^^••^^تجمع لجميـع حوامل سنـــه 2013** ^^••^^

[الـجـوري]

رد: ^^••^^تجمع حوامل مواليد شهر **نوووفمبـ11ـر2013** ^^••^^

انوووون
وحلاتك
وسناافيه



الف الف الف مبرووووووووووك يتربون بعزكم الحلوووين

 

[الـجـوري]

رد: ^^••^^تجمع حوامل مواليد شهر **نوووفمبـ11ـر2013** ^^••^^

لاتنسووووون قصصكم بس ترتاحووون بلشوو اكتبوها لنااا .. متشووووقين حدناا


والفال لناا يااارب ۆاللَّہ يسهل علـّينا


آنـا بلشت اشرب كف مريم .. ۆاللَّہ كرييم .. ﯾﺂررب تمم علـّۓ خيير ..

 

[الـجـوري]

رد: ^^••^^تجمع حوامل مواليد شهر **نوووفمبـ11ـر2013** ^^••^^

وبعد شوي بروح للمشاة بس انطر الاخ يخلص من المبااراة ..

بتمشى لمدة ساعتين متواصلات .. ابي اوووووووووووووولد << تبي تبجي ):

 

[كيميائيه]

رد: ^^^تجمع مواليييييييد شهر ديسمبر12//2013... إن شااااااءالله^^^

مجنونه
ماحب جذي
استعسر اذا كنت انطر والدكتوره تطلع ولاده


حنينوو
اهليين
دام قيصريه سهالات ان شاءالله


بنات
انا البيبيله عاليمين سبحان الله
ولما سالت الدكتور قالي عادي
بس اخر الثامن والحين احس حركتها بكل مكلن
يمكن عشان كبرت وضاج عليها المكان

 

[كيميائيه]

رد: ^^^تجمع مواليييييييد شهر ديسمبر12//2013... إن شااااااءالله^^^

ميوزك
ربي يسهل عليج ويقومج بالسلامه وتطمنينا
واحسن شفاطه ميديلا الصفرا


بنات
اليوم دكتورتي تقولي عندج بدايه خمول بالغده الدرقيه
لازم تراجعين دكتور غدد
سالتها شنو ضررها وليش ماجاوبتني!!
منو مر عليها جذي باحد من اهلها او صارلها هالشي

 

[Joooodi]

رد: ^^^تجمع مواليييييييد شهر ديسمبر12//2013... إن شااااااءالله^^^

شلووونكم بناااات

مع ان ودي اولد مبجر واخلص بس ياربي شعور غريب لما افكر بالولاده ههههههه

انا ناويه اخذ ابرة ظهر ان شاءالله وولادتي بدار الشفا اذا الله اراااد

الكمام حلوو وعجيب بس للاسف يتعبني لان معاي ربو

بنات منو سمعت او سوت تحليل للابره قبل ولادتها يعني عادي اسوي التحاليل لابرة الظهر اول مادش التاسع؟

 

[Joooodi]

رد: ^^^تجمع مواليييييييد شهر ديسمبر12//2013... إن شااااااءالله^^^

كيميائيه ماعندي خلفيه عن الغده

راجعي دكتور مختص بهالشغله وان شاءالله مافي الا العافيه

 

[ريـ’ـآنـهـ‘]

رد: ^^^تجمع مواليييييييد شهر ديسمبر12//2013... إن شااااااءالله^^^

كيميائيه والله ماادؤي



مجنونه واي الله يعينج


جودي انا الدكتورة قالت اسويلج تحاليل اول تاسع بس انا ماودي فيها بس اسوي تحاليل احتياط اذا احتجت

 

[ليندى]

رد: ^^^تجمع مواليييييييد شهر ديسمبر12//2013... إن شااااااءالله^^^

هﻻ خواتي الله يسهل علينا يارب انا وﻻدتي شهر 11
بخصوص سؤال اختي كيميائه حبيت افيدج عادي ى تخافيني من الغدة ﻻن انا معاي خمول بالغدة
كانت معاي من حملي الاول بس ما الله كتب واجهضت بالشهر الثاني اسمالله عليكم
وعالجتها وبعدها الحمد لله صار حمل بعد العﻻج
انتي تقدرين تروحين المستوصف وتاخذين تحويل لمستشفى شيخان الفارسي صراحه خوش مستشفى
بس اهم شئ ﻻ تهملين الغدة وترى عادى تاخذين عﻻج الغدة وانتي حامل

