‘ لا وحسآإفه .. كنت أشوفك ملاآكي ..! ~ قصه واقعية .. روايتي الثانية .!

[ورد]

waiting !..

 

[Danya =)]

البارت 23



وجدان وليال يتمشون ..

ليال : احس بتعب
وجدان : اي والله تعب الجامعه
ليال :حده
وجدان : ليال بقول لج شي
ليال : هلا
وجدان : انا يمكن ارد الديرة
ليال : ليش ؟! شصاير ؟
وجدان : تعالي معاي نقعد واقول لج
ليال: زين
وجدان: كا كرسي فاضي تعالي

وقعدوا ..

ليال : شنو شصار وجدان خرعتيني؟
وجدان : مثل ما قلت لج انا برد الديره
ليال :لييش ؟
وجدان : ماقدر اكمل هني برد الديره وبكمل
ليال : ليييش الحين انتي صار لج سنه والحين بتردين
وجدان : مضطره اهلي يبوني ارد وبعدين انا مو عاجبتني الدراسه وماقدر اكمل
ليال: والله مادري شقول لج حيل صدمتيني بالخبر
وجدان : كان ودي اقعد معاج والله صج جم يوم بس حيل ارتحت واستانست معاج
ليال ( دمعت عينها ) : اووف وجدان حاولي تظلين انا بقعد مع منو بعدين
وجدان : افا عليج حبيبتي راح اعرفج على بنات رفيجاتي وان شاء الله ما تحسين بالوحده
ليال : الله كريم بس لا تقطعيني
وجدان : اكيد اكيد بيكون بينا تواصل
ليال : حبيبتي والله تذكريني برفيجتي حنين
وجدان : يحليلها
ليال: من زمان ما كلمتها بدق عليها
وجدان : أي دقي سألي عنها

..


بهالوقت كانت حنين قاعده تكلم فواز ..

فواز : لا يبه شنو نملج وننطر بعدين عرس
حنين : اووف فواز شالحنه شفيك مستعيل
فواز : شنو مستعيل .. ابي اشوفج يمي
حنين : انزين فواز انا مو مستعده
فواز : شلون مو مستعده يعني ؟ كا عندج وقت استعدي
حنين : امممم
فواز : يالله عاد حنين انا خلاص استلمت شغلي بشركه ابوي ماباقي شي
حنين : مادري
فواز : شفيج ليش منفسه
حنين : مو منفسه
فواز : عيل مو طبيعيه انتي
حنين : فواز يايني خط شكلها ليال اكلمها وادق عليك
فواز : اوكي ناطرج
حنين : باي

حنين : الووووووو
ليال : وحشتييييينيييييييي
حنين : وانتي اكثر حيااااتي شلونج شمسوويه
ليال: بخير الحمدالله انتي شلونج شعلومج
حنين :بخير والله .. ها اشلوون الدراسه ؟
ليال : ماشي الحال
حنين : ليالوو انا انخطبت
ليال :هااا ؟ صججج .؟ وافقتي ؟
حنين :أي ولازم اتيين عرسي
ليال : حبيبتي الف الف الف مبرووك .. ومنو سعيد الحظ ؟
حنين : اممممم
ليال : ان شاء الله اللي في بالي
حنين : فواز
ليال: الله وناااااااسه حبيبتي عالبرركه
حنين : الله يبارك في حياتج وعقبالكم انتي وناصر
ليال: آمييين


وتموا يسولفون ..


..


في غرفه هنادي .. كانت هنادي تعبانه .. حابسه نفسها بغرفتها .. ومالها خلق احد .. تنطر عيسى راح يطلقها او لا ..

تحس بدوامه .. اهلها مصرين يعرفون شنو سبب طلاقها ويبونها ترد حق عيسى .. لأن قوانين ابوها بالبيت اللي تتزوج ما ترد !


