‘ لا وحسآإفه .. كنت أشوفك ملاآكي ..! ~ قصه واقعية .. روايتي الثانية .!

[شهدوده]

اخيييييييييييييييييييييييه انا متااعبه القصه خلف الكواليس مو طبيعيه تسلم ايدج ... ونااطره البارتاات اليايه اللي يستر

 

[Strawberry Shortcake]

نااااطريين الباارت

 

[b6ooo6a*_*]

ناطرينج

 

[غيآبڪ عذآبي]

دندوشش موفقه حبيبتي ~..

ولآ تطولين علينآ أكثر من جذي =(

 

[noof>>]

الله يوفقج بالامتحاااان

ناطريينج

 

[شهدوده]

وينج ؟؟؟

عفيه لا تطولين عليناا

 

[7sawya 3sal]

ylla glbe 6wltay 3laina ;p

 

[miss disaster]

ناطرينج

 

[SoS <3]

Rwwwww3a aNa mN Ftra 8aRyTOm Bs Ma KaN Fe FeR9aa aReeD

Bsss Ma sHH2 allaH 3leeecH eBdaaa3

w Na6ReeeeeeeeeeNeecH

 

[فيلجـ كول ـاويه]

كح كح واااايد تأخرتي حبيبتي

 

[كويتيه سبيشل]

القصه روووووووعه
ناطرين البارت الياي

 

[ba6re8a]

حبايبي دانيا متنح معااها المنتدى موراضي يبطل

هاكم البارت توه دازتلي اياه بالايميل

تفضضضضضضضضضضضضضضضضضضلو :balo:

البارت 16







كانت ليال بالجامعه .. تبي تسوي حق ناصر مفاجأه ..

راحت تدوره

وفجأه شافته

ووقفت منصدمه ..



كان ناصر قاعد على طاوله ويمه بنت يسولفون ويضحكون .. والبنت لازقه فيه شوي وتقعد بحضنه



وقفت ليال منصدمه تشوف ..



ومشت قبل لا يشوفها ناصر



..



هذا اول يوم لها بالجامععه



كانت تمشي بالممرات



ما تدري وين تروح !! بس دموعها كانت تطيح



شافت حنين بويهاا



حنين : ليااال



ليال طالعتها .. ولفت ومشت عنها .. ما ودها تشوفها وهيه تبجي



حنين نادتها ولحقتها .. بس ما قدرت توصل لها ..



اطلعت ليال من الجامعه وقعدت على كرسي ودقت على السايق عشان ايييها ..



..



حنين لفت الجامعه تبي تشوف ليال وتدق عليها بس ما ترد



وفجأه شافت بوييها فواز ..



فواز : حنين

حنين منزله راسها : هلا فواز

فواز : عاش ما شافج

حنين : عاشت ايامك

فواز : ها شلون اول يوم عسى ما ضعتي بالجامعه

حنين : ههههه لا اوكي

فواز : حنين احبج

حنين : فواااز عيب احنا بالجامعه

فواز : عادي ما يهمني خل الكل يدرون اني احبج

حنين : فواز تكفى خلاص روحي مو حلوة احد يشوفني معاك

فواز : عاادي خو انتي بنت خالتي شفيها

حنين : عشاني فواز

فواز : اوكي بس خليني اشوفج حنين تكفين لا تحرميني منج

حنين : اوكي



ومشت وخلته ..



صج تحبه .. مو بس تحبه تعشقه ومتعلقه فيه .. بس كل لحظة تكلمه



في بالها خالها واللي فيه



ما تقدر تنسى ..



بس تحاول تتناسى ..



..



ليال ردت البيت تبجي .. ودشت البيت وكان ابوها مع امها قاعديين



سلوى : ليااال شفييج ؟

ليال : يمممه



ولمت امها تبجي حييل ..



سلوى : شفجي حبيبتي عسى ما شر

راشد : ليال كلمينا يبه شفييج صار شي؟

ليال : انا تعباانه ( وتشاهق بالبجي )

سلوى : ميخالف يمه هدي شوي شوي وقوليلنا شصاير

ليال ( بس تبجي )



راشد : سلوى خذيها غرفتها خل ترريح وتهدى وبعدين تقول لنا

سلوى : أي احسن



خذت ليال وصعدت معاها غرفتها .. وتمت معاها لما غمضت ليال عينها ..

اطلعت سلوى من الغرفه ..



ولما سمعتها ليال فتحت عينها وصارت تبجي



" ليش يا ناصر لييش .. انا عمري ما فكرت بهالسوالف وعمري ما حبيت شخص مثلك .. والحين تجازيني بالخيانه آآه ""



وفجأه رن موبايلها شافت الشاشه كان ناصر اللي داق ..



