^^••^^تجمع لجميـع حوامل سنـــه 2013** ^^••^^

[ريـ’ـآنـهـ‘]

رد: ^^^تجمع مواليييييييد شهر ديسمبر12//2013... إن شااااااءالله^^^

صباح الخير شلونكم بنات



ميوزك شصار عليها


طمنيناا




امس نازل علي فرازات بيضة شكثر اول مره جذي حدددي اخترعت واحس برطوووبة تحت موطبيعيه


وعلى نومة وقومة الحمام زاااي موصج

 

[قرة عيونه]

رد: ^^^تجمع مواليييييييد شهر ديسمبر12//2013... إن شااااااءالله^^^

الله يسهل عليكم بنات وتولدون بالسلامه

ريعانه ليكون هذا ماي البيبي ؟ روحي الطبيب تأكدي

 

[مجنونه الكويت]

رد: ^^^تجمع مواليييييييد شهر ديسمبر12//2013... إن شااااااءالله^^^

جاني الفجر الم
في ظهررري وبطني نارر
وبطني ينمل
جنه بتجيني الدووورره


واستمر فوق 3 ساعات
واللحين الم خفيف لا يذكرر
بس مو قادره انام، مو عارفه شلون
اريح جسمي كلي يعورني ويطقطق


ببجي :'(

 

[Om_HoBi]

رد: ^^^تجمع مواليييييييد شهر ديسمبر12//2013... إن شااااااءالله^^^

انا مشكلتي لما اكل و اقعد على كرسي ظهري يشقني شق و يوم اليمعه تعشيت مع ريلي و رحنا سينما و قعدت عالكرسي بس افرك احوووس
ماني عارفه شلون اقعد عواااار بظهري
جان ريلي يوم نخلص يقولي اخر مره تروحين سينما ههههه يقولي بس خلاص كلها اسبوعين
بكيفه بولدني هههه

الحمام انا بالليل خلال النوم لازم من مرتين لي 3 ادشه و اقوم زين امشي اووووف

الله يعينا يارب

حطو ابالكم ولادة البجر غالبا قامت تصير مابين اسبوعين لي 3 من التاسع يعني اسبوع 38 و 39
خاصه للي تتحرك

انا الحين 36 و يوم
و برد امشي بالفريج عشان لي بغيت حمام ادش البيت هههه
بالدوام قالولي خلاص خشمج فرش ههههه اوووف حدي اجكريت
مسكين ريلي امس يطالعني و يقول انا خايف تهملين نفسج لي ولدتي و ماتلعبين رياضه و ماتردين نفس قبل


حده بعيش بصراااع و تحدي
ماتهنى فيني عقب 3 اشهر حملت فلازم ارد سمبتييييك


انا سويت سونار 4د بدار الشفا جنه كنت اسبوع 25 و حده يلوع الجبد ومابين عدل
تحسفت قطيت 55 عالفاضي كلش مو واضح كان

انا واايد احلم ببنتي و كل مره شكل بس كلهم حلوييين
بس مره حلمت فيها صغيره و بعدين ان بطلت اللاب توب و بالشاشه صورتها بس بعمر سنه ونص و تشااابه ريلي بس مع شعر شوي ههه

 

[مـرت الـغالي]

رد: ^^••^^تجمع حوامل مواليد شهر **نوووفمبـ11ـر2013** ^^••^^

انا ليلحيني صامده ،، عندي موعد باجر مع الدكتورة ونشوف شتقول

ابكاني الحمدالله خياطج زين وعقبال ماتطيح الغرز وترتاحين

مابقى شي وينتهي الشهر ،، ويسكرون التجمع عاد لاننسى بعض وخل نسوي تجمع حق بيبياتنا

 

[كيميائيه]

رد: ^^^تجمع مواليييييييد شهر ديسمبر12//2013... إن شااااااءالله^^^

شلونكم بنات
انا متأزمه من التاسع احس خفت ومابي اولد ولا اراجع عند الدكتوره:"((

مجنونه
انا البواسير مأذيتني وعطتني الدكتوره تحانيل
واسبوع كامل ينزفون
هديت علاجها وقاعده استعمل كريم المستوصف اريح ووقف الدم

 

[سنيار البحر]

رد: ^^^تجمع مواليييييييد شهر ديسمبر12//2013... إن شااااااءالله^^^

اشوه الحمدلله

اليوم خدامتي وصلت

بروح المكتب اخذها

وبخليها تنام في بيت امي
لان شقتنا نتفه مافيها مكان كلش حتى غرفه للبيبي ماكو

 

