شعورك تجاهه توقيعك الي بالصوره اوصفي لي ..
اااه يعبر عني
لا تذكرت نااس راحوا بلا رجعه
أين تجد ملامح يوسفيه راحة البال ... ؟
مادري
- يقال أن الحب يمحو جميع العيوب والأخطاء في المحبوب (( شنو تعليق))ملامح ..
عدل اذا حبيتي شخص
ما تشوفين عيووبه من كثر الحب
تشوفينه ملااك
- هل أنتي فوضويه ... ؟
لا
بس غرفتي فوضويه
مو راضيه تترتب
-هل شخصيتج بالنت هي نفسها بالطبيعية ؟
اي نفسها
بس يمكن funny اكثر بطبيعه
-أكثر ركــن تلقين نفسج فيه؟
جنون
ستايل
-قصيده تعتبرينها من أرووع القصايد؟
وايد ما اقدرر احدد
لي باك باجر مع باقي الاجوبه
يسعـدلـي صبـآإحج غـلآي ..
يسعدلي مسآآج يالغلا
الله الله منووورهـ السآحـه بقوووه فديتج
تسلمين
دووج أسألتـي :$
1/ شنو شهآدتـج ؟!
شهادتي جامعيه
تخصص جغرافيا / نظم معلومات / تخطيط حضري >> شطول التخصص لووووول
الاختصار : نظم معلومات جغرافيه gis
2/ شنو نوع وظيفتـج ؟!
مدرسه
3/ بما انج توج متوظفـه شنو رآيج بجو آلدوآم ؟!
الحمدالله الجوى حلوو
مرحله يديده بحياتي
بس اشتاق حق ايام الجامعه لانها صج ما تتعوض
بس احلي شي بالوظيفه مافيها امتحانات
4/ ركنج يفوح منه رآئحه الحزن هل هالشي يدل ع شخصيتج والا مجرد ذآئقه شعريـه ؟!
بالنسبه للحزن
انا توصل لي رسايل وايد بخصوص هالامر
مرات انا اكتب واختار بعض الابيات الحزينه لما اكون متضايقه ارتاح
وانا يعجبني الشعر الحزين اكثر من اي نوع شعر اخري
لان الشعر الحزين له كلمه ومعني واحساس قوي يووصل
دايما اقول حق الي يسألوني
بعض احيان من حاله شخصيه
والاغلب من ذائقتي
5/ هل انتي رآضيه عن نفسج ؟!
الحمدالله راضيه
6/ عضوه تتمنين التعرف عليها خآرج نطآق المنتدى ؟!
الاغلب للامانه
بتحديد جنون وخوخو ومفاهيم ودلوعة بابا وستايل
7/ هل ملآبس الشخص اللي قدآمج يخليج تحددين شخصيته ؟!
لا كلش
لان انا وحده تأذيت من سالفه هذي
عمر الملابس ماكانت تدل على الاخلاق او الشخصيه
8/ أقرب شخص لج بأهلج ؟!
اختي لولو فديتها
دموعج تنزل بسهووله ؟!
بسرررعه حيييل جدا جدا
10/ هل انتي من النوع اللي يحب التملك واذا تملكتي الشي مليتي منه ؟!
انا احب التملك
بس على حسب شي اذا راح امل منها او لا
11/ ركن اتآبعينـه أول بأول ؟!
مفاهيم وخوخو ووجنون ودلوعة بابا وستايل وتخفي غلاها وسوود وساره
12/ صوره فونج ؟!