قطت الموبايل يمها وزادت بجي



..





هنادي تكلم عيسى بالتلفون ..



هنادي : تكفى عوويس

عيسى : هيي شنو عويس ؟ اصغر عيالج .! احترمي نفسج فاهمه

هنادي : حلوة تخليني ادش بروحي

عيسى : لو تموتين ما ادش معاج تبيني ادش معاج وانا ماخذج غصبا عني

هنادي: تكفى عيسى خلاص خل ننسى اللي فات

عيسى : اذا انتي تقدرين انا ما اقدر انسى ..

هنادي : عيسى انا احبك

عيسى : انا ما احبج ولا ابيج ما تفهمين ؟ ما عندج كرامه

هنادي : هم احبك

عيسى : ماكو فايده معاج .. تفو عليج والله اللي يفكر يكلمج وان دقيتي والله اوريج شغلج

هنادي : عيسسسى انطر



سكر الخط بوييها ..



نزلت دموع هنادي " الله يعيني عليك يا عيسى "



..



مرت يومين وليال نفس حالها كله بغرفتها وتبجي ومحد يدري شفييها !!



وناصر يدق يدق وما ترد ..



ناصر : فوااز مادري شفيها ما ترد

فواز : اممم والله مادري شقول لك

ناصر : تكفى كلم حنين خل تشوفها

فواز : زين الحين اكلمها وارد عليك

ناصر :بسرعه انطرك

فواز : اووكي





دق فواز على حنين ..

فواز : الوو هلا حبيبتي

حنين : هلا

فواز : حنين ابيج بشغله ضروري

حنين : هلا آمري

فواز : ابيج تشوفين رفيجتج ليال شفيها

حنين : ليش ؟ شفيها ؟ شصاير

فواز ( قال لها عن موضوعها مع ناصر )

حنين: فواز عن جد صدمتني

فواز : ليش معقوله ما قالت لج وانتي رفيجتها

حنين : والله ما ادري وما عمري شكيت فيها لأنها رفيجتي وادري ما عندها هالسوالف !

فواز : والله كسر خاطري ناصر يحاتيها وايد

حنين : خلاص الحين ادق اشوفها

فواز : اوكي بسرعه وطمينيني ..





حاولت حنين تدق على ليال مره مرتين ثلاث مرات .. وبعد محاولات ردت ليال ..



ليال : الو

حنين : ليالووووو ووييعه ويينج

ليال : كاني شتبين

حنين : لياال شفييج ؟ شفيه صوتج ؟

ليال : تعباانه حنيين

حنين : ليال ترى ناصر يسأل عنج ويحاتييج

ليال : ناصر !

حنين : أي ترى ناصر قال حق فواز وفواز قالي كل شي

ليال : ( تبجي )

حنين : ليااال ليش تبجيين شفييج علميني

ليال : مادري حنين مادري

حنين : شنو ما تدرين قوليلي شصاااير !

ليال : انا احب ناصر .. ( وبجت )

حنين : ادري ليال واهوه يحبج .. بس شاللي سواج جذي شاللي يبجي بالمووضوع !

ليال : شفته يخووني حنين

حنين : هاا ! شلوون



وقالت ليال القصه كلها حق حنين ..



حنين : لا حول ولا قوة الا بالله

ليال : اول مره احس اني مو قادره اتحمل .. انا احبه حنين ..

حنين : والله مادري شقولج انا ما توقعت ناصر يسويها مو مبين

ليال : قص علي حنين .. انا عمري ما فكرت بمواضيع الحب والخرابيط والحين لما حبيت انسان شوفي شسوالي !

حنين : هدي هدي حبيبتي كل شي ينحل

ليال : قلبي يعورني حنيين

حنين : اسم الله على قلبج .. شرايج امرج نطلع

ليال : مالي خلق

حنين : خلاص ايي اقعد معاج

ليال : أي تكفين

حنين : اوكي ابدل واييج

ليال : اوكي ناطرتج



سكرت الخط حنين واهيه منصدمه من ناصر ..



وبدلت وتوها بتطلع رن موبايلها



حنين : الو

فواز : هلا حبيبتي

حنين : هلا

فواز : ها شصار

حنين : روح قول حق رفيجك الخاين الجذاب يووخر عن رفيجتي احسن

فواز : هاا

حنين : كلكم جذي ! كلللكم جذي مافيكم احد زين .. اكرهكككم

فواز : حنيين شالكلااام

حنين : عمري ما صادفت ريال زين بحياتي ولا بشوف

فواز : حنين عييب شتقولين انتي

حنين : خلاص فواز انا بسكر باي

فواز : نطري حنين

حنين : باي !