 

[ليندى]

رد: ^^^تجمع مواليييييييد شهر ديسمبر12//2013... إن شااااااءالله^^^

هﻻ خواتي الله يسهل علينا يارب انا وﻻدتي شهر 11
بخصوص سؤال اختي كيميائه حبيت افيدج عادي ى تخافيني من الغدة ﻻن انا معاي خمول بالغدة
كانت معاي من حملي الاول بس ما الله كتب واجهضت بالشهر الثاني اسمالله عليكم
وعالجتها وبعدها الحمد لله صار حمل بعد العﻻج
انتي تقدرين تروحين المستوصف وتاخذين تحويل لمستشفى شيخان الفارسي صراحه خوش مستشفى
بس اهم شئ ﻻ تهملين الغدة وترى
عادى تاخذين عﻻج الغدة وانتي حامل

 

[أبكاني ذنبي]

رد: ^^••^^تجمع حوامل مواليد شهر **نوووفمبـ11ـر2013** ^^••^^

الجوووري


الله يهوون عليج

انا توني ماكله اناناس كل شي سويته اليوم

حليب بالزعفران ودارسين واناناس ومشي عالبحر

الله يهون عليج وعلينااا يااارب

زين ماتهور واشرب خروع

الله يصبرناااا ويعينا

 

[Model Look]

رد: ^^••^^تجمع حوامل مواليد شهر **نوووفمبـ11ـر2013** ^^••^^

سنافيه الف مبروك وتتربى بعزج يارب

الجوري التاسع ثقيييييييل بس هم النفاس غثيث واي تعبت

ابكاني حاسه فيج الله يهون عليج انا الخروع اخاف منه :/

 

[سنافيه91]

رد: ^^••^^تجمع حوامل مواليد شهر **نوووفمبـ11ـر2013** ^^••^^

و هذي قصتي

كان اخر موعد لي 11/11 بس الدكتوره سجلت اخر موعد 9/11 قبلها بيوم كنت عند اهلي يوم الجمعه واقول لاختي انا احس بالالام من امس جان تقولي قصة ولادتها بولدها و شلون هي دخلت متاخر و معاناتها و قالت دقي على رجلج على الاقل تتطمنين رووحي شوفي المهم وادق واقوله احس بالالام بس مدري ولاده او لا مالكم بالطويله الزبده رحت المستشفى دخلت الطوارئ والا مفتوحه 1 سانتي قلت امحق كل هالالام مغير واحد الله يستر
واروح موعدي باليوم المحدد السبت 9/11 وقبل لا ادخل على دكتوره كان جسمي حااار و اعررق و اروح الحمام وانتو بكرامه واحس باااالم و يجيني اسهال ورجلي يدق يدق وانا مااقدر ارد على التلفون المهم لما خلصت ودخلت على دكتورتي و قلت لها الالم يجيني كل ساعه قالت لا كل ساعه مو ولاده و تفحصني و الا 2 سانتي وامس كان 1 قالت لرجلي اليوم بليل اذا جتها الالام جيبها واذا ماجتها
باحر الساعه12الاربع جيبها نعطيها طلق صناعي غشان يحمي الطلق لان طلقي بارد و مفتوحه فقالت انولدها لانها خلصت التاسع المهم جاء باجر وجت الساعه 12 الا ربع وماحاشني شي الا تقلصات خفيفه لااتذكر عاد رحت المستشفى وانا بالطريج شربت عصيرين اناناس بعد 5دقايق حسيت بالالام زادت شوويه و قبلها كنت شاربه كف مريم مع شويه زعتر دخلت ااطوارئ والا مفتوحه 3 سانتي وعلطول دخلوني ولاده حتى قلت بروح امشي وارجع مارضو يطلعوني دخلت الساعه 2 و من 2 ليما الساعه 7 ماحسيت بذاك الطلق والا 7ونص بديت احس بالالام قويه باخر ظهري مااتحملتها جت دكتوره فحصتني والا الرحم انفتح بس نص سانتي يعني 3 ونص و مو منتظم الطلق قالت السستر بننطر لي 9 واذا ماانتظم الطلق وكل شي اوكي بنعطيج طلق صناعي وجت 9 وماانتظم والا تغزني ابره الطلق الصناعي شكله نفس اامغذي عاد اهني بجيت قلت لا خلاص مابي طلق صناعي كان تووو بطوو الماي قلت للسستر خلاص بروح البيت انام وبعدين بجيكم قالت شنو مدام مايصير و الا اصيح قلت ياااليتني مااستعجلت لان خرعوني ااطلق الصناعي يعووور
و بدا مفعول الطلق والا طلووووق قويه وشاده حيلي بالكمام و ماغير أئن هاااه وهاااه واقول يعور قالت اكيد يعور المهم جت دكتورتي على الساعه 10 والا الساعه 11 اولد وجبت حبيبتي امووله وسلامتكم و سوري عالاطاله مااعرف اختصر

