رد: ^^^تجمع مواليييييييد شهر ديسمبر12//2013... إن شااااااءالله^^^
السلام عليكم
اشلونكم بنات
ودي الأيام تررررررركض أبي اوصل الشهر السابع أبي اجهز حق البي بي و أبي اعرف بنت او ولد اليوم قبل باجر مشتطه حدي
الله يتمم علينا بكل خير
هذي ثالث مره أحمل المره الاولى عندي ولد مثل العسل و المره الثانية صار اجهاض بدون سبب وقف نبض البي بي فجأه بأول الشهر الثالث
وهالمره إن شاء الله تقر عيني بشوفة البي بي شافي معافي يا رب احس متعلقه فيه وابيه
الحين انا أخذ حبوب مثبت
ادعولي بنات
انا بالاسبوع العاشر و حاسه ابإرهاق و تعب قوي ابجسمي لو امشي خطوتين اتعب و انهت
اللوعه خفت الحمد لله و موعدي مع الدكتور أخر شهر 5 بإذن الله
عليكم السلام
الله يتمم عليج يارب و يقر عينج بشوفته
ماشالله ثاني بيبي لج باذن الله و جذي متشوقه
شتقولين عني اول بيبي
يفز قلبي من ملابس اليهال واااي
احس ودي ايمع من الحين بس قاضبه نفسي
و الظاهر انا وانتي بالقروب سابقينهم
انا باجر انشالله ادش الاسبوع العاشر
واخر موعد ولاده 2 / 12
يعني انتي اكيد سابقتني بيوم
انتي اليوم دشيتي لاسبوع العاشر صح ؟ عشان يصير اخر موعد ولاده اول ديسمبر ؟
و الحر هذا انا حسيت فيه بالاسبوع الثامن وعديته
و يوم قلت لدكتورتي قالت عادي طبيعي
قلتلها اوصل لدرجه اخر ظهري يعرق
تقول طبيعي اصلاا في اجسام ما تتحمل الحر
و بالحمل الظهر يحتر عادي
و ترتفع الحراره عادي لانها بشكل بسيط
انا النساة هالاسبوع جنه جنه جنه رحمتني و خفت بنسبة 5 % لوووول
لان الاسبوع الثامن كان عذاب
و الاسبوع التاسع قاااااااااااتل من الترجيع و اللوعه و ما اكل و ابجي و ما انام و نفسيه اكس
و يهد الحييييل
اما الارهاق والتعب
ايي ان مبلش معاي من الاسبوع الثامن و ليلحينه
جنه احد كافخني
متليشه و جسمي يعوورني و كله منسدحه واكره الطلعه
و اموووت عالتسدح والتبطح جني عيوز مكسرة
وانا باذن الله هذا بجري من بعد اجهاض
انا تزوجت و عقب 3 شهور من زواجي حملت
من دريت اني حامل بس اسبوع جان ينزل علي دم واجهضت
وكنت بالاسبوع السادس بأوله الحمدلله ياارب
حتى ما احتجت تنظيفات
و عقب الاجهاض علطول الحمدلله حملت بهالحمله
ما يتني دورة عقبها
والله يتمم علي يارب و على كل الحوامل:yaaaaaarb:
بس الحمدالله الدم وقف تحول على بني خفيف 