دشت عليها امها

ام هنادي : وانتي ليلحين مو راضيه تقوليلنا شصاير
هنادي : يمه تكفين مالي خلق شي خليني بروحي
ام هنادي : مو على كييفج لازم نعرف ابوج معصب وبيروح يكلم عيسى
هنادي : لااااااا يمه لا تكلمونه
ام هنادي : وانتي ليش مصره ما نكلمه اكيد مسويه شي اكيد منج
هنادي : مو مسويه شي
ام هنادي : اووف والله تأذينا فيج

وطلعت من الغرفه ..

تمت هنادي تفكر .. عيسى مينون .. تخاف يكلمونه ويفضحها !!

تيدددت وفرشت سجادتها وتوجهت لربها

تدعي وتبجي دموع ندم .. ودموع حسره .. تبي تغسل نفسها من الذنوب !


..


وجدان : حياج ليال
ليال : الله يحيج
وجدان تأشر على بنات : شوفي هذي فطوم وهذي ليلى وهذي منيره كلهم رفيجاتي
ليال : هلا فيكم
فطوم : هلا والله فيج تشرفنا بمعرفتج
ليلى : عاد وجدان كله تتكلم عنج والله شكثر تشوقنا نتعرف عليج
ليال : حياكم الله تسلمون والله ووجدان اكثر من صديقه

وقعدوا يسولفون واستانست ليال حيل معاهم .. حست انها تقدر تكمل دراستها وتتحمل الغربه مع هالبنات ..


وجدان : وي تأخر الوقت يالله بنات خنام
منيره : اييي انا بعد اقول انا دخت

وكل وحده راحت غرفتها تنام ..

وباليوم الثاني وليال نايمه يت وجدان تقعدها ..

وجدان : ليال يالله قومي
ليال: اووف شتبين خيلني اناام
وجدان :بروح السوق تعالي معاي تكفيين
ليال : وجداان يالله عااد خليني انام
وجدان : ماكو قومي معاي يالله باجر بسافر حرام عليج
ليال : زين الحين اقووم

وبدلت ليال بسرعه وطلعوا واهمه يتمشون ..

وجدان : شريت وايد شلون بحملهم
ليال : ههههههههه شسوي لج تمشين وتشترين
وجدان : أي شسوي يمكن اخر مره ايي هني
ليال : ايي
وجدان : ليول اقول لج
ليال: هلا
وجدان : شلوون نصور
ليال : تمام والله
وجدان : تكلمينه كل يوم
ليال : أي
وجدان : اهاا حلو
ليال : ليش
وجدان : شرايج تشترين له شي حلو هديه سنعه
ليال : أي قبل لا ارد الديره بشتريله
وجدان : لا اشتريله الحين
ليال : يا هبله وشلون اعطيه
وجدان : انا بعطييه
ليال : امم ما ادري
وجدان : اشتريله شي حلو عشان يحس انج تذكرينه وتحبينه
ليال : صح كلامج انا ما عمري اهديته شي
وجدان : يالله تعالي بوريج مكان يبيعون اشياء حلوة
ليال : اووكي

..

بهالشهرين كانت حنين لاهيه بتجهيزات العرس بعد ما اتفقوا ان الملجه والعرس كلها بيوم .. كانت تشوف فواز شوي وشوي تتعذر له بانشغالها بس ليلحين ما يتها الجرأه عشان تقوله سالفه خالها ...


مريم داشه مع عادل وبيدهم ولدهم .. اول يوم كا يطلع فيه ..

مريم : حنيييين حنيين
حنين نزلت من الدري : هلا يمه
مريم : تعالي شوفي اخوج
حنين : اممم مبروك
مريم : تعالي شوفيه وحمليه
حنين : شمستيه يمه
مريم : محمد ههه على اسم خالج

اول ما سمعت حنين اسم خالها محمد .. حست بضيقه ..

مريم : شفيج حنين يمه ؟
حنين : لا يمه مافيني شي بس تعبانه
مريم : خلاص روحي ريحي
حنين : عن اذنكم وصعدت غرفتها


عادل : مريم احس حنين مخبيه شي
مريم : شي مثل شنو
عادل : ما ادري بس بنتج مو خاليه ! فيها شي
مريم : مادري والله انا تعودت عليها جذي
عادل : ما حاولتي تكلمينها او تعرفين منها شي
مريم : امبله حاولت وايد بس ماكو فايده
عادل : روحي قعدي معاها وعطيني حمودي
مريم : اوكي

صعدت مريم ودشت على حنين اللي كانت بفراشها تبجي ..

