرالله
اخر سونار الرحم خلاص فتح كله يدوب جم ملي اللي مسكر والبيبي نزل تحت قالت دكتورتي خلاص يمكن هالاسبوعين تولدين بس انشاءالله لا واتمين عالاقل لي الاسبوع 34 او 35 بس بلغينا اذا شفتي دم او نزل عليج الماي او حسيتي بالم طلق والحمدلله وزن البييبي صار احسن من قبل والخطوره قلت
طبعاً انا بهالفتره كلش ما اتحرك كله بالفراش اللهم روحتي لي تكرمون الحمام وكنت اسبح وانا قاعده عالكرسي واصلي وانا قاعده
قبل ولادتي بيومين نزل علي الماي مت من الخرعه وقمت ابحي ماابي اولد مبجر ابي اوصل عالاقل 34 اسبوع بلغت السيسترات بسرعه نادو الدكتور ياني فحصني ولا مفتوحه 4 سم ومااحس بطلق ودوني جناح الولاده حطولي تخطيط وكل شوي يفحصوني تميت 4 سم ومافيني طلق اخر شي قالولي باجر نسويلج سونار نطمن وعادي اتمين جذي لي الولاده مافيه ضرر عالبيبي نبيج عالاقل توصلين لي الاسبوع 34 يكون البييبي وزنه وصل الكيلوين
وطبعا ممنوع اتحرك من الفراش الا للضروره القصوى يعني مره بس بهالفتره النفسيه صار اقل من الصفر تخيلو كل ماابي اروح تكرمون الحمام انادي السيستر اتيبلي القيصريه واسوي بالفراش وييع وييع وييع كنت حدي منقرفه من نفسي وحسيت روحي عاجزه ان ابسط شي اسوي حق روحي مااقدر الا بمساعده حتى صلاة كنت مااقدر اصلي احس روحي نجسه
الله يشفي كل مريض ويهون على كل حامل وعسى يارب محد يمر باللي انا مريت فيه
مرتني دكتورتي ثاني يوم طمنتني ان نزول الماي عادي بس لازم انتبه اذا نزل مني افراز لونه غريب او ارتفعت حرارتي او حسيت بالم الطلق بس هم قالت انا متوقعه هاليومين بتولدين بس ان شاءالله ماتولدين وتوصلين لي اطول مده ممكنه
ليلة ولادتي ماحسيت بحركة البيبي بالليل المعتاده خفت بس قلت يمكن نايم حبيبيقلت الفير اتريق واطمن لما ايبون جهاز النبض .. صار الفير تريقت امي حاطتلي يمي جم فطيره اكلتهم مع حليب موز وعصير مشكل قلت علشان يتحرك ماتحرك يوني السيسترات الساعه 5 كعادتهم الصبح يجيكون على النبض وضغطي وحرارتي كل شي اوكي الحمدلله جان اقولهم ماحسيت بحركة البيبي على طول يابولي التخطيط قعدت ساعه ماكو حركة بلغو الدكتور الخفاره قال نزلوها الولاده
هالمره ودوني جناح ولاده قديم اللي كل ثنتين بغرفه وماكو تلفون اللي يمي غازه ابرة ظهر وقاعده اتشخر ماشاءالله
حطولي مغذي جلكوز وجهاز تخطيط وقاسو حرارتي كانت طبيعيه ونبض البيبي تمام بس ماكنت احس فيه بعد ساعه حسيت ارتفعت حرارتي بلغت السيستر ولاحظت نبض البيبي قام يزيد ولا حرارتي ارتفعت
واشوه من حظي تو الشفت الصبح مبلش ورئيسه الوحده تفتر مع دكاترتها يات شافت حالتي وقالتلها السيستر ان حرارتي ارتفت وشافت التخطيط وقرت ملفي وعرفة بقصتي قالت انا انصحج ان انولدج لان الحراره والنبض شي مايطمن وكانو مسويلي سونار علشان يشوفون موقع البيبي كان راسه تحت قالت دام البيبي راسه تحت وانتي مافيج طلق ونبضه الحين زين مرتفع شوي نعطيج طلق صناعي ونولدج افضل قتلها اللي تشوفونه من مصلحة البيبي سووه بس بلغي دكتورتي قالت الحين ابلغها علشان اذا لها راي ثاني يات دكتورتي مع هالدكتوره وقالت خل نولدج احسن لان انا قتلج الحراره مو زينه قتلها اللي تشوفونه بس قالرلي لاقدر الله صار شي نحولج عمليه قتلهم ماعندي اي مانع اهم شي سلامة البيبي ياني الدكتور اللي اصغر بلغته ان ابي ابره ظهر وقتله انا موقفه السيوله صارلي 3 ايام طبعا اللي تاخذ سيوله مايصير تاخذ ظهر الا تكرن موقفتها من فتره قالي ماكو اي مشاكل دامج موقفه صارلج مده ركبولي الطلق وقالولي لي حسيتي بالم بلغينا انييب دكتور التخدير
