رد: (( همــــــــــــس السهـــــــــــــاري ))
جيــــت آتغـــــلا ليتــــــني ماتغـــليت ...... العيد جبتـــــه يوم جيت آتغـــلا
كنت أحسب أني لو تغليت مااخطيت ....... أثره صحيح أن من تغلا تخـــلا
كان الهدف من صدتي يوم صد يت ....... اشوف في قلبـــــك إذا لي محـــلا
لا تحسبــــني صامل يوم قفــــــيت ....... القلب رافـــــض عن هــواك يتخــلا
ما تدري أنك من على دنيتي جيت ....... شفت البـــدر في دنيتــي لا تجـــلا
وما تدري انك كل ما جيت لبيــت ....... كنك تنادينــــــي ولك القلب هـــلا
وما تدري إني لا لمحتك تفديــــت ...... أشوف حبـــــك في فؤادي استحـــلا
لا جيت أوصف فيك يابنت أزريت ...... لأن الخلايق من حــــلاك اتحــــــلا
إن شفت عينـــك تهت فيها وتعنيت...... ورموش عينك ذي سيــــــوف تســلا
لا سلهمت عينك توهقــت وعانيـت ...... تنشب رموشــــك في بعضها واتبـــلا
والحاجـــب المقرون في حله بليـت...... لغز صعيب وما لقا من يحـــــلا
والخشم رسمه لا نظرته تباهــيت ....... والقلب لا شافه من الهم يســــلا
وعليك مبسم من حلاه استجنيـــت ....... جمر حمر ماخوذ من نار تصـــلا
وعليك شعر لا نثرته وفليـــــــــت ....... كن الظلام يحل والصبح يجــــلا
وعليك خصر في وصوفه تغنيـــت ........ خصـــر نحيل وفي جمالك تعــــلا
وعليك مشيه تذبح إليا تمشيــــــت ....... كــــنك تعــــد إخطــــاك والقـــــلب ولا
يعني من الآخر أنا منك وليــــــــت ....... ياحـــــــــظ منهــــــــــو داله ويتســـــلا
هذا الذي في دنيتــي بس حبــيــــت ........ اللي يبـــــيــني خــــل وابــــيه خـــــــلا
لا جيت أوصف فيك يابنت ذليـــــت ........ أخاف أوصـــــــــف شيء والنــــــاس تبــــلا
ياأم الحلا ياليتــــني ما تغـــــلـــــيت ....... العيـــــــد جبتـــــــه يوم جــــــيت آتغـــــلا