مريم : حنيييين شفيج


وراحت يمها ولمتها

مريم : كلميني يا يمه شفيج لا تحرقين قلبي علييج
حنين : مافيني شي
مريم : شلون مافيج شي انتي تبجين
حنين : متضايقه شوي
مريم : من شنو
حنين : اممم
مريم :قوليلي حنين انا ادري عندج شي وما تبين تقولينه
حنين ( انصدمت ) : لا يمه ما عندي شي بس خايفه
مريم : خايفه من شنو ؟ الزواج ؟
حنين : أي
مريم : حياتي لا تحاتين ترى الزواج حلو وفواز يحبج ماشاء الله لازم تستانسين ما تضايقين
حنين : إن شاء الله
مريم : يالله يمه قومي غسلي ويهج ونزلي قعدي معانا
حنين : اوكي

اطلعت مريم وبقت حنين ودموعها تنزل ..

" اااخ يا ليتج تدرين باللي فيني يا يمه .. اللي فيني وايد ما اقدر اتحمله ! ""


..

بشقه حمد وجود ..

حمد : انتي صايره ما تنطاقين !
جود : انا والا انت !!!
حمد : من حملتي وانتي جذي قلنا نساه اوكي بس ما خلصت هالنساه
جود : شسووي اذبح نفسي يعني !؟!
حمد : جود ليش تغيرتي ما كنتي جذي
جود : حمد انت جرحتني ومو قادره انسى جرحك لي
حمد : قصدج اول ليله !
جود : أي .. حاولت انسى بس مو قادره
حمد : حبيبتي والله اللي فات مات خلاص انا غلطان واعتذر منج
جود : خليتني اشك بنفسي .. خليتني اشك ببالك وحده غيري .. عيشتني بعذاب
حمد : سامحيني حبيبتي تكفين
جود : ممكن تقولي شنو السبب !

انصدم حمد من سؤال جود الجريء .. وما عرف شنو يرد عليها .. يقول لها انه ما كان مستعد حق هذي الليله .. يقول لها انه خجول واول مره يقعد مع بنت غريبه .. صج مرته بس كان يبيله وقت على ما يتعود ..


جود : جاوبني
حمد : ما راح اجاوبج

وطلع من البيت معصب ..

حست حنين بتأنيب الضمير لأنه احرجت حمد .. اهوه اكيد فيه شي واكيد مو ذنبه اللي صار

حاولت تدق عليه مره . . مرتين بس ما يرد وبعدين سكره ..

"حرام انا شسويت في حمد "


..

بالمطار ...

وجدان : ديري بالج على نفسج ليوول
ليال : وانتي بعد والله متضايقه لأنج بتسافرين
وجدان : ميخالف اهم شي انتي اهتمي بدراستج
ليال : ان شاء الله بس لا تقطعيني تكفين
وجدان : اكييد ما راح اقطعج واول ما تردين راح نطلع مع بعض
ليال : ان شاء الله
وجدان : والهديه اللي شريتيها لناصر راح توصل
ليال : ماقلتي لي شلون بتعطينها ناصر ؟
وجدان : شوفي انا بدق عليج وبقول لج تدقين عليه وتحددين معاه مكان واانا اخلي سايقنا يعطيه الهديه
ليال : اوكي صار
وجدان ( لمت ليال ) : يالله حياتي مع السلامه
ليال : الله يسلمج

..


الليله كانت الليله اللي يترقبها فواز ..

كانت الليله اللي ينطرها من زمان .. حاس بفرحه وحاس ان الدنيا مو شايلته

غير عن حنين اللي كانت متوتره وخايفه .. واهيه بالصالون كل شوي تبجي وامها وخالتها يهدونها ..


ليال اعتذرت من حنين لأنها ما قدرت ترد الديره ..