ان شاءالله الصوره راح انزلهم لما ارجع من دوام
وبس :$
وبث
لـي بـآإك
حيآج
اتوقع تخفي غلاهآآآ
اسئله من عضوه مجهوله
* أكثر ركن تحسينه قريب منج ؟
ستايل وجنون ودلوعة بابا
* شنو تعنيلج هالكلمآت ؟
آلحب :شعور يأتي فجأه
آلبحر :راحه نفسيه
آلزوآج :الاستقرار والامآن
* أكثر عنوآن ركن يعجبج ؟
عنوآآن اختنا مطيريه مآركه وسود العيون
* أحس ركنج يغلب عليه آلحزن , شنو آلسبب !؟
لانه يجذبني الشعر الحزين
له كلمه ووشعور قوي
اكثر من اي نوع اخر من الاشعار
* [ هل ] كل مشآركآتج بِ آلركن توصف حآلتج !؟ أو مجرد كلمآت إعجبتج و حطيتيهآ بِ آلركن ؟
في من حالتي الشخصيه وفي مجرد اختيارات
من توقعين العضوه
اتوقع ممممممم انجل
اسئله من عضوه مجهوله
* ليه حبنا تحت رحمه نصيب ؟ { تعليقك ع هالجمله باربع اسطر }
اربعة اسطر ههههههههههههههه >> اذا عرفتج بعدين بحطج ضيفه انتقام
لان كل شي بيد الله سبحان وتعالي .. اذا حبيت شخص.. الله
ما قسمنا نصيب وزواج فاكيد ان هذا الزواج راح يكون شر لي
..من غير الله يدبر امورنا واحنا متوكلين عليه ..صج يمكن نتضايق
لان ما صار نصيب بس مانكره شي اهو خير لنا
* بما انك شاعره في بداياتها .. عرفينا ع هالجانب من ملامح متى بدا
معك الشعر وماهي اول قصيده شعريه كتبتيها !
انا اكتب شعر من زماان من كنت صغيره
بس ما كنت اكتب قصيده كامله
مجرد ابيات
اول قصيده كتبتها كانت عتقت حبي لوجه الله
ان شاءالله ناويه اطور هالموهب
* اذا حصل مجال تكملين دراستك .. هل توافقين !
ان شاءالله ناويه اكمل دراستي
بعد فتره لما يكون عمري 24 هيك شي
* ما اكثر شي يجذب ملامح بالرجل ؟ صفه داخليه وخارجيه !
من الداخل احب الريال الحنون والي قلبه طيب ومتفهم
من الخارج اهم شي يكون شكله مقبول
انا احب سكسوكه بالريال حيل
* احترافك لمجال التصميم الفوتو ياليت تعلمينا كيف كانت البدايه بالتفصيل !
مشكوره على كلمة احتراف لان لالحين اعتبر نفسي مبتدأه
بداياتي كانت لي صديقه تحب الفوتوو وحبيت اني ادخل هالمجال
كنت اقعد باليوم احوس احوس بفوتو يمكن اسوي 4 تصاميم بس عاديين
ادخل قوقل واكتب دروس للمبتدئين واطبق
على هالموال لما تعلمت
الفوتو يبيله ممارسه بمعني ان كل سنه ستايل تصاميمي غيرر ولاحظ تطور على سنه الي قبلها
* عرفينا على كيفيه طرق عنايه ملامح بنفسها من جميع النواحي بدايه بالبشره والجسم
واخيرا بستايل ملامح منو اقرب فنانه تحبين استايلها وقريب منك { بالصور }!
ان شاءالله لي باك
منوا توقعين العضوه
اتوقع خوخو
اسئله من عضووه مجهوله
يااهنن يااهنن بملامح
كيفـك ..؟؟ عساك منيحـــــه
ياهلا فيج يالغلا
منيييحه
1/كم منتدى مسجله فيه ..؟؟
بس منتدى كويتيات
مرات اسجل في منتديات حق تصاميم
علشان احمل شغلات لان لازم تسجيل بالمنتدى
2/ ايش رايك بصداقة النت ...؟؟
حلووه
وتعرفت على صداقات جميله وافتخر فيها
عن طريق النت
3/ أمنيـــه كنتي تحلمين فيها وتحققت .. اذكريهاا ..؟؟
اتخرج بالجامعه
والحمدالله تخرجت رغم الظروف الي مريت فيها
4/ مين الشخص اللي يأثر في قرارات ملامح يوسفيه ..؟؟
امي واختي لولو
وكان في اشخاص قبل ياثرون علي قراراتي
وبص ...
وبث
منوا توقعين العضوه
جفوله
اسئله من عضوه مجهوله
1- ملأمح ليش فيك كلمات حضريه ههههه انتي بدويه لبا روحك ؟!
ههههههههههههههه خوش سؤال
لاني اغلب رفيجاتي عيم وحضريات او بدويات متحضرات
بس ان شاءالله قاعده احااول اني ما اتحجي احضري
2-ابيك تسورين آحلى ساعه عندك ؟!