[سنيار البحر]

رد: ^^^تجمع مواليييييييد شهر ديسمبر12//2013... إن شااااااءالله^^^

ط³ظٹط¯ط© ط¨ط±ظٹط·ط§ظ†ظٹط© طھظ„ط¯ ظˆظ‡ظٹ ظ†ط§ط¦ظ…ط© | ط£ط®ط¨ط§ط± ط·ط¨ظٹط© | ظ…ظˆظ‚ط¹ ظƒظ„ ظٹظˆظ… ظ…ط¹ظ„ظˆظ…ط© ط·ط¨ظٹط©

سيده بريطانيه لا تشعر بألم المخاض وتتفاجأ بخروج رأس الجنين

هههههههه يمه مت ضحك
اتخيل الموقف يصير فينا من كثر الحنه

 

[الغضى]

رد: ^^^تجمع مواليييييييد شهر ديسمبر12//2013... إن شااااااءالله^^^

الله يهوووووووووووووون عليكم وتولدون بالسلامه

 

[سعـــــودية]

رد: ^^^تجمع مواليييييييد شهر ديسمبر12//2013... إن شااااااءالله^^^

ربي يهون عليكم


بصراحه موضوع البريطانيه صدمه زين انتبهت

 

[Bio_reem]

رد: ^^••^^تجمع حوامل مواليد شهر **نوووفمبـ11ـر2013** ^^••^^

قوة بنات

ليش تكرهون النفاس؟
شدعوه الطلعات اخر الحمل وناسه ومريحه؟
نصيحه لاتعيشون جو نفاس وتوتر، عيشوا يومكم عادي
يعني اكلوا مع اهلكم حتى لو اكلكم غير، لبسوا عادي حتى لو شي دافي ماله داعي الشكل الكئيب لبعض الحريم
اذا لقيتوا وقت مثلا البيبي نام ومافيج نوم تابعوا شي مع اهلكم انا شاريه افلام ومتى ماحصل اطالع مع اختي
اللي عندها ولد او بنت اكبر خل ابوهم ياخذهم عنج بالنهار او العصر تريحين .. لاتحبسين نفسج بغرفة عن العالم اكيد بتكتئبين

 

[Bio_reem]

رد: ^^••^^تجمع حوامل مواليد شهر **نوووفمبـ11ـر2013** ^^••^^

ابكاني
قصتج تعور ماعليع جم ساعه وعدت وزين مادفعتوا لهم حلوه هذي اهي تسافر وهم تاخذ اجر الولادة!
شنو يعني طريقه دكتوره فوزيه اهي عندها طريقه توليد من اختراعها يعني!

 

[أبكاني ذنبي]

رد: ^^••^^تجمع حوامل مواليد شهر **نوووفمبـ11ـر2013** ^^••^^

بيوو رييم


سبحان الله كآبه جذي مع اني مادفنت نفسي مثل نفاسي قبل لبسي عادي

ماتدفيت وايد ماداني الحر كلش وصج اشتقت لبيتي وريلي

قاعده احاول اخلي يومي عادي واحس الحمدلله يوم عن يوم احسن

ولو اني فاااقده طلعاااتي بسيارتي والتمشي

 

[أبكاني ذنبي]

رد: ^^••^^تجمع حوامل مواليد شهر **نوووفمبـ11ـر2013** ^^••^^

شدراني عنهاا اقولج ريلي استنفر عليهم

وقال انا قاعد لهم شغالين نهب ونصب عالناس والريال يدفع فرحان بسلامه زوجته

وفرحان بالبيبي واهم يستغلونه

 

[Bio_reem]