وبوقت دخله حنين و فواز صاله العرس ..

كانت حنين لابسه فستان اوف وايت حلو وناعم وتسريحتها ومكياجها كله ناعم وصير حلوة وتهبل ..

وكانت تشوف الناس تشوفها .. وشتوف امها ماسكه اخوها وتشوفها والدموع بعينها ..
ورفيجاتها وكل اهلها مستانسين لها ..

ودشت على اغنيه البدر

حد منكم شاف في الدنيا بدر *** مقبلٍ يمشي و من حوله بشر

من حلاه يزف للناظر ضياه *** ان ظهر للناس و لا ما ظهر

هذا ما هو بدر ليل يختفي *** مع طلوع الصبح و بزوغ الفجر

او بدر يصبح بعد مده هلال *** هذا بدر مكتمل طول الشهر


هي عروس النور في هذا الزمان *** هي ملاكٍ بس في صورة بشر

من غلاها انقول صلوا على الرسول *** يا اللي شفتوها بقلبٍ او نظر


الله يا نور في ها الدنيا نراه *** مستحيل ان نشوفه في بشر

و التقت شمس الظهيره بالقمر ***

و في محياها بدى الصبح بضياه *** مشرقً و خدودها واحة زهر

و العيون الي كما عين المهاه *** تمتزج فيها البراءة بالسحر


الليله .. الليله محلاها الليله *** الليله .. الليله حلوة و جميلة


شعرها ليل كسا الدنيا دجاه *** حالك متحدر كانه نهر

يحسبه قطعة حرير من رآه *** و الحقيقة هو حريرٍ من شعر

و الحسام الي صفا الوجنه كساه *** يبعث اشواق الحواجب للثغر

و الثنايا كالبرد بين الشفاه *** او كحبات الندى و لا المطر


عذبةٍ لو تلمس اطراف الحياه *** كل غصن فتح بوردٍ حمر

و العفاف بروحها يسقي بوفاه *** و الوفا في عينها النجلاء سهر


شاعر الوجدان واحلامه سماه *** مبدع و احساسه المرهف شعر

ماخذ من وصفه مبتغاه *** يا عسى الله يوهبه طولة عمر

الله يحفظها و يسعدها معاه *** شيخ بطيبة فواده يشتهر

والله يجعل كل دنياهم هناه *** يكتسي بالسعد كله و البشر


كان فواز يسولف معاها طول الوقت وكان حاس بارتباكها .. وحنين ما كانت معاه كل تفكيرها في بعد ما يطلعون ..



ومر العرس بسرعه بدون ما تستانس فيه حنين .. بسبب تفكيرها اللي ذابحها ..

وكان فواز حاجز اول ليله بفندق ..

خلص العرس صعدو السياره ..

فواز : اخيراااااا يا حنين انا معاج وبس
حنين : ..
فواز : حنون شفيج ساكته
حنين : مافيني شي
فواز : تعبانه ؟
حنين :لا عادي
فواز : مستانسه حبيبتي ؟
حنين : أي وايد
فواز : الحمدالله


ووصلوا الفندق .. فواز بدل وقعد بالصاله ينطر حنين .. وحنين بالحمام مو قادره توقف بجي وخايفه ..

فواز يطق الحمام على حنين : حنين يالله انا يوعان ترى اكل عنج
حنين : كاني بطلع

اطلعت حنين بعد ما مسحت دموعها وبدلت ..

فواز : يالله حبيبتي تعالي ناكل
حنين : لا مو مشتهيه
فواز : يالله عشاني
حنين : مو مشتهيه فواز والله
فواز : مو بكيفج غصبا عليج

وكلت حنين مع فواز شوي بعد ما غصبها .. وبعد ما خلصوا .. راحوا غرفتهم

قرب فواز من حنين .. وحنين كانت تصده .. ​

 

[spongebob93]

امبــــي @@
شراح يصييير امبي بس لا تقول حق فواااز :eh_s(2)::eh_s(2): ياارب يستر عليها :eh_s(2):
نااااطريييينج ..

