لا تتعبني يكفي القلب مجروح
لا قلت احبك اسكت واسمعني
ماجيت ادور فيك لوعات وجروح
جيتك وانا كلى امل تسعدني
جيتك وانا كلى احاسيس ووضوح
جيتك ابي لو ساعه تفهمني
والله ماغيرك سكن داخل الروح
ولا غيرك انت وسط قلبي وعيني
والعاشق الى يعشق بصدق مفضوح
ღ♥ღ ღ♥ღ
لو بغيت انسى غرامك وأنسحـب
مايطيع القلـب وأنتـي تفهميـن
ترسلين الموت بأطراف الهـدب
من سهوم العين جـرت الونيـن
عـذاب الصـد هاتيلـي سبـب
فكري في الذنب وأنتـي تقتليـن
ما سألت النار عن ذنب الحطـب
أحترق في صمت وأنتي تنظريـن
ღ♥ღ ღ♥ღ
طمنوني عن حبيبي كان مريتوا عليه
وعلموني كيف عايش طمنوني كيف حـاله
يا ترا مرتاح ولا صار بعدي شي فيه
واسألوه ان كان حبي لين ها اللحظه في باله
يعلم الله ما نسيته واني اتألم وابيه
وان ما ليلة و مرت الا داعبني خـياله
وان لين هالحين وقلبي واقف له يحتريه
نادر في حبه ونادر في غلاه وفي وصاله
حالف ان شفته لا ضمه وسط قلبي واحتويه
واني لاخلي حياتي كلها تصبح حـلاله
ღ♥ღ ღ♥ღ
ليت الزمن يجمعني الوقت ويـاك
وانسي ببعدك جرح قلبي كوانـي
المس بكفـك راحتـي ماتعـداك
ويطيب كيفي باللقـاء ياحنانـي
أشم ريح الورد من طيب ملفـاك
ياللي غلاتك حايزه مـن زمانـي
فيها عطر ا شمها بكـف يمنـاك
سلمت لك روحي بك القلب حاني
ღ♥ღ ღ♥ღ
تبخل علي ان قلت لك حيل مشتـاق
وأنا عشانـك مـا بخلـت بعطايـا
يا صاحبي كانـك تهنيـت بفـراق
والله لنـزل دمعتـك مـن رجـايـا
والله لخلي قلبـك يمـوت باحـراق
واعلمـه وشلـون يبخـل معايـا!!
أقسم برب الكـون وهٌـاب الأرزاق
لذوقـك مـن كـاس مـري جفايـا
ღ♥ღ ღ♥ღ
يــا قـلــب سامـحـنـي عـلــى كـــل زلـــة
أخطيت في حقـــــــــك كثير وتماديـت
عـلـمـتــك أدروب الـــهـــوى والــمــذلــة
عليك يا قلــــبي قســـــــــيـت وتجنيـت
يـامـا نصـحـت وقـلــت مـــن صـــد خـلــه
لا شــــك ما طاوعت يومــــــــــك تخليت
والـيــوم دمـــع الـحــزن عـيـنــي تـهـلــه
يا ليتني طاوعـــت شــــــــورك وصديت
ღ♥ღ ღ♥ღ
تخيلـوا الليـل بلانجـوم ولاقمـر
والنهار بلا شمس والغيم بلا مطـر
وش هي الصحاري من غير الّزهـر
وش يعني البحر من غيـر الـدرر
هذا أنا عشت الحب وعشقت السهر
وشق نور الفجر وحبي قدامي انتحر
ღ♥ღ ღ♥ღ
قلـت انـا احبـك ولكنـي احـب
امي اكثـر منـك بفـارق كبيـر
امي اللي قلبهـا عـن كـل قلـب
شفت منها في حياتـي كـل خيـر
امي اللي حبهـا مـن جـد حـب
يا حلات احساسها العذب الغزيـر
ان تعبت النوم يرفـض لا يطـب
عينها حتى تعـرف انـي بخيـر
ان بغيت احسب غلاها ما نحسـب
احسب احسب لكن اغلط في الاخير
هاذي امي قلبها عـن كـل قلـب
كيف اقارب حبها مع حـب غيـر ؟؟؟؟؟
ღ♥ღ ღ♥ღ
كان هذا تغلي والله اني لجيـــك
انت روحي و روحي يا بعدهم فداك
تاج راسي و رأس الهوى يحتريك
دق بابك غرامي افتح الباب جاك
عاشق خط عمره بين رجة يديك
عاشــــق رعشـــة شفاك
كل حرف يخطه دوم يسال عليك
لعنبو حي حيك ماذبحني سواك
ღ♥ღ ღ♥ღ
مايأثر فيك الكلام ولا العتاب والملام
ولا حـتى الخصام حرام والله حـرام
وين أنت ووين أنا بعدك لحاله هو عنا
أجي والا تعال هنا ونعيش أحلى غرام
عودتني على الدلال عيشتني فوق الخيال
سحرتني بالجمـال ذوبتني بالأحـلام
واليوم تغيرت ياغالي صرت تتركني لحالي
ولا تسأل عن حالي ولا تدري متى أنام
ღ♥ღ ღ♥ღ
ارحم عليل الحـب عاملـه برفـوق
انصف وعط راعى المحبـه حقوقـه
حق على العاشق يطيع امر معشـوق
وعيب (ن) على المعشوق يمشى لعوقه
لوغبت لوصديـت لـو بقتنـى بـوق
نفسى علـى شوفـك تراهـا شفوقـه