رد: ^^••^^تجمع حوامل مواليد شهر **نوووفمبـ11ـر2013** ^^••^^

الولادة القيصرية عند دكتوره امل عبدالعزيز الراشد مستشفى السلام

ليلة العملية:
مر دكتور البنج العام واخذ معلومات عني والاشياء اللي عندي منها حساسية واذا اشكي من امراض معينة او اخذ ادوية معينة، ولان انا اعاني من الربو اقترح علي اني اولد بابرة ظهر، فقلت له انه هذي النية بس ابي اعرف مدى خطورتها ومضاعفاتها، فقال لي ابدا، الابرة هذي اصلا آمن شي للام والطفل واسهل للطبيب، لان اولا مو كل جسمج يتخدر فاثر المخدر على جسمج اكيد اقل، يعني ماراح ياثر على جهازج التنفسي او المخ لانج بتكونين واعية والابرة اثرها من النصف وتحت ، وسألته حتى اذا تأثر في الرضاعة فقال بالعكس المخدر تاثيره مباشره على الجهاز العصبي غير المخدر العام يظل بالدورة الدموية وممكن يدخل في الحليب، وقال لي فيه اختيارين اما تاخذين ابرة الظهر ويظل اثرها عدة ساعات بعد العملية وبعدها تظلين على مسكنات او انج تاخذين الابرة وتظل بظهرج نعطيج منها المسكنات طول اليوم ، وهذي افضل لان الابره موجوده موجوده وايضا التاثير يظل نصفي، توكلت على الله واخترت الثاني.
وخذوا مني عينة دم والصبح مرت الممرضة ومعاها لبس العملية وتجهزت للنزول

اثناء العملية:
لما نزلت مرت الممرضة ومعاها دكتورتي ودكتورة التخدير و طلبت مني دكتورة التخدير اني اقعد واحضن وسادة وارخي كتفي ، وقالت راح تحسين بماي بارد ، فعلا كانت تمسح بسائل بارد بعدين قالت اخذي نفس عميق ، وحسيت بالابرة وفزيت ، قالت لا لا يا ريم ريلاكس وقعدت كل مابغت تدخلها اشد ... قالت ماتساعديني، وبصراحه دخول الابرة يعور ، نفس ابره الدرب بس لان المكان حساس، وكانت الممرضه واقفه قبالي وماسكتني وتقول لي تبين تضغطين على ايدي ضغطي بس رخي ظهرج، واخيرا دخلت الابرة وبس دخلت ماحسيت بعوارها ، سدحوني على ظهري وحطوا حاجز بيني وبين بطني والدكتوره مع الطبيب المساعد يسولفون معاي ، طبعا بديت احس بتنميل بريولي قعدت الدكتوره تمسح بطني قلت لها دكتوره ترى ليلحين احس! قالت بس قاعده اعقم المكان ، قلت لها احس بريولي، قالت ارفعيهم، وماقدرت ارفعهم، قالت ليلحين خمس دقايق ماراح تحسين بشي، يمكن تحسين بشي ينشد اذا طلعنا البيبي بس لاتخافين ماراح تتألمين كلش، وبعدها بديت فعلا احس بحركه ببطني بس ما اقدر اقول شنو هو ومايعور بس مرتين يمكن قلت اي ، خوفا من الالم مو لانه مؤلم، قعد الطبيب يقول اذا ولد تسمينه علي، والدكتوره تطالعني تقول لي ها ريوم دقيقه نوريج الولد ، وفعلا شوي الا يوروني اياه، بعدين مادري الظاهر نظفوه ماعلى سكروا الجرح كنت اسمعه يصرخ، جان اييبونه اشوفه مره ثانيه، بعدها عطتني دكتوره التخدير ابره نومتني شوي يمكن دقيقتين ثلاث وصحيت كنت ليلحين بالعمليات عند الافاقه، ومركبين لي كيس دم، دكتورتي كانت مجهزة لي اياه لان عندي نقص حديد انا، وحاطين لي بعد من الظهر مسكن الم، بس بديت احس ان التنميل قاعد يفج، بس خلص نقل الدم ودوني غرفتي، وظليت طول اليوم على ظهري مع المسكن، بس كنت واعية انام عادي من التعب واقعد عادي مو دايخه من المسكن والتخدير مثل عمليتي الاولى ببنج عام. طبعا ماكو اكل اول يوم لين ١٢ ساعه من العمليه مسموح بالسوائل بس

اليوم الثاني من العملية:
مرتتي دكتورتي الصبح وتطمنت علي وعلى الجرح وقالت لي ان ثاني يوم هو اغث يوم، لان راح نشيل ابره الظهر وراح تحسين بالعوار، واكثر عوار راح تحسينه بسبب الغازات، عشان جذي راح نعطيج دوا فوار لهالموضوع، وفعلا وقفوا المسكن اللي بالظهر وبدت ريولي تتحرك، اهي تتحرك من اليوم اللي قبله بس ما ارفعها عدل، قالت ليما ترد تحركينها عدل يا الله نقومج تمشين، وبس قدرت احركها شالوا كل الدربات والابره ووقفتني السستر عشان اغسل وابدل طبعا الحركه صعبه وانا لان فيني ربو اول ماتوقفين تحسين تاخذين تفس بصعوبه المهم وبعدها بدا الغدا يكون اكل خفيف، ورديت للسرير تعبت وقمت مره ثانيه العصر حاولت اتحرك، طبعا كل مابغيت انزل او اصعد من الفراش انادي السستر تساعدني والحركه طبعا تعور خاصه ان فيني ربو قالوا لي مالج الا الباراسيتامول ( بندول) واكثر من مره طلبت مسكن اقوى قالوا مايصير، طبعا اللي عذبني اكثر شي ظهري، لان نومي كله بس على الظهر باستقامه احتاج الف على جنب بس ما اقدر لان اللف يعور مكان الجرح ، واللي زاد الطين بله ان انا اصلا نهايه عمودي الفقري فيه عظمه زايده تضغط على اعصاب الظهر فانا دايما ما احط حمل على ظهري فالنومه هذي المستقيمه وايد وايد تعبتني، طبعا اول ما شالوا المخدر مرتني مسؤوله الرضاعه الطبيعية