ساعتين احبهم حيل
شووبرد
gf
سموحه تصوير مو واضح ما عرفت شلون اصورهم
3- اكثر شخص قريب لك ؟
ماعندي شخص حييل
بس اقرب حاليا اختي لوولو وفاتو رفيجتي
4- امممم شي عندك بغرفتك له ذكرى خاصه او لما تشوفينه اتذكرين شخص ممكن السوره ؟!
عقد اقنر
هذي صورته
غرفتي بكبرها تذكرني بوالد الله يرحمه
وبص
وبس
<< آتحداك تعرفيني هههههههههههههههه
داخله تحدي ههههههههه
اتوقع اتوقع عاليه
اسئله من عضوه مجهوله
ياااا هلااا ومرحبااا
بملاااامح يوسفيه
ياهلا فيج ياقلبي
eh_s(22:
*ملامح ممكن تسمحيلي لأن أسألتي بتضايقج شوي ..؟
ممكن يالغلا
* أنتي أنسأااانه تمتلكين أحاااسيس كثييييييره إلى حد بعييييد ...؟
هذا سؤال ولا تقولين عني
اي عندي احاسيس الي حد بعيد
سؤالي هل المصاعب و الاؤمووور اللي حصلت لج سبب بحملج للمشاعر وألقائج بها بالمتاع ....؟
مو كل مشاعر الي بمتآآع من تجربه شخصيه فيني
اغلب اختيارات شخصيه واخري من اموور حصلت لي بحياة
* ملامح احنا تأثرنا حيييل وتألمنا بكل شي حصلج والله الشاهد من غلاااج ...؟
اي ياقلبي ما قصرتواا هذا دليل على طيبة قلبكم وأصلكم الطيب
* ملامح أنتي انساانه ساعات أحسج غير عن البناات اللي بالمتاع ليش ما أدري...؟ وهذي شي جمييل أحاااسيسج ممزوجه بأحوالج اللي تحصل لج وأحس كلها من أرض الواقع يعني مااا تجيبين شي من بعيد كل شي يصيرلج تحطينه بالمتاع .؟
بالنسبه اني غير عن البنات شي حلوو اصير مميزه
في منها بارض الواقع وفي منها لااا مجرد اختيارت
*ملأاامح أنتي كبيره بالعمر يعني اعتقد مووو آقل من 25 ؟
لو قاريه اجابات من اول شي جان عرفتي جم عمري
عمري ياقلبي 21 سنه
*ملأااامح أنتي مااا تميلين إلى الفزعه والقبليه أحسج .؟
لا فيني فزعه هههههههههه
هذا شي يمشي بدمنا
* ملأاامح أنتيي ذووق بتواقيعج يعني بالحياه أنتي ذويقه ؟
مشكوره ياقلبي هذا من ذوقج
بالنسبه للحياة ما اقدر احكم اني ذويقه
لان كل شخص له نظره بالبس او باي شي
يعني انا اشوف هذا شغله حلوه واختي توشفها العكس
فالناس اهي تحكم اني ذويقه او لا
بس انا راضيه بذوقي الحمدالله
* ملامح تراني بالكليه وقاعد أراجع أمتحاني
الساعه 4 بس ماا قدرت قلت لازم احط الأساله وكل شي بخاطري ؟
حبيبتي الله يوفقج يارب
كل شي بخاطرج قووليه
* أنتي حقااااانيه وتصلحين تكونين منصب بالدوله هل تفكرين تكونين نائبه مثلا ولا ما تؤمنين في حقووق المراءه؟
اذا قبيله ترضى اصير نائبه ما اقول لا ههههههههههه
اي مع حقوق المرأه
*ملأاامح أنتي تؤمنين بالحب اللي موجود بهالزمن الغبر..؟
الحب موجود
بس انا من نظري
بالزمن هذا الحب اشباع رغبات فقط
كل شخص يدور الحب يشبع رغبته
مو حب ثم استقرار وزواج
كل وحده تخش حبها حق زوجها اذا الله رزقها احسن لها
* ملأاامح أنتي خريجه تطبيقي صح ..؟
غلط
جامعة الكويت
* ملأااامح ليش أحس فيج عظمه وغرور ..؟
لاا حرام عليج هههههههههههههههه
