^^••^^تجمع لجميـع حوامل سنـــه 2013** ^^••^^

[Öm àlkeek]

رد: ^^••^^تجمع حوامل مواليد شهر **نوووفمبـ11ـر2013** ^^••^^

امبلا بس مرات يقولون لي مومبين ومرات ولد وشاكه بهالسالفه صراحه

 

[أم الكيك]

رد: ^^^تجمع مواليييييييد شهر ديسمبر12//2013... إن شااااااءالله^^^

مشكورين بنات عالترحيب
مرت غلاي بحملي الاول كان ضغطي ينزل ويغمى علي وايد بس من الشهر السابع بدت معاي هالشغله
بهالحمال بدت الحاله من اول الاشهر والدكتور يقولي مافي حل طبي لان مايحب يعطيني شي يخاف عالبيبي وايد فنصحني بالخيار المخلل واللبن المالح والله كريم ان شالله
حبايبي بالنسبه للحسبه ترا من تدخلين شهرج تبدين العد التنازلي يعني من شهر ١١ ان شالله مابقى شي ان شالله سهالات
بحملي اللي طاف كان موعد ولادتي ٢١/٥ بس ولدت ٣٠/٤

 

[حلااتك حلم]

رد: ^^••^^تجمع حوامل مواليد شهر **نوووفمبـ11ـر2013** ^^••^^

الشر ماييكم بنات


توني سويت عصير ليموون



دلوعه ريلي

اي يهبل نكست بس اسعااره حيل غاليه



ام الكيك

منو الدكاتره اللي رحتي لهم

اذا الحكومه ترى مايعلمون النوع
انا مثلج رحت الحكومه ماقالولي النوع

وبالهادي الدكتوره مصريه قالت الحبل السري بين الرجول مو مبين
ومستشفى طيبه قالتلي دكتوره امل ان مو مبين

وفي كذا دكتور قالي ولد




انتي روحي لدكتور شاطر

انصحج لمحسن طلبه الامومه
او نصر هيبه الراشد

 

[حلااتك حلم]

رد: ^^••^^تجمع حوامل مواليد شهر **نوووفمبـ11ـر2013** ^^••^^

ام الكيك انتي قبل قلتي ان في بنتج الثانيه كان قايلين لج ولد وطلعت بنت
صج صدمه

شلون كنتي مجهزه ازرق

 

[Dalo3at Rayli]

رد: ^^••^^تجمع حوامل مواليد شهر **نوووفمبـ11ـر2013** ^^••^^

​

ام الكيك روحي حق دكتور شاطر انصحج بـ دكتور اشرف ..
و في بعد دكتور مصري شاططططر حييييييل موجود بعيادة بو حمره !

قاللى الجنس من اسبوع 13 ..

،

حلاتك ايي من صجج نااار انصدمت ,
طبعا بس عندنا لان ريلي يقول عندهم واايد رخيص !

دشي جيكي عالموقع فرق اسعارهم ويانا وااايد ,
حرام البضاعه عندنا سعرها يصير دبل كلش ماكو رقابه : /
​

​

​

 

[Öm àlkeek]

رد: ^^••^^تجمع حوامل مواليد شهر **نوووفمبـ11ـر2013** ^^••^^

حلاتك ايه كانو قايليلي حتي حزة الولاده بس انا شاكه لانه رحت لدكتوره اميره وقالتلي هذي اخت لأختها بنت 100٪
فجهزت كله بيج ووابيض وكله من تجهيز بنتي اللي قبل كنت ماخذه بيج وابيض انا اخاف اتوهق باللون
بس الحين دكتورتي مي قالت مومبين ودكتوره ثانيا بدار الشفا قالتلي ولد
اصلن بجهز كله ابيض وبيج ولي ولدت اخلي امي تجيبلي جم طقم اذا كان ولد ازرق والبنت وردي

 

[Öm àlkeek]

رد: ^^••^^تجمع حوامل مواليد شهر **نوووفمبـ11ـر2013** ^^••^^

اهم شي عندي انه طبيعي وانا اولد طبيعي

 

[حلااتك حلم]

رد: ^^••^^تجمع حوامل مواليد شهر **نوووفمبـ11ـر2013** ^^••^^

اي والله اهم شي الصحه والعافيه


والولاده السهله الميسره

 

[tota77]

رد: ^^••^^تجمع حوامل مواليد شهر **نوووفمبـ11ـر2013** ^^••^^

بنااات واخيرا طلبت خدامه وان شاءالله تطلع زينه ومافيها بلا وتوصل قبل ولادتي

خذيت وحده اول مره تشتغل فلبينيه .. وعندها 3 عيال صغار سنتين و 3 سنين و 3 اشهر ..

قلت عز الطلب هذي المطلووبه طلبتها على طول وننطر عاد الموافقه متى يردون علينا

 

[مرت الغلا]

رد: ^^••^^تجمع حوامل مواليد شهر **نوووفمبـ11ـر2013** ^^••^^

الله يحييكم بنات مشكورين
ام الكيك جهزي الوان ثانيه برتقالي بني بيج
تركب للجنسين وعسلي حلو احب هاللون استقبالي
ان شاء الله كله عسلي

مبروك عالخدامه ان شاء الله يوافقون بس مادري احس
عندها بيبي شهرين حرام بتحن له وايد انا افضل شوي كبار واعيالهم كبار
يعني اعمار الخدم فوق 30 حلوين وراكدين شوي

 

[مرت الغلا]

رد: ^^^تجمع مواليييييييد شهر ديسمبر12//2013... إن شااااااءالله^^^

ام الكيك كلش ماينفعني المخلل فيني غولون

واي بنات ملل وزهقه

قاعد افكر بالولاده واستقبال وتجهيز البيبي
والنفاس وطلعت النفاس هههههه ميزانيه يابووووي