يوم بلش العوار قلت حق السيستر ويه الدكتور علشان يعطيني الابره يوم درى اني ماخذه ابر سيوله مارضى قال لازم تحاليل وانا الالم بدا يشتغل دكتور تكفه غزني قالي مستحيل خطر عليج دكتور مسويه تحاليل امس قال لا لازم يدد قتله متى تطلع نتايج التحاليل قالي 4 ساعات يااااااااااارباااااااااااااه 4 ساعات شلون اتحمل الالم قال عطوها كمام وهدني ومشى وانا اتلوى من الالم واقول يااااااارب سهل علي يارب هون علي وادعي للبيبي وابجي واصرخوالكمام مااحبه وكان خربوطه ابي اشم يطيح الهوز جان احذفه والالم يزيييييييد واصرخ من قمة راسي اول مره اسمع نفسي اصرخ جذي وايد صوتي كان عالي وابجييييييي بجيي طبعا بس انا شايله غرفة الولاده بصراخي كلهم ساكتين ونايمين وغازين ابره ظهر الا انا الفقيره المسكينه جان احس البيبي قاعد يدفع بيطلع وانادي السيستر نييييرس تعالي بيبي بيطلع اختبصت بيبي جان تفحصني ولا 7 سم قالت انتي ولاده ماينفع ابره ظهر واترجاها عطيني ابرة ريلاكسنج عالاقل قالت لا بعدين بيبي مايدفع خلاص مابقى شي وتنادي دكتوره كويتيه تهبل تهبل يت قالت انتي كل اللي تسوينه غلط محد يصرخ غيرج قتلها كلهم ابرة ظهر الا انا قالت ماعليه ادعي وتحملي قتلها ساعديني الله يخليج قالت انا وياج بس انتي اللي تساعدينه وادعي الله بكل طلقه اول ماتحسين بالم قمتي نفسج لي داخل وسوي بوش واسوي اللي تقول عليه طبعاً جسمي مافيه حيل لان فتره طويله مااتحرك فكل عظامي يابسه ومااقدر اشيل روحي وحده من السيسترات ماسكه ريلي مع ايدي علشان وضعية الولاده والدكتوره اتشيك على طلعة البيبي وحده مقابلتني اتشجعني عالبوش مع الدكتوره وكل شوي ادفع وينهد حيلي واقولهم شكثر باجي يقولولي سوي بوشين 3 والبيبي يطلع وانا خلاص روحي طلعت مافيني طاقه يمكن سويت ولا 20 بوش اخر وحده مسكت روحي قالت الدكتوره لا تقطعينهاطولي البوش واقمت روحي واسوي اطول بوش لي نسمي انقطع وحسيت قلبي بينفجر والدكتوره حسيت يابت شي وقصت المكان والحمدلله طاع وسمعت يبجي وبسرعه خذوه لي الحضانه حبيبي يمه طقت عرقي وانا بس ادفع عقب يتني رجفه مو طبيعيه
الدكتوره خذت بريك والنيرس طلعت المشيمه قالت بس تخلص ترد اتخيطني بس في دكتور قالها انا اخيطها ودوني لي غرفة الخياط وخيطني عقب قعدوني بالملاحظه ساعتين بعدين صعدت غرفتي خواتي يوم شافو ويهي اخترعوووو عروووق ويهيي وارقبتي وصدري كلهااا طلعت وصارت اورده حمرا من كثر الصراخ وضغط البوش
هذا باختصار كل اللي صار معااااي
نصيحه ابرة ظهر بنااات لانها رحمه ماسمعت احد يصرخ بس طلعت البيبي يبجي
وانا شكلي اول وحده قصت شريط الولاده بالتجمع
ومبروك حق اللي ولدو الحمدلله على سلامتهم وسلامة البيبي ربي يكتبه من الصالحين
ويارب يهون عليكم خواتي ويرزقكم بالولاده السهله يارب
وادعو حق ولدي يطلع بسلامه يارب

