ღ♥ღღ صـ ، ـ ، ـ ، ـرح المعـ ، ـ ، ـ ، ـالي ღ♥ღღ

[دلوعة الكويت]

ღ♥ღღ صـ ، ـ ، ـ ، ـرح المعـ ، ـ ، ـ ، ـالي ღ♥ღღ

.


.


.

دام الخصــام وصافي الود مادام

والجو ما هو صافيا في كتامه

ناسن كذا عاشوا على شر وخصام

تسعى لتخريب العمار وهدامه

نسمع كلام لبعضهم مثل الأحـلام

ونصدقه ويعود يخلف كـلامه

شئ نعرفه من صغيرين الأحجـام

ماهو على هالمستوى والضخامه

صارت بها الدنيا مشاريع واحكام

فيها نرى المأموم يسبق إمامه

بعض الأوادم مهنته كسب الاثام

واليا فرغ منها لبس له اعمامه

اليا متى نمشي على درب الأوهام

وإليا متى نتبع سواد الجهامه

ياخوفتي نمشي ورى الزول قدام

ولاعرفنا من ورى هالعدامه

نمزح ونضحك للدعايه بالأفلام

والكل يخفي خنجره في حزامه

بقلوبنا تخفى احـاسيس وآلالام

ووجوهنا نلصق عليها ابتسامه

الشك في من حوله الشك لاحام

ومن قارب التهمه يجوز اتهامه

اسياد مـا ضني يكونون خدام

الاجنبي يلعب بهم لعب دامــه

من اونس الذلة على العز وانضام

اصبح يبرد ذلتــه وانهزامـه

من يالف العيشه على الذل وينام

هذا تساوت عيشته وانعدامــه

يمكن يموت اللي سعى دون مرام

واللاش من طبعه يريد السلامـه

صرح المعالي يصعده كل ضرغام

ما يقنعه عن اسلفـه غير هامــه

من رامهــــا جد الليالي ولانام

ماطال عن كسب المعالي منامــه

دنيا على هالحال عامن ورى عام

نرتع بها والكل فالت ازمامـــه

لا يمنحون المبتلي جــود وقـدام

ولا يخلونه يفك التزامــــــه

اوضاعنــا ثوبن ردي بايد الخام

لو خيطوا جيبه تسرد اكمامـــه

عهد الضعيف من القوى جور والزام

مثل العهد بين الصقر والحمامـــه

غير الكلام وما نخطــــه بالأقلام

ما عندنــــا يا حيف كود الملامه

يارب سترك من على ذقنه الـــزام

عقب الحلاقه مـــــا تفيد الندامه

تحمي هل المعروف للخـاص والعام

اللي بهم نفع وملاذ وشهامـــــه

طالبك يا من هو على الغيب عــلام

يا رب عنـــــا تنجلي هالغمامة


الشاعر: الشيخ / عبد العزيز سعود الصباح

 

[شمعه ذوبها الغلا]

رد : ღ♥ღღ صـ ، ـ ، ـ ، ـرح المعـ ، ـ ، ـ ، ـالي ღ♥ღღ

روووووووووووعه يا دلووووووعه

وصححح لسانه الشاعر من زمان ودي بتكملة القصيده هذي

يعطيج العافيه

 

[الغلاااااااكله]

رد : ღ♥ღღ صـ ، ـ ، ـ ، ـرح المعـ ، ـ ، ـ ، ـالي ღ♥ღღ

ما اقدر اقول اكثر من انها ابدااااااااااااااااع
وروووعه

تسلم ايدج ياعمري

 

[دلوعة الكويت]

رد : ღ♥ღღ صـ ، ـ ، ـ ، ـرح المعـ ، ـ ، ـ ، ـالي ღ♥ღღ

حيااااااكم الله منورين

 

[ملوك الكويتية]

رد: ღ♥ღღ صـ ، ـ ، ـ ، ـرح المعـ ، ـ ، ـ ، ـالي ღ♥ღღ

بقلوبنا تخفى احـاسيس وآلالام

ووجوهنا نلصق عليها ابتسامه


رووووووووووووووعه لاهنتي يا الغلااااا