 

[Model Look]

رد: ^^••^^تجمع حوامل مواليد شهر **نوووفمبـ11ـر2013** ^^••^^

سنافيه الحمدلله على سلامتج

 

[أبكاني ذنبي]

رد: ^^••^^تجمع حوامل مواليد شهر **نوووفمبـ11ـر2013** ^^••^^

سنافيه

الحمدلله ع سلامتج

ماجربت الطلق الصناعي وعساني ماجربه بس فعلا يعور ويسرع الولاده

تالمين بس تفتكين تخلصين

 

[أبكاني ذنبي]

رد: ^^••^^تجمع حوامل مواليد شهر **نوووفمبـ11ـر2013** ^^••^^

مودل


اللهم امييين

الله يسمع منج

 

[كيميائيه]

رد: ^^^تجمع مواليييييييد شهر ديسمبر12//2013... إن شااااااءالله^^^

ليندي
جزاج الله خير عالرد ماقصرتي
ربي يسهل عليج ولادتج

جودي
انا ودي اولد وماودي خخخخخ
والتحاليل اي تسوينهم الحين احسن
لانه ياخذون 4ساعات علي مايطلعون
وماتدزين يمكن بسرعه يتبطل عندج الرحم ومايعطونج اياها فسويهم احتياط

 

[Baby_Blue]

رد: ^^^تجمع مواليييييييد شهر ديسمبر12//2013... إن شااااااءالله^^^

ميوزك الله يسهل عليج و تولدين بالسلامه .. الاسبوع الي باقي اكلي في عدل خل البيبيه تكبر بعد

انا اول مره اسمع عن تحاليل ابرة الظهر.. لازم انسويها ؟؟

كيميائيه ان شاء الله مافيج الا العافيه

امونيتا ضحكتيني على سالفة العرموطه على قولة ميوزك حدنا مو ناقصين اشكال هندسه :dddds::dddds:

 

[unknown1988]

رد: ^^••^^تجمع حوامل مواليد شهر **نوووفمبـ11ـر2013** ^^••^^

صباح الخيييير ،،

اول شي بقوله ان الولاده تختلف من وحده لي الثانيه حسب الظروف وحسب الوضع وكل شي . فلا وحده تتحبط وتخاف وتوسوس .. ادعوا انها تكون سهله وخلوها على الله ..

قصة ولادتي ..

المستشفى : دار الشفا
الدكتور : زكريا ابو المعاطي
اخر موعد ولاده : 23/11
يوم الولاده : 10/11/2012 الساعه 10 الا ربع بالليل الحمدالله ..


طبعا تدرون اني من اول التاسع مفتوحه 2 ومعاي طلوق بس مو منتظمه تروح وترد تعبتني ..
و ان دكتوري ان معطيتي في احتمال القيصري لان حوضي صغير ووزن البيبي حده حده فمايقدر يخليني لي اخر التاسع ويزيد
ويسوي عمليه لان يكره القيصري .. فولدت بالاسبوع 38 بعد ما وسعني من 2 لي 4 و نصحني اشرب 4 قفاش خروع مع عصير عشان
ما يزيد وزنه زود اذا قعد اكثر ...

ندش بالتفاصيل ..