 

[Ririi]

رد: ^^••^^تجمع حوامل مواليد شهر **نوووفمبـ11ـر2013** ^^••^^

عذروني عالاخطاء الاملائية والبدليات والقصه طويله بس حاولت اختصرها قدر الامكان

 

[unknown1988]

رد: ^^••^^تجمع حوامل مواليد شهر **نوووفمبـ11ـر2013** ^^••^^

يا بعد عمري يا ريري الحمدالله على سلامتج .. صج تعبتي وتأذيتي بالنهايه كله اجر لج ان شاءالله ..

و انا اقرا اخنقتني العبره .. الله يعينج صج تعب .. بس ماعليه الله يفرح قلبج بشوفة ضناج ويطلع سالم يااارب

كلنا ندعيلج ..

حاولي الحين تغيرين نفسيتج وترتاحين و تتحركين وتجابلين البيبي ..

انتي ولدتي بأي اسبوع ؟

وطمنينا عن البيبي .

و طلعوج عادي بعد الولاده بيومين ؟

 

[Babystyle]

رد: ^^••^^تجمع حوامل مواليد شهر **نوووفمبـ11ـر2013** ^^••^^

بعد عمري ريري والله اقلوبنا كانت عندج الحمدالله انج ابخير اللحييين ابصراحه مو عارفه شقول الا الله ايعافييج ويعافي البيبي واتشوفينه بين ايدينج وبصحه وعافيه

 

[tota77]

رد: ^^••^^تجمع حوامل مواليد شهر **نوووفمبـ11ـر2013** ^^••^^

حياتي والله ريري المهم سلامتج وسلامة البيبي

عسى الله يمسح على قلبج عالصبر هذا والله يآجرج يااارب

الحمدلله على عطية الرحمن والله يزقكم بره ..


الحين نبي تاريخ الولاده واسم الشيخ

 

[فاقده حنان ابوه]

رد: ^^^تجمع مواليييييييد شهر ديسمبر12//2013... إن شااااااءالله^^^

مساء الورد
ياربي الاشهر الاخيره ثقيله

 

[مجنونه الكويت]

رد: ^^^تجمع مواليييييييد شهر ديسمبر12//2013... إن شااااااءالله^^^

حبيبتي روحي دار الشفا كل الدكاتره موجودين

الثقل الله يعينا عليه، انا من حملت وبطني نااازل حيل

 

[أبكاني ذنبي]

رد: ^^••^^تجمع حوامل مواليد شهر **نوووفمبـ11ـر2013** ^^••^^

الحمدلله ع سلامتج ريري

وان شاء الله ماجووره عاللي مريتي فيه

واهم شي قمتي بالسلامه انتي والبيبي

والله خنقتني العبررره اندمجت معاااج

الله يقووم البيبي بالسلامه وتشيلينه بحضنج وتفرحين فيه

والفال للباقين

 

[Dalo3at Rayli]

رد: ^^••^^تجمع حوامل مواليد شهر **نوووفمبـ11ـر2013** ^^••^^

..



ريييييييري يَ حياتتتتتي والله قطعتي قلبي
واايد تعبتي كله بأجره حبيبتي

تأثرت بقصصتج حيييل حسييت ان الام شكثر تتعب و تشقا ' (
و انشالله تفرحين بشوفة ضناج بحضنج صاحي و سالم يَ رررب

و الحين ارتاحي و تنفسي عدل
و الله يقومكم انتي و النونو بالسلامه يَ رررب ♡♡


​

​

 

[Baby_Blue]

رد: ^^^تجمع مواليييييييد شهر ديسمبر12//2013... إن شااااااءالله^^^

بنات انا طول اليوم ادهن بطني و خواصري
استخدم بيبي اويل و زيت اللوز و كريمات حق التشققات
اخر شي بطني تشققت ماااكو فايده

ميوزك حبيبتي ان شاءالله مافيج الا العافيه .. طمنينا عليج

 

[سنيار البحر]

رد: ^^^تجمع مواليييييييد شهر ديسمبر12//2013... إن شااااااءالله^^^

شلونكم بنات

 

[مجنونه الكويت]

رد: ^^^تجمع مواليييييييد شهر ديسمبر12//2013... إن شااااااءالله^^^

في كريمات بالصيدليه همن لتشققات البطن

سنيار انا الحمدلله بخير ، شخبارج انتي؟

 

[مرت الغلا]

رد: ^^••^^تجمع حوامل مواليد شهر **نوووفمبـ11ـر2013** ^^••^^

الحمدلله عالسلامه ريري
ياقلبي حدج تعبتي غورقت عيوني من قصتج
شكثر قعدتي بالمستشفى من اي اسبوع !؟ واي اسبوع ولدتي!؟
الله ياجرج يارب ويفرحج بطلعة ولدج وتشوفينه بحضنج

الفال لكم كروشات بالولاده السهله يارب

 

[مرت الغلا]

رد: ^^^تجمع مواليييييييد شهر ديسمبر12//2013... إن شااااااءالله^^^

ميوزك طمنينا عليج

بيبي بلو الجفاف زايد كثري ماي بعد

ريانه وينها!؟

 

[كيميائيه]

رد: ^^^تجمع مواليييييييد شهر ديسمبر12//2013... إن شااااااءالله^^^

ميوزيك تيشر
طمنينا عليج شصار معاج


بيبي بلو
الكريمات تخفف التشققات ولكن ماتمنعها للاسف!!

والاشهر الاخيره صج ثقل بس هانت

باجي البنات شلونكم

 

[أبكاني ذنبي]

رد: ^^••^^تجمع حوامل مواليد شهر **نوووفمبـ11ـر2013** ^^••^^

مرت الغلا



اللهم اميين واجمعين ياارب




شخباااركم ؟؟




مافي اخبار يديده؟!!!






استانست عالولادات ههههههه