 

[miss disaster]

الله يستر ما ندري فواز شبيسوي لو درا


؟؟؟؟!!!!!!!!!!!!!!

 

[cute princess]

وي الله يستر :×
انشالله تعدي على خير :×

 

[كويتية و النعم]

الله يسترر ..!
ان شاء الله تعددي هالليلة على خييير !!
مشكووورة حبيبتي و اخذي رااحتج ..

 

[كاسبرينوو]

وااااو البارت عجيييييب
يعطيج الف عافيه حبيبتي
والله يستر من فواز ومسكينه حنين .. اي خو جان قلتيله وفكيتي عمرج !؟
وهالوجدان الله يستر منها بعد حاستها موهينه وراها شي انشالله مايكون اللي فبالي صح .!؟!؟

 

[fato_kw]

الله يستر حرااام شلوون بتتصرف شلون بتكلمه ولا بتسكت لو قايلتله من اول احسن

مسكيينه ربي يعيينها ويستر ياااااااااااارب


مشكووورة حبيبتي عالبارت واايد حلوو

وناطرين البقيه

 

[shoOshii]

waaaay mskena 7neen alah yster
bs lo gayla 7g fwaz mn gabel a7san
then dndoush 3l par
wating

 

[هاناا]

وااااااااااااااااااااااي
الله يستر من الي راح يصير
مسكينة حنين


و شكلها وجدان راح تخطف ناصر من ليال


ناطرينج حبوبة

اخذي راحتج

 

[ReRez]

لا تقوله وان شاءالله تعدي السالفه على خير

شوفو القصص اللي اهني اللي يخربطون السالفه معاهم اتعدي على خير مادري اشلون استغفرالله

واللي مظلومين ينكشفون اشهالحياة!!

الله يستر علينا بس
--

و وجدان مو مرتاحه لها .. الله يستر

 

[ReRez]

اي مشكووره دندووشه حبي

ناطرينج اماانه لا تطولين وايد تره اعصابي مسكينه

:eh_s(2): :eh_s(2):

 

[احب الصالحين]

مشكورة اختي على البارت
حنين والله بتزعل الله يكون بعونها
وفواز يتقبل الشئ الصار معاها

 

[UNiQe^PRiNceSs]

الله يستر امبيييه

انشالله ما يصير شي :eh_s(1):

وانا مو مرتاحه حق وجدان احسها راسمه على شي :eh_s(4):

ثانكس حبيبتي ناطرييينج ل تطولييين ​

 

[توتا كويتيه]

مشكوووووووووووووووووووووووووووووووره
واتمنى ما طولين علينا

 

[غلا دنيتي جابر]

امبي الله يستر بس
الله يكون بعون حنين ..
ووجدان ما ادري ليش احس بتصدم ليال
وشكل ليال لا ردت بتلقى ناصر متزوج وجادن ووو<<اوووص انتي وخيالج ها الي كله سلبي

احم
المهم ثانكس على البارت
وووناطريينج قلبووو

 

[ReRez]

المهم ثانكس على البارت
وووناطريينج قلبووو

اوو ماعرفتج وانتي بهالنك بس قريت توقعيج عرفت ان انتي ام فنر :×

غيرتي اسم ولدج من فنر لي جابر؟؟ :tomato2:

ههههههه ^_^

 

[Q8ya-cool]

تسلميــــــــــــــــن حياتو ع البارت النايس مثلج

 

[Virgoan]

هــــــــــــــــلا و غــــــــــــــــلا

وي يعل ايدج السلااااامة على هالبارت قلبي انتي

فقدناج

و انا من الله استظرفج والله ذرررربة اسم الله عليج, الله يحفظج مــــــــــا قصرتي عالمجهود و ناطرين منج اللي تكتبينه حبيبتي

ألف شكر


عاااد ناااطرة حنين و اهي تقول حق فواااز

 

[Bent extra 3asal]

عجيييييييييييبه القصه توني قريت كل البارتات

ناطرينج حبوبه على احر من المر بس لا تتطولين علينا انتي تطويلين والصراحه ما فيني صبر اكثر