اليوم الثالث من العملية:
الحمدلله ثالث يوم تحسين فعلا وين كننا ووين صرنا، هم مرتني دكتورتي الصبح وسالت عن الاوضاع شكيت لها من الالم قالت لا شلون ماكو غير البندول، اكو اقوى لو قايلتلهم يكلموني، فقالت للسستر اول ماتقول لكم المريضه انها بالم تعطونها اتاميل ، وقالت لي هذا مسكن قوي شوي وراح تحسين برغبه في النوم يمكن، اذا طلعتي راح اعطيج اياه كبسولات حاولي تاخذينها للضروره مره مثلا باليوم واول ماتتحسنين او تلقين الالم خفيف محتمل بطليهم ، ويومها اقوم واقعد من غير السستر

رابع يوم من العمليه:
قعدت الصبح وقلت للممرضه ابي اخذ شور قبل لا اطلع فغطت الجرح بعازل للماء ودخلت سبحت وقوفا بالشور ولبست ىجهزت اغراضي طبعا اكو عوار والحركه نص نص بس مو عذاب وطلعت الحمدلله مع ولدي وعندي موعد بعد ١٠ ايام من العمليه مع الدكتوره

 

[Bio_reem]

رد: ^^••^^تجمع حوامل مواليد شهر **نوووفمبـ11ـر2013** ^^••^^

سوري القصة طويله بس كاتبتها للي محتاجين تفاصيل

 

[music_teacher88]

رد: ^^^تجمع مواليييييييد شهر ديسمبر12//2013... إن شااااااءالله^^^

ريانة حبيبتي انا بخير


سوووري بنات لهيت هلجم يوم
ثقلاااانة وكل يوم تخطيط بلصباح
والتحجر ذابحني

ونزل مني افرازات شفافة فسها نفس خيوط دم
ماراجعت مابي احد يفحصني ادري يمكن شي موزين بس ولله لاعت جبدي وانا صرت سبيل للكل يفحص بلصباح



مجنونة
وكيميائيه
الللله يعينكم علبواسير من شنو ؟؟؟؟
ماتشوفون شر يارب ♥








بنات انا للحين زايدة 14 كيلو انتو جم
واووول مايطلع البيبي جم كيلو ننزل ؟؟؟

 

[مجنونه الكويت]

رد: ^^^تجمع مواليييييييد شهر ديسمبر12//2013... إن شااااااءالله^^^

انا بحملي هذا 15 كيلو
وبحملي الاول 20 خخخخخ


ربي يهون علينا


ميوزك
البواسير فيني من قبل
بس مع الحمل تطلع وتصير تعوررر حيل
من الامساك المستمر تجي

الافرازات من علامات قرب الولاده

 

[مجنونه الكويت]

رد: ^^••^^تجمع حوامل مواليد شهر **نوووفمبـ11ـر2013** ^^••^^

الحمدلله ع سلامتج حبيبتي


والفال لنا بالقريب العاجل

 

[Om_HoBi]

رد: ^^^تجمع مواليييييييد شهر ديسمبر12//2013... إن شااااااءالله^^^

انا حاليا مادري جم زايده بس قبل اسبوع كنت زايده 16
وانا جسمي احس فيه ماي لأن شمتني وايد منتفخه ريلي مو ريلي والله
انا من النوع اللي ماعندي فخوذ او سيقان و الحين مليانه

بس مو زلال

لي الولاده اكيد بوصل 20
و مو مهتمه باكلي اكل متى ما ابي و اللي ابي بصراحه بس زهقت

المهم اول اسبوع خلال الولاده تقريبا 7 كيلو