قتلكم انا شصار قبل امس بالموعد و ان الدكتور وسعني لي 4 وطرشني البيت اشرب خروع .. طبعا 7 ساعات انا مجابله الخروع مادري اشرب او لا وناطره ريلي يرد عشان حتئ لو بشرب يكون يمي ..
المهم يه ريلي وقالي شربي قتله يوعانه سولي بيض ماشروم وجبن سوالي وتعشينا .. وبعدها قال اخذي قتله شفيك انطر بشوف ارابز قوت تالينت  قاعده واماطل .. لين توكلت علئ الله وبكل جغمه كنت اسمي بالرحمن .. وشربت بس ماكملت القلاص ويع ثقيل :/ .. المهم عشر دقايق والا انا بالحمام مغص اسهال وعوار .. قلت بس تباشير خير :') هالحجي كله ع 2 الفير جذي .. خلصت ورديت قعدنا نشوف الحلقه .. خلصت جان اسبح وقلت حق ريلي خننام شوي اخاف اولد ومافينا طاقه .. حطينا راسنا ع المخده اهو قام يلعب بالفون وانا الطلوق شغاله معاي نفس كل يوم وزياده مغص الاسهال .. غفيت شوي وقعدت سيييييده حمام وافضي بطني و اصرخ عواااار اسهال ويع .. المهم رديت بنام و ماقدرت والا ريلي يقول ترا كل عشر دقايق قاعد احسبلج قتله يتهيإلك لا .. نام عشان اذا قعدنا اكيد بنروح المستشفا .. و اتلوئ من العوار بس للحين متحمله والا يقولي بس بس قومي كل 5 دقايق قتله شدعوا لا جد يتهيألك .. انا ماحسبت لاني زهقت وانا احسب ناطره عوار يفرفرني  ..
المهم الساعه 7 والا يقول بس يالله قومي لبسي قتله لاا زحمة مدارس بعدها نروح .. طبعا تنح الا الحين .. طلعنا من البيت و شغلت سورة مريم بالسياره .. و مني استوعبت ع نفسي وقمت احسب . .. والا الطلق كل 4 دقااايق .. ويزيد .. علا ماوصلنا دار الشفا فحصني الدكتور جان يقول دخول ولاده فور تو فايف حسيت اني متوهقه وخايفه طبعا بالطلوق بس قاعده ابجي من العوار من غير صراخ .. اتنفس وادعي وابجي .. ما رضيت ايبون ول جير قلت امشي واااي ريولي شنو مفوشحه 

المهم صعدوني ولاده ودقوا ع زكريا .. اهو اساسا كان موجود .. يه والا يقولي ماشاءالله 5 ومافيش دموع  قتله ماشاءالله يا دكتور ماشفتش حاقه .. قال وقعي واخذي ابرة الظهر احسن .. انا اصلا مستخيره عليها وقعدت اسألكم وجذي .. دشيت غرفة الولاده 9 يمكن او قبلها بشوي .. قاموا بسرعه يدقووون ع دكتور التخدير ايي يعطيني اياها عشان ما افتح زياده ويصير ماكو فايده .. و قمت اتمشا بالغرفه واحوس ومع كل طلقه ادعي واشرب ماي زمزم .. يه دكتور التخدير 10:30 وريلي معاي .. حطولي الابره .. شوي والا ماااحس بولا شي وقمنا نضحك انا وريلي ونسولف وعااادي الوضع .. ع الوحده تقريبا قالوا لازم احتياط جيس دم وماعندهم بالمستشفى لازم ريلي يروح بنك الدم اييب .. ريلي تنرفز حددددده لان زحمه و مو نايمين وللحين رحمي معلق 6 سم بس .. راح وطول مارد الا 2 ونص تقريبا .. قبلها كان مسوي الاوراق بس مافي الغرفه اللي ابيها قالوا بس تفضئ نقولكم .. لما فضت والا امي يايه ويايبه غداها برياني  وانا مييييته يوووووع ممنوع اكل .. انزلوا الغرفه تغدوا وردوا اصعدو .. والا للحين انا 6 هالحجي يمكن 4 العصر ..