وسكرت الخط بويهه



" اكرهكم .. ابوي .. خالي .. عادل .. كلكم اكرهكم "



صعدت السياره واهيه حابسه دموعها ومتماسكه جدام فواز واهوه حرق موبايلها من الاتصالات والمسجات ..



..



فواز دق على ناصر ..



ناصر : ها بشر

فواز : ناصر !! انت شمسوي !

ناصر : شمسوي شصاير



وقال فواز حق ناصر السالفه ..



ناصر : امممم

فواز : ممكن تفهمني

ناصر : ماكو شي الظاهر تتخيل

فواز : اتمنى

ناصر : انا اخليك باي

فواز : باي





مرت الايام والعلاقه منقطعه بين حنين وفواز .. وبين ناصر وليال ..



وكانت حنين كل يوم تمر ليال تقعد معاها او يطلعون مع بعض ..



حنين كانت تداوم بالجامعه وكانت تتحاشى تشوف فواز .. بس ليال ما كانت تداوم .. واهلها مو عارفين شفيها .. ومحد قادر يغصبها على شي ما تبيه .



ويه يوم عرس هنادي وعيسى ..



كانت هنادي حلووة .. وكانت ساحره الكل سواء بفستانها او بمكياجها او بتسرحيتها .. وحتى جسمها الحلو ..



دشت هنادي بروحها بدون عيسى ..



كان ودها تفرح بهاليوم حالها حال أي بنت .. لكن الفرحه ما تكمل ..



كانت تشوف امها وخواتها مستانسين واهيه خايفه من اللي ياي .. وكانت تدعي الله ان يحنن قلب عيسى عليها ويحبها ..



خصل العرس وانزفت هنادي لي البيت .. لأنهم بيسكنون بشقه منفصله في بييت راشد ..



وطبعا عيسى رفض ان يروح العرس او يصور مع هنادي .. او حتى ان يحجز فندق ..



دشت هنادي الشقه .. وكان عيسى قاعد يطالع تلفزيون



ما تهمه .. ولا حتى طالعها ..



هنادي : السلام

عيسى : هه ! مبروك عرسج

هنادي حقرته وراحت يم الحمام



عيسى : اول مره اشوف وحده ما عندها كرامه نفسج

هنادي : قول اللي تبيه بتحملك !

عيسى : عشتو الصبوره



دشت هنادي الحمام وبدلت ولبست قميص نوم حلو وحطت مكياج خفيف



كانت تتمنى تحرك مشاعر عيسى .. يمكن يحبها او يحاول يحبها .. او يتقرب منها عالاقل !



اطلعت وشافت عيسى قاعد مثل ما اهوه ..



راحت قعدت يمه ..



عيسى : شتبين ؟!

هنادي: عويس احبك والله

عيسى : حبتج القراده

هنادي : عيسى لا تعذبني حرام عليك

عيسى : تبين اريحج واونسج ؟!

هنادي : ياليت

عيسى : زين ثواني وايي



طلع عيسى من الشقه .. وبعد خمس دقايق رد



وفتح الباب وبيده عصا​

 

[ba6re8a]

اهم شيييييييييييييييييي العصاييييييييه

 

[so_what]

يسلموو على البارت ، ناصر حرام عليك ليش جذي ، و عيسى من اولها عصا الله يستر :x ، و ليالي ما كسرت خاطري مادري ليش:eh_s(3):

 

[احب الصالحين]

يسلمو على البارت
سلمت يداك وجزاك الله كل خير

 

[G!RLooNa]

يسلموو ما بغا ينزل البارت

نصور شسالفته !

ووو عيسى استخف رسمي

 

[7sawya 3sal]

7aa8er ay shy @@

 

[&اسرار العشق&]

وييييييييييييييييع قطع عيسوووووووو سخيف جبح وييييهه الله يصبر هنادى عليه معنها جريئه وماتستحى وناصر ليش سواا جذى مالت عليهم الشباب الخيانه صارت شى عاااادى وحنين مسكينه لو تفتح قلبها حق فواز احس قلبه طيب وراح يتفهم موقفها مع خالها الزفت

 

[غيدآء]

واااااي يا بطني وربي مت ضحك اهم شي العصايه قاعده اتخيل المشهد هههههههههههههههههه


بليز لا تتاخروون علينا بالبارتات لانه القصه تشووق وحلووووووه

 

[zooz92]

ويييي الله يستر من عيسى :s

وحنين شله تقطع علاقتها بفوااز حرام =\

يعطيييج العاافية على البااااارت حبيبتي

نااااطرينج ;**