* ملأاامح أدري تعبتج بس والله ودي أسأل أكثر بس خلااص جذي كافي يالله حبيبتي نتظر اجوبتج باحر من الجمر
لا حبيبتي تعبج راحه
اذا عندج اسئله بعد قولي
*منو تتوقعين أنا..؟
انتي وحده تدرس وعندها امتحان هههههههههههههه
ممممممم مادري
اسئله من عضوه مجهوله
السلااام عليكم ،،
وعليكم السلام ورحمة الله
اسئله لملامح
1) خمس أركــاآن تعجبج
جنون
ستايل
خوخو
دلوعة بابا
تخفي غلاها
ساره
2) أكثر 5 عضوآت تفقدينهم بالمنتدى
قايد الريم
مس شوشو
يابعدهم
مفاهيم الخجل
سود العيون
الزين الاصيل
(miss madry)
عذاب الروح
عبره وهلت
هالعضوات يشبكون قليل افقد طلتهم بالمنتدى
3) راآيج بكـل من :
- شوق الشقا شاعره مبدعه
- تخفي غلاها تهبل هالبنت حبوبه -
miss شوشو ذووق وطيبه حيل
-جنون العاطفه ماما جنوون فديتهااا شهادتي فيها مجروحه -
نبض الجود انسانه هاديه وحبوبه الله يوفقها بدراستها
- خفوقي عاف دقاته خوخو حبيبة قلبي بس عيبها كله اووف لاين
4) بيت شعر اتحسينه قريب يمج .
يبه واللي خلقني من ظهرك...أحتاج لك وأبيك
5) بيت شعر يعبر عن حالتج النفسيـه الحين .
تعـــبت اقول لــضيقتي سهود ومهود
الــيا متى هالعــذر بيكــون عذري
6) شعورج انج راح تفقدين ركنج ثلاث ايام
شعور مو حلوووو
لان اهو متنفسي الوحيد
منو تتوقعين
نبض الجود
اسئله من عضوه مجهووله
طباع..اسلوب ..تفاهم نقاش ايها يجذبك وبشده سواء كان الشخص امامك او من خلف كيبورده؟
امامي اكييد
* شنو اغرب نك نيم بـ فوونج ؟
شقرديه >> بنت اختي
*عضــوه تقولين لهآ انتي روح المنتدى ؟
حبيبتي جنون
*عضــوه تقولين لهآ انتي زعيم المنتدى ؟
خوخو
* العضوه تتمنين تشوفين شكلهآ ؟ لووووووول
بنات وايد
*العضوه إللي ودج تعطينها كف غشمره ؟
ههههههههه خوخو ام اف لاين
*عضوه تقولين لهآ أحبج ؟ < حده ماكو شغل
كلهم
*عضوه تتخيلين شكلها وشلون تخيلتيها < اوصفي لي؟
ستايل اتوقعهاا حلووه جسمهااا حلو بعد
والنيره اتوقعهاا جميله
*عضو شعبيته كبيره ومحبوب عند غالب الاعضاء ؟
سود العيون
*عضو رومانسسسي ؟
جنوون فديتها
من توقعين العضوه
النيره
اسئله من عضوه مجهوله
..شنو اكثر مكان تروحين له و ترتاحين فيه ؟
احب قعدت سوق شرق القهوى الي بره صووب البحر
دايما نروح لها انا وماما
.. شلون تقضين الويك اند ؟
الخميس جمعة الاهل
الجمعه او السبت
يا سووق او مطعم او سينما او زواره على حسب
..شاعرج المفضل؟
ثامر شبيب
احمد الصانع
..اين تجدين راحه البال؟
مادري
..شنو نظااام لبسج نقاب ولا بدون نقاب يعني اكتبي ستايلج بالبلس؟
ما البس نقآآب
انا كله بدلات استايل بنات الكويت نفانيف بطرونات او سبورت
ستايل العبايه دخل حياتي من وفاة والد الله يرحمه
لما كان عزا ما كان عندي عبايه بعدين فصلت
وقررت البسها
بس الحين اماكن البس بدلات و اماكن عبايات
ان شاءالله الله يهديني البسها دايما
..شنو احلى مرحله مرت بحياتج؟؟
مرحلة الجامعه
وبس طولت عليج
لا ما طولتي حيآج
من توقعين
ممممم ستايل