وزكريا كل شوي ايي ايه ليه لسا ماولدتيش  واقوله ابني مستنيك ..
المهم والا يفج البنج صوب اليسار و احس بالطلوق وماسكه نفسيييييي بس اتنفس وادعي و الطلق حامي فوق ال 100 وكل دقيقتين ثلاث جذي .. وريلي يمسك ايدي ويقول ادعي ادعي .. دقوا علا مال التخدير ويا زاد الجرعه .. بعدها بشوي تخدرت ورديت عادي .. المهم يه زكريا وبط الماي .. وقال احنا ناطرين راسه ينزل تحت للحين مانزل .. وحطولي طلوق صناعيه .. و تميت اوف زهقه تعب لويه كل شي مو حلو .. دايخه حدي ويوعانه وتعبت :/ ..
يه الساعه 6 قال 8 جنه مفتوحه بس الراس للحين مو تحت و زادوا طلق صناعي ..

شوي والا يرد يفج البنج صوب اليسار ... وقمت افرفر من الطلق ماسكه نفسي مابي اصرخ .. بس اتنفس واقول يااااارب ياااارب و اهمه السسترات يقولون لما تييج طلقه دزي عشان نبي راسه تحت وتولدين طبيعي و انا ادز واحس روحي تطلع واااااااي عذاب عذاب .. قمت ابجي واقول حق ريلي اي شي تكفا اي شي مو متحمله تعبت طلعوه خلاص .. و اهوا يهديني .. وصارت 8 و 9 وللحين راسه مو تحت وانا مفتوحه 10 طبعا زادولي جرعة المخدر عشان اساعدهم وما اتعب .. وقمت كل ماتيي طلقه اسوي بوش عشان راسه ينزل .. يه زكريا جان يقول ساعديني واساعدج مابي اشفط الياهل .. بنحطج بوضعية الولاده ونتساعد كلنا ونطلعه طبيعي .. اهو كان قايل حق ريلي اقدر اشفطه بس مابي ابي طبيعي احسن .. المهم زهبوني وارفعوا ريولي وانا ابجيييي .. تعبت انهد حيلي .. راح الدكتور توضا و غسل وياني و ريلي يم راسي .. وقالي راح يعورج بس تحملي و دزي ساعديني .. قتله اوكي .. و بالطلقه يقولولي بوش و اسوي بوش والسستر تدز بطني لي تحت حيل اللي حتا ابرة ظهر ماكو فايده يذبح من العواااار قمت اخذ النفس الطويل و مع البوش اصرخ من قمة راااااسي من العوار وابجي وريلي يهديني ويشجعني .. وقالي الدكتوره ايوا شاطره كمان كمان و تيي طلقه والسستر تدز وانا ادز واصااااارخ احط كل حرتي تحت ..

جان اقوله دكتور بس نزل  قالي اقص من شعره وتشوفين شعره طويل وقصلنا من شعره وورانا جان ريلي يقول بعد انتي قدها يلله ماتبين نشوفه .. وتيي طلقه ويدزون بطني و اسوي بوش و اصااااارخ يمكن 4 مرات والا احس شي يزلق من تحت .. و يقصون الحبل ويحطونه ع صدري و بنفسسسسسجي لونه .. و انا ابجي واقول الحمدالله الحمدالله وريلي خنقته العبره وباسني ع راسي


سمعناه يبجي وخذوه ينظفونه و قام يخيط الدكتور وريلي راح و كل شوي ايي ويطل علي .. و قعدوني لي 11:45 بالغرفه ونزلوني غرفتي ..

الصراحه لو مو الله سخرلي هالدكتور جان من زمان شاقين بطني او شافطين او مسوين اي شي .. الحمدالله يت على هالتعب ولا اكثر ..

العنايه بدار الشفا روعه الحمدالله يارب لا سسترات يخلون وكله على لسانهم قولي يالله قولي يالله .. و تمسح وتساعد و اي شي ابي مايقصرون ..

ويبت ولدي وزنه 3.180 الحمدالله يارب .. الحمدالله اني يبته طبيعي

الفال لباجي الصامدات ان شاءالله الله يسهل عليكم ويفرحكم بشوفة ضناكم

 

[أبكاني ذنبي]

رد: ^^••^^تجمع حوامل مواليد شهر **نوووفمبـ11ـر2013** ^^••^^

الحمدلله ع سلامتج انووون

قصتج مشووقه واالتعب منسي اان شاء الله

انا احب دار الشفا جربتهم بولدي وهالمره ان شاء الله والله يسهل علينا

واهم شي ولدتيه طبيعي الحمدلله

نبي جذي اللي تولد بالسلامه تكتب لنا قصتهااا تشجعنا شوي