 

[missdnty]

رد: ^^^تجمع مواليييييييد شهر ديسمبر12//2013... إن شااااااءالله^^^

السلام عليكم


اهلين ام الكيك نورتي


مرت الغلا عادي الدوخه والضغط انا من حملت كل مراجعتي
ضغطي نازل حيل و هذا غير الغولون


في شغله تصير فيني بعرف في احدد مثلي
تكرمون لمن ابي اروح الحمام مو حسرانه حيل
بس من حركة البيبي اسويها شويه
فعشان جذي حتي لو ابي الحمام ع طول اروح ماقدر انطر

 

[missdnty]

رد: ^^^تجمع مواليييييييد شهر ديسمبر12//2013... إن شااااااءالله^^^

خاايفه من الولاده اشووف اليوتيوب اكتب ولاده طبيعيه وولاده قيصريه
عاد تعالوووووا شوفوا البلاوي

 

[مرت الغلا]

رد: ^^^تجمع مواليييييييد شهر ديسمبر12//2013... إن شااااااءالله^^^

مس دنتي عادي ينزل بس لما ينزل حيل وبيغمى علي الا شوي هذي اتعب

يمكن الي عندج يسمونه سلس بولي يصير مع الحمل عشان ضغط البيبي
اتوقع جذي
اهم شي كل شوي دشي حمام فرغي مثانتج حتى لو مو محصوره
واذا دشيتي قبل لاتغسلين روحي جدام وورا عشان تتاكدين انها فضت مثانتج


لادشين وتشوفين يمه انا شفت ابره الظهر بغيت اموت ونفسيتي اتعبت
خلي كل شي صدمه احسن ههههه

 

[tota77]

رد: ^^••^^تجمع حوامل مواليد شهر **نوووفمبـ11ـر2013** ^^••^^

مرت الغلا مالقيت الا هذي ويها سمح وعمرها 28 ودام عندها ياهل صغير راح تصير حنونه عالياهل عندي

واهي كاتبه ان بتشتغل عشان عيالها .. وامها اهي بتجابلهم وقت شغلها والعقد سنتين


والله انا ادعي ان كانت زينه الله يعجل بييتها وان كانت مو زينه الله يبعدها عني يارب

وانشالله الامور تكون طيبه


اما الباجي الي شفتهم اعمارهم 39 و 41 و44 !! قلت شسوي فيهم كبار وايد ومشتغلين بالكويت

هذي الي طلبتها اول مره مومشتغله من قبل

 

[missdnty]

رد: ^^^تجمع مواليييييييد شهر ديسمبر12//2013... إن شااااااءالله^^^

مرت الغلا هذا اللي قاعده اسويه كل شوي اروح تكرمين الحمام
وشنو سلس فيه خطوره ماقلت للدكتور
اسبوع الجاي موعدي بساله ؟

عااد اخاف من ابرة الظهر سمعت انها تموت استغفرالله او شلل ؟!

 

[حلااتك حلم]

رد: ^^••^^تجمع حوامل مواليد شهر **نوووفمبـ11ـر2013** ^^••^^

تووتا


الله يعطيج خيرها ويكفييج شرهاا

 

[Ririi]

رد: ^^••^^تجمع حوامل مواليد شهر **نوووفمبـ11ـر2013** ^^••^^

مرحباااا صديقاتي الحلوااات

هلا بصديقاتنا اليدد حياكم الله عاد مو تقطعون التجمع تجمعكم
حلاتك سلامات اشفيكم الانفلونزا بالدور وحده ورى الثانيه الف لاباس عليج
ام حمده وفهده كنت باسمي حلا وغلا كنت مدلعه وحده حلاوه والثانيه جكليته حتى بالدلع دبقه واحب الحلو خخخخ
لو انا فيني توم يا بسمي نفس الوزن ديمه وريمه او هيا ومها او سارا ونورا او سميت دلال وفاطمه لانهم عزيزين على قلبي

ابكاني شلونج اليوم وشلون الحارج عسى خف

ام الكيك بشري خف العوار
توتا مبروك زين اتسوين هالعمر زين بس اخاف توله عالصغير لان توه بس ان شاءالله بتكون حنونه على البيبي لانها ام الله يسخرها لج يارب بسرعه سوي الفيزا لان اطول تاخذ ٤٠ يوم الى شهرين على ماتوصل

دلوووعه زين اتسوين قتلج ريلج خل يتشرالج احسن او انتي طلبي اونلاين يوصل لي بيت ريلج هناك اذا مشغول يروح السوق اخذي رقم كرته وحرقيه اونلاين
انا حق الخراب زاهبه

اللون الازرق عادي البنت تلبسه بس الولد وردي مشكله البنيه كل شي يركب عليها

 

[Ririi]

رد: ^^••^^تجمع حوامل مواليد شهر **نوووفمبـ11ـر2013** ^^••^^

على طاري طوارئ الصباح صج فيلم رعب انا لما اروح الطوارئ اشوف افلام رعب والدكاتره ترى من كثر مايشوفون حالات صار عندهم مناعه احس لو تبجين مايتأثر قلبه ميت صار يعامل المريضه جنها ماكينه جدامه مو بني ادمه من لحم ودم
بس العيادات الخارجيه الوضع هادي

 

[حلااتك حلم]

رد: ^^••^^تجمع حوامل مواليد شهر **نوووفمبـ11ـر2013** ^^••^^

اهلين ريري هلا بالطش والرش



الله يسلمج. شفتي شلوون بالدوور

عاد الجو رطوووبه حيل ويتعب اللي فيهم ربو عاد انا فيني ربو