,’
,’
الدمعه اللي سطّرت "فصل الرحيل"
...... ودّعتهآ .. و عيني يفيض انْتاجها !
والضيقه اللي هزّت انسانٍ ثقيل
...... ( إسمك ) حمل تنفيذها واخْراجها
ربي خلقني أتبع الخير الفضيل
..... و لا خير في دربن يثور اعْجاجها !
و ربي فطرني أجزيَ الطيب ابجميل
...... و المرجله أعْرِف أصِل مِنهاجها
و مبدأ حياتي عن صراطه ما أميل
...... لو ضاقت الدنيا علي بفجاجها !
و الحاجه اللي في يدِك يا هالبخيل
...... نفسي تعافه , لو تكون اعْلاجها
أوّل أشوفك شخص ِ ماله من مثيل
......واليوم عيني لك ( تِعَقْدِ احْجاجها )
قد قيل ما تزرع تِحَصْده بالحصيل
.......( حكمه ) ولكن قد قلبتي صاجها
آنا زرعت الطّيب والعلم الجليل
.........في أرض فيها الخير ما قد داجها
فـ سبحان من فرّق خليل ٍ عن خليل
.............. يوم المحبّه أتعِبَت محتاجها
ويالله إني أطْلِبِك صحوِ وْ مقيل
............ إنك تعالج كربتي بفراجها
,’
